Yoel 2:14 - ŊMALƐ KRƆŊKRƆŊ LƐ

¹⁴ Ekolɛ Yehowa, nyɛNyɔŋmɔ lɛ, aaatsake ejwɛŋmɔ, ni eeejɔɔ nyɛŋmɔshinii, ni nyɛkɛ niyenii afɔle kɛ dãa afɔle aaabahã Yehowa, nyɛNyɔŋmɔ lɛ.

Ṅmãle̱ Kroṅkroṅ Le̱

¹⁴ *Aleenõ ekole̱ eekpale ni eeſa ehe, ni eešĩ dšō̱mo̱ tete ye̱ ese̱: niyenii-afo̱le ke̱ dā̃-afo̱le ní aṅõ-ke Iehowa, nye-Nyoṅmo̱ le̱! *Iona 3,9.

Yoel 2:14 ပူးပေါင်းရင်းမြစ်များ

2 Samuel 12:22

David kɛɛ amɛ akɛ, “Be ni gbekɛ lɛ hiɛ kã lolo lɛ, mihi ŋmãa ni mifo, ejaakɛ misusumɔ ji akɛ eko lɛ Yehowa aaana mi mɔbɔ, ni eeehã gbekɛ lɛ yi ana wala;

2 Samuel 16:12

Eko lɛ Yehowa aaana mi mɔbɔ yɛ mimanehulu nɛɛ hewɔ, ni ekɛ nɔ kpakpa moŋ aaato mi loomɔ ni elomɔɔ mi ŋmɛnɛ nɛɛ najiaŋ.”

2 Maŋtsɛmɛi 19:4

Eko lɛ Yehowa oNyɔŋmɔ lɛ enu Rabshake wiemɔi fɛɛ ni enuŋtsɔ Asiria Maŋtsɛ lɛ kɛtsu lɛ koni ekɛbabɔ Nyɔŋmɔ hiɛkãalɔ lɛ ahora lɛ, ni Yehowa baakã ehiɛ yɛ wiemɔi ni Yehowa oNyɔŋmɔ lɛ enu lɛ hewɔ. No hewɔ lɛ, sɔlemɔ okpa fai ohã wɔmaŋbii ni eshwɛ ni yɔɔ lɛ.”

2 Mose 32:30

Enɔ jetsɛremɔ leebi lɛ Mose kɛɛ maŋbii lɛ akɛ, “Nyɛfee esha kpeteŋkple. No hewɔ lɛ, makwɔ gɔŋ lɛ kɛya Yehowa ŋɔɔ. Eko lɛ eeebo mifaikpamɔ toi, ni eeeŋɔ nyɛhe esha lɛ efa nyɛ.”

Yesaia 65:8

Bɔ ni Yehowa saa ekɛɛ nɛ, “Bɔ ni anaa yɛ wainyibii amli, ni no hewɔ lɛ, akɛɔ akɛ, ‘Akafite lɛ, ejaakɛ abaana ehe sɛɛ’ lɛ, nakai mafee yɛ mitsuji lɛ ahewɔ; mikpãtãŋ amɛ fɛɛ amɛhiɛ.

Yeremia 18:8

kɛji nakai maŋ ni miwie ehe lɛ kpa amɛnifɔ̃ɔjianii ni amɛfeɔ lɛ feemɔ lɛ, mitsakeɔ mijwɛŋmɔ, ni efɔŋ ni mito akɛ mibafee amɛ lɛ mifeee.

Yeremia 26:13

No hewɔ lɛ, agbɛnɛ, nyɛtsakea nyɛjeŋba kɛ nyɛnifeemɔnii; asaŋ nyɛboa Yehowa, nyɛNyɔŋmɔ lɛ, toi, ni lɛ hu ebaatsake ejwɛŋmɔ yɛ efɔŋ ni eto eyiŋ akɛ ebaafee nyɛ lɛ hewɔ.

Yeremia 26:3

Eko lɛ aleenɔ amɛaabo toi, ni amɛteŋ mɔ fɛɛ mɔ baakpa ejeŋba fɔŋ lɛ koni efɔŋ ni mito akɛ mafee amɛ yɛ amɛnifɔ̃ɔjianii lɛ ahewɔ lɛ mafo mli.”

