Yoel 2:11 - ŊMALƐ KRƆŊKRƆŊ LƐ

¹¹ Yehowa woɔ egbee, ni efãa eta lɛ. Esra lɛ da naakpa, ni mɛi ni yeɔ efãmɔi lɛ anɔ lɛ, anyɛɛɛ amɛ akane. Yehowa gbi lɛ, ebaafee gbeyei! Namɔ po aaanyɛ naa adamɔ?

Ṅmãle̱ Kroṅkroṅ Le̱

¹¹ Ni Iehowa woo̱ egbẽ ye̱ eta le̱ hĩe; ši *esra le̱ da naakpa dientše̱, ni moni hãa ewiemo̱ baä mli le̱ he wa; edšake̱ Iehowa gbĩ le̱ da, ni eye̱ gbeyei naakpa: ni namo aanyē nā adamo̱? *K. 25.

Yoel 2:11 ပူးပေါင်းရင်းမြစ်များ

Lalai 18:14

Etsɛ̃rɛ egãimlibii lɛ, ni ekɛgbɛ ehenyɛlɔi lɛ eshwã. Ehã srawa gbalagbalai ni ekɛgbɛ amɛ eshwã kɛ foi.

Lalai 46:6

Majimaji lɛ feɔ hoo; maŋtsɛyelii lɛ hosoɔ. Nyɔŋmɔ woɔ egbee ni shikpɔŋ lɛ sereɔ.

Lalai 68:18

Okwɔ kɛtee gɔŋ grɔŋŋ lɛ nɔ, kɛ nomii ni nyiɛ osɛɛ, ohe nikee kɛjɛ mɛi, mɛi tete ni te shi wo bo lɛ adɛŋ, Yehowa, Nyɔŋmɔ lɛ, baahi jɛi.

Yesaia 13:4

Nyɛboa toi! Aafee hoo yɛ gɔji lɛ anɔ tamɔ mɛi babaoo ahoofeemɔ. Naa jeŋ majimaji ni jɛ maŋtsɛyeli shikpɔji anɔ ahoofeemɔ ni; Yehowa, Taiatsɛ lɛ, miibua tabilɔi asafo naa kɛha tawuu.

Yesaia 42:13

Yehowa efã tamɔ tabilɔ; etee emlifu shi tamɔ kãkãlɔ. Eebo waa; eebɔ oshe! Eetsɔ̃ɔ ehenyɛlɔi lɛ ehewalɛ.

Yesaia 7:18

“Nakai be lɛ Yehowa baakpã blɛ kɛtsɛ Ijiptbii, ni amɛaabu kɛba tamɔ adɔdɔji kɛjɛ Nilo Faa lɛ jɛɛhe kɛ̃. Ni ebaatsɛ Asiriabii, ni amɛaake tamɔ wobii kɛjɛ amɛshikpɔŋ lɛ nɔ kɛba.

Yeremia 25:30

“No hewɔ lɛ, bo Yeremia, gbaa nɛkɛ gbalɛ nɛɛ oshi gbɔmɛi nɛɛ. Okɛɛ amɛ akɛ, ‘Yehowa aaajɛ ŋwɛi ehũu, ni ebaawo egbee kɛaajɛ eshihilɛhe krɔŋkrɔŋ lɛ. Eeehũu waa ewo ewebii lɛ ni eeebolɔ tamɔ wainŋalɔi, eeehũu ewo shikpɔŋ lɛ nɔ bii fɛɛ.

Yeremia 30:7

Ao! Nakai gbi lɛ, gbi wulu ni; ehenɔ bako pɛŋ. Yakob hejaramɔ gbi ni, kɛ̃lɛ abaahere eyiwala yɛ gbele mli.”

Yeremia 50:34

Shi amɛ-Kpɔlɔ lɛ he wa, ni egbɛi ji Yehowa Taiatsɛ lɛ. Ye kɛ̃ ebaaye amɛsane lɛ ehã amɛ koni hejɔlɛ aba shikpɔŋ lɛ nɔ; shi Babilonbii lɛ, haomɔ ji nɔ ni baanina amɛ.”

Ezekiel 22:14

Gbi ni mikɛ bo aaaye lɛ, aso ooonyɛ naa odamɔ? Aloo ooonyɛ onine nɔ po owo? Mi, Yehowa, miwie, ni mafee.

Yoel 1:15

Yehowa gbi lɛ eshɛ shi etã! Gbi ni Ofe lɛ kɛ hiɛkpãtãmɔ baa lɛ, nakai gbi lɛ baafee gbeyei!

Yoel 1:6

Baalabii, ta muu, ebatua wɔshikpɔŋ lɛ; amɛhe wa, ni anyɛɛɛ amɛ akane; amɛnyanyɔji anaa ba tamɔ jata nyanyɔji.

