Yoel 2:12 - ŊMALƐ KRƆŊKRƆŊ LƐ

¹² “Shi amrɔ nɛɛ po Yehowa kɛɛ, nyɛshwaa nyɛhe anɔkwale mli, ni nyɛkpalea kɛbaa miŋɔɔ kɛ ŋmaahilɛ kɛ yaafo kɛ ŋkɔmɔyeli.”

Ṅmãle̱ Kroṅkroṅ Le̱

¹² Kẽle̱ agbe̱ne̱ hũ Iehowa kē̱: *Nyekpalea ke̱-baä miṅõ ke̱ nyetšui mū le̱ fẽ, ye̱ ṅmā̃hĩle̱ ke̱ yāfó ke̱ ṅko̱mo̱yeli mli! *Ezek. 33,11.

Yoel 2:12 ပူးပေါင်းရင်းမြစ်များ

2 Samuel 24:10

Shi be ni David ekane maŋbii lɛ sɛɛ lɛ, ehenilee bɔi enaagbamɔ. Kɛkɛ ni ekɛɛ Yehowa akɛ, “Mifee esha kpele akɛ mifee nɛkɛ nɔ ko. Ofainɛ ni okɛfa mi, ejaakɛ miye kwashiai asane naakpa!”

2 Kronika 30:6

No hewɔ lɛ, maŋtsɛ lɛ kɛ maŋ onukpai lɛ ŋmala woji, ni amɛkɛtsu bɔfoi kɛtee Israel kɛ Yuda heihei fɛɛ. Maŋtsɛ lɛ shɛɛ lɛ kɛɛ akɛ, “Israelbii, nyɛkpalea nyɛbaa Yehowa, ni ji Abraham kɛ Isak kɛ Israel Nyɔŋmɔ lɛ ŋɔɔ, ni lɛ hu eeebɛŋkɛ nyɛ, nyɛ mɛi ni nyɛhe je mli, ni Asiria maŋtsɛmɛi lɛ anine eyashɛɛɛ nyɛnɔ koni amɛŋɔ nyɛ nom lɛ.

2 Kronika 6:27

no lɛ jɛɛ ŋwɛi ni okɛ omaŋ Israel tɔ̃mɔ lɛ afa amɛ, asaŋ otsɔ̃ɔ amɛ bɔ ni amɛaatsɔ̃ amɛba amɛjeŋ jogbaŋŋ amɛhã koni ohã nu anɛ shikpɔŋ ni okɛhã omaŋ lɛ akɛ amɛnɔ lɛ nɔ.

Ester 4:16

“Yaa ni oyabua Yudafoi ni yɔɔ Susa maŋ lɛ mli fɛɛ anaa kɛkpe; ni nyɛhia ŋmãa, ni nyɛsɔlea nyɛhãa mi. Nyɛkayea nii, ni nyɛkanua nu hu shwaneshwane kɛ nyɔɔŋnyɔɔŋ gbii etɛ̃. Mi hu mi kɛ miblayei lɛ baahi ŋmãa nakai nɔŋŋ. Enɛ sɛɛ lɛ mibaya mayana maŋtsɛ lɛ, tsɛbelɛ mla eŋmɛɛɛ gbɛ nakai. Kɛji miyagbo yɛ no hewɔ po jiŋŋ efeee nɔ ko.”

2 Mose 33:5

Ejaakɛ Yehowa kɛɛ Mose akɛ, “Kɛɛmɔ Israelbii lɛ akɛ, ‘Maŋ ni kuɛŋ ti ji nyɛ, ni kɛji mibaye hiŋmɛitswaa kome kɛkɛ yɛ nyɛteŋ lɛ mibaplene nyɛ. No hewɔ lɛ, nyɛkpɔlɔa jwinei lɛ yɛ nyɛhe koni makwɛ nɔ ni mafee yɛ nyɛhe.’ ”

Yesaia 22:12

Nakai gbi lɛ Nuŋtsɔ Nyɔŋmɔ, Taiatsɛ lɛ, tsɛ koni nyɛfo ni nyɛye ŋkɔmɔ ni nyɛshɛshɛɛ nyɛyi ni nyɛmia kɛ kpekpe.

