Yoel 2:18 - ŊMALƐ KRƆŊKRƆŊ LƐ

¹⁸ Kɛkɛ ni Yehowa ye shikpɔŋ lɛ he awuŋã ni ena emaŋ lɛ mɔbɔ.

Ṅmãle̱ Kroṅkroṅ Le̱

¹⁸ No le̱ Iehowa aaye ešikpoṅ le̱ he awuṅã, ni eena emaṅ le̱ mo̱bo̱.

Yoel 2:18 ပူးပေါင်းရင်းမြစ်များ

2 Maŋtsɛmɛi 19:31

Ejaakɛ mɛi komɛi kɛ̃ baashwɛ kɛaajɛ Yerusalɛm kɛ Zion aba ni amɛhiɛ kã, ejaakɛ Yehowa eto akɛ bɔ fɛɛ bɔ ni fee lɛ ebaafee enɛ.

Lalai 103:13

Bɔ ni tsɛ musuŋ tsɔ̃ɔ lɛ yɛ ebii ahe lɛ, nakai Yehowa musuŋ tsɔ̃ɔ lɛ yɛ ebii ni sheɔ lɛ gbeyei lɛ ahe.

Lalai 103:17

Shi Yehowa suɔmɔ ni tsakeee lɛ eyɛ kɛjɛ naanɔ kɛmiiya naanɔ. Eyɛ hã mɛi ni sheɔ lɛ gbeyei lɛ, ni ejalɛ lɛ yɛ hã bii abii.

Yesaia 37:32

Ejaakɛ eeeshwɛ mɛi kɛ̃ yɛ Yerusalɛm kɛ Zion Gɔŋ lɛ nɔ ni aaaje gbele mli. Yehowa, Taiatsɛ lɛ, hiɛdɔɔ lɛ baatsu enɛ.”

Yesaia 42:13

Yehowa efã tamɔ tabilɔ; etee emlifu shi tamɔ kãkãlɔ. Eebo waa; eebɔ oshe! Eetsɔ̃ɔ ehenyɛlɔi lɛ ehewalɛ.

Yesaia 60:10

Yehowa miikɛɛ Yerusalɛm akɛ, “Gbɔi aaatswa ohe gbogboi lɛ, ni amɛmaŋtsɛmɛi lɛ aaasɔmɔ bo; ejaakɛ mitswa bo nɔ yɛ mimlifu mli; shi mimusuŋ etsɔ̃ mi yɛ ohe yɛ mimlihilɛ lɛ naa.

Yesaia 63:15

Yehowa, maa oyi shi kɛjɛ ŋwɛi koni ojɛ ohe krɔŋkrɔŋ kɛ onunyam shihilɛhe lɛ okwɛ! Nɛgbɛ ohiɛdɔɔ kɛ ohewalɛ nitsumɔi lɛ yɔɔ? Otsuiŋshãlɛ kɛ omusuŋtsɔlɛ babaoo lɛ eŋmɛɛ wɔ.

Yesaia 63:9

yɛ amɛhaomɔi fɛɛ amli lɛ. Jeee tsulɔ loo ŋwɛi bɔfo ni here amɛyiwala, shi Yehowa diɛŋtsɛ jɛ esuɔmɔ kɛ emɔbɔnalɛ mli ehere amɛyiwala, ni ehole amɛ, ni ehiɛ amɛ yɛ blema beiaŋ fɛɛ.

Yeremia 31:20

Israel ji mibinuu kpakpa lɛ. Lɛ ji misuɔmɔ bi lɛ. Shii abɔ fɛɛ ni miwieɔ mishiɔ lɛ lɛ, mikaiɔ lɛ kɛ̃ kɛ dɔlɛ. No hewɔ lɛ, mitsui shweɔ lɛ. Bɔ fɛɛ bɔ ni fee lɛ mana lɛ mɔbɔ. Mi, Yehowa, mikɛɛ.

Yāfó 3:22

Yehowa suɔmɔ ni tsakeee lɛ sɛɛ efooo kɔkɔɔkɔ, ni emɔbɔnalɛ bɛ naagbee.

Zakaria 1:14

No hewɔ lɛ, bɔfo ni kɛ mi wieɔ lɛ kɛɛ mi akɛ, “Gbaa akɛ bɔ ni Taiatsɛ lɛ kɛɛ nɛ, Yerusalɛm kɛ Zion maji lɛ fɛɛ asane kã mitsui nɔ jogbaŋŋ diɛŋtsɛ.

Zakaria 8:2

“Bɔ ni mi, Yehowa, Taiatsɛ lɛ, mikɛɛ nɛ, miiye awuŋã ni naa wa naakpa yɛ Zion he; mikɛ hiɛdɔɔ ni naa wa miiye ehe awuŋã nɛɛ.

Luka 15:20

Ni ete shi ni eyiŋ eba etsɛ ŋɔɔ. Shi be ni enyiɛ shɔŋŋ kɛbaa lɛ, etsɛ na lɛ, ni emusuŋ tsɔ̃ lɛ, ni esha foi ni eyafua lɛ atuu, ni eshwɔshwɔɔ enaa.

5 Mose 32:16

Amɛtee Yehowa awuŋayeli shi kɛ maŋsɛɛ nyɔŋmɔi ni amɛja lɛ, ni esha ni amɛfee hewɔ lɛ amɛwo lɛ mlifu.

5 Mose 32:36

Ejaakɛ Yehowa baafã ewebii ahe; ebaana amɛ mɔbɔ kɛji ena akɛ amɛhewalɛ fɛɛ etã, ni eshwɛko mɔ ko mɔ ko kwraa, mɔ ni hiɛ ehe jio, nyɔŋ jio.

5 Mose 32:43

“Nyɛ majimaji, nyɛkɛ Yehowa webii lɛ anyaa, ejaakɛ etɔ etsuji alá he owele, ni etɔ ehe owele yɛ ehenyɛlɔi anɔ, ni ekɛ ewebii atɔ̃mɔi efa amɛ.”

Yakobo 5:11

Naa, wɔbuɔ mɛi ni mĩaa amɛhiɛ lɛ akɛ mɛi ni ajɔɔ amɛ. Nyɛnu Hiob hiɛmiamɔ lɛ he, kɛ bɔ ni Nuŋtsɔ lɛ hã enaagbee fee hã; ejaakɛ Nuŋtsɔ lɛ mli tsɔ̃ɔ lɛ babaoo, ni enaa mɔbɔ.

Kojolɔi 10:16

No hewɔ lɛ, amɛ jie nyɔŋmɔi krokomɛi lɛ amɛshwie, ni amɛsɔmɔ Yehowa. Amɛnii fee Yehowa mɔbɔ yɛ amɛmanehulu lɛ hewɔ.