Yoel 2:26 - ŊMALƐ KRƆŊKRƆŊ LƐ

²⁶ Agbɛnɛ nyɛaana nii pii nyɛaaye nyɛaatɔrɔ. Nyɛaajie Yehowa, nyɛNyɔŋmɔ lɛ, gbɛi lɛ yi, ejaakɛ etsu naakpɛɛ nii ehã nyɛ. Agbeŋ mimaŋ lɛ he guɔ dɔŋŋ.

Ṅmãle̱ Kroṅkroṅ Le̱

²⁶ Ni nyeaye nii pī ni nyeatŏ̱ro̱, ni *nyeadšie Iehowa, nye-Nyoṅmo̱ le̱, gbe̱i le̱ yi, edšake̱ eke̱nye eye ye̱ nākpe̱ gbe̱ no̱; ni mimaṅ le̱ hle gbōṅ gbĩkogbĩko. *5 Mose 8,10.

Yoel 2:26 ပူးပေါင်းရင်းမြစ်များ

1 Mose 33:11

Miikpa bo fai koni ohe midɛŋ nikeenii ni akɛbahã bo nɛɛ; ejaakɛ Nyɔŋmɔ eduro mi, ni misaa miyɛ nɔ fɛɛ nɔ hu.” Ni Yakob hiɛ Esau kɛ wiemɔ aahu kɛyashi be ni ehe nikeenii lɛ.

Nehemia 9:25

Amɛyaye maji ni atswa gbogboi awo amɛhe kɛ shikpɔji ni baa nii anɔ kunim, ni amɛna shĩai ni eyimɔ obɔ̃bɔ̃ kɛ nibii kpakpai fɛɛ: nubui ni atsatsai, wain tromi kɛ mutso tromi kɛ yelitsei babaoo amɛye, ni amɛtɔrɔ, ni amɛshwishwii; ni amɛmii shɛ amɛhe yɛ omlihilɛ kpele lɛ hewɔ.

Lalai 103:5

Lɛ ekɛ nii kpakpai duroɔ bo owalabeiaŋ fɛɛ; ni oblahiiaŋ tsɔ̃ɔ ehee tamɔ okropɔŋ.

Lalai 116:7

Oo, misusuma, kuu osɛɛ ni oyajɔɔ ohe, ejaakɛ Yehowa efee bo ejurɔ pii.

Lalai 13:6

Oo Yehowa, mala mahã O, ejaakɛ ofee mi ejurɔ.

Lalai 22:26

Ohiafoi aaaye nii, ni amɛaatɔrɔ; mɛi ni taoɔ Yehowa sɛɛgbɛ lɛ, aaajie eyi. Amɛyi ana wala kɛya naanɔ.

Lalai 37:19

Fimɔ bei amli lɛ, amɛhiɛ gboŋ, ni hɔmɔ bei amli hu lɛ, amɛaatɔrɔ.

Lalai 67:5

Oo Naa Nyɔŋmɔ, hã adesãi ajie oyi, hã adesãi fɛɛ kwa ajie oyi!

Lalai 72:18

Ajie Yehowa, Israel Nyɔŋmɔ lɛ, yi! Lɛ ekoome too efeɔ naakpɛɛnii.

Abe̱i 13:25

Jalɔ yɛ nii pii ni eyeɔ etɔɔ; shi mɔ fɔŋ lɛ musuŋ hɔmɔ po yeɔ lɛ.

Salomo Lalai 5:1

Minyɛmi yoo, miyɛmfro, miba mitrom lɛ mli, miibua mimire kɛ tsofaikɛŋmai anaa. Miiye miwo agbaku kɛ emli wo lɛ. Miinu miwain kɛ mifufɔ lɛ. Minanemɛi, nyɛyea ni nyɛnua, ni nyɛ, suɔlɔi, nyɛnua ni nyɛtɔrɔa!

Yesaia 25:1

Ao Yehowa, bo ji miNyɔŋmɔ; mibakafo bo, mibajie ogbɛi lɛ yi. Ejaakɛ otsu naakpɛɛnii. Oyiŋ ni oto kɛjɛ blema beebe lɛ oye ehe anɔkwa.