Yesaia 58:4

Naa, nyɛŋmãahilɛ be mli lɛ, nɔ ni eshwɛ nyɛ kɛkɛ ji bei kɛ nɔmɔ, ni nyɛmamɔɔ nyɛhe atswɛrɛi kɛ yiwalɛ. Nɛkɛ ŋmãa ni nyɛhiɔ ŋmɛnɛŋmɛnɛ nɛɛ lɛ haŋ anu nyɛgbee yɛ ŋwɛi.

Yeremia 3:22

“Ao! Bii ni yeee anɔkwa nyɛkpalea nyɛbaa! Matsa anɔkwa ni nyɛyeee hela lɛ.” Nyɛkɛɛ akɛ, “Naa, wɔmiiba oŋɔɔ, ejaakɛ bo ji Yehowa, wɔNyɔŋmɔ lɛ.

Yeremia 36:7

Eko lɛ amɛfaikpamɔ aaashɛ Yehowa hiɛ, ni amɛteŋ mɔ fɛɛ mɔ aaakpa enifɔɔji anii ni efeɔ, ejaakɛ Yehowa mli ni efu kɛ emli ni ewo la lɛ naa wa naakpa.”

Yeremia 4:1

Yehowa kɛɛ akɛ, “Ao! Israel, kɛji ooku osɛɛ kɛba miŋɔɔ lɛ, ba! Kɛji ojie omusubɔɔ nibii lɛ kɛje mihiɛ, ni oshashaooo shi,

Yeremia 4:2

ni kɛji okã kitã akɛ, ‘Mina Yehowa’ kɛ onɔkwale fɛɛ, ni okojo yɛ jalɛ naa, ni ohi shi krɔŋŋ lɛ, no lɛ jeŋ maji lɛ aaayɔse amɛjɔɔmɔ yɛ Yehowa mli, ni amɛaajie mi, Yehowa, miyi.”

Ezekiel 33:11

Kɛɛmɔ amɛ akɛ gbii abɔ ni mi, mi ji Nyɔŋmɔ Hiɛkãalɔ lɛ nɛɛ, minaaa efɔŋfeelɔ gbele he miishɛɛ; shi moŋ minaa miishɛɛ kɛji efɔŋfeelɔ tsake ejeŋba, ni eyi na wala. Ao Israel we, nyɛkpalea, nyɛkpalea kɛjea nyɛgbɛi fɔ̃ji lɛ anɔ koni nyɛyi ana wala. Mɛni hewɔ nyɛaagboi?

Daniel 9:3

Mihi ŋmãa, ni mibu kpekpe, ni mita lamlu mli kɛmiitao Nuŋtsɔ Nyɔŋmɔ lɛ hiɛgbɛ yɛ sɔlemɔ kɛ faikpamɔ mli.

Hosea 12:6

Nyɛ hu, enɛ hewɔ lɛ nyɛhea nyɛNyɔŋmɔ lɛ nɔ nyɛyea, ni nyɛkpalea kɛbaa eŋɔɔ. Nyɛnaa mɛi amɔbɔ; nyɛyea jalɛ sane, ni nyɛyea anɔkwa daa kɛkwɛa lɛ gbɛ.”

Hosea 12:7

Yehowa kɛɛ, “jarayelɔ ni kɛ nsɛni ni atse etɛ nɔ ŋmɛɔ nii lɛ, shishiulɔ ji lɛ.

Hosea 14:1

Nyɛ Israelbii, nyɛkpalea kɛbaa Yehowa, nyɛNyɔŋmɔ lɛ, ŋɔɔ. Nyɛnishaianii lɛ ehã nyɛtɛrɛ, ni nyɛgbee shi.

Hosea 6:1

Maŋbii lɛ aaakɛɛ akɛ, “Nyɛbaa koni wɔkpalea kɛyaa Yehowa ŋɔɔ. Akɛni lɛ etserɛ wɔmli lɛ, lɛ eeetsa wɔ; ni akɛni lɛ etswia wɔ nii lɛ, lɛ eeefi nɔ ehã wɔ.

