Yoel 2:23 - ŊMALƐ KRƆŊKRƆŊ LƐ

²³ “Nyɛ Zionbii, nyɛmli afilia nyɛ yɛ nɔ ni nyɛNyɔŋmɔ lɛ efee ehã nyɛ lɛ hewɔ. Ehã nu enɛ ehã nyɛ bɔ ni sa, ehã Gbo kɛ Agbiɛnaa enɛ ehã nyɛ tamɔ efeɔ daa lɛ.

Ṅmãle̱ Kroṅkroṅ Le̱

²³ Ni nye, Zionbii, nyemli aflianye ni nyenyã́a ye̱ Iehowa, nye-Nãnyoṅmo̱ le̱, mli! edšake̱ ehãnye tšõlo̱ ni ke̱nye yaã dšale̱ mli, ni *ehã gbo ke̱ agbie̱nā ene̱ ehãnye ye̱ kleṅkleṅ nyõṅ le̱ no̱. *Ier. 5,24.

Yoel 2:23 ပူးပေါင်းရင်းမြစ်များ

1 Maŋtsɛmɛi 8:36

no lɛ bo toi koni oŋɔ otsuji kɛ omaŋ lɛ he esha lɛ ofa amɛ, ni otsɔ̃ɔ amɛ nɔ kpakpa feemɔ, ní ohã nu anɛ ashwie shikpɔŋ lɛ ni oŋɔ hã omaŋ lɛ nɔ.

Hiob 33:23

Kɛji ena bɔfoi akpe lɛ ateŋ eko damɔ mli hã lɛ, ni etsɔ̃ɔ gbɔmɔ nɔ ni hi hã lɛ,

Hiob 37:13

Bei komɛi lɛ, ehãa enɛɛmɛi baa koni egbala gbɔmɛi atoi, bei komɛi lɛ yɛ eshikpɔŋ lɛ yibaamɔ hewɔ, ni bei komɛi hu koni ekɛtsɔ̃ɔ suɔmɔ ni eyɔɔ.

Lalai 104:34

Miyiŋsusumɔ asa Yehowa hiɛ, ejaakɛ lɛ ehãa minaa miishɛɛ.

Lalai 147:8

Lɛ ekɛ atatui haa ŋwɛi, ni ehãa nu nɛɔ shikpɔŋ lɛ nɔ, ni ehãa jwɛi kwɛ̃ɔ yɛ gɔ̃ŋkpɔi anɔ.

Lalai 149:2

Hã Israel anya ebɔlɔ lɛ he, ni Zion bihii lɛ amli afili amɛ yɛ emaŋtsɛ lɛ hewɔ.

Lalai 28:7

Yehowa ji mihewalɛ kɛ mitsɛŋ; enɔ mikɛ mitsui fɔ̃ɔ, ni eyeɔ ebuaa mi ni minaa tsuijurɔ. Mikɛ milala aaada lɛ shi.

Lalai 32:11

Oo nyɛ jalɔi, nyɛmii ashɛa nyɛhe, yɛ Yehowa hewɔ, ni nyɛmli afilia nyɛ. Nyɛbɔa oshe kɛ nyamɔ nyɛ mɛi fɛɛ, ni nyɛja kɛmɔ shi.

Lalai 84:6

Kɛji amɛnyiɛ Baka jɔɔ lɛŋ kɛmiiho lɛ, amɛhãa jɛi tsɔ̃ɔ nuhiŋmɛi; ni Agbiɛnaa nu taraa shi yɛ jɛi.

Abe̱i 16:15

Maŋtsɛ hiɛ ni etseɔ ehãa mɔ lɛ, no mli wala yɔɔ, ni emɔhetsuinamɔ tamɔ atatu ni nɛɔ gbo nu.

Yesaia 30:21

Ni ninejurɔgbɛ esa akɛ nyɛtsɔ jio, abɛkugbɛ esa akɛ nyɛtsɔ jio, nyɛtoii aaanu wiemɔ ko yɛ nyɛsɛɛgbɛ akɛ, “Gbɛ lɛ nɛ, nyɛyia nɔ!”

