Yoel 2:16 - ŊMALƐ KRƆŊKRƆŊ LƐ

¹⁶ Nyɛbuaa maŋ lɛ naa, nyɛsaa amɛ nyɛhãa kpee krɔŋkrɔŋ; nyɛbuaa gbekɛbii kɛ mɛi ni yeɔ fufɔ lɛ anaa! Ayɛmforo wu tete aje kpo yɛ esɛɛtsuŋ, ni ayɛmforo hu aje kpo yɛ epiaŋ.

Ṅmãle̱ Kroṅkroṅ Le̱

¹⁶ Nyebuaä maṅ le̱ nā, nyefea asafo le̱ kroṅkroṅ, nyekpēa onukpai ke̱-bakpea, nyebuaä gbekẽbii ke̱ mei ni yeo̱ fufo̱ le̱ anā! ayemforowu adše kpo ke̱-dše̱ ese̱tšũṅ, ni ayemforo hũ adše̱ epiaṅ adše kpo!

Yoel 2:16 ပူးပေါင်းရင်းမြစ်များ

2 Kronika 20:13

Nɛkɛ be mli lɛ Yuda hii fɛɛ kɛ amɛŋamɛi kɛ amɛbii kɛ hɔi blublu ewo shi yɛ Yehowa Sɔlemɔtsu lɛ hiɛ.

2 Kronika 29:5

ni ekɛ amɛ wie. Ekɛɛ amɛ akɛ, “Agoo Levibii, agbɛnɛ nyɛtsuua nyɛhe ni nyɛfea nyɛhe krɔŋkrɔŋ, koni nyɛfea Yehowa, nyɛtsɛmɛi aNyɔŋmɔ lɛ, We lɛ hu krɔŋkrɔŋ. Nɔ fɛɛ nɔ ni buleɔ Sɔlemɔtsu lɛ, nyɛjiea yɛ jɛi.

2 Kronika 30:17

Mɛi pii yɛ asafo lɛ mli ni amɛtsuuko amɛhe. No hewɔ lɛ, Levibii lɛ ji mɛi ni gbe nɛkɛ mɛi nɛɛ aHehoo toobii lɛ hã amɛ bɔ ni afee ni amɛtoobii lɛ ahe atse ahã Yehowa.

2 Kronika 30:19

“Yehowa, wɔtsɛmɛi lɛ aNyɔŋmɔ, yɛ omlihilɛ naa lɛ mɔ fɛɛ mɔ ni miitao osɛɛgbɛ kɛ etsuiŋ fɛɛ lɛ, kɛji etsuuko ehe yɛ Sɔlemɔ we lɛ mlai lɛ anaa tete lɛ okɛ etɔ̃mɔ lɛ afa lɛ.”

2 Kronika 35:6

Nyɛfea nyɛhe krɔŋkrɔŋ, ni nyɛgbea Hehoo toobi lɛ koni nyɛkɛtsɔ̃ɔ nyɛnyɛmimɛi Israelbii lɛ bɔ ni kɛji amɛfee ni amɛbaaye Yehowa wiemɔi ni ekɛtsɔ̃ Mose nɔ lɛ anɔ.”

Hiob 1:5

Kɛji aŋmɛ okplɔ̃ lɛ kɛbɔle bihii lɛ anɔ kɛkpe lɛ, Hiob teɔ shi daa leebi maŋkpa, ni eyashãa shãa afɔlei ehãa ebii lɛ ateŋ mɔ fɛɛ mɔ, yɛ amɛyibɔ naa koni akɛtsuu amɛhe. Ejaakɛ Hiob kɛɔ akɛ, “Benɛ mibihii lɛ ateŋ mɔ ko efee esha ko ni aleee, ni ekwa Nyɔŋmɔ yɛ etsuiŋ. Enɛ ji nɔ ni Hiob feɔ daa.”

Lalai 19:5

tamɔ ayɛmforowu jeɔ kpo kɛjɛɔ epia mli; ni emliflimɔ lɛ, etamɔ foidalɔ mliflimɔ ni ekɛdaa foi.

