Yoel 2:22 - ŊMALƐ KRƆŊKRƆŊ LƐ

²² Nyɛ ŋaŋ kooloi, nyɛkashea gbeyei, ejaakɛ niyelihe lɛ jwɛifɔ lɛ miifrɔke, ni tsei miiwo amɛyibii, agbãmi kɛ waintso hu ewo pii.

Ṅmãle̱ Kroṅkroṅ Le̱

²² Nyekašea gbeyei, nye ṅãṅ koloi! ši ṅãno̱ dſe̱fo̱ le̱ mīfro̱ke, ši tšei mīwo ame̱yibii, ni agbãmitšo ke̱ weintšo hũ mīdšie ame̱mli hewale̱ le̱ mīhã!

Yoel 2:22 ပူးပေါင်းရင်းမြစ်များ

1 Mose 4:12

Kɛji ohu shikpɔŋ lɛ ebaŋ nii ehaŋ bo yɛ ehewalɛ naa dɔŋŋ. Kobɔlɔ kɛ shikpalɔ oootsɔ̃ yɛ shikpɔŋ lɛ nɔ!”

Lalai 36:6

Ojalɛ nɔkwɔlɛ tamɔ gɔŋ, ni okojomɔ mlikwɔlɛ tamɔ ŋshɔ mli kwɔlɛ. Oo Yehowa, bo ohereɔ gbɔmɔ kɛ kooloo fɛɛ yiwala.

Lalai 65:12

Ŋa nɔ jwɛi fũɔ babaoo, ni gɔji lɛ nyaa kɛ miishɛɛ.

Lalai 65:13

Ŋa nɔ jwɛi fɔ lɛ ewula kɛ too kui ni jɔi lɛ hu ewula kɛ abele; amɛmiibɔ oshe, ni amɛmiila kɛ miishɛɛ.

Lalai 67:6

Shikpɔŋ lɛ eba enii. Naa Nyɔŋmɔ, wɔNyɔŋmɔ lɛ, ajɔɔ wɔ!

Yesaia 51:3

Ejaakɛ Yehowa baashɛje Yerusalɛm mii; ebaashɛje hei fɛɛ ni efee koikoi lɛ amii; ebaahã eŋa lɛ nɔ atsɔ̃ tamɔ Eden; ni eshiaŋa lɛ baatsɔ tamɔ Yehowa diɛŋtsɛ abɔɔ. Jɛi baasɔ kɛ mliflimɔ kɛ nyamɔ kɛ shidaa lalai.

Ezekiel 36:30

Mahã tseiayibii kɛ ŋmɔshinii afa pii koni hɔmɔ akaha nyɛhiɛ shwie shi yɛ jeŋmaji lɛ ahiɛ kɔkɔɔkɔ.

Ezekiel 36:35

Mɛi baana, ni amɛaakɛɛ akɛ shikpɔŋ nɛɛ ni kulɛ ekã shi efolo lɛ, no nɔŋŋ etsɔ̃ tamɔ Eden trom nɛɛ; ni maji ni tsɔmɔ amaŋfɔ̃i ni mɔ ko mɔ ko bɛ amɛmli lɛ, nomɛi amli gbɔmɛi ebahi ni atswa gbogboi awo amɛhe nɛɛ.

Ezekiel 36:8

Shi nyɛ, Israel gɔji lɛ nyɛnɔ tsei lɛ baagbala niji, ni amɛbaawo yibii nyɛha mimaŋ Israel lɛ; ejaakɛ etsɛŋ ni Israelbii aaku amɛsɛɛ kɛba amɛmaŋ ekoŋŋ.

Yona 4:11

Mɛɛba esaaa akɛ mi lɛ Nineve sane adɔ mi, maŋ kpeteŋkple nɛkɛ kɛ emli gbɔmɛi fe akpei oha kɛ nyɔŋmai enyɔ ni efeko efɔŋ ko kɛ emli toi kɛ tsinai babaoo hu lɛ?”

Hagai 2:16

te nyɛyaa ŋmãakuu, ni be mli ni nyɛmiikwɛ gbɛ akɛ nyɛbaana ŋmãa kei ohai enyɔ lɛ, nyɛyaninaa kei oha pɛ? Mɔ ni baa wain bu naa akɛ eeba ebayɛ wain gbɛi oha lɛ, ebaninaa wain gbɛi nyɔŋmai enumɔ pɛ?

Zakaria 8:12

“Ejaakɛ aaadu nii yɛ toiŋjɔlɛ mli, waintsei lɛ aaawo yibii, ni shikpɔŋ lɛ aaaba nii, bɔ aaajɛ ŋwɛi anyɔ ashwie nɔ, ni mibahã enɛɛmɛi fɛɛ atsɔ̃ maŋ lɛ mli mɛi ni eshwɛ lɛ anɔ.

1 Korintobii 3:7

Belɛ agbɛnɛ jeee mɔ ni tɛo lɛ ji nɔ ko, ni jeee mɔ ni shwie nɔ nu lɛ hu, shi moŋ mɔ ni hã eda, ni ji Nyɔŋmɔ lɛ.