Yesaia 30:23

Eeehã nu anɛ ashwie nyɛdumɔ wui ni nyɛdu lɛ nɔ, kɛ ŋmãa ni ekwɛ̃ lɛ nɔ, ni amɛaawo yibii babaoo. Nakai be lɛ mli lɛ, nyɛtsinai lɛ aaaye nii yɛ ŋa ni lɛɛ nɔ,

Yesaia 41:16

Ooosha amɛmli ni kɔɔyɔɔ aaaloo amɛ kɛaatee, ni ahum aaagbɛ amɛ ashwã. Shi bo lɛ, omii aaashɛ ohe yɛ Yehowa hewɔ, ni oooshwã ofɔ̃ Israel Mɔ Krɔŋkrɔŋ lɛ nɔ.”

Yesaia 61:10

Manya waa yɛ Yehowa hewɔ; ni misusuma mli aaafli lɛ yɛ miNyɔŋmɔ lɛ hewɔ, ejaakɛ ewo mi yiwalaheremɔ atade, ni ekɛ jalɛ mama eha mi, tamɔ bɔ ni ayɛmforo wu wulaa ehe loo bɔ ni ayɛmforo wulaa kɛ jwine lɛ.

Yeremia 3:3

No hewɔ ni atsi nunɛmɔ naa; ni gbo nu enɛɛɛ nɛɛ; shi ohiɛ yoo ajwamãŋ hiŋmɛi lolo, ni ohiɛ gbooo he.

Yeremia 5:24

Amɛkɛɛɛ amɛhe akɛ, ‘Nyɛhãa wɔshea Yehowa, wɔNyɔŋmɔ lɛ, gbeyei, lɛ mɔ ni ehãa nu nɛɔ Gbo kɛ Agbiɛnaa yɛ ebe mli hãa wɔ lɛ, ni ehãa nikpamɔ bei baninaa wɔ lɛ.’

Yāfó 4:2

Zion, oblahii ni ajara wa tamɔ shika ŋmiiŋmi lɛ, kwɛ bɔ ni amɛtsɔ̃ tamɔ gbɛshɔ̃lɔ ninenaa nitsumɔ.

Ezekiel 34:26

“Ni mibajɔɔ amɛ kɛ hei ni bɔle migɔŋkpɔ lɛ he lɛ, ni maha nu anɛ yɛ ebe mli, ni nu lɛ aaatsɔ jɔɔmɔ aha amɛ.

Hosea 6:3

Nyɛhãa wɔbɔa mɔdɛŋ wɔlea Yehowa. Bɔ ni ŋwanejee ko bɛ he akɛ daa gbi lɛ je tsɛreɔ lɛ, nakai nɔŋŋ ŋwanejee ko bɛ he akɛ Yehowa baajie ehe kpo etsɔ̃ɔ wɔ. Ebaaba wɔŋɔɔ tamɔ Agbiɛnaa nunɛmɔ tueɔ shwieɔ shikpɔŋ lɛ nɔ lɛ.”

3 Mose 26:4

mahã nu anɛ ahã nyɛ yɛ be ni sa mli, ni shikpɔŋ lɛ baaba nii babaoo ahã nyɛ, ni ŋmɔshi tsei hu baawo yibii.

Amos 4:7

“Asaŋ be ni eshwɛ nyɔji etɛ̃ ni akɛkpaa ŋmɔshinii lɛ tete mihãaa nu anɛ nyɛ. Mihã nu nɛ maŋ kome ko nɔ, shi mihãaa enɛ maŋ ko hu nɔ. Nu nɛ ŋmɔ ko shi, ni nu enɛɛɛ ŋmɔ ko hu shi, no hewɔ lɛ, ŋmɔ ni enɛɛɛ mli lɛ mli nii ŋala.

