Yoel 2:13 - ŊMALƐ KRƆŊKRƆŊ LƐ

¹³ Nyɛtsɛrɛa nyɛtsuii, shi jeee nyɛtadei; nyɛkpalea kɛbaa nyɛNyɔŋmɔ lɛ ŋɔɔ, ejaakɛ durolɔ kɛ mlitsɔ̃lɔ ji lɛ; emli fuu mra, ni eyeɔ eshiwoo nɔ; ni emɔbɔnalɛ fa, ni eshwaa ehe yɛ nɔ fɔŋ hewɔ.

Ṅmãle̱ Kroṅkroṅ Le̱

¹³ Ni nyetšere̱a nyetšui, ši dšee nyetadei, ni nyekpalea ke̱-baä Iehowa, nye-Nyoṅmo̱ le̱, ṅõ! ši *drolo̱ ke̱ mlitšõlo̱ dšile̱, emli fūũ mrã, ni emo̱bo̱nale̱ ſá, ni eſaä ehe ye̱ nõfõṅ hewo̱. *2 Mose 34,6.

Yoel 2:13 ပူးပေါင်းရင်းမြစ်များ

1 Mose 37:29

Shi be ni Ruben ku esɛɛ kɛba bu lɛ he ekoŋŋ lɛ, Yosef bɛ bu lɛ mli. Kɛkɛ ni Ruben gbala ehe atadei lɛ,

1 Mose 37:34

Ni Yakob gbala ehe atade lɛ, ni ekɔ kpekpe emia ehɛ, ni eye ebi lɛ he ŋkɔmɔ gbii pii.

2 Samuel 1:11

Kɛkɛ ni David mɔ ehe atade lɛ mli, ni egbala lɛ yɛ ewerɛ sɔŋŋ ni eho ehe naa. Mɛi fɛɛ ni fata ehe lɛ hu fee nakai,

1 Maŋtsɛmɛi 21:27

Be ni Ahab nu wiemɔi nɛɛ lɛ, egbala etadei lɛ yɛ ehe, ni ekɔ kpekpe ebu, ni ehi ŋmãa, ni ebuɔ kpekpe lɛ tete kɛwɔɔ, ni eyaa ni ebaa ni efee gblinii.

2 Maŋtsɛmɛi 22:11

Ni be ni Maŋtsɛ Yosia nu Mla Wolo lɛ mli wiemɔi lɛ, ekɛ dɔlɛ gbala etadei yɛ ehe.

2 Maŋtsɛmɛi 22:19

otsake otsui, ni oba ohe shi yɛ mi, Yehowa, mihiɛ, ni okɛ dɔlɛ gbala otadei yɛ ohe, ni okɛ dɔlɛ fo yɛ mihiɛ, be ni onu nɔ ni miwie yɛ biɛ kɛ biɛ nɛɛ bii ahe akɛ amɛbaatsɔ̃mɔ amaŋfɔ̃ kɛ loomɔ hewɔ lɛ, mi hu minu osɔlemɔ lɛ, mi Yehowa, mi mikɛɛ.

2 Maŋtsɛmɛi 5:7

Be ni Israel maŋtsɛ lɛ kane wolo lɛ, egbala ehe atadei ni ekɛɛ, “Aso Nyɔŋmɔ ji mi ni migbeɔ mɔ, ni mihãa mɔ yi naa wala, hewɔ ni mɔnɛ tsuɔ miŋɔɔ akɛ mitsa mɔ ko kpiti mihã lɛ nɛɛ? Nyɛjwɛŋa he nyɛkwɛa ni nyɛaana akɛ minaa bei kɛkɛ etaoɔ nɛɛ.”

2 Maŋtsɛmɛi 6:30

Be ni Maŋtsɛ lɛ nu yoo lɛ wiemɔi lɛ, egbala etadei lɛ yɛ ehe; ni maŋbii ni bɛŋkɛ gbogbo lɛ he lɛ na akɛ, maŋtsɛ lɛ wo kpekpe atade yɛ etadei ni ewo lɛ ashishi.

2 Kronika 6:27

no lɛ jɛɛ ŋwɛi ni okɛ omaŋ Israel tɔ̃mɔ lɛ afa amɛ, asaŋ otsɔ̃ɔ amɛ bɔ ni amɛaatsɔ̃ amɛba amɛjeŋ jogbaŋŋ amɛhã koni ohã nu anɛ shikpɔŋ ni okɛhã omaŋ lɛ akɛ amɛnɔ lɛ nɔ.

