Yesaia 66:5 - ŊMALƐ KRƆŊKRƆŊ LƐ

⁵ Nyɛboa Yehowa wiemɔ lɛ toi, nyɛ mɛi ni nyɛhe kpokpoɔ yɛ ewiemɔ lɛ naa lɛ. “Nyɛnyɛmimɛi ni miihi nyɛ, ni amɛkwa nyɛ yɛ migbɛi lɛ hewɔ lɛ, yeɔ nyɛ he fɛo amɛkɛɔ akɛ, ‘Nyɛwoa Yehowa hiɛ nyam akɛ ehere nyɛ, koni wɔna nyamɔ ni nyɛaanya lɛ.’ Shi amɛ moŋ ji mɛi ni amɛhiɛ aaagboi.

Ṅmãle̱ Kroṅkroṅ Le̱

⁵ Nyeboa Iehowa wiemo̱ le̱ toi, nye mei ní nyehe kpokpoo̱ ye̱ ewiemo̱ le̱ nā le̱: Nyenyemimei ni nye̱o̱nye ni *ame̱še̱re̱nye ame̱ſie ye̱ migbe̱i le̱ ahewo̱ le̱ kē̱o̱ ake̱: “Hã Iehowa hĩe aba nyam, ní wo̱na nyenyã́mo̱ le̱”! Ši ame̱hĩe aagboi. *Luk. 6,22.

Yesaia 66:5 ပူးပေါင်းရင်းမြစ်များ

1 Maŋtsɛmɛi 21:29

“Ona bɔ ni Ahab humiɔ shi yɛ mihiɛ agbɛnɛ? Akɛni eba ehe shi yɛ mihiɛ hewɔ lɛ, mihaŋ efɔŋ lɛ aba yɛ eyinɔ nɛɛ; ebi yinɔ moŋ ni mahã efɔŋ lɛ aba ewe lɛ nɔ yɛ.”

2 Maŋtsɛmɛi 22:10

Ni Shafan, woloŋmalɔ lɛ, tsi tã etsɔ̃ɔ maŋtsɛ lɛ akɛ, “Osɔfonukpa Hilkia kɛ wolo ko ehã mi.” Ni Shafan kane wolo lɛ etsɔ̃ɔ maŋtsɛ lɛ.

2 Kronika 34:27

oje ohe sɛɛ, ni oba ohe shi yɛ Nyɔŋmɔ hiɛ, ni be ni onu nɔ fɔŋ ni baaba Yerusalɛm kɛ Yerusalɛmbii anɔ lɛ hu lɛ oba ohe shi yɛ mihiɛ, ni ogbala ohe atade, ni owo yara ni ofo lɛ hewɔ lɛ, mi hu mibo bo toi.

Ezra 9:4

Kɛkɛ ni mɛi fɛɛ ni gbeyei emɔmɔ amɛ yɛ wiemɔi ni Israel Nyɔŋmɔ lɛ wie yɛ mɛi ni aŋɔ amɛ nom lɛ mla ni amɛtɔ̃ hewɔ lɛ babua amɛhe naa yɛ miŋɔɔ. Shi mi lɛ, mihe jɔ̃ mihe kɛta shi aahu kɛyashi gbɛkɛ afɔleshãa be lɛ mli.

Lalai 119:120

Ohe gbeyei naa lɛ, mihe kpokpoɔ; ni miishe odɛ̃ŋ kojomɔi lɛ agbeyei.

Lalai 38:20

Mɛi ni ŋɔɔ efɔŋ toɔ ekpakpa ni mifeɔ najiaŋ lɛ, ete shi ewo mi; ejaakɛ mi lɛ, mifeɔ ekpakpa.

Abe̱i 13:13

Mɔ ni gbeɔ wiemɔ lɛ he guɔ lɛ, ekpãtãa lɛ diɛŋtsɛ ehe hiɛ; shi mɔ ni buɔ kitã lɛ, ebaana he sɛɛ.

Salomo Lalai 1:6

Kaakwɛ mi gãa yɛ dimɔ ni midiɔ, kɛ hulu ni eshã mi hewɔ. Minyɛ bihii lɛ amli fu mi, ni amɛfee mi waintromi anɔkwɛlɔ. Tsɛbelɛ, mi diɛŋtsɛ minɔ lɛ, mikwɛɛɛ.

Yesaia 26:11

Ao Yehowa, owo onine nɔ, shi kɛ̃lɛ amɛnaaa. Hã amɛna joomɔ ni ojoɔ yɛ omaŋbii ahe lɛ koni amɛhiɛ agboi. Hã la ni oto hã ohenyɛlɔi lɛ akpãtã amɛhiɛ.

