Yoel 2:2 - ŊMALƐ KRƆŊKRƆŊ LƐ

² Duŋ kɛ jeŋ tuutuufeemɔ gbi ni, atatu kɛ oblɔtu kpii gbi ni. Baalabii ta muu miiba tamɔ duŋ gbɛɔ shwãa gɔji anɔ lɛ. Nɔ ko ni tamɔ enɛ bako dã, ni asaŋ esɛɛ lɛ eko baŋ dɔŋŋ kɛaatee yinɔi ayinɔ.

Ṅmãle̱ Kroṅkroṅ Le̱

² Duṅ ke̱ dšeṅ tūtūſemo̱ gbĩ ni, atatu ke̱ oble̱tu kpī gbĩ hũ ni, take̱ bo̱ni dšetše̱remo̱ gbe̱o̱ ſāa gõdši ano̱ le̱. *Maṅ kpeteṅkple ni he Wa, ke̱-dše̱ tetẽte le̱ †eko be̱ ní tamo̱le̱, ni asaṅ ese̱ le̱ eko baṅ ní tamo̱le̱ ke̱-ate yino̱i ayino̱ afii le̱ ano̱! *1,6. †2 Mose 10,14.

Yoel 2:2 ပူးပေါင်းရင်းမြစ်များ

Lalai 10:6

Ekɛɔ ehe akɛ, “Eshiii mi kpu! Amanehulu ko baŋ minɔ gbi ko gbi ko.”

Lalai 97:2

Oblɔtu kɛ duŋ kpii ebɔle lɛ kɛkpe! Emaŋtsɛ sɛi lɛ ma jalɛ kɛ jalɛ saneyeli nɔ.

2 Mose 10:14

Baalabii lɛ bashwie Ijipt shikpɔŋ lɛ nɔ fɛɛ. Amɛha Ijipt kpokpai lɛ anɔ nyɛŋɛnyɛŋɛ. Baalabii bako ni tamɔ amɛ nakai dã, ni amɛsɛɛ hu eko baŋ nakai dɔŋŋ.

2 Mose 10:6

Ni amɛaayimɔ oshĩai kɛ otsuji fɛɛ ashĩai kɛ Ijiptbii fɛɛ ashĩai amli tɔtɔɔtɔ, bɔ ni otsɛmɛi kɛ oniimɛi enako ehenɔ pɛŋ kɛjɛ be ni afɔ amɛ kɛbashi ŋmɛnɛ gbi nɛɛ.’ ” Ni Mose tsɔ̃ ehe, ni eshi Farao.

2 Mose 20:21

Shi maŋ lɛ damɔ sɛɛ flɛŋŋ lolo; kɛkɛ ni Mose tsi ebɛŋkɛ duŋ kpii lɛ ni Nyɔŋmɔ yɔɔ mli lɛ.

Yesaia 5:30

Amɛaashi amɛsɛŋ amɛwo Israel nakai gbi lɛ, ni amɛsɛŋshimɔ lɛ aaagbɛɛ tamɔ ŋshɔ gbɛɛmɔ. Ni kɛji akwɛ shikpɔŋ lɛ nɔ lɛ, nɔ ni aaana ji duŋ kɛ awerɛhoo sɔŋŋ, ni oblɔtu aaaha hulu la hiɛ.

Yesaia 8:22

ni amɛaakwɛ shikpɔŋ hu. Shi naa, amɛnaŋ nɔ ko nɔ ko fe hejaramɔ kɛ duŋ kabitii; ni aaatsi amɛ awo duŋ kabitii lɛ mli.

Yeremia 13:16

Nyɛwoa Yehowa, nyɛNyɔŋmɔ lɛ, hiɛ nyam, be ni ehãko duŋ awo nyɛ, be ni nyɛbɔ̃iko tɛrɛmɔ yɛ gɔji ni anɔ ewo duŋ lɛ anɔ; ni be mli ni okwɛɔ la gbɛ lɛ, ehãa duŋ moŋ woɔ, ni duŋ lɛ woɔ kabitii.

Yeremia 13:6

Gbii kplaŋŋ sɛɛ lɛ Yehowa kɛɛ mi akɛ, “Tee shi! Yaa Eufrate Faa lɛ naa koni oyakɔ hɛŋmɔɔ bo lɛ ni mifã bo akɛ okɛyatee yɛ jɛi lɛ kɛba.”

Yāfó 1:12

“Nyɛ mɛi fɛɛ ni tsɔ̃ɔ biɛ kɛhoɔ, ani jeee nyɛhe sane ko ni lo? Nyɛkwɛa akɛ nyɛaana akɛ awerɛho ko yɛ ni etamɔ miwerɛho ni kã minɔ nɛɛ, awerɛho ni Yehowa ehã eba minɔ yɛ emlifu ni naa wa gbi lɛ nɔ lɛ.

Ezekiel 32:7

Kɛji mikpãtã ohiɛ lɛ, mahã ŋwɛi hiɛ aha, ni eŋulamii lɛ awo duŋ. Mikɛ atatu aaaha hulu lɛ hiɛ, ni nyɔɔŋtsere hu kpɛŋ.

Ezekiel 34:12

Bɔ ni tookwɛlɔ taoɔ etooku ni egbɛ eshwã lɛ sɛɛgbɛ lɛ, nakai nɔŋŋ matao mitoi lɛ asɛɛgbɛ. Mabua amɛnaa kɛjɛ he fɛɛ he ni amɛgbɛ amɛshwã kɛtee, yɛ gbi ni atatu kɛ duŋ kpii ewo nɔ tete.

