Yoel 1:4 - ŊMALƐ KRƆŊKRƆŊ LƐ

⁴ Baalabii baha wɔŋmɔshinii; nɔ ni ku kome shwɛ lɛ, ku ni nyiɛ sɛɛ baye.

Ṅmãle̱ Kroṅkroṅ Le̱

⁴ Nii ni agãi ye ſe̱ le̱, bãlabii eye; ni nii ni bālabii ye ſe̱ le̱, otukpe̱i eye; ni nii ní otukpe̱i ye ſe̱ le̱, no ligõligõi eye.

Yoel 1:4 ပူးပေါင်းရင်းမြစ်များ

1 Maŋtsɛmɛi 8:37

“Kɛji hɔmɔ ba shikpɔŋ lɛ nɔ, kɛji gbele hela ba shikpɔŋ lɛ nɔ, kɛji aharabata kɔɔyɔɔ ni mli edɔ la ŋala nii ni adu yɛ shikpɔŋ lɛ nɔ, ni amɛsɔle lɛ, bo toi. Kɛji baalabii baye nii lɛ jio, no hu bo amɛ toi. Kɛji omaŋbii ahenyɛlɔi basa amɛyi wo amɛmaji amli yɛ amɛshikpɔŋ nɔ, loo gbele hela ko ba lɛ,

2 Kronika 6:28

“Kɛji hɔmɔ loo gbele hela ni eba shikpɔŋ lɛ nɔ jio, jeŋ dɔlɛ loo baalabii loo otukpɛi ni ebakpãtã ŋmɔshi nibii ahiɛ ni jio, aloo omaŋ lɛ henyɛlɔi ni ebasa omaŋbii komɛi ayi ewo amɛmaŋ mli ni jio, nɔ haomɔ fɛɛ haomɔ loo hela fɛɛ hela ni eji lɛ,

2 Kronika 7:13

Be fɛɛ be ni matsi ŋwɛi naa ni no hewɔ lɛ, nu enɛɛɛ, aloo mafã ni baalabii aaabaye shikpɔŋ lɛ nɔ ŋmɔshinii, aloo mahã gbele hela aaabote mimaŋbii ateŋ lɛ,

Lalai 105:34

Efã, kɛkɛ ni baalabii kɛ otukpɛi ni aleee amɛyibɔ ba.

Lalai 78:46

Ehã gɔgɔmii ye amɛŋmɔshinii, ni baalabii kpãtã amɛnitsumɔnii ahiɛ.

2 Mose 10:4

Shi kɛji okpɛ̃lɛɛɛ ni mimaŋ lɛ aya lɛ, no lɛ naa, wɔ kpaakpa wɔ lɛ, mahã baalabii aba okpokpai lɛ anɔ,

2 Mose 10:5

ni amɛaaha shi bɔ sɔŋŋ ni anaŋ shikpɔŋ lɛ tete, ni amɛaaye nii fɛɛ ni shwɛ hã nyɛ yɛ ŋa nɔ ni nyɔŋmɔŋtɛi lɛ kpãtãaa hiɛ lɛ. Amɛaaye bai fɛɛ ni tsɛ̃rɛɔ yɛ nyɛtsei anɔ yɛ ŋa nɔ lɛ.

Yesaia 33:4

Aaaha nyɛnomŋɔɔnii tamɔ baalabii; ni abaake kɛba onɔ tamɔ otukpɛi.

Yeremia 51:14

Yehowa Taiatsɛ lɛ, ekã lɛ diɛŋtsɛ ehe kitã akɛ, ‘Mahã tabilɔi tamɔ baalabii afalɛ abayi omli obɔ̃ tɔ, ni amɛbaabɔ kunimyeli oshe.’ ”

Yeremia 51:27

“Nyɛshia tayaa aflaŋaa yɛ shikpɔŋ lɛ nɔ. Nyɛkpãa tɛtɛrɛmantɛrɛ yɛ majimaji lɛ anɔ. Nyɛsaa maji lɛ nyɛhãa ta nyɛwoa Babilon. Nyɛwoa maŋtsɛyeli ni ji Ararat kɛ Mini kɛ Ashkenaz ŋaa koni amɛfã ta amɛwo Babilon. Nyɛfãa tatsɛ koni enyiɛ tabilɔi lɛ ahiɛ kɛyatua lɛ. Nyɛkɛ okpɔŋɔi abaa babaoo tamɔ baalabii.

Yoel 2:25

Nii ni baalabii kɛ otukpɛi kɛ gɔgɔmii lɛ eye, yɛ afii ni amɛba lɛ mli lɛ, mato nyɛ najiaŋ. Mi mihã baalabii ta babaoo lɛ ba batua nyɛ.

Amos 4:9

“Mihã kɔɔyɔɔ kɛ emli dɔlɛ fã, ni eŋala nyɛŋmɔshinii, ni baalabii kpãtã nyɛbɔ̃ɔi kɛ nyɛwain tromi kɛ nyɛgbami tsei kɛ nyɛmu tsei bluublu ahiɛ; shi kɛ̃lɛ nyɛkpaleko kɛbako miŋɔɔ.” Yehowa kɛɛ.

Amos 7:1

Nɔ ni Nuŋtsɔ Nyɔŋmɔ jie etsɔ̃ɔ mi nɛ. Mina akɛ Nuŋtsɔ Nyɔŋmɔ bɔ baalabii ku ko. Be nɛɛ mli lɛ afɛ̃ maŋtsɛ jwɛi momo, ni jwɛi lɛ eje shishi eefu kɛmiiba ekoŋŋ.

Maleaki 3:11

Nyɛhewɔ lɛ mibatsi baalabii ni kpãtãa nii ahiɛ lɛ anaa mahã nyɛ koni amɛkafite nyɛŋmɔshi nibii; ni nyɛwain tsei ni yɔɔ ŋa nɔ lɛ baawo babaoo.

5 Mose 28:38

“Okɛ dumɔ wui babaoo baaya oyadu yɛ ŋmɔ mli, shi nii fioo pɛ obaana okpa kɛba, ejaakɛ baalabii aaaye tsiimɔ.

5 Mose 28:42

Otsei lɛ kɛ oŋmɔshi nibaanii lɛ baalabii aaaye fɛɛ.