Yesaia 29:22

No hewɔ lɛ, bɔ ni Yehowa mɔ ni kpɔ̃ Abraham lɛ kɛɔ yɛ Yakob we lɛ he nɛ, “Agbɛnɛ Yakob we lɛ hiɛ gboŋ dɔŋŋ, ni ehiɛ eshwieŋ shi dɔŋŋ.

Yesaia 45:17

Shi Yehowa aaahere Israel yiwala kɛya naanɔ; nyɛhiɛ gboiŋ, ni asaŋ nyɛhiɛ eshwieŋ shi kɔkɔɔkɔ kɛyaashi naanɔ.’ ”

Yesaia 49:23

Maŋtsɛmɛi aaatsɔmɔ tamɔ tsɛmɛi aha nyɛ, ni maŋnyɛmɛi aaatsɔmɔ tamɔ yei fufɔhalɔi ahã nyɛ. Amɛkɛ amɛhiɛ aaabumɔ shi, amɛaakoto nyɛ, ni amɛaalɛmɔ nyɛnaji ahe mlu. Kɛkɛ lɛ nyɛaana nyɛle akɛ mi ji Yehowa. Mɛi ni hiɛ kã minɔ lɛ, amɛhiɛ gboiŋ.”

Yesaia 54:4

Kaashe gbeyei! Ejaakɛ ohiɛ eshwieŋ shi; ni ohe akajara bo, ejaakɛ agbeŋ ohiɛ dɔŋŋ. Ejaakɛ ohiɛ aaakpa oblayeiaŋ hiɛgbele lɛ nɔ, ni okulafeemɔ mli hejaramɔ lɛ okaiŋ dɔŋŋ.

Yesaia 55:2

Mɛɛba nyɛkɔɔ shika nyɛkɛheɔ nɔ ni jeee ŋmãa? Ni nyɛkɛ nyɛnitsumɔŋ nyɔmɔwoo heɔ nɔ ni hãaa mɔ atɔ? Nyɛboa mi toi jogbaŋŋ, ni nyɛfea nɔ ni makɛɛ nyɛ lɛ, ni nyɛaaye niyenii kpakpa fe fɛɛ, ni nyɛmii aaashɛ.

3 Mose 25:19

Shikpɔŋ lɛ aaaba eniyenii, ni nyɛaaye nyɛtɔrɔ; ni nyɛaahi nɔ shweshweeshwe.

3 Mose 26:26

Mafo nyɛŋmãa ni nyɛnaa nyɛyeɔ sɛɛ lɛ; ni no baahã yei nyɔŋma ashã aboloo fɛɛ ni nyɛyɔɔ shãa lɛ yɛ flɔnɔɔ kome pɛ mli. Aboloo lɛ hu abaaŋmɛ kɛ nsɛni ahã nyɛ nyɛye; ni nyɛaaye nɛ shi nyɛtɔrɔŋ.

3 Mose 26:5

Nyɛbaakã he nyɛgbee ŋmãa ni nyɛku aahu kɛyaashi wainyibii tsemɔ be mli, ni nyɛbaahiɛ wainyibii tsemɔ nɛkɛ aahu kɛyashi nidumɔ be mli, ni nyɛaaye nyɛboloo nyɛtɔrɔ. Nyɛaahi nyɛshikpɔŋ lɛ nɔ shweshweeshwe.

Mika 6:14

Nyɛaaye nii, shi nyɛtɔrɔŋ; ni hɔmɔ aaakã he aye nyɛ. Nyɛaaloo nii nyɛto, shi efeŋ shweshweeshwe, ni nɔ ni nyɛaabaa yi tete lɛ, makpãtã hiɛ yɛ ta mli.

Zefania 3:11

Nakai gbi lɛ nɔ lɛ, nyɛhiɛ gboŋ dɔŋŋ yɛ nibii ni nyɛfeefee nyɛkɛtse mihiɛ atua lɛ ahewɔ, ejaakɛ majie ntɛŋfeelɔi ni woɔ amɛhe nɔ fɛɛ yɛ nyɛteŋ, ni nyɛwoŋ nyɛhe nɔ dɔŋŋ yɛ migɔŋ krɔŋkrɔŋ lɛ nɔ,

Zakaria 9:15

Yehowa, Taiatsɛ lɛ, aaabu emɛi ahe; Amɛaatserɛ amɛhenyɛlɔi amli, ni amɛaanaanaa amɛ nɔ. Amɛaashwie amɛhenyɛlɔi alá shi ni lá lɛ aaaho tamɔ afɔleshãa kooloo lá ni afɔse kɛmiijɛ okpolu mli aashwie afɔleshãa latɛ nɔ.

