Yoel 2:20 - ŊMALƐ KRƆŊKRƆŊ LƐ

²⁰ Nɔ ni jɛ kooyigbɛ ba lɛ, majie yɛ nyɛhe kɛaatee shɔŋŋ, ni mashwie lɛ kɛaatee shikpɔŋ gbiŋ ni etsɔ̃ amaŋfɔ̃ lɛ nɔ. Eta ni yɔɔ hiɛgbɛ lɛ mashwie amɛ mawo Ŋoo Ŋshɔ lɛ mli; ni amɛta ni yɔɔ sɛɛgbɛ lɛ matsi amɛ mawo Mediterenia Ŋshɔ lɛ mli. Amɛgbohii lɛ ahe sã kɛ fu aaate shi; makpãtã amɛhiɛ yɛ nibii fɛɛ ni amɛfee nyɛ lɛ hewɔ.

Ṅmãle̱ Kroṅkroṅ Le̱

²⁰ Ni *kōyigbe̱nyo le̱, matšile̱ ke̱-adše̱ nyehe ke̱-ate šoṅṅ, ni maſiele̱ ke̱-ate šikpoṅ gbĩṅ ke̱ amaṅfõ le̱ no̱, ehĩe-ta le̱ aate bokãgbe̱ ṅšo̱ le̱ mli, ni ese̱-ta le̱ aate anaigbe̱ ṅšo̱ le̱ mli, ni esãdšã le̱ aate ši, hē̃, efũdšē le̱ aate ši; edšake̱ efe nibii wudši! *1,4. 6.

Yoel 2:20 ပူးပေါင်းရင်းမြစ်များ

2 Maŋtsɛmɛi 8:13

Kɛkɛ ni Hazael kɛɛ akɛ, “Mi, otsulɔ ni tamɔ gbee nɛɛ, namɔ ji lɛ ni eeetsu nɔ ko wulu ni tamɔ nɛkɛ?” Elisha hã lɛ hetoo akɛ, “Yehowa ejie etsɔ̃ɔ mi akɛ bo obaaye maŋtsɛ yɛ Siria.”

Lalai 126:3

Lɛɛlɛŋ, Yehowa efee nibii wuji ehã wɔ, ni wɔmii eshɛ wɔhe nɛɛ.

2 Mose 10:19

Ni Yehowa hã anai kɔɔyɔɔ ni naa wa naakpa batswa, ni eloo baalabii lɛ blublu kɛtee eyashwie Ŋshɔ Tsuru lɛ mli. Baalabii lɛ ateŋ ekome folo nɛkɛ eshwɛɛɛ yɛ Ijipt kpokpai lɛ fɛɛ nɔ.

2 Mose 8:14

Ni Ijiptbii lɛ buabua kɔkɔdenei gbohii lɛ anaa kuikui, ni shikpɔŋ lɛ nɔ sha.

Yesaia 34:3

Abaashɛrɛ amɛgbohii lɛ ashwie, ni gbohii lɛ aaaje fu, ni amɛlá aaakpa gɔji lɛ anɔ kpɔtɔɔ.

Ezekiel 47:18

“Bokãgbɛ husu lɛ ajɛ Hazar-Enon ni kã Hauran kɛ Damasko teŋ lɛ. Aŋɔ Yordan Faa lɛ akɛ husu, bɔ ni Israel shikpɔŋ lɛ aye anaigbɛ, ni Gilead shikpɔŋ lɛ hu aye bokãgbɛ. Husu lɛ akã shi aahu kɛyashi Tamar tɔ̃ɔ yɛ bokãgbɛ ŋshɔ lɛ he. Enɛ baatsɔ̃ bokãgbɛ husu.

Amos 4:10

“Mihã gbele hela tamɔ Ijipt hela lɛ bote nyɛteŋ, ni mihã nyɛblahii lɛ nyɔnyɔɔ yɛ ta mli, ni ashɔ̃shɔ̃ɔ nyɛkpɔŋɔi yɛ nyɛdɛŋ kɛtee. Mihã nyɛgbohii ni jwere nyɛnsrai amli lɛ je fu wo nyɛ. Shi fɛɛ lɛ nyɛkpaleko kɛbako miŋɔɔ.”

Zakaria 14:8

Nakai gbi lɛ nɔ lɛ wala nu baaho kɛaajɛ Yerusalɛm; fã kome kɛ enaa baaya ayawo Ŋoo Ŋshɔ lɛ mli, ni fã kome lɛ hu kɛ enaa baaya ayawo Mediterenia Ŋshɔ lɛ mli. Hulutsoobe kɛ fɛ̃ibe mli fɛɛ lɛ nu nɛɛ baakã he eho.

Maleaki 3:11

Nyɛhewɔ lɛ mibatsi baalabii ni kpãtãa nii ahiɛ lɛ anaa mahã nyɛ koni amɛkafite nyɛŋmɔshi nibii; ni nyɛwain tsei ni yɔɔ ŋa nɔ lɛ baawo babaoo.

5 Mose 11:24

He fɛɛ he ni nyɛnane aaasa lɛ jɛi aaatsɔ̃ nyɛnɔ. Nyɛshikpɔŋ lɛ baajɛ shiaŋa lɛ nɔ yɛ wuoyigbɛ, kɛyanina Lebanon gɔji lɛ yɛ kooyigbɛ; ni ebaajɛ Eufrate Faa lɛ naa yɛ bokãgbɛ kɛyamɔ Mediterenia Ŋshɔ lɛ yɛ anaigbɛ.