Ezekiel 38:9

Bo okɛ ota lɛ fɛɛ aaafã kɛaaba tamɔ ahum, ni majimaji pii aaafata ohe ni ooofee tamɔ atatu ni baaha shikpɔŋ lɛ nɔ.”

Daniel 12:1

Bɔfo lɛ tsa ewiemɔ lɛ nɔ akɛ, “Ni nakai be lɛ mli lɛ Mikael, lumɔ kpeteŋkple ni buɔ omaŋbii lɛ ahe lɛ, aaate shi adamɔ shi; kɛkɛ lɛ fimɔ be ko aaaba ni anako ehenɔ dã kɛjɛ beyinɔ ni aje maŋtoo shishi kɛbashi nakai be lɛ mli. Nakai be lɛ mli lɛ, aaahere omaŋ lɛ mli mɔ fɛɛ mɔ ni aaana akɛ aŋma egbɛi yɛ wala wolo lɛ mli lɛ yiwala.

Daniel 9:12

Ekɛ amanehulu kpeteŋkple ni eba wɔnɔ nɛɛ lɛ ema wiemɔ ni ewie eshi wɔ lɛ nɔ mi. Ogbalako maŋ ko toi nɛkɛ pɛŋ dã, yɛ je nɛɛ mli fɛɛ, tamɔ ogbala Yerusalɛm toi nɛɛ.

Yoel 1:6

Baalabii, ta muu, ebatua wɔshikpɔŋ lɛ; amɛhe wa, ni anyɛɛɛ amɛ akane; amɛnyanyɔji anaa ba tamɔ jata nyanyɔji.

Yoel 2:25

Nii ni baalabii kɛ otukpɛi kɛ gɔgɔmii lɛ eye, yɛ afii ni amɛba lɛ mli lɛ, mato nyɛ najiaŋ. Mi mihã baalabii ta babaoo lɛ ba batua nyɛ.

Yoel 2:31

Hulu aaawo duŋ, ni nyɔɔŋtsere aaatsu faa tamɔ lá. Dani Yehowa gbi wulu ni yɔɔ gbeyei lɛ aaaba.

Yoel 2:5

Kɛji amɛmiitumɔ yɛ gɔji lɛ anɔ lɛ, egbɛɔ tamɔ shwiilii; egbɛɔ tamɔ lalilɛi ni miishã gbetseli fɛlɛɔ; amɛtamɔ ta kpeteŋkple ni eto kɛbaagba ta.

Yoel 3:4

“Tiro kɛ Sidon kɛ Filistia shikpɔji fɛɛ, mɛni nyɛtaoɔ nyɛfee mi? Ani nɔ ko ni mifee najiaŋ nyɛtaoɔ nyɛto mi? Kɛji nakai ni lɛ, no lɛ shwiaa, ni mahã nii ni nyɛfee lɛ aku sɛɛ ababua nyɛyiteŋ;

Amos 4:13

Naa, mɔ ni shɔ̃ gɔji lɛ, ni ebɔ kɔɔyɔɔ, ni egbaa gbɔmɔ nɔ ni ji lɛ Nyɔŋmɔ lɛ eyiŋtoo. Lɛ mɔ ni ehãa jetsɛremɔ tsɔ̃ɔ duŋ, ni enyiɛɔ shikpɔŋ lɛ nɔ hei grɔŋŋi lɛ, Egbɛi ji Yehowa, Taiatsɛ.

Zefania 1:7

Naa, Yehowa gbi lɛ eshɛ etã, no hewɔ lɛ, nyɛfea diŋŋ yɛ ehiɛ. Yehowa esaa afɔle lɛ eto, ni etsuu emɛi ni ekpee lɛ ahe.

Zakaria 14:6

Nakai gbi lɛ nɔ lɛ fɛ̃i yeŋ, ni afua hu woŋ.

Mateo 24:21

Ejaakɛ nakai be lɛ mli lɛ amanehulu kpele aaaba ni anako enɔ dã kɛjɛ je lɛ shishijee mli kɛbashi ŋmɛnɛ, ni asaŋ anaŋ enɔ gbi ko gbi ko dɔŋŋ.

Marko 13:19

Ejaakɛ nakai bei lɛ amli lɛ amanehulu aaaba ni anãko enɔ dã kɛjɛ jeŋ ni Nyɔŋmɔ bɔ lɛ shishijee mli aahu kɛbashi ŋmɛnɛ, ni asaŋ anaŋ enɔ dɔŋŋ.

5 Mose 32:7

“Nyɛkaia blema jeeŋmɔ ko lɛ, nyɛjwɛŋa yinɔi ni eho lɛ ahe; nyɛbia nyɛtsɛmɛi, ni amɛaagba nyɛ, kɛ nyɛnukpai lɛ hu, ni amɛaakɛɛ nyɛ.

Hebribii 12:18

Jeee Sinai Gɔŋ ni tsoɔ kɛ la ni anaa kɛ hiŋmɛi kɛ atatu kpii kɛ duŋ kabitii kɛ ahum,

Yuda 1:13

Ŋshɔkei hu ni yɔɔ hamahama ni fɛ̃ɔ amɛ diɛŋtsɛ amɛhiɛgbejianii kɛbaa ŋwɛi tamɔ afũi ji amɛ. Amɛtamɔ ŋulamii dudulɔi, ni asaa duŋ kpii lɛ ato amɛ kɛmiiya naanɔ lɛ.

Kpojiemɔ 9:2

Ni egbele bu kwɔŋkwɔŋ lɛ naa, ni lasu te shi kɛjɛ bu lɛ mli tamɔ flɔɔnɔɔ kpeteŋkple mli lasu, ni hulu kɛ atatuiaŋ wo duŋ yɛ bu lɛ mli lasu lɛ hewɔ.