Yoel 2:17 - ŊMALƐ KRƆŊKRƆŊ LƐ

¹⁷ Osɔfoi ni ji Yehowa sɔ̃ɔlɔi lɛ afo, ni amɛsɔle yɛ koi lɛ kɛ afɔleshãa latɛ lɛ teŋ amɛkɛɛ, “Yehowa, naa bo diɛŋtsɛ omaŋ lɛ mɔbɔ; kaahã maji krokomɛi miiye wɔhe fɛo amɛkɛɛ. ‘Nɛgbɛ nyɛNyɔŋmɔ lɛ yɔɔ?’ ”

Ṅmãle̱ Kroṅkroṅ Le̱

¹⁷ Hã ni oso̱foi, ni dši Iehowa súolo̱i le̱, afó ye̱ koi le̱ ke̱ afo̱lešãlate̱ le̱ teṅ, ni ame̱kē̱: Iehowa, na omaṅ le̱ mo̱bo̱, ni kãṅõ ogbe̱fãṅnõ le̱ ohã ahorabō̱, ni dšeṅmādši le̱ ke̱ame̱ mīfe ame̱dāṅ lala! *Mẽba aakē̱ ye̱ mãdšimãdši le̱ ateṅ ake̱: Nẽgbe̱ ame̱-Nyoṅmo̱ le̱ yo̱? *Lal. 79,10.

Yoel 2:17 ပူးပေါင်းရင်းမြစ်များ

1 Maŋtsɛmɛi 6:3

Koi ko ni ekɛlɛ ji ninetalɔi nyɔŋmai enyɔ kɛ elɛɛmɔ ninetalɔi nyɔŋma kã Sɔlemɔ we lɛ hiɛ.

1 Maŋtsɛmɛi 9:7

no lɛ makpãtã Israel hiɛ kɛje shikpɔŋ ni miŋɔ hã amɛ lɛ nɔ. Makwa nɛkɛ Sɔlemɔ we nɛɛ ni mifee lɛ krɔŋkrɔŋ mihã mihe akɛ jɛi aaaja mi yɛ lɛ. Mɛi aaaye Israel he fɛo, ni eeetsɔ̃ nyaŋemɔnɔ yɛ maji krokomɛi ateŋ.

2 Kronika 7:20

no lɛ mibashwie nyɛ kɛje shikpɔŋ ni mikɛhã nyɛ nɛɛ nɔ, ni Sɔlemɔtsu nɛɛ ni mitsuu he mifee lɛ krɔŋkrɔŋ koni aja mi yɛ mli lɛ hu mibabule lɛ koni etsɔ̃ amaŋfɔ̃, ni majimaji fɛɛ kɛaabu abɛ, ni abaanyɛ lɛ.

2 Kronika 8:12

Solomon shã shãa afɔlei ekɛhã Yehowa yɛ Yehowa afɔleshãa latɛ ni ema ema Sɔlemɔtsu lɛ koi lɛ hiɛ lɛ nɔ.

Nehemia 9:36

Naa, ŋmɛnɛ wɔtsɔmɔ nyɔji. Shikpɔŋ lɛ ni okɛhã wɔtsɛmɛi lɛ akɛ amɛye enɔ yibii kɛ enɔ nii kpakpai lɛ, naa, wɔtsɔ̃mɔ nyɔji yɛ nɔ.

Lalai 115:2

Mɛɛba majimaji lɛ aaakɛɛ akɛ, “Nɛgbɛ amɛNyɔŋmɔ lɛ yɔɔ?”

Lalai 42:10

Ahora ni mihenyɛlɔi lɛ bɔɔ mi lɛ, shãa mi tamɔ fala, be mli ni amɛbiɔ mi daa akɛ, “Nɛgbɛ oNyɔŋmɔ lɛ yɔɔ?” lɛ.

Lalai 42:11

Oo misusuma, mɛɛba ofee mɔbɔmɔbɔ yɛ mimli nɛkɛ? Ni mɛɛ yeyeeye ofee yɛ mimli nɛɛ? Okɛ ohiɛ afɔ̃ Nyɔŋmɔ nɔ, ejaakɛ majie eyi ekoŋŋ kɛ̃, mɔ ni ji miyelikɛbualɔ kɛ miNyɔŋmɔ lɛ.

Lalai 42:3

Mihiɛ yaafonu etsɔ̃ miniyenii shwaneshwane kɛ nyɔɔŋnyɔɔŋ fɛɛ, be mli ni mɛi biɔ mi akɛ, “Nɛgbɛ oNyɔŋmɔ lɛ yɔɔ lɛ?”