Yesaia 5:19

Amɛkɛɔ akɛ, “Yehowa he afee oya; nɔ ni eto akɛ ebaafee lɛ, efee koni wɔkwɛ. Ha ni Israel Mɔ Krɔŋkrɔŋ Koome lɛ yiŋ ni eto lɛ abɛŋkɛ wɔ ni aba mli koni wɔle.”

Yesaia 60:15

“Kulɛ akwa bo, ni anyɛ bo; ni mɔ ko mɔ ko tsɔ̃ɔɔ omli kɛhooo; shi no najiaŋ lɛ, maha oje agbo, ofee naanɔ anunyam kɛ naanɔ nyamɔ kɛjɛ yinɔ kɛya yinɔ.

Yesaia 65:13

No hewɔ lɛ, bɔ ni Nuŋtsɔ Nyɔŋmɔ kɛɔ nɛ. Naa, mitsuji lɛ aaaye nii atɔ, shi nyɛ lɛ hɔmɔ baaye nyɛ. Naa, mitsuji lɛ aaana nu amɛnu, shi nyɛ lɛ kumai aaaye nyɛ Naa mitsuji lɛ aaanya, shi nyɛ lɛ nyɛhiɛ aaagboi.

Yesaia 66:2

Mi, minine bɔ enɛɛmɛi fɛɛ, ni no hewɔ lɛ, enɛɛmɛi fɛɛ lɛ minɔ ni,” Yehowa kɛɛ. “Shi mɔ he tsui ni minaa nɛ, mɔ ni ji humi, ni eshwaa ehe yɛ etsui mli, ni ehe kpokpoɔ yɛ miwiemɔ lɛ naa.”

Yeremia 36:16

Be ni amɛnu wolo lɛ mli sane lɛ, amɛkwɛkwɛɛ amɛhiɛiaŋ kɛ tsuifãa, ni amɛkɛɛ Baruk akɛ, “Ja wɔyakɛɛ Maŋtsɛ wolo nɛɛ mli sane lɛ.”

Hosea 11:10

“Mimɛi lɛ baanyiɛ, mi Yehowa, misɛɛ; beyinɔ ni mabo tamɔ jata lɛ amɛaaba kɛ hekpokpomɔ. Amɛhe aaakpokpo kɛaajɛ anaigbɛ kɛba.

Mateo 10:22

Ni mɛi fɛɛ aaanyɛ nyɛ yɛ migbɛi lɛ hewɔ; shi mɔ ni hiɛɔ mli kɛyawulaa shi lɛ, aaahere eyiwala.

Luka 13:17

Ni be ni ewie nɛkɛ lɛ, ehenyɛlɔi lɛ fɛɛ ahiɛ gboi, ni asafo lɛ fɛɛ na miishɛɛ yɛ anunyam nibii ni efee lɛ fɛɛ hewɔ.

Yohane 16:2

Amɛaashwie nyɛ kɛaajɛ kpeehei lɛ. Ni be baaba tete, ni mɔ fɛɛ mɔ ni gbeɔ nyɛ lɛ aaasusu akɛ ekɛmiija Nyɔŋmɔ.

Yohane 9:34

Amɛhere nɔ ni amɛkɛɛ lɛ akɛ, “Bo lɛ, esha mli kwraa afɔ bo yɛ, ni bo moŋ otsɔ̃ɔ wɔ nii nɛɛ?” Ni amɛshwie lɛ.

2 Tesalonikabii 1:12

bɔ ni afee ni awo wɔNuŋtsɔ Yesu Kristo gbɛi lɛ hiɛ nyam yɛ nyɛmli ni nyɛ hu nyɛhiɛ aba nyam yɛ emli, yɛ wɔNyɔŋmɔ lɛ kɛ Nuŋtsɔ Yesu Kristo dromɔ lɛ naa.

Tito 2:13

be mli ni wɔmiikwɛ jɔɔmɔ ni wɔhiɛ kã nɔ kɛ wɔNyɔŋmɔ kpeteŋkple kɛ wɔyiwalaherelɔ Yesu Krito anunyam lɛ puemɔ lɛ gbɛ lɛ.

Hebribii 9:28

nakai nɔŋŋ Kristo hu, akɛni aŋɔ lɛ ahã shi kome koni etere mɛi pii ahe eshai kɛya lɛ, nɔ ni ji shii enyɔ lɛ eeeshi esha ebapue ehã mɛi ni kwɛɔ lɛ gbɛ lɛ ni ehere amɛyiwala.

1 Yohane 3:13

Anyɛmimɛi, kɛji je lɛ miinyɛ nyɛ lɛ, nyɛhiɛ akafea nyɛ yaa.