Yesaia 7:4 - ŊMALƐ KRƆŊKRƆŊ LƐ

⁴ Kɛɛmɔ lɛ akɛ, ‘Kwɛ ohe ni ahi, ni ofee dioo; kaashe gbeyei, ni otsui hu akafã yɛ grimɔ waa ni Maŋtsɛ Rezin kɛ Siriabii kɛ Remalia bi Maŋtsɛ Peka egri lɛ hewɔ, ejaakɛ amɛtamɔ tsei kukuji ni miije lasu kɛkɛ.

Ṅmãle̱ Kroṅkroṅ Le̱

⁴ ni okē̱le̱ ake̱: Kwe̱ ohe ní ahĩ ní *ofe diō; kāše gbeyei ni otšui akafã ye̱ ne̱ke̱ latšei kukudši enyo̱ ni dšeo̱ lasũ ne̱ ahewo̱, ye̱ Rezin ke̱ Aram ke̱ Remalia bi le̱ mlila le̱ hewo̱! *30,15.

Yesaia 7:4 ပူးပေါင်းရင်းမြစ်များ

2 Maŋtsɛmɛi 15:27

Yuda Maŋtsɛ Azaria yinɔ afi ni ji nyɔŋmai enumɔ kɛ enyɔ lɛ nɔ Remalia bi Peka bɔ̃i Israel nɔ maŋtsɛyeli, ni eye maŋtsɛ afii nyɔŋmai enyɔ yɛ Samaria.

2 Kronika 20:17

Ta nɛɛ lɛ nyɛtswaŋ eko. Nyɛ lɛ nyɛgbaa nyɛta lɛ kɛkɛ koni nyɛdamɔa shi nyɛmɛ koni nyɛkwɛ kunim ni Yehowa baaye ahã nyɛ Yuda kɛ Yerusalɛmbii. Nyɛkashea gbeyei, asaŋ nyɛtsui akafãa hu. Wɔ lɛ, nyɛfãa ta koni nyɛ kɛ amɛ ayakpea ejaakɛ Yehowa kɛ nyɛ yɛ.”

Yesaia 10:24

Bɔ ni Nuŋtsɔ Yehowa, Taiatsɛ lɛ, kɛɔ nɛ, “Ao mimɛi ni yɔɔ Zion, nyɛkashea Asiriabii lɛ gbeyei kɛji amɛkɛ dadei kɛ amɛdɛ̃hiɛmɔtsei tswia nyɛ tamɔ Ijiptbii lɛ fee nyɛ lɛ.

Yesaia 30:15

Bɔ ni Nuŋtsɔ Nyɔŋmɔ, Israel Mɔ Krɔŋkrɔŋ lɛ, kɛɔ nɛ, “Sɛɛkuu kɛbaa kɛ diŋŋfeemɔ mli nyɛyi aaana wala yɛ; kpoofeemɔ kɛ hiɛnɔkãmɔ mli nyɛhewalɛ yɔɔ. Shi moŋ nyɛkwa,

Yesaia 30:7

Akɛni Ijipt dɛŋ yelikɛbuamɔ lɛ bɛ fɛifɛi, ni enyɛɛɛ nɔ ko nɔ ko etsu hewɔ lɛ, mitsɛɔ lɛ ‘Naafuutsɛ ni etĩii ehe.’ ”

Yesaia 35:4

Nyɛkɛa mɛi ni tsui fãa lɛ akɛ, “Nyɛfea ekãa, nyɛkashea gbeyei! Naa nyɛNyɔŋmɔ lɛ baaba koni ebatɔ nyɛhe owele. Ebaaba koni ebahere nyɛyiwala.”

Yesaia 37:6

Yesaia kɛɛ amɛ akɛ, “Nyɛyakɛa nyɛnuŋtsɔ lɛ akɛ, ‘Bɔ ni Yehowa kɛɔ nɛ, Kaashe gbeyei yɛ wiemɔi ni onu ni Asiria maŋtsɛ lɛ tsuji lɛ kɛbabɔ mi ahora lɛ hewɔ.

Yesaia 41:14

Yehowa kɛɛ, “Kaashe gbeyei, bo gɔgɔmi Yakob! Kaashe gbeyei, bo Israel, gɔgɔmi bibioo! Miikɛɛ bo akɛ maye mabua bo! Okpɔlɔ lɛ ji Israel Mɔ Krɔŋkrɔŋ lɛ.

