Yoel 2:1 - ŊMALƐ KRƆŊKRƆŊ LƐ

¹ Nyɛkpãa tɛtɛrɛmantɛrɛ yɛ Zion; nyɛbɔa oshe yɛ migɔŋ krɔŋkrɔŋ lɛ nɔ! Shikpɔŋ lɛ nɔ bii fɛɛ ahe akpokpo, ejaakɛ Yehowa gbi lɛ miiba; eshɛ shi etã.

Ṅmãle̱ Kroṅkroṅ Le̱

¹ Nyekpãa te̱tre̱mantre̱ ye̱ Zion, ni nyebo̱a oše ye̱ migoṅ kroṅkroṅ le̱ no̱! Šikpoṅ le̱ no̱ bii le̱ fẽ he aakpokpo; edšake̱ Iehowa *gbĩ le̱ mība, ni eše̱ ši etã. *1,15.

Yoel 2:1 ပူးပေါင်းရင်းမြစ်များ

1 Kronika 15:28

Israel muu fɛɛ wo Yehowa Kpãŋmɔ Adeka lɛ kɛba Yerusalɛm be mli ni aabɔ oshe hoo ni aakpã koŋ bɛji kɛ tɛtɛrɛmantɛrɛ, ni aatswia ŋmɛji kɛ saŋkui hu waa diɛŋtsɛ lɛ.

Lalai 119:120

Ohe gbeyei naa lɛ, mihe kpokpoɔ; ni miishe odɛ̃ŋ kojomɔi lɛ agbeyei.

Lalai 87:1

Gɔŋ Krɔŋkrɔŋ lɛ nɔ maŋ ni Nuŋtsɔ lɛ to lɛ ma!

2 Mose 10:14

Baalabii lɛ bashwie Ijipt shikpɔŋ lɛ nɔ fɛɛ. Amɛha Ijipt kpokpai lɛ anɔ nyɛŋɛnyɛŋɛ. Baalabii bako ni tamɔ amɛ nakai dã, ni amɛsɛɛ hu eko baŋ nakai dɔŋŋ.

Yesaia 13:6

Nyɛwɔa lele ejaakɛ gbi ni Yehowa to lɛ eshɛ shi etã. Akɛni niiahiɛkpãtãmɔ lɛ jɛ Ofe lɛ dɛŋ lɛ, ebaaba mli kɛ̃.

Yesaia 13:9

Naa, gbi ni Yehowa eto lɛ miiba. Gbi lɛ baafee yiwalɛ gbi ni jɛ mlila kɛ mlifu ni naa wa mli. Ebaaha je lɛ atsɔ̃ amaŋfɔ̃, ni aaakpãtã emli eshafeelɔi lɛ ahiɛ kɛje je lɛ mli.

Yesaia 2:12

Ejaakɛ Yehowa, Taiatsɛ lɛ, yɛ gbi ko ni eto ni ekɛbaaba ntɛŋfeemɔ kɛ henɔwomɔ kɛ hetsɔ̃ɔmɔ fɛɛ shi.

Yesaia 66:2

Mi, minine bɔ enɛɛmɛi fɛɛ, ni no hewɔ lɛ, enɛɛmɛi fɛɛ lɛ minɔ ni,” Yehowa kɛɛ. “Shi mɔ he tsui ni minaa nɛ, mɔ ni ji humi, ni eshwaa ehe yɛ etsui mli, ni ehe kpokpoɔ yɛ miwiemɔ lɛ naa.”

Yesaia 66:5

Nyɛboa Yehowa wiemɔ lɛ toi, nyɛ mɛi ni nyɛhe kpokpoɔ yɛ ewiemɔ lɛ naa lɛ. “Nyɛnyɛmimɛi ni miihi nyɛ, ni amɛkwa nyɛ yɛ migbɛi lɛ hewɔ lɛ, yeɔ nyɛ he fɛo amɛkɛɔ akɛ, ‘Nyɛwoa Yehowa hiɛ nyam akɛ ehere nyɛ, koni wɔna nyamɔ ni nyɛaanya lɛ.’ Shi amɛ moŋ ji mɛi ni amɛhiɛ aaagboi.

Yeremia 16:10

“Kɛji okɛ maŋbii lɛ wie wiemɔi nɛɛ fɛɛ ni amɛbi bo akɛ, ‘Mɛni hewɔ ni Yehowa to eyiŋ ni egbala wɔtoi waa nɛkɛ? Mɛni tɔ̃mɔ wɔtɔ̃? Mɛɛ esha po ji nɔ ni wɔfee wɔshi Yehowa, wɔNyɔŋmɔ lɛ?’ lɛ,

Yeremia 16:7

Mɔ ko mɔ ko eyaŋ ekɛ ŋkɔmɔyelɔ ko ayaye nii koni ekɛshɛje emii yɛ mɔ ko ni egbo hewɔ. Nakai nɔŋŋ mɔ ko mɔ ko haŋ mɔ ko ni etsɛ loo enyɛ egbo nɔ ko ni enu ekɛsheje mɔ lɛ mii.

