Yoel 1:13 - ŊMALƐ KRƆŊKRƆŊ LƐ

¹³ Osɔfoi, nyɛbua kpekpe, ni nyɛwoa yara; Nyɛ afɔleshãa latɛ lɛ he sɔ̃ɔlɔi, nyɛwɔa lele. Nyɛbotea Sɔlemɔ we lɛ, ni nyɛyea ŋkɔmɔ nyɔɔŋnyɔɔŋ fɛɛ, nyɛ miNyɔŋmɔ lɛ sɔ̃ɔlɔi, ejaakɛ niyenii afɔle kɛ dãa afɔle ni akɛyaa nyɛNyɔŋmɔ lɛ we lɛ, atsi naa.

Ṅmãle̱ Kroṅkroṅ Le̱

¹³ Nyemĩaä ni nyewoa yāra, nye oso̱foi, nyewo̱a lele, nye afo̱lešãlate̱ le̱ he súolo̱i! nyebaä nyebabumo̱a kpekpei ke̱-wo̱a, nye mi-Nyoṅmo̱ le̱ súolo̱i! edšake̱ atši *niyenii-afo̱le ke̱ dā̃-afo̱le nā ke̱-dše̱ nye-Nyoṅmo̱ lo̱ we le̱! *K. 9.

Yoel 1:13 ပူးပေါင်းရင်းမြစ်များ

2 Samuel 12:16

David sɔle ekpa Nyɔŋmɔ fai ehã gbekɛ lɛ koni ehe awa lɛ; David hi ŋmaa, ni eho ekã shikpɔŋ yɛ etsu lɛ mli nyɔɔŋnyɔɔŋ fɛɛ.

1 Maŋtsɛmɛi 21:27

Be ni Ahab nu wiemɔi nɛɛ lɛ, egbala etadei lɛ yɛ ehe, ni ekɔ kpekpe ebu, ni ehi ŋmãa, ni ebuɔ kpekpe lɛ tete kɛwɔɔ, ni eyaa ni ebaa ni efee gblinii.

Yesaia 22:12

Nakai gbi lɛ Nuŋtsɔ Nyɔŋmɔ, Taiatsɛ lɛ, tsɛ koni nyɛfo ni nyɛye ŋkɔmɔ ni nyɛshɛshɛɛ nyɛyi ni nyɛmia kɛ kpekpe.

Yesaia 61:6

Shi nyɛ lɛ, aaatsɛ nyɛ Yehowa osɔfoi, ni mɛi aaatsɛ nyɛ wɔNyɔŋmɔ lɛ sɔ̃ɔlɔi. Nyɛaabaye jeŋ maji lɛ anii, ni nyɛmii aaashɛ yɛ jeŋ majiaŋbii lɛ anii lɛ hewɔ.

Yeremia 4:8

Enɛ hewɔ lɛ, nyɛmiaa kɛ kpekpe nyɛyea ŋkɔmɔ, ni nyɛwoa yara, ejaakɛ Yehowa efoko emli ni fu wɔ waa lɛ sɛɛ.”

Yeremia 9:10

Kɛkɛ ni mikɛɛ akɛ, “Mawo yara mafo gɔji lɛ waa, ni maye ŋkɔmɔ yɛ ŋa nɔ kooloi aniyelihei lɛ ahewɔ, ejaakɛ jɛi fɛɛ eŋãla, ni mɔ ko tsɔ̃ɔɔ jɛi kɛhooo dɔŋŋ. Anuuu tsinai agbee yɛ jɛi; ni jwɛiaŋ loofɔji kɛ kooloi tete ejo foi kɛshi jɛi amɛtee.”

Ezekiel 21:12

Gbɔmɔ Adesa, wo yara ni ofo, ejaakɛ afã klante awo miwebii lɛ. Afã klante awo Israel lumɛi fɛɛ. Ajɔɔ amɛ kɛ miwebii lɛ fɛɛ anɔ ahã klante; hewɔ lɛ, nyɛyia nyɛhe ma.

Ezekiel 27:31

Amɛshɛ amɛyi yɛ ohewɔ, ni amɛbu kpekpe. Amɛwo yara, ni amɛfo bo waa kɛ dɔlɛ naakpa.

Ezekiel 7:18

Amɛaabumɔ kpekpe, ŋmiŋmi aaamɔmɔ amɛ, amɛyiteaŋ aaakpa ni amɛhiɛ aaagboi hu.

Hosea 9:5

Te nyɛbaafee tɛŋŋ kɛji eshɛ gbijurɔyeli be loo Yehowa gbijurɔ lɛ hu?