Lalai 42:4

Miwerɛ hoɔ mihe, kɛji mikai enɛɛmɛi: bɔ ni mi kɛ asafo yuu nyiɛɔ, bɔ ni amɛtoɔ yuu, ni minyiɛɔ amɛhiɛ kɛyaa Nyɔŋmɔ We lɛ; bɔ ni asafo lɛ bɔɔ oshe kɛ miishɛɛ, ni amɛkɛ shidaa lalai yeɔ gbijurɔ lɛ.

Lalai 74:10

Oo Nyɔŋmɔ, mɛɛ beyinɔ nɔŋŋ ni henyɛlɔ lɛ aaabɔ ahora kɛyashi? Ani henyɛlɔ lɛ aaagbe ogbɛi lɛ he guɔ kɛaaya naanɔ lo?

Lalai 79:10

Mɛni hewɔ esa akɛ maji lɛ akɛɛ akɛ, “Nɛgbɛ amɛNyɔŋmɔ lɛ yɔɔ?” Hã majimaji lɛ ale, ni hã wɔ hu wɔna kɛ wɔhiŋmɛi, nɔ owele ni obaatɔ yɛ otsuji lɛ ala shi ni ashwie lɛ hewɔ.

Lalai 79:4

Wɔhewɔ maji lɛ miibɔ wɔ ahora; amɛŋmɔɔ wɔ, ni amɛyeɔ wɔhe fɛo.

Lalai 89:41

Mɛi fɛɛ ni hoɔ lɛ haa enii; ni ehe gbɔmɛi tete bɔɔ lɛ ahora.

Lalai 89:51

Oo Yehowa, ohenyɛlɔi lɛ bɔɔ mɔ ni ofɔ lɛ mu lɛ ahora; amɛbɔɔ lɛ ahora yɛ he fɛɛ he ni etsɔ̃ɔ kɛhoɔ.

2 Mose 34:9

ni ekɛɛ, “Nuŋtsɔ, agbɛnɛ kɛji ona mihe miishɛɛ lɛ, miikpa bo fai akɛ Nuŋtsɔ ahi wɔteŋ kɛya, tsɛbelɛ gbɔmɛi ni kuɛŋ ti ji maŋ nɛɛ. Okɛ wɔtɔ̃mɔi kɛ wɔhe esha afa wɔ koni okɛ wɔ afee onɔ.”

Yesaia 22:12

Nakai gbi lɛ Nuŋtsɔ Nyɔŋmɔ, Taiatsɛ lɛ, tsɛ koni nyɛfo ni nyɛye ŋkɔmɔ ni nyɛshɛshɛɛ nyɛyi ni nyɛmia kɛ kpekpe.

Yesaia 37:20

No hewɔ lɛ, agbɛnɛ, Ao wɔNyɔŋmɔ, heremɔ wɔ yɛ Asiria maŋtsɛ lɛ dɛŋ koni shikpɔŋ lɛ nɔ maŋtsɛyelii fɛɛ kɛna ale akɛ bo okoome ji Yehowa.”

Ezekiel 20:9

Shi kɛ̃lɛ, mifeee; mitsake miyiŋtoo lɛ yɛ migbɛi hewɔ, bɔ ni afee ni mikagbe migbɛi lɛ he guɔ yɛ jeŋmaji ni amɛyɔɔ amɛteŋ lɛ ahiɛ, mɛi ahiɛ ni mihã amɛle mi yɛ, be ni mijie amɛ kɛjɛ Ijipt shikpɔŋ lɛ nɔ lɛ.

Ezekiel 8:16

Agbɛnɛ ekɛ mi ba Yehowa we lɛ mligbɛ kpo lɛ nɔ; ni naa, yɛ Yehowa Sɔlemɔ we lɛ shinaa lɛ naa yɛ koi lɛ kɛ afɔleshãa latɛ lɛ teŋ lɛ, hii aaafee nyɔŋmai enyɔ kɛ enumɔ yɛ jɛi, ni amɛtsɔmɔ amɛsɛɛ amɛhã Yehowa Sɔlemɔ we lɛ, be mli ni amɛhiɛiaŋ miikwɛ bokãgbɛ lɛ, amɛmiija hulu yɛ bokãgbɛ lɛ.

Hosea 14:2

Nyɛkpalea kɛyaa Yehowa ŋɔɔ, nyɛyakpaa lɛ fai kɛ wiemɔi nɛɛ akɛ, “Kɛ efɔŋ ni wɔfee lɛ afa koni omɔ wɔfaikpamɔ nɛɛ mli, ni wɔɔkafo bo.