Yeremia 4:5

Akɛɛ yɛ Yuda, ni ashiɛ yɛ Yerusalɛm hu akɛ, “Akpã tɛtɛrɛmantɛrɛ yɛ shikpɔŋ lɛ nɔ fɛɛ, Abɔ oshe waa akɛ, ‘Nyɛbuaa nyɛhe naa, ni nyɛhãa wɔyaa maji ni atswa gbogbo awo amɛhe lɛ amli!’

Yeremia 5:22

Ani nyɛsheee mi gbeyei; nyɛhe kpokpooo yɛ mi, mihiɛ? Mi, ni mikɛ shia fo husu mikɛsa ŋshɔ naa, naanɔ husu ko ni ŋshɔ nyɛŋ eteke kɔkɔɔkɔ, husu ko ni bɔ fɛɛ bɔ ni ŋshɔkei aaashimɔ lɛ ahã lɛ, amɛnyɛŋ amɛwule lɛ, ni bɔ fɛɛ bɔ ni ŋshɔ aaafee hamahama ahã lɛ enyɛŋ lɛ eteke lɛ?

Ezekiel 12:23

No hewɔ lɛ, kɛɛmɔ amɛ akɛ, ‘Bɔ ni Nuŋtsɔ Yehowa kɛɛ nɛ, mibaha nɛkɛ abɛ ni abuɔ nɛɛ sɛɛ afo, ni abuŋ dɔŋŋ yɛ Israel.’ Shi moŋ kɛɛmɔ amɛ akɛ be ni eshɛ, ni gbalɛ fɛɛ gbalɛ baana aba mli.

Ezekiel 21:12

Gbɔmɔ Adesa, wo yara ni ofo, ejaakɛ afã klante awo miwebii lɛ. Afã klante awo Israel lumɛi fɛɛ. Ajɔɔ amɛ kɛ miwebii lɛ fɛɛ anɔ ahã klante; hewɔ lɛ, nyɛyia nyɛhe ma.

Ezekiel 30:3

Gbi lɛ ebɛŋkɛ, Yehowa gbi lɛ ebɛŋkɛ. Gbi lɛ aaafee oblɔtu gbi. Eeefee majimaji lɛ ahiɛkpãtãmɔ be.

Ezekiel 33:3

ni ena akɛ ta miiba shikpɔŋ lɛ nɔ, ni ekpã tɛtɛrɛmantɛrɛ kɛtswa maŋ lɛ adafi lɛ,

Ezekiel 33:6

Shi kɛji bulɔ lɛ na ta lɛ miiba, ni ekpãaa tɛtɛrɛmantɛrɛ lɛ, ni etswaaa maŋ lɛ adafi, ni ta lɛ ba ni mɔ ko tsɔ̃ mli egbo lɛ, no lɛ, mɔ ni gbo lɛ, egbo yɛ enishaianii ahewɔ moŋ nɛ, shi mabi elá shi yɛ bulɔ lɛ dɛŋ.

Ezekiel 7:10

Naa, gbi lɛ nɛ! Naa, eeba! Ohiɛkpãtãmɔ be lɛ eshɛ toikɔdɔmɔ saneyeli egba afofro; ni hewoo hu egba ahwanya.

Ezekiel 7:12

Be lɛ eshɛ, gbi lɛ ebɛŋkɛ. Nihelɔ akanya, ni nihɔɔlɔ lɛ hu akaye ŋkɔmɔ; ejaakɛ Nyɔŋmɔ mlifu kã asafo lɛ mli mɔ fɛɛ mɔ nɔ.

Daniel 6:26

Miiwo kitã akɛ mɔ fɛɛ mɔ ni yɔɔ minɔyeli nɛɛ he fɛɛ he lɛ, ehe akpokpo, ni eshe Daniel Nyɔŋmɔ lɛ gbeyei.” “Lɛ ji Nyɔŋmɔ hiɛkãalɔ lɛ, mɔ ni yɛ kɛmiiya naanɔ lɛ; anyɛŋ emaŋtsɛyeli hiɛ akpãtã, ni ehewalɛ lɛ sɛɛ efoŋ.

