Yesaia 61:9 - ŊMALƐ KRƆŊKRƆŊ LƐ

⁹ Amɛshwiei agbɛi aaahehe yɛ jeŋmaji lɛ ateŋ, ni amɛbii hu aaana gbɛi yɛ majimaji lɛ ateŋ. Mɛi fɛɛ ni aaana amɛ aaakpɛ̃lɛ nɔ akɛ mɛi ni Yehowa ejɔɔ amɛ ji amɛ.

Ṅmãle̱ Kroṅkroṅ Le̱

⁹ Ni aale ame̱sešibii le̱ ye̱ dšeṅmãdši le̱ ateṅ ke̱ ame̱ſĩeii hũ ye̱ mãdšimãdsi le̱ ateṅ; mei fẽ ní aanaame̱ le̱ aayoame̱ ake̱ ame̱dši seši ni Iehowa edšō̱.

Yesaia 61:9 ပူးပေါင်းရင်းမြစ်များ

1 Mose 22:18

Ni oshwiei lɛ amli aaajɛ ajɔɔ shikpɔŋ lɛ nɔ maji fɛɛ, ejaakɛ obo mi toi.’ ”

1 Mose 30:27

Shi Laban kɛɛ lɛ akɛ, “Kɛ oooŋmɛ mi gbɛ ni mawie lɛ, mitsɔ̃ gbalɛ nɔ mina mile akɛ bo ohewɔ ni Yehowa ejɔɔ mi nɛɛ.

Lalai 115:14

Yehowa aaahã nyɛshwere babaoo, nyɛ kɛ nyɛbii fɛɛ.

Yesaia 43:5

Kaashe gbeyei, ejaakɛ mi mikɛ bo yɔɔ. Maŋɔ oshwiei kɛaajɛ bokã kɛba, ni mabua onaa kɛaajɛ anai.

Yesaia 44:3

Ejaakɛ mibanɛ nu mashwie shikpɔŋ ni yeɔ nu kumai nɔ, ni mahã fai atue yɛ shikpɔŋ gbiŋ lɛ nɔ. Mahã oshwiei ayimɔ obɔ̃bɔ̃ kɛ mimumɔ lɛ, ni mijɔɔmɔ aaahi oshwiei anɔ.

Yesaia 53:10

“Eji Yehowa yiŋtoo akɛ atswa lɛ nɔ, ni apila lɛ. Kɛji eŋɔ ehe eshã afɔle yɛ esha hewɔ lɛ, ebaana shwiei ni ewala sɛɛ aaatsɛ, ni kɛtsɔ̃ lɛ enɔ lɛ, nɔ ni sa Yehowa hiɛ lɛ aaashwere.

Yesaia 65:23

Amɛgboŋ yaka deŋme, ni amɛfɔŋ bii amɛhaŋ osharã, ejaakɛ mɛi ni Yehowa ejɔɔ lɛ ashwiei ji amɛ, ni ajɔɔ amɛ hu amɛshwiei.

Yesaia 66:22

“Bɔ ni ŋwɛi hee kɛ shikpɔŋ hee ni mafee lɛ aaahi shi yɛ mihiɛ lɛ, nakai pɛpɛɛpɛ nyɛshwiei kɛ nyɛgbɛi aaahi shi yɛ mihiɛ.”

Yeremia 31:7

Ejaakɛ bɔ ni Yehowa kɛɔ nɛ, “Nyɛlaa waa kɛ miishɛɛ nyɛhãa Israel nyɛbɔa oshe nyɛhãa maji fɛɛ ayitso lɛ. Nyɛshiɛa, nyɛkafoa, ni nyɛkɛa akɛ, ‘Yehowa ehere ewebii Israelbii ni shwɛ lɛ ayiwala.’

Zakaria 8:13

Naa, Yuda we kɛ Israel we, bɔ ni atsɔ̃ɔ nyɛ gbɛ akɛ majimaji, ni amɛkɛ nyɛgbɛi lomɔ lɛ, nakai nɔŋŋ mahere nyɛyiwala, ni nyɛaatsɔ̃ jɔɔmɔ ni akɛ nyɛgbɛi baajɔɔ. Nyɛkashea gbeyei, shi moŋ nyɛwajea nyɛhe ni nyɛfea ekãa kɛkɛ.”

Maleaki 3:12

Kɛkɛ lɛ je lɛ mli majimaji fɛɛ baabu nyɛ akɛ mɛi ni ajɔɔ, ejaakɛ nyɛbaatsɔ̃ maŋ ni mii eshɛ ehe.” Yehowa, Taiatsɛ lɛ, kɛɛ.

4 Mose 22:12

Nyɔŋmɔ kɛɛ Balaam akɛ, “Okɛ bɔfoi lɛ akaya tsɛmɔ lɛ, ni asaŋ okalomɔ nakai mɛi lɛ hu, ejaakɛ mɛi ni mijɔɔ amɛ ni.”

Bɔfoi 3:26

Ni Nyɔŋmɔ tee etsulɔ Yesu lɛ shi lɛ, nyɛ tsutsu nyɛŋɔɔ etsu lɛ ni ebajɔɔ nyɛ ni ekpale nyɛteŋ mɔ fɛɛ mɔ kɛjɛ enifɔɔji anii lɛ ahe.”