Yesaia 66:2 - ŊMALƐ KRƆŊKRƆŊ LƐ

² Mi, minine bɔ enɛɛmɛi fɛɛ, ni no hewɔ lɛ, enɛɛmɛi fɛɛ lɛ minɔ ni,” Yehowa kɛɛ. “Shi mɔ he tsui ni minaa nɛ, mɔ ni ji humi, ni eshwaa ehe yɛ etsui mli, ni ehe kpokpoɔ yɛ miwiemɔ lɛ naa.”

Ṅmãle̱ Kroṅkroṅ Le̱

² Ši ene̱mei fẽ le̱, minine fe, ni nakai afe nii ne̱ fẽ, Iehowa ke̱. Ši moni *makwe̱ ne̱: moni nii yo̱ mo̱bo̱ ni emumo̱ tſiaä ši ke̱ do̱le̱, ni ehe kpokpoo̱ ye̱ miwiemo̱ le̱ nā le̱. *57,15.

Yesaia 66:2 ပူးပေါင်းရင်းမြစ်များ

1 Maŋtsɛmɛi 21:29

“Ona bɔ ni Ahab humiɔ shi yɛ mihiɛ agbɛnɛ? Akɛni eba ehe shi yɛ mihiɛ hewɔ lɛ, mihaŋ efɔŋ lɛ aba yɛ eyinɔ nɛɛ; ebi yinɔ moŋ ni mahã efɔŋ lɛ aba ewe lɛ nɔ yɛ.”

2 Maŋtsɛmɛi 22:10

Ni Shafan, woloŋmalɔ lɛ, tsi tã etsɔ̃ɔ maŋtsɛ lɛ akɛ, “Osɔfonukpa Hilkia kɛ wolo ko ehã mi.” Ni Shafan kane wolo lɛ etsɔ̃ɔ maŋtsɛ lɛ.

2 Maŋtsɛmɛi 22:11

Ni be ni Maŋtsɛ Yosia nu Mla Wolo lɛ mli wiemɔi lɛ, ekɛ dɔlɛ gbala etadei yɛ ehe.

Ezra 10:3

No hewɔ lɛ, agbɛnɛ nyɛhãa wɔkɛ wɔNyɔŋmɔ lɛ akpãŋa, koni wɔshwie yei lɛ kɛ bii lɛ hu yɛ minuŋtsɔ kɛ mɛi ni sheɔ wɔNyɔŋmɔ lɛ kitã lɛ gbeyei lɛ aŋaawoo naa, koni wɔye mla lɛ nɔ.

Ezra 9:4

Kɛkɛ ni mɛi fɛɛ ni gbeyei emɔmɔ amɛ yɛ wiemɔi ni Israel Nyɔŋmɔ lɛ wie yɛ mɛi ni aŋɔ amɛ nom lɛ mla ni amɛtɔ̃ hewɔ lɛ babua amɛhe naa yɛ miŋɔɔ. Shi mi lɛ, mihe jɔ̃ mihe kɛta shi aahu kɛyashi gbɛkɛ afɔleshãa be lɛ mli.

Lalai 119:120

Ohe gbeyei naa lɛ, mihe kpokpoɔ; ni miishe odɛ̃ŋ kojomɔi lɛ agbeyei.

Lalai 119:161

Lumɛi folɔɔ minaa yakatswaa kɛ yiwalɛ shi mijɛɔ mitsui mli mibuɔ owiemɔi lɛ.

Lalai 138:6

Yehowa yɛ ŋwɛi shɔŋŋ moŋ nɛ, shi kɛ̃lɛ ehiɛ kã humi he; shi hewolɔ nyɛɛɛ ehe etee yɛ Yehowa hiɛ.

Lalai 34:18

Yehowa bɛŋkɛɔ mɛi ni hiɛnɔkãmɔ etã, ni ehereɔ mɛi ni werɛ eho amɛhe lɛ.

Lalai 51:17

Afɔle ni sa ohiɛ ji mumɔ ni werɛ eho ehe. Oo Nyɔŋmɔ, tsui ni tswiaa shi kɛ dɔlɛ lɛ, okpooŋ.

Lalai 51:19

Kɛkɛ lɛ ooona afɔlei ni sa ahe tsui, shãa afɔlei jio, kooloo muu afɔle ni jio, no ni akɛ tsina hii baashã afɔle yɛ ofɔleshãa latɛ lɛ nɔ.

Abe̱i 28:14

Ajɔɔ mɔ ni sheɔ Yehowa gbeyei daa; shi mɔ ni wajeɔ etsui lɛ, egbeɔ haomɔ mli.

Abe̱i 29:23

Gbɔmɔ hewoo nɔŋŋ aaaba lɛ shi; shi mɔ ni baa ehe shi yɛ mumɔ mli lɛ, aaawo ehiɛ nyam.