Daniel 9:16

Ao! Nuŋtsɔ, yɛ ojalɛ saneyeli hewɔ lɛ, ofainɛ, foo omli ni efu Yerusalɛm kɛ omli ni ewo lɛ la lɛ sɛɛ. Bo diɛŋtsɛ omaŋ kɛ gɔŋ krɔŋkrɔŋ ni. Eshai ni wɔfee kɛ eshai hu ni wɔtsɛmɛi lɛ fee lɛ hewɔ lɛ, omaŋ Yerusalɛm kɛ omaŋbii lɛ ahiɛ eshwie shi yɛ majimaji ni bɔle wɔ lɛ ahiɛ.

Daniel 9:20

Be ni misɔleɔ, ni mijajeɔ mihe eshai lɛ kɛ mimaŋbii, Israelbii lɛ, hu ahe eshai lɛ, ni mikpaa Yehowa, miNyɔŋmɔ lɛ, fai yɛ gɔŋ krɔŋkrɔŋ lɛ hewɔ lɛ,

Hosea 5:8

“Akpã ta tɛtɛrɛmantɛrɛ yɛ Gibea! Akpã koofɛŋ lɛ yɛ Rama! Abɔ oshe yɛ Bet-Aven! Ohe akpokpo, Benyamin!

Hosea 8:1

Yehowa kɛɛ akɛ, “Kpã tɛtɛrɛmantɛrɛ lɛ okɛhɛle mɛi ashi. Henyɛlɔ miiba tamɔ okropɔŋ ebayi Yehowa we lɛ nɔ, ejaakɛ mimaŋbii lɛ eku mi kɛ amɛ kpãŋmɔ lɛ mli, ni amɛtɔ̃ mimla lɛ nɔ.

Yoel 1:15

Yehowa gbi lɛ eshɛ shi etã! Gbi ni Ofe lɛ kɛ hiɛkpãtãmɔ baa lɛ, nakai gbi lɛ baafee gbeyei!

Yoel 2:11

Yehowa woɔ egbee, ni efãa eta lɛ. Esra lɛ da naakpa, ni mɛi ni yeɔ efãmɔi lɛ anɔ lɛ, anyɛɛɛ amɛ akane. Yehowa gbi lɛ, ebaafee gbeyei! Namɔ po aaanyɛ naa adamɔ?

Yoel 2:15

Nyɛkpãa tɛtɛrɛmantɛrɛ yɛ Zion; nyɛfãa akɛ ahi ŋmaa krɔŋkrɔŋ, ni nyɛtsɛa kpee ni mli wa.

Yoel 2:31

Hulu aaawo duŋ, ni nyɔɔŋtsere aaatsu faa tamɔ lá. Dani Yehowa gbi wulu ni yɔɔ gbeyei lɛ aaaba.

Yoel 3:14

Gbɔmɛi akpeiakpei abɔ yɛ Kojomɔ Jɔɔ lɛ mli. Jɛi ji he ni Yehowa Gbi ni eshɛ etã lɛ baaba yɛ.

Yoel 3:17

“Kɛkɛ lɛ nyɛaana nyɛle akɛ, mi ji Yehowa, nyɛNyɔŋmɔ lɛ. Mihiɔ Zion, migɔŋ krɔŋkrɔŋ lɛ nɔ. Yerusalɛm aaatsɔ̃ maŋ wulu krɔŋkrɔŋ; gbɔi nyɛŋ enɔ amɛye kɔkɔɔkɔ dɔŋŋ.

Amos 3:6

Ani tɛtɛrɛmantɛrɛ gbɛɔ yɛ maŋ ni maŋbii lɛ hɛleee shi lo? Ani amane baa maŋ ko nɔ ni jeee Yehowa dɛŋ ejɛ lo?

Amos 5:18

Kpoo hã nyɛ, nyɛ mɛi ni nyɛshweɔ Yehowa gbi lɛ. Mɛni nyɛbaana yɛ Yehowa gbi lɛ nɔ? Naa, duŋ gbi ni, shi jeee la gbi ni:

Amos 8:2

Kɛkɛ ni Yehowa bi mi akɛ, “Amos, mɛni onaa nɛɛ?” Mihere nɔ akɛ, “Kɛntɛŋ kɛ emli tsei ayibii ni etsu.” Kɛkɛ ni Yehowa kɛɛ mi akɛ, “Mimaŋ Israelbii akpulu eyi agbɛnɛ; mikɛ amɛhe ekeŋ amɛ dɔŋŋ; mibagbala amɛtoi.

Obadia 1:15

“Ejaakɛ be lɛ eshɛ etã, be ni, mi, Yehowa mibakojo majimaji lɛ. Bɔ ni ofee lɛ, nakai aaafee bo, Esau. Onifeemɔnii lɛ baaku sɛɛ abawula oyiteŋ.

Zefania 1:14

Yehowa gbi wulu lɛ ebɛŋkɛ etã, eeba nɔŋŋ. Gbi lɛ baajoo naakpa, ejaakɛ nakai gbi lɛ, kãkãlɔi tete baafo waa.