Yoel 1:13

Osɔfoi, nyɛbua kpekpe, ni nyɛwoa yara; Nyɛ afɔleshãa latɛ lɛ he sɔ̃ɔlɔi, nyɛwɔa lele. Nyɛbotea Sɔlemɔ we lɛ, ni nyɛyea ŋkɔmɔ nyɔɔŋnyɔɔŋ fɛɛ, nyɛ miNyɔŋmɔ lɛ sɔ̃ɔlɔi, ejaakɛ niyenii afɔle kɛ dãa afɔle ni akɛyaa nyɛNyɔŋmɔ lɛ we lɛ, atsi naa.

Yoel 1:9

Niyenii afɔle kɛ dãa sɛɛ efo yɛ Yehowa we lɛ. Osɔfoi ni ji Yehowa sɔ̃ɔlɔi lɛ miiye ŋkɔmɔ, ejaakɛ afɔlei bɛ hã Yehowa.

Amos 7:2

Be ni baalabii lɛ eye shikpɔŋ lɛ nɔ jwɛfɔ lɛ amɛgbe naa lɛ, mikɛɛ akɛ, “Ao! Yehowa Ofe, ofainɛ, okɛ Israelbii ahe ake amɛ. Te aaafee tɛŋŋ ni amɛyi aaana wala hu? Ejaakɛ amɛhe waaa.”

Amos 7:5

Kɛkɛ ni mikɛɛ akɛ, “Ao! Yehowa, ofainɛ, foo sɛɛ. Te aaafee tɛŋŋ ni Israelbii, owebii lɛ, ayi aaana wala hu? Ejaakɛ amɛhe waaa.”

Mika 7:10

Kɛkɛ lɛ mihenyɛlɔ mɔ ni ebi mi akɛ, “Nɛgbɛ Yehowa, oNyɔŋmɔ lɛ yɔɔ” lɛ? Aaana, ni ehiɛ aaagbo kpɔtɔɔ. Mihiŋmɛi aaana lɛ; agbɛnɛ aaanaanaa enɔ tamɔ blohuŋ ŋmɔtɔ.

Maleaki 1:9

No hewɔ lɛ, osɔfoi, agbɛnɛ nyɛkpaa Naa Nyɔŋmɔ fai koni eduro wɔ. Ani nɛkɛ nikeenii ni jɛ nyɛdɛŋ nɛɛ baahã ekwɛ nyɛteŋ mɔ ko hiɛ?

4 Mose 25:6

Israelbii lɛ ateŋ nuu ko tee eyakpala Midianyoo ko ni ekɛ lɛ tee ebuu lɛ mli yɛ Mose kɛ Israelbii asafo muu lɛ fɛɛ hiɛ, be mli ni Mose kɛ Israel asafo muu lɛ yeɔ ŋkɔmɔ yɛ Yehowa Kpee Buu lɛ shinaa lɛ naa lɛ.

Mateo 23:35

Bɔ ni afee ni jalɔi alá fɛɛ ni ashwie shi yɛ shikpɔŋ lɛ nɔ kɛjɛ Abel, jalɔ lɛ, lá lɛ nɔ kɛbashi Zakaria, Barakia bi lɛ, ni nyɛgbe lɛ yɛ Sɔlemɔtsu lɛ kɛ afɔleshãa latɛ lɛ teŋ lɛ lá lɛ nɔ lɛ aba nyɛnɔ.

Mateo 27:43

Ekɛ ehe fɔ̃ Nyɔŋmɔ nɔ; ejie lɛ amrɔ nɛɛ koo, kɛji eyɛ ehe tsui lɛ; ejaakɛ ekɛɛ, ‘Nyɔŋmɔ Bi ji mi.’ ”

5 Mose 28:37

Oootsɔ̃ gbeyei nɔ kɛ naakpɛɛ nɔ ni akɛbaabu abɛ yɛ maji amli he ni Yehowa kɛ bo aaatee lɛ.

5 Mose 32:27

Shi mishe gbeyei akɛ amɛhenyɛlɔi aaashwã ni amɛaaŋɔ nɔ ni eba lɛ ekroko ni amɛaakɛɛ akɛ, ‘Wɔ ni wɔye amɛnɔ kunim lɛ, jeee Yehowa ni fee amɛ enɛ.’

Yoshua 7:9

Ejaakɛ Kanaanbii lɛ kɛ shikpɔŋ lɛ nɔ bii fɛɛ baanu he, ni amɛaaba amɛbabɔle wɔ kpula, ni amɛbaakpãtã wɔhiɛ butuu. No hewɔ lɛ, te ofeɔ tɛŋŋ yɛ ogbɛi kpeteŋkple lɛ hewɔ hu?”