Yoel 1:13

Osɔfoi, nyɛbua kpekpe, ni nyɛwoa yara; Nyɛ afɔleshãa latɛ lɛ he sɔ̃ɔlɔi, nyɛwɔa lele. Nyɛbotea Sɔlemɔ we lɛ, ni nyɛyea ŋkɔmɔ nyɔɔŋnyɔɔŋ fɛɛ, nyɛ miNyɔŋmɔ lɛ sɔ̃ɔlɔi, ejaakɛ niyenii afɔle kɛ dãa afɔle ni akɛyaa nyɛNyɔŋmɔ lɛ we lɛ, atsi naa.

Yoel 1:16

Bɛ wɔhiŋmɛi kã nɔ nɛkɛ nɔŋŋ ni akpãtãa wɔniyenii hiɛ, ni nyamɔ kɛ mliflimɔ hu sɛɛ efo yɛ Nyɔŋmɔ We lɛ?

Yoel 1:9

Niyenii afɔle kɛ dãa sɛɛ efo yɛ Yehowa we lɛ. Osɔfoi ni ji Yehowa sɔ̃ɔlɔi lɛ miiye ŋkɔmɔ, ejaakɛ afɔlei bɛ hã Yehowa.

Yona 1:6

Lɛlɛtsɛ lɛ yana Yona yɛ eshikamɔhe lɛ. Kɛkɛ ni ekɛɛ lɛ akɛ, “Ataa, bo lɛ wɔɔ owɔɔ lo? Tee shi ni osɔle otsɛ nɔ ni ojaa akɛ aleenɔ emusuŋ aaatsɔ̃ lɛ yɛ wɔhe koni ebahere wɔ koni wɔhiɛ akakpãtã lo.”

Yona 3:9

akɛ aleenɔ Yehowa hu aaatsake eyiŋ ni eto lɛ, ni eeeŋmɛɛ emli ni efu waa lɛ he, ni no aaahã wɔhiɛ akakpãtã lo!’ ”

Zefania 2:3

Nyɛ shikpɔŋ lɛ nɔ heshibalɔi fɛɛ ni feɔ Yehowa suɔmɔnaa nii, nyɛtaoa Yehowa sɛɛgbɛ; nyɛtaoa jalɛ sɛɛgbɛ; ni nyɛtaoa heshibaa sɛɛgbɛ, ni eko lɛ aaaŋɔ nyɛ atee yɛ Yehowa mlifu gbi lɛ nɔ.

Hagai 2:19

Bɛ dumɔ wu ko bɛ aboŋo mli, ni wain tso kɛ agbãmi tso kɛ akutu tso kɛ mu tso woko? Shi naa, kɛjɛ ŋmɛnɛ gbi nɛɛ nɔ lɛ mibajɔɔ nyɛ.”

2 Timoteo 2:25

mɔ ni kɛ mlijɔlɛ wieɔ tsɔ̃ɔ mɛi ni kuɔ enaa, akɛ aleenɔ Nyɔŋmɔ ahã amɛ tsuitsakemɔ ni amɛle anɔkwale lɛ.

Yoshua 14:12

No hewɔ lɛ, agbɛnɛ okɛ nɛkɛ gɔŋ nɛɛ nɔ shikpɔŋ lɛ ahã mi, nɔ ni Yehowa wo shi yɛ he nakai gbi lɛ. Nakai bo diɛŋtsɛ onu kɛ otoi akɛ Anakbii lɛ ji mɛi ni yɔɔ jɛi yɛ maji wuji ni atswa gbogbo awo amɛhe akɛwaje amɛ lɛ mli. Eko lɛ Yehowa aaaye abua mi koni mashwie amɛ yɛ jɛi tamɔ bɔ ni Yehowa ekɛɛ lɛ.”

1 Samuel 6:5

No hewɔ lɛ, nyɛfea abua ni fũufuu nyɛ lɛ henɔ kɛ kwakwei ni bafite nyɛshikpɔŋ lɛ nɔ lɛ henɔ okadii, asaŋ nyɛwoa Israel Nyɔŋmɔ lɛ. Eko lɛ eeegbɔjɔ piŋmɔ lɛ mli ehã nyɛ kɛ nyɛjemawɔji lɛ kɛ nyɛshikpɔŋ lɛ hu.