Yoel 1:14 - ŊMALƐ KRƆŊKRƆŊ LƐ

¹⁴ Nyɛfãa koni ahi ŋmaa krɔŋkrɔŋ, nyɛtsɛa kpee hu. Nyɛbuaa onukpai lɛ kɛ shikpɔŋ lɛ nɔ bii fɛɛ anaa kɛyaa Yehowa nyɛNyɔŋmɔ lɛ we lɛ, ni nyɛbolɔa nyɛtsɛa lɛ.

Ṅmãle̱ Kroṅkroṅ Le̱

¹⁴ Nyetoa ṅmā̃hĩle̱ kroṅkroṅ; nyetšé̱a kpē hũ! Nyebuaä onukpai le̱ ke̱ šikpoṅ le̱ no̱ bii le̱ fẽ nā ke̱-baä Iehowa, nye-Nyoṅmo̱ le̱, we le̱, ni nyeblo̱a nyetšé̱a Iehowa!

Yoel 1:14 ပူးပေါင်းရင်းမြစ်များ

2 Maŋtsɛmɛi 10:20

Kɛkɛ ni Yehu kɛɛ akɛ, “Nyɛtoa gbi jurɔ wulu ko ni akɛja Baal.” No hewɔ lɛ, ato gbi lɛ.

2 Kronika 20:13

Nɛkɛ be mli lɛ Yuda hii fɛɛ kɛ amɛŋamɛi kɛ amɛbii kɛ hɔi blublu ewo shi yɛ Yehowa Sɔlemɔtsu lɛ hiɛ.

Nehemia 8:18

Gbi fɛɛ gbi, kɛjɛ klɛŋklɛŋ gbi lɛ nɔ kɛyashi naagbee gbi lɛ nɔ lɛ, akaneɔ Nyɔŋmɔ Mla Wolo lɛ. Amɛye gbijurɔ lɛ gbii kpawo, ni gbi ni ji kpaanyɔ lɛ nɔ lɛ amɛkpe naagbee kpee, tamɔ bɔ ni ato lɛ.

Ester 4:16

“Yaa ni oyabua Yudafoi ni yɔɔ Susa maŋ lɛ mli fɛɛ anaa kɛkpe; ni nyɛhia ŋmãa, ni nyɛsɔlea nyɛhãa mi. Nyɛkayea nii, ni nyɛkanua nu hu shwaneshwane kɛ nyɔɔŋnyɔɔŋ gbii etɛ̃. Mi hu mi kɛ miblayei lɛ baahi ŋmãa nakai nɔŋŋ. Enɛ sɛɛ lɛ mibaya mayana maŋtsɛ lɛ, tsɛbelɛ mla eŋmɛɛɛ gbɛ nakai. Kɛji miyagbo yɛ no hewɔ po jiŋŋ efeee nɔ ko.”

Yeremia 14:2

“Yuda miiye ŋkɔmɔ, egboi anaabulɔi lɛ etɔ biti; amɛjwere shikpɔŋ amɛmiiye ŋkɔmɔ, ni Yerusalɛm miibolɔ waa.

Yeremia 36:9

Yuda Maŋtsɛ Yehoiakim, Yosia bi lɛ, maŋtsɛyeli afi ni ji enumɔ lɛ mli nyɔŋ ni ji nɛɛhu lɛ nɔ lɛ, Yerusalɛmbii kɛ mɛi ni jɛɔ Yuda maji amli amɛbaa Yerusalɛm lɛ hi ŋmaa yɛ Yehowa hiɛ.

Yoel 1:2

Nyɛ mɛi ni nyɛdara, nyɛboa toi, nyɛ Yuda shikpɔŋ lɛ nɔ bii fɛɛ, nyɛfea toi. Nɔ ni eba nɛɛ, ani eko eba dã yɛ nyɛyinɔ, loo yɛ nyɛtsɛmɛi ayinɔ tete?

3 Mose 23:36

Gbii kpawo lɛ mli gbi fɛɛ gbi lɛ, nyɛhiɛa nyɛdɛŋ niyenii afɔle ni ashãa nyɛkɛbahãa Yehowa. Gbi ni ji kpaanyɔ lɛ nɔ lɛ, nyɛkpea kpee krɔŋkrɔŋ kɛjaa ekoŋŋ, ni nyɛkɛ niyenii afɔle ni ashãa abaa abahãa Yehowa. Kpee wulu diɛŋtsɛ gbi ni. Akatsu nitsumɔ ko nitsumɔ ko ni wa yɛ nɔ.

Yona 3:5

Ninevebii lɛ he Nyɔŋmɔ nɔ amɛye; ni no hewɔ lɛ, amɛfã akɛ, kɛjɛ mɔ wulu nɔ aahu kɛyashi mɔ bibioo nɔ lɛ, ahi ŋmaa, ni abu kpekpe kɛtsɔ̃ɔ akɛ amɛje amɛhe sɛɛ.

Yona 3:8

shi moŋ gbɔmɔ kɛ kooloo fɛɛ abu kpekpe, ni mɔ fɛɛ mɔ asɔle kɛ hiɛdɔɔ atsɛ Nyɔŋmɔ; asaŋ mɔ fɛɛ mɔ atsake ejeŋba gbonyo lɛ, ni akpa yitsoŋwalɛ sane ni akɛyeɔ mɛi lɛ,

Zefania 2:1

Ao, maŋ ni hiɛgbele tɔ ejwa, nyɛbuaa nyɛhe naa, ni nyɛsusua nyɛhe,