Zefania 1:16

Gbi lɛ tɛtɛrɛmantɛrɛ baagbɛɛ, ni abaabɔ oshe kɛtua maji ni atswatswaa gbogboi awo amɛhe lɛ kɛ mɔji ni kwɔlɔ lɛ hu.

Zefania 1:7

Naa, Yehowa gbi lɛ eshɛ etã, no hewɔ lɛ, nyɛfea diŋŋ yɛ ehiɛ. Yehowa esaa afɔle lɛ eto, ni etsuu emɛi ni ekpee lɛ ahe.

Zefania 3:11

Nakai gbi lɛ nɔ lɛ, nyɛhiɛ gboŋ dɔŋŋ yɛ nibii ni nyɛfeefee nyɛkɛtse mihiɛ atua lɛ ahewɔ, ejaakɛ majie ntɛŋfeelɔi ni woɔ amɛhe nɔ fɛɛ yɛ nyɛteŋ, ni nyɛwoŋ nyɛhe nɔ dɔŋŋ yɛ migɔŋ krɔŋkrɔŋ lɛ nɔ,

Zakaria 14:1

Naa, Yehowa gbi ko miiba, ni ta mli nii ni henyɛlɔi ha yɛ bo Yerusalɛm omli lɛ, abaaja yɛ bo nɔŋŋ omli.

Zakaria 8:3

Bɔ ni Yehowa kɛɛ ekoŋŋ nɛ, mibaku misɛɛ kɛba Zion, ni mibahi Yerusalɛm maŋ lɛ mli, ni abaatsɛ Yerusalɛm akɛ anɔkwale maŋ, kɛ Yehowa Taiatsɛ lɛ gɔŋ lɛ hu akɛ, ‘Krɔŋkrɔŋ.’

Maleaki 4:1

Yehowa kɛɛ akɛ, “Naa, gbi ko miiba; ni emli edɔ la tamɔ flɔnɔɔ. Eshishɛɛ lɛ gbɔmɛi fɔ̃ji fɛɛ baatsɔ̃mɔ tamɔ abele gbetselii; ebaashã amɛ bɔ ni eshwɛŋ eko eko shishifã loo tso nine.

4 Mose 10:2

“Okɛ jwiɛtɛi ni atswia afee tɛtɛrɛmantɛrɛi enyɔ koni akɛtsɛ asafo lɛ kɛkpe, ni asaŋ okɛhã amɛfã kɛshi shitoohe lɛ.

4 Mose 10:3

Kɛji akpã tɛtɛrɛmantɛrɛi enyɔ lɛ fɛɛ shikome ni gbɛɛmɔ lɛ sɛɛ tsɛ naakpa lɛ, maŋbii asafo muu lɛ fɛɛ naa abakpe shi yɛ oŋɔɔ yɛ Kpee Buu lɛ shinaa lɛ naa.

1 Korintobii 14:8

Ejaakɛ kɛji tɛtɛrɛmantɛrɛ egbɛɛɛ gbɛɛmɔ ni yɔɔ faŋŋ lɛ, namɔ aaasaa ehe ato ta?

Filipibii 2:12

No hewɔ lɛ, nyɛ mɛi ni misumɔɔ, tamɔ bɔ ni nyɛboɔ toi daa nɛɛ, jeee be ni mikɛ nyɛ yɔɔ lɛ kɛkɛ, shi moŋ titri lɛ, agbɛnɛ ni mibɛ nyɛŋɔɔ nɛɛ hu lɛ, nyɛkɛ gbeyeishemɔ kɛ hekpokpomɔ atsua nyɛ diɛŋtsɛ nyɛyiwalaheremɔ lɛ he nii;

1 Tesalonikabii 5:2

Ejaakɛ nyɛ diɛŋtsɛ nyɛle krɛdɛɛ akɛ Nuŋtsɔ lɛ Gbi lɛ baaba tamɔ julɔ baa nyɔɔŋ lɛ.

Yakobo 5:8

Nyɛ hu nyɛŋmɛa nyɛtsui shi, ni nyɛnaa hiɛnɔkãmɔ ni nyɛdamɔa shi shiŋŋ, ejaakɛ Nuŋtsɔ lɛ baa be lɛ eshɛ etã.

1 Petro 4:7

Shi nibii fɛɛ anaagbee lɛ eshɛ etã. Hewɔ lɛ nyɛjwɛŋmɔ mli atsea ni nyɛhiɛ akãa shi ahãa sɔlemɔi.

Kpojiemɔ 6:17

Ejaakɛ emlifu gbi wulu lɛ eshɛ, ni namɔ aaanyɛ shi adamɔ?”