Yoel 2:24 - ŊMALƐ KRƆŊKRƆŊ LƐ

²⁴ Ŋmãagbeemɔhei lɛ aaayimɔ obɔ̃bɔ̃ kɛ ŋmaa, amɛhe bui lɛ aaateke nɔ kɛ wain kɛ mu.

Ṅmãle̱ Kroṅkroṅ Le̱

²⁴ Ni ṅmā̃gbẽmo̱hei le̱ aayimo̱ obõbõ ke̱ ṅmā̃, ni bui le̱ aaho ke̱ wein ke̱ mũ.

Yoel 2:24 ပူးပေါင်းရင်းမြစ်များ

Ezekiel 36:8

Shi nyɛ, Israel gɔji lɛ nyɛnɔ tsei lɛ baagbala niji, ni amɛbaawo yibii nyɛha mimaŋ Israel lɛ; ejaakɛ etsɛŋ ni Israelbii aaku amɛsɛɛ kɛba amɛmaŋ ekoŋŋ.

Yoel 3:13

Nyɛfolɔa amɛ nyɛshwiea shi tamɔ afolɔɔ ŋmaa yɛ nikpamɔ be mli lɛ; nyɛnaanaa amɛ tamɔ aŋaa wainyibii yɛ wain tsɔne ni eyi tɔ mli kɛyashiɔ wain lɛ bɔ̃iɔ hoo lɛ, ejaakɛ amɛyitsoŋ wa tsɔ̃.”

Yoel 3:18

Nakai gbi lɛ, gɔji lɛ anɔ aaayi tɔ kɛ waintromii, ni aaana tsinai yɛ gɔŋ fɛɛ gɔŋ nɔ; ni nu aaaho yɛ Yuda jɔi lɛ fɛɛ amli. Nuhiŋmɛi aaaho kɛaajɛ Yehowa We lɛ, ni eeeyahã Akasia Jɔɔ lɛ nu.

3 Mose 25:19

Shikpɔŋ lɛ aaaba eniyenii, ni nyɛaaye nyɛtɔrɔ; ni nyɛaahi nɔ shweshweeshwe.

3 Mose 26:10

Nyɛhiɛ abele kukudabi ni nyɛto lɛ yeli mli ni abele kpokploku baapue, ni no hewɔ lɛ, nyɛaajie kukudabi lɛ kɛje kpo koni ana toohe ahã kpokploku lɛ.

Amos 9:13

“Naa, gbii miiba,” Yehowa kɛɛ “ni nidulɔi kɛ nidumɔ baanina nikpalɔ ni ekpako nii egbeko naa; ni wain yibii baawo babaoo bɔ ni wainŋalɔ nyɛŋ fɛɛ eŋa, ni wain baatsere kɛbaajɛ gɔji lɛ amli, ni eeeho yɛ gɔŋkpɔi lɛ anɔ tamɔ faa.

Maleaki 3:10

Nyɛkɛ mlijaa nyɔŋma mli ekomekome lɛ fɛɛ abaa nitoohe lɛ koni niyenii ahi miwe lɛ! Nyɛkɛ enɛ akaa mi nyɛkwɛa akɛ migbeleŋ ŋwɛi samfɛji lɛ, ni mifɔseŋ jɔɔmɔ mishwieŋ nyɛnɔ ni ateke nɔ lo?