Yoel 2:1

Nyɛkpãa tɛtɛrɛmantɛrɛ yɛ Zion; nyɛbɔa oshe yɛ migɔŋ krɔŋkrɔŋ lɛ nɔ! Shikpɔŋ lɛ nɔ bii fɛɛ ahe akpokpo, ejaakɛ Yehowa gbi lɛ miiba; eshɛ shi etã.

Yoel 2:2

Duŋ kɛ jeŋ tuutuufeemɔ gbi ni, atatu kɛ oblɔtu kpii gbi ni. Baalabii ta muu miiba tamɔ duŋ gbɛɔ shwãa gɔji anɔ lɛ. Nɔ ko ni tamɔ enɛ bako dã, ni asaŋ esɛɛ lɛ eko baŋ dɔŋŋ kɛaatee yinɔi ayinɔ.

Yoel 2:25

Nii ni baalabii kɛ otukpɛi kɛ gɔgɔmii lɛ eye, yɛ afii ni amɛba lɛ mli lɛ, mato nyɛ najiaŋ. Mi mihã baalabii ta babaoo lɛ ba batua nyɛ.

Yoel 2:31

Hulu aaawo duŋ, ni nyɔɔŋtsere aaatsu faa tamɔ lá. Dani Yehowa gbi wulu ni yɔɔ gbeyei lɛ aaaba.

Yoel 3:14

Gbɔmɛi akpeiakpei abɔ yɛ Kojomɔ Jɔɔ lɛ mli. Jɛi ji he ni Yehowa Gbi ni eshɛ etã lɛ baaba yɛ.

Yoel 3:16

Yehowa miihuu kɛjɛ Zion, ni egbee miijije kɛjɛ Yerusalɛm; ŋwɛi kɛ shikpɔŋ miihoso. Shi Yehowa ji abobaahe hã emaŋ lɛ, kɛ mɔɔ ni wa hu hã Israelbii lɛ.

Amos 1:2

Amos kɛɛ akɛ, “Yehowa miihũu tamɔ jata yɛ Zion Gɔŋ lɛ nɔ, ni egbee miishi yɛ Yerusalɛm. Shikpɔji lɛ anɔ jwɛi fɔ aaaŋala, ni Karmel Gɔŋ lɛ yiteŋ aaagbi.”

Amos 5:18

Kpoo hã nyɛ, nyɛ mɛi ni nyɛshweɔ Yehowa gbi lɛ. Mɛni nyɛbaana yɛ Yehowa gbi lɛ nɔ? Naa, duŋ gbi ni, shi jeee la gbi ni:

Amos 5:20

Naa, Yehowa gbi lɛ duŋ aaawo, ni hulu etsoŋ; nakai gbi lɛ duŋ kpii aaawo bɔ ni la bɛ he ko he ko.

Obadia 1:15

“Ejaakɛ be lɛ eshɛ etã, be ni, mi, Yehowa mibakojo majimaji lɛ. Bɔ ni ofee lɛ, nakai aaafee bo, Esau. Onifeemɔnii lɛ baaku sɛɛ abawula oyiteŋ.

Nahum 1:6

Namɔ aaanyɛ emlila naa adamɔ? Namɔ aaanyɛ emlifu ni naa wa lɛ naa ekpee? Emlifu tsɛ̃ɔ kɛbaa tamɔ la, ni efɛlɛɔ tɛsai amli.

Maleaki 3:2

Shi namɔ baanyɛ ekpee ebaa lɛ naa? Ni namɔ aaanyɛ shi adamɔ be ni eeebapue lɛ? Ejaakɛ etamɔ niiahetsuulɔ la loo niiahefɔlɔ samla.

4 Mose 24:23

Balaam tee nɔ ni egba gbalɛ nɛɛ, ni ekɛɛ akɛ, “Ao, namɔ aaahi walaŋ, ni ena be ni Nyɔŋmɔ aaafee nii nɛɛ?

1 Tesalonikabii 4:16

Ejaakɛ lɛ Nuŋtsɔ lɛ diɛŋtsɛ baakpleke shi kɛjɛ ŋwɛi yɛ oshebɔɔ mli ni ŋwɛi bɔfonukpa gbee kɛ Nyɔŋmɔ tɛtɛrɛmantɛrɛ baagbɛɛ, ni gbohii ni yɔɔ Kristo mli lɛ tsutsu baate shi,

Kpojiemɔ 18:8

No hewɔ lɛ, gbi kome nɔ ehaomɔi lɛ aaaba, gbele kɛ awerɛhoo kɛ hɔ̃mɔ, ni akɛ la aaashã lɛ butuu, ejaakɛ Nuŋtsɔ Nyɔŋmɔ lɛ ni kojoɔ lɛ he wa.”

Kpojiemɔ 6:17

Ejaakɛ emlifu gbi wulu lɛ eshɛ, ni namɔ aaanyɛ shi adamɔ?”