Yesaia 7:1

Be ni Ahaz ni ji Uzia bi Yotam bi lɛ ji Yuda maŋtsɛ lɛ, Siria maŋtsɛ Rezin kɛ Israel maŋtsɛ Peka ni ji Remalia bi lɛ fã ta kɛba, ni amɛbatua Yerusalɛm, shi amɛnyɛɛɛ maŋ lɛ amɛŋɔ.

Yesaia 7:8

ejaakɛ Siria he waaa fe Damasko, ni Damasko he waaa fe Maŋtsɛ Rezin. Yɛ Israel gbɛfaŋ lɛ biɛ afii nyɔŋmai ekpaa kɛ enumɔ mli lɛ abaabutu lɛ, ni efeŋ maŋ dɔŋŋ.

Yesaia 7:9

Israel he waaa fe Samaria, emaŋ wulu lɛ, ni Samaria he waaa fe Maŋtsɛ Peka, Remalia binuu lɛ. Kɛji nyɛheee nyɛyeee lɛ, no lɛ nyɛhiŋ shi akɛ maŋ.”

Yesaia 8:4

ejaakɛ dani gbekɛ lɛ aaale ‘Ataa loo Awo tsɛmɔ lɛ,’ aaaloo nii ni Damasko yɔɔ kɛ haanii ni Samaria yɔɔ hu kɛnyiɛ Asiria maŋtsɛ hiɛ kɛaatee.”

Yesaia 8:6

“Maŋ nɛɛ kwa Shiloa Faa lɛ mli nu ni hoɔ blɛoo lɛ, ni amɛkpokpo yɛ Maŋtsɛ Rezin kɛ Maŋtsɛ Peka, Remalia bi lɛ, hiɛ.

Yāfó 3:26

Ehi akɛ atoɔ tsui shi kpoo amɛɔ Yehowa yiwalaheremɔ lɛ.

Amos 4:11

Yehowa kɛɛ akɛ, “Mikpãtã nyɛteŋ mɛi komɛi ahiɛ tamɔ mifee Sodom kɛ Gomora lɛ. Nyɛ mɛi ni nyɛyi na wala lɛ, nyɛtsɔ̃mɔ tamɔ la tso ni afã yɛ la naa; ni kɛ̃lɛ nyɛkpaleko kɛbako miŋɔɔ.

Habakuk 2:3

Ninaa nɛɛ be lɛ shɛko moŋ, shi eeye ehe oyai kɛba. Kɛji eshashao shi tete po jiŋŋ, bo lɛ mɛɛ, ejaakɛ ebaaba kɛ̃ ni etsɛŋ.

Zakaria 3:2

Ni Yehowa bɔfo lɛ kɛɛ Satan akɛ, “Satan, Yehowa akã ohiɛ. Yehowa mɔ ni eŋɔ Yerusalɛm akɛ enɔ lɛ aaakã ohiɛ. Ani oleee akɛ latso ni afã yɛ la naa ji mɔ nɛ?”

Mateo 10:28

Ni nyɛkashea mɛi ni gbeɔ gbɔmɔtso lɛ ni amɛnyɛɛɛ susuma lɛ amɛgbe lɛ gbeyei; shi moŋ nyɛshea mɔ ni nyɛɔ susuma kɛ gbɔmɔtso fɛɛ hiɛ ekpãtãa yɛ abonsamiiaje lɛ gbeyei.

Mateo 24:6

Shi nyɛaanu tai kɛ tai atatsĩĩ ahe; nyɛkwɛa ni nyɛtsui akafãa; ejaakɛ esa akɛ nii nɛɛ fɛɛ aba mli, shi kɛ̃lɛ naagbee lɛ shɛko.

5 Mose 20:3

ni ekɛɛ amɛ akɛ, ‘Hiiabii Israelbii, nyɛboa toi! Ta ebanina nyɛ ŋmɛnɛ, ni nyɛkɛ nyɛhenyɛlɔi yaakpe. Nyɛtsui akafãa; nyɛkashea gbeyei, ni nyɛhe akakpokpoa; nyɛkahãa ŋmiŋmi mɔmɔa nyɛ yɛ amɛhiɛ,

1 Samuel 17:32

David kɛɛ Saul akɛ, “Mɔ ko mɔ ko tsui akafã yɛ nuu nɛɛ hewɔ. Otsulɔ aaatee ekɛ nɛkɛ Filistinyo nɛɛ ayakpe.”