Yoel 2:12

“Shi amrɔ nɛɛ po Yehowa kɛɛ, nyɛshwaa nyɛhe anɔkwale mli, ni nyɛkpalea kɛbaa miŋɔɔ kɛ ŋmaahilɛ kɛ yaafo kɛ ŋkɔmɔyeli.”

Yoel 2:14

Ekolɛ Yehowa, nyɛNyɔŋmɔ lɛ, aaatsake ejwɛŋmɔ, ni eeejɔɔ nyɛŋmɔshinii, ni nyɛkɛ niyenii afɔle kɛ dãa afɔle aaabahã Yehowa, nyɛNyɔŋmɔ lɛ.

Yoel 2:17

Osɔfoi ni ji Yehowa sɔ̃ɔlɔi lɛ afo, ni amɛsɔle yɛ koi lɛ kɛ afɔleshãa latɛ lɛ teŋ amɛkɛɛ, “Yehowa, naa bo diɛŋtsɛ omaŋ lɛ mɔbɔ; kaahã maji krokomɛi miiye wɔhe fɛo amɛkɛɛ. ‘Nɛgbɛ nyɛNyɔŋmɔ lɛ yɔɔ?’ ”

4 Mose 28:14

Yɛ dãa afɔle lɛ gbɛfaŋ lɛ tsinanuu kome he dãa ji wain litai enyɔ; ojwɛni kome he dãa ji wain lita kome kɛ fã; ni gwantɛŋbi he dãa ji wain lita kome. Afi mli nyɔŋ fɛɛ nyɔŋ klɛŋklɛŋ gbi lɛ nɔ lɛ, afɔle ni ashã lɛ he mla ji enɛ.

4 Mose 28:4

Oshã gwantɛŋbi kome leebi, ni oshã ekome hu gbɛkɛnaashi.

4 Mose 28:7

Dãa afɔle lita kome afata gwantɛŋbi kome he, koni ofɔse dãa lɛ oshwie shi yɛ He Krɔŋkrɔŋ lɛ okɛhã Yehowa.

4 Mose 29:6

Enɛɛmɛi asɛɛ lɛ ashã nyɔŋ hee shãa afɔle kɛ ehe niyenii afɔle lɛ, kɛ daa gbi shãa afɔle lɛ hu kɛ ehe niyenii afɔle lɛ hu. Eko fɛɛ eko lɛ kɛ ehe dãa afɔle bɔ ni afo aŋmɛ shi lɛ pɛpɛɛpɛ. Niyenii afɔlei ni akɛ la shãa ni jeɔ ŋma woɔ Yehowa ni.

1 Korintobii 4:1

Bɔ pɛ ni gbɔmɛi abu wɔ nɛ, akɛ Kristo sɔ̃ɔlɔi kɛ Nyɔŋmɔ teemɔ saji lɛ anɔ tsuji nukpai.

1 Korintobii 9:13

Ani nyɛleee akɛ mɛi ni tsuɔ nii yɛ Sɔlemɔ we lɛ, Sɔlemɔ wenii lɛ eko nɔŋŋ amɛyeɔ? Ni mɛi ni sɔmɔɔ yɛ afɔleshãa latɛ lɛ he lɛ, afɔleshãa latɛ lɛ nɔ nii lɛ eko nɔŋŋ amɛnaa?

2 Korintobii 11:23

Kristo sɔ̃ɔlɔi ji amɛ? Miiwie tamɔ mɔ ni yitsoŋ kãa lɛ. Mife amɛ yɛ tɔlɛ nitsumɔi ni tɛke nɔ amli, yɛ tsuŋwoi babaoi amli, yɛ yii ni fa tsɔ̃ amli, yɛ gbelei amli kpitiokpitio.

2 Korintobii 3:6

lɛ ehã wɔtsɔ̃mɔ mɛi ni sa akɛ akɛfee kpãŋmɔ hee lɛ sɔ̃ɔlɔi, jeee nɔ ni aŋma shi moŋ Mumɔ nɔ; ejaakɛ nɔ ni aŋma lɛ gbeɔ mɔ; shi Mumɔ lɛ hãa mɔ yi naa wala.

2 Korintobii 6:4

Shi moŋ, nɔ fɛɛ nɔ mli lɛ wɔkɛ wɔhe tsɔ̃ɔ akɛ Nyɔŋmɔ sɔ̃ɔlɔi ji wɔ. Wɔmĩaa wɔhiɛ babaoo. Wɔtoɔ wɔtsui shi yɛ amanehului kɛ fimɔi kɛ jaramɔi amli.

Kpojiemɔ 11:3

Ni mahã midasefoi enyɔ lɛ hegbɛ ni amɛgba gbii akpe kɛ ohai enyɔ kɛ nyɔŋmai ekpaa ni amɛwo kpekpe.”