Zakaria 9:17

Shikpɔŋ lɛ nɔ aaaŋɔɔ, eeefee fɛo; abele aaahã oblahii afrɔke ni wain hee hu aaahã oblayei afrɔke.

Romabii 10:11

Ejaakɛ ŋmalɛ lɛ kɛɔ akɛ, “Mɔ fɛɛ mɔ ni heɔ enɔ yeɔ lɛ, ehiɛ gboŋ.”

Romabii 5:5

ni hiɛnɔkãmɔ lɛ efeee efolo; ejaakɛ atsɔ̃ Mumɔ Krɔŋkrɔŋ ni akɛhã wɔ lɛ nɔ afɔse Nyɔŋmɔ suɔmɔ awo wɔtsuii amli.

Romabii 9:33

tamɔ bɔ ni aŋma lɛ akɛ, “Naa, mikɛ tɛmɔ tɛ kɛ nanetɔ̃tɔ̃mɔ tɛsaa ko miima shi yɛ Zion, Ni mɔ fɛɛ mɔ ni heɔ enɔ eyeɔ lɛ, ehiɛ gboŋ.”

5 Mose 11:15

Ŋa nɔ jwɛi afu ahã nyɛkooloi. Nyɛbaana nii nyɛye ni nyɛtɔrɔ.

5 Mose 12:12

Nyɛmii ashɛa nyɛhe yɛ Yehowa, nyɛNyɔŋmɔ lɛ hiɛ, nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii hu ni yɔɔ nyɛmaji lɛ amli lɛ. Ejaakɛ amɛ lɛ agbaŋ shikpɔŋ lɛ eko ahaŋ amɛ yɛ nyɛteŋ.

5 Mose 12:18

He pɛ ni nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii ni yɔɔ nyɛmaji lɛ amli lɛ aye afɔlei lɛ yɛ kɛkɛ ji Yehowa hiɛ, yɛ he ni lɛ Yehowa, nyɛNyɔŋmɔ lɛ, diɛŋtsɛ eŋɔ akɛ aja lɛ yɛ lɛ. Nyɛmii ashɛa nyɛhe yɛ Yehowa nyɛNyɔŋmɔ lɛ hiɛ, yɛ nitsumɔ fɛɛ nitsumɔ ni nyɛaatsu lɛ hewɔ.

5 Mose 12:7

Nyɛyea nii lɛ yɛ Yehowa, nyɛNyɔŋmɔ lɛ hiɛ yɛ jɛi, koni nyɛ kɛ nyɛshĩaŋbii fɛɛ amii ashɛ nyɛhe yɛ nyɛninenaa nitsumɔ nii ni Yehowa, nyɛNyɔŋmɔ lɛ, ejɔɔ nɔ lɛ hewɔ.

5 Mose 8:10

Nyɛbaaye nii nyɛtɔrɔ, ni nyɛbaajie Yehowa, nyɛNyɔŋmɔ lɛ, yi yɛ shikpɔŋ kpakpa ni ehã nyɛ lɛ hewɔ.

1 Timoteo 6:17

Niiatsɛmɛi ni yɔɔ je nɛɛŋ lɛ, wo amɛ kitã ni amɛkabu amɛhe tsɔ̃, ni amɛkɛ amɛhiɛ akafɔ̃ ninamɔ ni anyɛ̃ɛɛ akɛ he afɔ̃ nɔ lɛ nɔ, shi moŋ amɛkɛfɔ̃ Nyɔŋmɔ, mɔ hu ni kɛ nibii fɛɛ hãa wɔ babaoo, akɛ wɔye mliŋɔɔmɔ lɛ nɔ.

1 Yohane 2:28

Ni agbɛnɛ, mibii bibii, nyɛhia emli koni be ni eeebapue lɛ, wɔna ekãa ni wɔhiɛ akagboi ni wɔnyɛɛɛ ehiɛ wɔdamɔ yɛ ebaa lɛ mli.