Yoel 1:11 - ŊMALƐ KRƆŊKRƆŊ LƐ

¹¹ Nyɛ okwaafoi, nyɛyea ŋkɔmɔ. Nyɛ waintromkwɛlɔi, nyɛwoa yara yɛ ŋmaa kɛ akoko hewɔ, ejaakɛ ŋmɔshinii lɛ hiɛ ekpãtã.

Ṅmãle̱ Kroṅkroṅ Le̱

¹¹ Hũlo̱i ahĩe egboi, weintromsālo̱i wo̱ö̱ lele, ye̱ ṅmā̃ ke̱ akoko hewo̱; edšake̱ ṅmõdšiaši nikpamo̱ le̱ elādše.

Yoel 1:11 ပူးပေါင်းရင်းမြစ်များ

Yesaia 17:11

ni ooohã tsei nɛɛ ahere gbi nɔŋŋ ni otɛo amɛ lɛ, ni ooohã tsei nɛɛ agba afofro gbi leebi lɛ nɔŋŋ ni otɛo amɛ lɛ nɔ, shi nikpamɔ lɛ baaje odɛ̃ŋ, ni gbi lɛ aaatsɔ ŋkɔmɔyeli kɛ hejaramɔ ni naa wa gbi.

Yeremia 14:2

“Yuda miiye ŋkɔmɔ, egboi anaabulɔi lɛ etɔ biti; amɛjwere shikpɔŋ amɛmiiye ŋkɔmɔ, ni Yerusalɛm miibolɔ waa.

Yeremia 50:16

Nyɛkaŋmɛa mɔ ko gbɛ ni edu nii yɛ Babilon, ni nyɛkaŋmɛa mɔ ko gbɛ ni ekpã ŋmɔshinii yɛ Babilon. Henyɛlɔi aklante hewɔ lɛ mɔ fɛɛ mɔ baatao emaŋbii asɛɛgbɛ, ni ebaajo foi kɛya lɛ diɛŋtsɛ eshikpɔŋ nɔ.”

Yeremia 9:12

Kɛkɛ ni mibi akɛ, “Nuŋtsɔ mɛɛ hewɔ ni shikpɔŋ lɛ hiɛ ekpãtã, ni etsɔ̃ shiaŋa ni mɔ ko mɔ ko tsɔ̃ɔɔ nɔ kɛhooo nɛɛ? Namɔ ji nilelɔ ni aaanu enɛ shishi? Namɔ ji mɔ ni bo Yehowa ojie otsɔ̃ɔ lɛ, ni egba?”

Ezekiel 30:2

“Gbɔmɔ Adesa, gbaa ni okɛɛ akɛ bɔ ni Nuŋtsɔ Yehowa kɛɔ nɛ, nyɛwoa lele! Kpoo hã nakai gbi lɛ.

Amos 5:16

No hewɔ lɛ, nɔ ni Yehowa, Taiatsɛ, ni ji Nuŋtsɔ lɛ, kɛɔ ji akɛ, “Abaawo yara yɛ blohui fɛɛ amli, ni aaabolɔ, ‘Ao, ao!’ Kɛnyiɛ gbɛjegbɛi lɛ anɔ. Abaatsɛ okwaafoi koni amɛbaye ŋkɔmɔ, ni abaatsɛ mɛi ni le yara nɔ yaafo jogbaŋŋ hu koni amɛbafo. Abaawo yara yɛ wain trom fɛɛ wain trom mli ejaakɛ matsɔ̃ nyɛteŋ kɛho kɛgbala nyɛ toi,” Yehowa kɛɛ.

Romabii 5:5

ni hiɛnɔkãmɔ lɛ efeee efolo; ejaakɛ atsɔ̃ Mumɔ Krɔŋkrɔŋ ni akɛhã wɔ lɛ nɔ afɔse Nyɔŋmɔ suɔmɔ awo wɔtsuii amli.