Nehemia 9:17

Amɛbooo bo toi, ni asaŋ amɛkaiii onaakpɛɛnii ni ofee yɛ amɛteŋ lɛ; shi moŋ amɛfee amɛhe kuɛŋtilɔi. Amɛtse atua, ni amɛto asafoiatsɛ ni ekɛ amɛ aku sɛɛ kɛya nyɔŋyeli mli ekoŋŋ yɛ Ijipt. Shi bo lɛ oji Nyɔŋmɔ ni kɛ eshai faa, durolɔ kɛ musuŋtsɔlɔ ni toɔ etsui shi ni emɔbɔnalɛ fa, hewɔ lɛ oshiii amɛ.

Hiob 1:20

Kɛkɛ ni Hiob te shi, ni ekɛ awerɛho gbala ehe atade lɛ, eshɛ eyi, ni eho ebu shikpɔŋ, ni esɔle.

Lalai 103:8

Mɔbɔnalɔ kɛ durolɔ ji Yehowa, emli fuuu mra, ni esuɔmɔ ni tsakeee lɛ fa babaoo.

Lalai 106:45

Ekai ekɛ amɛteŋ kpãŋmɔ lɛ, ni emusuŋ tsɔ̃ lɛ yɛ esuɔmɔ babaoo ni tsakeee lɛ naa.

Lalai 34:18

Yehowa bɛŋkɛɔ mɛi ni hiɛnɔkãmɔ etã, ni ehereɔ mɛi ni werɛ eho amɛhe lɛ.

Lalai 51:17

Afɔle ni sa ohiɛ ji mumɔ ni werɛ eho ehe. Oo Nyɔŋmɔ, tsui ni tswiaa shi kɛ dɔlɛ lɛ, okpooŋ.

Lalai 86:15

Oo Nuŋtsɔ, shi bo lɛ Nyɔŋmɔ musuŋtsɔlɔ kɛ durolɔ ji bo! Omli fuuu mra, ni osuɔmɔ ni tsakeee lɛ kɛ onɔkwayeli lɛ fa babaoo.

Lalai 86:5

Oo Nuŋtsɔ, ejaakɛ ohi, ni oŋɔɔ tɔ̃mɔ ofaa; ni suɔmɔ ni osumɔɔ mɛi fɛɛ ni sɔleɔ tsɛɔ bo lɛ fa babaoo.

Yesaia 57:15

“Ejaakɛ bɔ ni Mɔ Koome ni yɔɔ ŋwɛi flooflo, naanɔ Mɔ ni gbɛi ji Krɔŋkrɔŋ lɛ kɛɛ nɛ, ‘Ŋwɛi shɔŋŋ kɛ He krɔŋkrɔŋ lɛ mihiɔ; asaŋ mikɛ mɔ ni tswiaa shi kɛ dɔlɛ ni ebaa ehe shi yɛ mumɔ mli lɛ hiɔ shi,’ koni maha heshibalɔi amumɔ ana wala hee, ni mɛi ni tswiaa shi kɛ dɔlɛ lɛ atsuii ana wala hee.’

Yesaia 58:5

Ani nɛkɛ ŋmaahilɛ mito lɛ? Enɛ ji ŋmaahilɛ ni gbɔmɔ kɛhumiɔ shi lɛ? Ani no ji yishimaa kɛ kpekpebumɔ kɛ lamlumlikamɔ lo? Enɛ nyɛtsɛɔ lɛ ŋmaahilɛ gbi ni sa Yehowa hiɛ lɛ?

Yesaia 66:2

Mi, minine bɔ enɛɛmɛi fɛɛ, ni no hewɔ lɛ, enɛɛmɛi fɛɛ lɛ minɔ ni,” Yehowa kɛɛ. “Shi mɔ he tsui ni minaa nɛ, mɔ ni ji humi, ni eshwaa ehe yɛ etsui mli, ni ehe kpokpoɔ yɛ miwiemɔ lɛ naa.”

Yeremia 36:7

Eko lɛ amɛfaikpamɔ aaashɛ Yehowa hiɛ, ni amɛteŋ mɔ fɛɛ mɔ aaakpa enifɔɔji anii ni efeɔ, ejaakɛ Yehowa mli ni efu kɛ emli ni ewo la lɛ naa wa naakpa.”