Yesaia 40:26

Nyɛwoa nyɛhiɛ nɔ kɛyaa ŋwɛi ni nyɛkwɛa! Namɔ bɔ ŋulamii nɛɛ? Lɛ mɔ ni ejieɔ amɛsafoi lɛ kpo, ni ekaneɔ amɛyibɔ, ni ewoɔ amɛ fɛɛ gbɛi lɛ, lɛ ji mɔ ni fee. Ehewalɛ kpele kɛ enyɛmɔ naa lɛ, amɛteŋ ekome folo nɛkɛ elaajeee.

Yesaia 41:20

Ni mɛi baana, ni amɛaasusu he, ni amɛaanu shishi, ni amɛaale akɛ Yehowa ninenaa nitsumɔ ni, Israel Mɔ Krɔŋkrɔŋ lɛ ji mɔ ni fee.”

Yesaia 57:15

“Ejaakɛ bɔ ni Mɔ Koome ni yɔɔ ŋwɛi flooflo, naanɔ Mɔ ni gbɛi ji Krɔŋkrɔŋ lɛ kɛɛ nɛ, ‘Ŋwɛi shɔŋŋ kɛ He krɔŋkrɔŋ lɛ mihiɔ; asaŋ mikɛ mɔ ni tswiaa shi kɛ dɔlɛ ni ebaa ehe shi yɛ mumɔ mli lɛ hiɔ shi,’ koni maha heshibalɔi amumɔ ana wala hee, ni mɛi ni tswiaa shi kɛ dɔlɛ lɛ atsuii ana wala hee.’

Yesaia 61:1

Nuŋtsɔ Yehowa mumɔ lɛ yɛ minɔ. Efɔ mi mu, ni etsu mi koni mibashiɛ Sanekpakpa lɛ mitsɔ̃ɔ ohiafoi. Etsu mi koni mibashɛje mɛi ni efee bliboo kɛ awerɛho lɛ amii, koni mishiɛ heyeli mitsɔ̃ɔ nomii lɛ, kɛ mɛi ni awo amɛ tsuŋ lɛ.

Yesaia 66:5

Nyɛboa Yehowa wiemɔ lɛ toi, nyɛ mɛi ni nyɛhe kpokpoɔ yɛ ewiemɔ lɛ naa lɛ. “Nyɛnyɛmimɛi ni miihi nyɛ, ni amɛkwa nyɛ yɛ migbɛi lɛ hewɔ lɛ, yeɔ nyɛ he fɛo amɛkɛɔ akɛ, ‘Nyɛwoa Yehowa hiɛ nyam akɛ ehere nyɛ, koni wɔna nyamɔ ni nyɛaanya lɛ.’ Shi amɛ moŋ ji mɛi ni amɛhiɛ aaagboi.

Hosea 11:10

“Mimɛi lɛ baanyiɛ, mi Yehowa, misɛɛ; beyinɔ ni mabo tamɔ jata lɛ amɛaaba kɛ hekpokpomɔ. Amɛhe aaakpokpo kɛaajɛ anaigbɛ kɛba.

Mika 6:8

Dabida! Ao Adesa, Yehowa etsɔ̃ɔ bo nɔ ni hi. Nɔ ni ebiɔ yɛ odɛ̃ŋ nɛ, akɛ ofee nɔ ni ja gbɛ, osumɔ onyɛmimɛi, okɛ oNyɔŋmɔ lɛ anyiɛ yɛ heshibaa mli.

Habakuk 3:16

Minu enɛɛmɛi, ni mihe kpokpo; gbɛɛmɔ lɛ hã minaabu jo bliblibli. Mikpɔiaŋ fee gbedee, ni minaji tɔ̃tɔ̃ yɛ shikpɔŋ. Mibata shi kpoo mamɛ gbi ni abaahao mɛi ni baa koni amɛkɛ maŋ lɛ abawu lɛ.

Mateo 12:6

Shi miikɛɛ nyɛ akɛ, nɔ ko ni fe Sɔlemɔ we lɛ yɛ biɛ.

Bɔfoi 7:50

Aso jeee minine fee enɛɛmɛi fɛɛ?’

Bɔfoi 9:6

Ni ekɛ hekpokpomɔ kɛ ŋmiŋmi kɛɛ akɛ, “Nuŋtsɔ, mɛni otaoɔ akɛ mifee?” Ni Nuŋtsɔ lɛ kɛɛ lɛ akɛ, “Tee shi ni oya maŋ lɛ mli, ni aaatsɔ̃ɔ bo nɔ ni sa akɛ ofee.”

Filipibii 2:12

No hewɔ lɛ, nyɛ mɛi ni misumɔɔ, tamɔ bɔ ni nyɛboɔ toi daa nɛɛ, jeee be ni mikɛ nyɛ yɔɔ lɛ kɛkɛ, shi moŋ titri lɛ, agbɛnɛ ni mibɛ nyɛŋɔɔ nɛɛ hu lɛ, nyɛkɛ gbeyeishemɔ kɛ hekpokpomɔ atsua nyɛ diɛŋtsɛ nyɛyiwalaheremɔ lɛ he nii;

Kolosebii 1:17

Eyɛ dani nii fiaa yɔɔ, ni emli nii fiaa yɔɔ.