2 Mose 19:10

Yehowa kɛɛ Mose akɛ, “Yaa maŋbii lɛ aŋɔɔ, ni otsuu amɛhe ŋmɛnɛ kɛ wɔ ni ohã amɛfɔ amɛtadei ahe,

2 Mose 19:15

Ni Mose kɛɛ amɛ akɛ, “Nyɛsaa nyɛhe nyɛtoa hã, wɔ bɛ mli, wɔsɛɛ. Nuu akaya yoo masɛi.”

2 Mose 19:22

Asaŋ hã osɔfoi lɛ ni bɛŋkɛɔ Yehowa atsuu amɛhe koni Yehowa akakpãtã amɛhiɛ.”

Yoel 1:14

Nyɛfãa koni ahi ŋmaa krɔŋkrɔŋ, nyɛtsɛa kpee hu. Nyɛbuaa onukpai lɛ kɛ shikpɔŋ lɛ nɔ bii fɛɛ anaa kɛyaa Yehowa nyɛNyɔŋmɔ lɛ we lɛ, ni nyɛbolɔa nyɛtsɛa lɛ.

Mateo 21:16

ni amɛkɛɛ lɛ akɛ, “Oonu nɔ ni mɛnɛɛmɛi kɛɔ nɛɛ lo?” Ni Yesu kɛɛ amɛ akɛ, “Hɛɛ, ani nyɛkaneko dã akɛ, ‘Abifabii kɛ fufɔbii anaa osaa yijiemɔ oto yɛ?’ ”

Mateo 9:15

Ni Yesu kɛɛ amɛ akɛ, “Ani yookpeemɔ he bialɔi lɛ aaanyɛ aye ŋkɔmɔ gbii abɔ ni ayɛmforowu lɛ kɛ amɛ yɔɔ lɛ? Shi gbii aaaba momo ni aaaŋɔ ayɛmforowu lɛ kɛaaje amɛteŋ kɛaatee, ni no dani amɛaahi ŋmaa.

1 Korintobii 7:5

Nyɛkɛ nyɛhe akakãmaa nyɛhe, akɛ ja nyɛyi enyɔ lɛ fɛɛ nyɛkpãa gbee akɛ nyɛaafee nakai kɛyashi be ko koni nyɛna dekã nyɛsɔle; ni nyɛfee ekome ekoŋŋ, koni Satan akatsɔ̃ nyɛnaa yɛ nyɛhe nɔ ni nyɛnyɛɛɛ nyɛye hewɔ.

Yoshua 7:13

Tee shi; tsuumɔ maŋbii lɛ ahe. Kɛɛmɔ amɛ akɛ, ‘Nyɛtsua nyɛhe nyɛkɛfea nyɛhe krɔŋkrɔŋ nyɛtoa wɔ’, ejaakɛ bɔ ni Yehowa, Israel Nyɔŋmɔ lɛ, kɛɛ nɛ, ‘Israelbii, nyɛkɔlɔ musu nibii lɛ eko, no hewɔ lɛ, nyɛnyɛŋ nyɛhenyɛlɔi lɛ ahiɛ nyɛdamɔ kɛyaashi beyinɔ ni nyɛaajie musunii lɛ nyɛshwie.’

Yoshua 8:35

Wiemɔ ko kwraa bɛ nibii ni Mose ewo amɛ he kitã lɛ fɛɛ mli ni Yoshua kaneee yɛ Israel asafo lɛ, ni ji hii kɛ yei kɛ gbekɛbii kɛ gbɔi ni yɔɔ amɛteŋ lɛ, fɛɛ ahiɛ etsɔ̃ɔɔ amɛ.

1 Samuel 16:5

Samuel jie naa ekɛɛ akɛ, “Hejɔlɛ baa miba! Miba mibashã afɔle mahã Yehowa. Nyɛtsuua nyɛhe, ni nyɛ kɛ mi ayaa afɔle lɛ shãa.” Etsuu Yeshai kɛ ebihii lɛ ahe, ni ekpee amɛ kɛtee afɔleshãahe lɛ.