Zakaria 10:1

Nyɛbia Yehowa koni ehã Agbiɛnaa nu anɛ nyɛ. Nyɛbia Yehowa mɔ ni hãa ahum fãa ni ehãa nu nɛɔ gbɔmɛi kɛ ŋa nɔ tsei fɛɛ anɔ lɛ.

Zakaria 10:7

Nakai be lɛ Efraim aaatsɔ̃ tamɔ tatsɛ kpaanaa, ni emlibii amli aaafli amɛ tamɔ mɛi ni enu wain. Amɛshwiei aaana nɔ ni Yehowa etsu lɛ; ni amɛmii aaashɛ amɛhe; ni amɛmli aaafli amɛ.

Zakaria 9:13

Ejaakɛ midɔ Yuda mli tamɔ gãitso, ni mikɛ Efraim efee egãimlibi. Bo Zion, matee obihii lɛ ashi, ni amɛaatsɔ̃ tamɔ tatsɛ klante yɛ midɛŋ, yɛ bo, Hela, obihii lɛ anɔ.”

Zakaria 9:9

Omli afili bo, bo Zion biyoo; Bɔɔ oshe waa, bo Yerusalɛm biyoo! Naa, omaŋtsɛ lɛ miiba oŋɔɔ; Eeba kɛ agbojee kɛ kunimyeli. Eta teji oblanyo ni ji teji yoo bi ko nɔ.

Bɔfoi 14:17

Shi kɛ̃lɛ efɔɔɔ lɛ diɛŋtsɛ ehe odaseyeli, shi moŋ efeɔ ejurɔ ni ehãa nu jɛɔ ŋwɛi nɛɔ hãa nyɛ, kɛ bei ni nii baa pii hu, ni ehãa nyɛtɔrɔɔ, ni miishɛɛ yiɔ nyɛtsuiiaŋ obɔ̃bɔ̃.”

5 Mose 11:14

no lɛ ebaahã nu anɛ nyɛshikpɔŋ lɛ nɔ yɛ ebe mli, Agbiɛnaa kɛ Gbo fɛɛ, koni nyɛbele kɛ nyɛwaintso yibii kɛ mutso mu aba ahã nyɛ ni nyɛkpa.

5 Mose 28:12

Yehowa aaagbele eŋwɛi niikpakpai anaa ehã bo; eeehã nu anɛ oshikpɔŋ lɛ nɔ yɛ be ni sa mli; eeejɔɔ onine naa nitsumɔi fɛɛ nɔ; ooona nii, ni ooofala maji pii nii, shi bo lɛ ofaŋ nɔ ko nɔ ko yɛ maŋ ko dɛŋ.

5 Mose 32:2

Mitsɔ̃ɔmɔ aaashwie shi tamɔ nu ni miinɛ, ni eeenyɔ tamɔ bɔ, tamɔ futufuli ni miishwã jwɛfɔ nɔ, tamɔ nu kulibii yɛ bai anɔ.

Filipibii 3:1

Naagbee lɛ, minyɛmimɛi, nyɛmii ashɛa yɛ Nuŋtsɔ lɛ mli! Akɛ maŋma nyɛ nɛkɛ nii nɛɛ nɔŋŋ lɛ, efeee mi ahuntoo, ni ehãa nyɛfeɔ shweshweeshwe.

Filipibii 3:3

Ejaakɛ wɔ moŋ wɔji ketiafolɔi lɛ, wɔ mɛi ni wɔjaa Nyɔŋmɔ yɛ mumɔ naa, ni wɔshwãa wɔfɔ̃ɔ Kristo Yesu nɔ, ni wɔkɛ wɔhiɛ efɔ̃ɔɔ gbɔmɔtso nifeemɔ nɔ lɛ,

Filipibii 4:4

Nyɛmii ashɛa yɛ Nuŋtsɔ lɛ mli daa! Miikɛɛ ekoŋŋ! Nyɛmii ashɛa!