Yoel 2:27 - ŊMALƐ KRƆŊKRƆŊ LƐ

²⁷ No lɛ Israelbii, nyɛaana nyɛle akɛ miyɛ nyɛteŋ; nyɛaana nyɛle akɛ mi ji nyɛNyɔŋmɔ lɛ, ni misɛɛ lɛ mɔ ko bɛ dɔŋŋ. Agbeŋ mimaŋ lɛ he guɔ kɔkɔɔkɔ dɔŋŋ.

Ṅmãle̱ Kroṅkroṅ Le̱

²⁷ Ni nyeanã́ nyele ake̱ miye̱ Israel teṅ, ni midši Iehowa, nye-Nyoṅmo̱ le̱, ni mise̱ le̱ moko be̱, ni mimaṅ le̱ hĩe gboṅ gbĩkogbĩko!

Yoel 2:27 ပူးပေါင်းရင်းမြစ်များ

Lalai 46:5

Nyɔŋmɔ yɛ emaŋ lɛ mli; nɔ ko nɔ ko haŋ maŋ lɛ afite. Nyɔŋmɔ aaaye abua lɛ leebi maaŋkpa.

Lalai 68:18

Okwɔ kɛtee gɔŋ grɔŋŋ lɛ nɔ, kɛ nomii ni nyiɛ osɛɛ, ohe nikee kɛjɛ mɛi, mɛi tete ni te shi wo bo lɛ adɛŋ, Yehowa, Nyɔŋmɔ lɛ, baahi jɛi.

Abe̱i 1:23

Kɛji mikã nyɛ lɛ, nyɛboa toi. Naa, mafɔse mimumɔ mawo nyɛmli, ni mahã nyɛyoo minilee wiemɔi lɛ hu.

Yesaia 12:6

Ao, nyɛ Zion maŋbii, nyɛbolɔa, ni nyɛnyaa, ejaakɛ Israel Mɔ Krɔŋkrɔŋ Koome ni da lɛ yɛ nyɛteŋ.”

Yesaia 44:3

Ejaakɛ mibanɛ nu mashwie shikpɔŋ ni yeɔ nu kumai nɔ, ni mahã fai atue yɛ shikpɔŋ gbiŋ lɛ nɔ. Mahã oshwiei ayimɔ obɔ̃bɔ̃ kɛ mimumɔ lɛ, ni mijɔɔmɔ aaahi oshwiei anɔ.

Yesaia 44:8

Nyɛhe akakpokpoa ni nyɛkashea gbeyei! Ani jeee blema beebe mijɛ mikɛɛ nyɛ, ni nyɛnu kɛjɛ minaa? Nyɛ ji midasefoi! Ani misɛɛ lɛ Nyɔŋmɔ ko yɛ? Tɛsaa ko bɛ he ko he ko, mileee eko.”

Yesaia 45:18

Ejaakɛ bɔ ni Yehowa mɔ ni bɔ ŋwɛi lɛ, Nyɔŋmɔ mɔ ni shɔ̃ shikpɔŋ lɛ, ni ewaje lɛ ema shi shiŋŋ, ni ebɔɔɔ lɛ koni ekã shi efolo, shi ebɔ lɛ koni ahi nɔ lɛ kɛɛ nɛ, “Mi ji Yehowa, ni kɛjɛ mi, misɛɛ lɛ mɔ ko bɛ dɔŋŋ.”

Yesaia 45:5

“Mi ji Yehowa, ni mɔ ko mɔ ko bɛ dɔŋŋ; mi misɛɛ lɛ Nyɔŋmɔ ko Nyɔŋmɔ ko bɛ. Mahã ona hewalɛ tsɛbelɛ oleee mi,

Yesaia 45:6

koni kɛjɛ hulushiteehe kɛyashwie anaigbɛ fɛɛ lɛ, adesa ana ale akɛ mi misɛɛ lɛ, mɔ ko mɔ ko bɛ dɔŋŋ.

Yesaia 46:9

Nyɛkaia blema teteetenii lɛ. Mi nɔŋŋ ji Nyɔŋmɔ, ni mɔ ko mɔ ko bɛ sɛɛ dɔŋŋ. Mi ji Nyɔŋmɔ, ni mɔ ko mɔ ko bɛ ni tamɔ mi.

Yesaia 49:23

Maŋtsɛmɛi aaatsɔmɔ tamɔ tsɛmɛi aha nyɛ, ni maŋnyɛmɛi aaatsɔmɔ tamɔ yei fufɔhalɔi ahã nyɛ. Amɛkɛ amɛhiɛ aaabumɔ shi, amɛaakoto nyɛ, ni amɛaalɛmɔ nyɛnaji ahe mlu. Kɛkɛ lɛ nyɛaana nyɛle akɛ mi ji Yehowa. Mɛi ni hiɛ kã minɔ lɛ, amɛhiɛ gboiŋ.”

Yesaia 53:6

Wɔ fɛɛ tswɛm wɔtamɔ toi ni edu gbɛ. Wɔteŋ mɔ fɛɛ mɔ ekɔ lɛ diɛŋtsɛ egbɛ, ni Yehowa kɛ wɔ fɛɛ wɔnɔsha lɛ fɔ̃ enɔ.

Ezekiel 37:6

Maha nyɛna fãi, ni mahã loo aba nyɛhe ni mahã hewolo aha nyɛhe. Mikɛ mumɔ baawo nyɛmli ni wala baaba nyɛmli, ni nyɛaana nyɛle akɛ, mi, mi ji Yehowa.”