Yoel 1:13

Osɔfoi, nyɛbua kpekpe, ni nyɛwoa yara; Nyɛ afɔleshãa latɛ lɛ he sɔ̃ɔlɔi, nyɛwɔa lele. Nyɛbotea Sɔlemɔ we lɛ, ni nyɛyea ŋkɔmɔ nyɔɔŋnyɔɔŋ fɛɛ, nyɛ miNyɔŋmɔ lɛ sɔ̃ɔlɔi, ejaakɛ niyenii afɔle kɛ dãa afɔle ni akɛyaa nyɛNyɔŋmɔ lɛ we lɛ, atsi naa.

Zakaria 7:3

Asaŋ koni amɛbi osɔfoi lɛ kɛ gbalɔi lɛ akɛ, “Ani wɔfo ni wɔhi ŋmãa yɛ nyɔŋ ni ji enumɔ lɛ hu nɔ tamɔ wɔfeɔ yɛ afii babaoo ni eho lɛ amli lɛ lo?”

Zakaria 7:5

“Bi shikpɔŋ muu lɛ nɔ bii lɛ kɛ osɔfoi lɛ akɛ, be ni nyɛhi ŋmãa ni nyɛye ŋkɔmɔ yɛ nyɔŋ ni ji enumɔ lɛ nɔ kɛ nyɔŋ ni ji kpawo lɛ hu nɔ, yɛ afi nyɔŋmai kpawo nɛɛ mli lɛ, ani mi, Yehowa nyɛhi ŋmãa lɛ nyɛhã lo?

Maleaki 1:9

No hewɔ lɛ, osɔfoi, agbɛnɛ nyɛkpaa Naa Nyɔŋmɔ fai koni eduro wɔ. Ani nɛkɛ nikeenii ni jɛ nyɛdɛŋ nɛɛ baahã ekwɛ nyɛteŋ mɔ ko hiɛ?

Bɔfoi 26:20

shi moŋ mijaje mitsɔ̃ɔ mɛi ni yɔɔ Damasko lɛ tsutsu, kɛ mɛi ni yɔɔ Yerusalɛm kɛ Yuda shikpɔŋ lɛ nɔ fɛɛ, kɛ jeŋmaji lɛ hu akɛ amɛtsake amɛtsui ni amɛkpale kɛba Nyɔŋmɔ ŋɔɔ ni amɛtsu nii ni sa tsuitsakemɔ.

Kojolɔi 2:4

Be ni Yehowa bɔfo lɛ wie nɛkɛ wiemɔi nɛɛ yɛ Israelbii lɛ fɛɛ atoiŋ lɛ, maŋ lɛ wo yara amɛfo.

Kojolɔi 20:26

Kɛkɛ ni Israelbii lɛ fɛɛ ni ji ta muu lɛ fɛɛ yiŋ kɛtee Betel ni amɛyafo. Amɛho amɛtara shi yɛ jɛi yɛ Yehowa hiɛ, ni amɛhi ŋmãa nakai gbi lɛ kɛyashi gbɛkɛ. Amɛshãshãa shãa afɔlei kɛ shidaa afɔlei yɛ Yehowa hiɛ.

1 Samuel 7:3

Kɛkɛ ni Samuel kɛɛ Israelbii lɛ akɛ, “Kɛji nyɛmiikpale kɛba Yehowa ŋɔɔ kɛ nyɛtsui fɛɛ lɛ, no lɛ nyɛjiea maŋsɛɛ jemawɔji lɛ kɛ Astarte amãgãi lɛ hu ni nyɛyɔɔ yɛ nyɛteŋ lɛ nyɛsherɛa nyɛshwiea koni nyɛkɛ nyɛhe ahãa Yehowa kwraa; asaŋ koni nyɛsɔmɔ ekome too; ni lɛ hu eeejie nyɛ yɛ Filistibii lɛ adɛŋ.”

1 Samuel 7:6

Israelbii lɛ bua amɛhe naa yɛ Mizpa. Amɛyɛ nu amɛshwie shi yɛ Yehowa hiɛ, ni amɛhi ŋmãa nakai gbi lɛ, ni amɛkɛɛ akɛ, “Wɔtɔ̃ Yehowa nɔ.” Ni Samuel hi Mizpa, ni ekojo Israelbii lɛ ateŋ saji yɛ jɛi.