Yesaia 9:7 - ŊMALƐ KRƆŊKRƆŊ LƐ

⁷ Emaŋtsɛyeli lɛ shweremɔ kɛ edɛŋ toiŋjɔlɛ lɛ, esɛɛ efoŋ yɛ David maŋtsɛ sɛi lɛ nɔ, kɛ emaŋtsɛyeli hei fɛɛ. Ekɛ jalɛ saneyeli kɛ nɔ ni ja feemɔ baahã emaŋtsɛyeli lɛ ama shi kɛya naanɔ. Yehowa, Taiatsɛ lɛ, kɛ hiɛdɔɔ baafee enɛ.

Ṅmãle̱ Kroṅkroṅ Le̱

⁷ [8.] Nuṅtšo̱ le̱ še̱ šē̱ ko ye̱ Iakob hewo̱, ni eyaſie Israel no̱,

Yesaia 9:7 ပူးပေါင်းရင်းမြစ်များ

Daniel 2:44

Maŋtsɛyelii nɛɛ amli maŋtsɛmɛi lɛ ayinɔi amli lɛ, Nyɔŋmɔ ni yɔɔ ŋwɛi lɛ baatee maŋtsɛyeli ko ni sɛɛ efoŋ dɔŋŋ shi ema shi. Maŋ ko maŋ ko nyɛŋ enɔ kunim eye. Ebaakpãtã maŋtsɛyelii nɛɛ fɛɛ ahiɛ butuu, ni amɛnɔyelii lɛ asɛɛ aaafo; shi lɛ lɛ emaŋtsɛyeli lɛ baama shi kɛaatee naanɔ.

Daniel 7:14

Ahã lɛ nɔyeli kɛ anunyam kɛ maŋtsɛyeli hewalɛ koni majimaji kɛ asafoi srɔtoi kɛ wiemɔi srɔtoi ashikpɔji anɔ bii fɛɛ asɔ̃mɔ lɛ. Emaŋtsɛyeli lɛ naanɔ maŋtsɛyeli ni, ni esɛɛ efoŋ; ni mɔ ko mɔ ko nyɛŋ hiɛ akpãtã.

2 Samuel 7:16

Mibahã owe lɛ kɛ omaŋtsɛyeli fɛɛ ama shi shiŋŋ daa kɛaatee naanɔ; omaŋtsɛ sɛi lɛ baama shi shiŋŋ kɛaatee naanɔ.’ ”

Daniel 7:27

Kɛkɛ lɛ abaatu shikpɔŋ tso muu lɛ fɛɛ nɔ maŋtsɛyeli hewalɛ lɛ kɛ egbojee lɛ fɛɛ awo Nyɔŋmɔ Ofe lɛ mɛi krɔŋkrɔŋi lɛ adɛŋ. Amɛmaŋtsɛyeli hewalɛ nɛɛ sɛɛ efoŋ, ni shikpɔŋ lɛ nɔ lumɛi fɛɛ baasɔ̃mɔ amɛ, ni amɛbaabo amɛ toi.”

Daniel 2:35

Kɛkɛ ni amãgã lɛ he dade lɛ kɛ su lɛ kɛ akɔɔble lɛ kɛ jwiɛtɛi lɛ kɛ shika lɛ hu fɛɛ tswɛm jwara wɔtsɔwɔtsɔ, ni amɛfuflu, ni amɛtsɔ tamɔ abelenaashaji ni bua gbo abeleshaahe. Kɛkɛ ni kɔɔyɔɔ loo fɛɛ kɛtee, ni eshwɛɛɛ amɛhe nɔ ko nɔ ko. Shi tɛ lɛ ni batswa amãgã lɛ da, ni etsɔ̃ gɔŋ kpeteŋkple, ni ekpele jeŋ fɛɛ.

Hebribii 1:8

Shi Bi lɛ, ekɛɛ yɛ ehe akɛ, “Ao Nyɔŋmɔ, omaŋtsɛ sɛi lɛ ma shi kɛmiiya naanɔi anaanɔ, ni omaŋtsɛ tso lɛ, jalɛ maŋtsɛ tso ni.

Yeremia 23:5

“Mi, Yehowa, miikɛɛ akɛ, naa be ko miiba ni matee maŋtsɛ jalɛ saneyelɔ ko shi ni jɛ David mli. Ebaaye maŋtsɛ yɛ nilee naa, ni ebaakojo jalɛ naa ni ebaaye jalɛ sane yɛ shikpɔŋ lɛ fɛɛ nɔ.