Ezekiel 39:22

Kɛjɛ nakai gbi lɛ nɔ kɛyaa lɛ, Israel we lɛ baale akɛ mi, mi ji Yehowa, amɛNyɔŋmɔ lɛ.

Ezekiel 39:28

Kɛkɛ lɛ amɛaale akɛ mi, mi ji Yehowa, amɛNyɔŋmɔ lɛ; ejaakɛ mihã aŋɔ amɛ nom kɛtee majiasɛɛ, ni misaa miyabua amɛnaa kɛba amɛ diɛŋtsɛ amɛshikpɔŋ lɛ nɔ ekoŋŋ, ni mishiŋ amɛteŋ mɔ ko mɔ ko yɛ jɛi.

Ezekiel 39:29

Mafɔse miMumɔ lɛ mashwie Israel we lɛ nɔ, ni mitsiŋ mihe kɛjɛŋ amɛhe dɔŋŋ,” Nuŋtsɔ Yehowa kɛɛ.

Yoel 2:26

Agbɛnɛ nyɛaana nii pii nyɛaaye nyɛaatɔrɔ. Nyɛaajie Yehowa, nyɛNyɔŋmɔ lɛ, gbɛi lɛ yi, ejaakɛ etsu naakpɛɛ nii ehã nyɛ. Agbeŋ mimaŋ lɛ he guɔ dɔŋŋ.

Yoel 3:17

“Kɛkɛ lɛ nyɛaana nyɛle akɛ, mi ji Yehowa, nyɛNyɔŋmɔ lɛ. Mihiɔ Zion, migɔŋ krɔŋkrɔŋ lɛ nɔ. Yerusalɛm aaatsɔ̃ maŋ wulu krɔŋkrɔŋ; gbɔi nyɛŋ enɔ amɛye kɔkɔɔkɔ dɔŋŋ.

Zefania 3:11

Nakai gbi lɛ nɔ lɛ, nyɛhiɛ gboŋ dɔŋŋ yɛ nibii ni nyɛfeefee nyɛkɛtse mihiɛ atua lɛ ahewɔ, ejaakɛ majie ntɛŋfeelɔi ni woɔ amɛhe nɔ fɛɛ yɛ nyɛteŋ, ni nyɛwoŋ nyɛhe nɔ dɔŋŋ yɛ migɔŋ krɔŋkrɔŋ lɛ nɔ,

Zefania 3:17

Yehowa, oNyɔŋmɔ lɛ, kɛ bo yɛ, Taiatsɛ ni hãa ayeɔ kunim lɛ. Eeenya ohe kɛ miishɛɛ, eeeku sɛɛ esumɔ bo ekoŋŋ. Ebaala kɛ mliflimɔ yɛ ohewɔ,

Zakaria 2:9

Naa, mawo minine nɔ yɛ amɛnɔ, ni amɛaatsɔ̃ haanii amɛhã amɛtsuji ni sɔ̃mɔ amɛ lɛ. No nyɛkɛaale akɛ Yehowa Taiatsɛ lɛ ni tsu mi nyɛŋɔɔ.”

4 Mose 11:29

Shi Mose kɛɛ Yoshua akɛ, “Mi oyeɔ awuŋã ohã nɛɛ? Miná ni kulɛ Yehowa maŋ muu lɛ fɛɛ tsɔ̃mɔ gbalɔi, ni Yehowa fɔse emumɔ lɛ eshwie amɛnɔ.”

4 Mose 23:21

Minaaa akɛ osharã ko basharã Israel, aloo Israel he baajara lɛ. Yehowa amɛNyɔŋmɔ lɛ kɛ amɛ yɛ; lɛ amɛbɔɔ oshe amɛhãa akɛ amɛmaŋtsɛ.

2 Korintobii 6:16

Ni asaŋ mɛɛ ekomefeemɔ yɔɔ Nyɔŋmɔ Sɔlemɔtsu kɛ amãgãi ateŋ? Ejaakɛ Nyɔŋmɔ hiɛkãalɔ lɛ Sɔlemɔtsu ji nyɛ, tamɔ bɔ ni Nyɔŋmɔ kɛɛ akɛ, “Mahi amɛmli, ni manyiɛ yɛ amɛteŋ. Ni matsɔ̃ amɛNyɔŋmɔ, ni amɛ hu amɛaatsɔ̃ mimaŋ.”

5 Mose 23:14

Yehowa, nyɛ Nyɔŋmɔ lɛ, kɛ nyɛ yɛ jɛi bɔ ni afee ni ebu nyɛhe, ni asaŋ ehã nyɛye nyɛhenyɛlɔi lɛ anɔ kunim. No hewɔ lɛ, muji nɔ ko akahi shitoohe lɛ mli koni ehã Yehowa kpa yɛ nyɛsɛɛ.”

1 Petro 2:6

No hewɔ hu ni eyɔɔ ŋmalɛ lɛ mli akɛ, “Naa, mikɛ koŋtɛ miiŋmɛ shi yɛ Zion, tɛ ni ahala ni ejara wa. Ni mɔ ni heɔ enɔ yeɔ lɛ hiɛ gboŋ kɔkɔɔkɔ.”

Kpojiemɔ 21:3

Ni minu gbee kpeteŋkple ko jɛ maŋtsɛ sɛ̃i lɛ mli kɛɛ, “Naa, Nyɔŋmɔ shihilɛhe lɛ yɛ gbɔmɛi ateŋ, ni eeehi shi yɛ amɛteŋ, ni amɛaatsɔ̃ emaŋ, ni Nyɔŋmɔ diɛŋtsɛ kɛ amɛ aaahi shi.