Yeremia 41:5

hii nyɔŋmai kpaanyɔ komɛi jɛ Shekem kɛ Shilo kɛ Samaria ba. Amɛshɛshɛɛ amɛtsɛŋ, ni amɛgbalagbalaa amɛtadei yɛ amɛhe, ni amɛbãmɔbãmɔɔ amɛhe hu. Amɛhiɛ ŋmaa kɛ krɔbɔo amɛkɛyaashã afɔle yɛ Yehowa we lɛ.

Yeremia 42:10

‘Kɛji nyɛbaahi shi yɛ shikpɔŋ nɛɛ nɔ lɛ, no lɛ mibahã nyɛhe shi, ni mikpãtãŋ nyɛhiɛ; mibatɛo nyɛ tamɔ atɛoɔ tso, ni mifamɔŋ nyɛ mishwieŋ; efɔŋ ni mifee nyɛ lɛ edɔ mi.

Ezekiel 9:4

Kɛkɛ ni Yehowa kɛɛ lɛ akɛ, “Yaakpa Yerusalɛm maŋ lɛ mli fɛɛ; hii fɛɛ ni yɔɔ jɛi ni amɛyeɔ ŋkɔmɔ yɛ musubɔɔnii ni afeɔ lɛ hewɔ lɛ, kadimɔ amɛhiɛnai.”

Hosea 14:1

Nyɛ Israelbii, nyɛkpalea kɛbaa Yehowa, nyɛNyɔŋmɔ lɛ, ŋɔɔ. Nyɛnishaianii lɛ ehã nyɛtɛrɛ, ni nyɛgbee shi.

Yona 3:9

akɛ aleenɔ Yehowa hu aaatsake eyiŋ ni eto lɛ, ni eeeŋmɛɛ emli ni efu waa lɛ he, ni no aaahã wɔhiɛ akakpãtã lo!’ ”

Yona 4:2

No hewɔ lɛ, esɔle, ni ekɛɛ akɛ, “Ao, Yehowa, ani jeee nɔ ni mikɛɛ be mli ni miyɔɔ mimaŋ lɛ eba mli nɛɛ? Enɛ hewɔ nɔŋŋ ni mijɛ mra mijo foi kɛmiiya Tarshish lɛ. Ejaakɛ mile akɛ bo lɛ, Nyɔŋmɔ durolɔ kɛ musuŋtsɔlɔ ji bo; omli fuuu mra, ni omɔbɔnalɛ fa, ni otsakeɔ oyiŋtoo yɛ toigbalamɔ he.

Mika 7:18

Nyɔŋmɔ ko bɛ ni kɛ esha faa tamɔ bo. Okuɔ ohiɛ ofɔ̃ɔ omaŋbii ni eshwɛ lɛ amlatɔ̃mɔ nɔ. Ohiɛɛɛ mlifu mli kɛyaaa naanɔ, ejaakɛ onaa mɔbɔnalɛ he tsui.

Nahum 1:3

Yehowa mli fuuu mra, ni ehewalɛ da kpele; ehãaa tɔ̃lɔ aŋɔ ehe aye. Ahum kɛ lasuogbele teɔ shi yɛ he ni Yehowa etsɔ̃ kɛho, ni enaneshi mlu ji atatui.

4 Mose 14:18

‘Mi, Yehowa, mimli fuuu mra, ni mimɔbɔnalɛ hu fa; ni mikɛ tɔ̃mɔ kɛ efɔŋfeemɔ faa; shi kɛ̃lɛ mihãaa tɔ̃lɔ aŋɔ ehe aye, ni miwoɔ bii anyɔmɔ yɛ tsɛmɛi atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ tete nɔ.’

Romabii 2:4

Aloo obuuu emlihilɛ kɛ eyishiŋmɛɛ kɛ etsuishitoo babaoo lɛ, ni oleee akɛ Nyɔŋmɔ mlihilɛ lɛ gbɛ etsɔ̃ɔ bo kɛya tsuitsakemɔ mli?

Efesobii 2:4

Shi Nyɔŋmɔ ni emɔbɔnalɛ fa babaoo lɛ, etsɔ̃ lɛ diɛŋtsɛ esuɔmɔ babaoo ni ekɛsumɔ wɔ lɛ nɔ,

1 Timoteo 4:8

Ejaakɛ hetsɔsemɔ yɛ gbɔmɔtso gbɛfaŋ he sɛɛnamɔ faaa, shi hetsɔsemɔ yɛ Nyɔŋmɔjamɔ mli he yɛ sɛɛnamɔ yɛ nii fiaa mli, ni eyɛ wala ni yɔɔ amrɔ nɛɛ kɛ nɔ ni baaba lɛ he shiwoo.