Yesaia 37:32

Ejaakɛ eeeshwɛ mɛi kɛ̃ yɛ Yerusalɛm kɛ Zion Gɔŋ lɛ nɔ ni aaaje gbele mli. Yehowa, Taiatsɛ lɛ, hiɛdɔɔ lɛ baatsu enɛ.”

Yesaia 16:5

abaajɛ suɔmɔ ni tsakeee mli afo maŋtsɛyeli sɛ̃i ko ama shi. Mɔ ko baajɛ David shwiei ateŋ eta sɛ̃i nɛɛ nɔ, ni ebaaye maŋtsɛ lɛ kɛ anɔkwayeli; ebaaye jalɛ sane yɛ kojomɔ mli, ni ebaakwɛ akɛ aaye jalɛ sane.”

Lalai 2:8

Bi mi, ni maŋɔ majimaji lɛ mahã bo akɛ ogboshinii; ni shikpɔŋ muu lɛ fɛɛ aaatsɔ̃ ogbɛfaŋnɔ.

2 Maŋtsɛmɛi 19:31

Ejaakɛ mɛi komɛi kɛ̃ baashwɛ kɛaajɛ Yerusalɛm kɛ Zion aba ni amɛhiɛ kã, ejaakɛ Yehowa eto akɛ bɔ fɛɛ bɔ ni fee lɛ ebaafee enɛ.

Kpojiemɔ 19:11

Ni mina ni agbele ŋwɛi naa, ni mina okpɔŋɔ yɛŋ, ni mɔ ni ta nɔ lɛ atsɛɔ lɛ akɛ Anɔkwafo kɛ Anɔkwayelɔ; ni jalɛ naa ekojoɔ ni ewuɔ ta yɛ.

Mateo 1:23

“Naa, oblayoo foro lɛ aaana musu, Ni eeefɔ binuu, ni amɛaawo lɛ gbɛi akɛ Imanuel, eshishi ji Nyɔŋmɔ kɛ wɔ yɛ.”

Yohane 12:34

Asafo lɛ here lɛ nɔ akɛ, “Wɔ lɛ wɔnu yɛ Mla lɛ mli akɛ Kristo lɛ hiɔ shi kɛyaa naanɔ; ni te feɔ tɛŋŋ ni bo lɛ okɛɔ akɛ ja awo Gbɔmɔ Bi lɛ nɔ lɛ? Namɔ ji nɛkɛ Gbɔmɔ Bi nɛɛ?”

Hebribii 7:24

shi mɔ nɛ lɛ, akɛni ehiɔ shi kɛyaa naanɔ hewɔ lɛ, esɔfoyeli lɛ sɛɛ efooo.

Yesaia 2:4

Ni ebaakojo majimaji lɛ ateŋ, ni ebaakã mɛi babaoo ahiɛ, ni ebaabu atɛŋ ehã mɛi babaoo. Amɛbaatswia amɛklantei lɛ amɛkɛsɔ̃ kɔii ni amɛkɛ amɛkpɔlɔi lɛ hu baasɔ̃ adidai. Maŋ ko kɛ maŋ ko wuŋ ta, ni amɛkaseŋ tawuu dɔŋŋ.

Yesaia 11:1

Tso fɔ aaakwɛ̃ kɛaajɛ Ishai tso kuku lɛ mli, ni tso nine ko aaahere kɛaajɛ eshishi fã lɛ mli awo yibii.

Yesaia 26:11

Ao Yehowa, owo onine nɔ, shi kɛ̃lɛ amɛnaaa. Hã amɛna joomɔ ni ojoɔ yɛ omaŋbii ahe lɛ koni amɛhiɛ agboi. Hã la ni oto hã ohenyɛlɔi lɛ akpãtã amɛhiɛ.

Yesaia 40:10

Naa, Nuŋtsɔ nyɛNyɔŋmɔ lɛ miibaa kɛ hewalɛ, ni eeeye nɔ kɛ nineshiwalɛ. Mɛi fɛɛ ni ehere amɛyiwala lɛ nyiɛ ehiɛ kɛmiiba.

Yesaia 42:13

Yehowa efã tamɔ tabilɔ; etee emlifu shi tamɔ kãkãlɔ. Eebo waa; eebɔ oshe! Eetsɔ̃ɔ ehenyɛlɔi lɛ ehewalɛ.

Hagai 2:9

Sɔlemɔ we nɛɛ sɛɛkpee anunyam lɛ baafe etsutsu anunyam lɛ, ni biɛ majɛ mahã miwebii lɛ ashwere, Mi Yehowa, Taiatsɛ lɛ, mikɛɛ.”