Yesaia 61:3 - ŊMALƐ KRƆŊKRƆŊ LƐ

³ Etsu mi koni mɛi ni yeɔ ŋkɔmɔ yɛ Zion lɛ mibaha amɛ ayilɔ yɛ lamlu najiaŋ, ni yɛ awerɛho najiaŋ lɛ, mibaha amɛmii ashɛ. Amɛaafee tamɔ tsei ni Yehowa diɛŋtsɛ tɛo. Amɛ fɛɛ amɛaafee nii ni ja, ni aaajie Nyɔŋmɔ yi yɛ nii ni efee lɛ hewɔ.

Ṅmãle̱ Kroṅkroṅ Le̱

³ ní mito ní ahã Zion ṅko̱mo̱yeloi le̱ wulamo̱nõ ye̱ lamlu nãdšiaṅ, ke̱ mliflimo̱ mũ ye̱ ṅko̱mo̱yeli nãdšiaṅ, ke̱ yidšĩemo̱-atade ye̱ mumo̱ ni efe vī le̱ nãdšiaṅ, koni atšé̱ame̱ ake̱ dšale̱ tšei ke̱ Iehowa ṅmõ ni ake̱-awo ehĩe nyam.

Yesaia 61:3 ပူးပေါင်းရင်းမြစ်များ

Ester 8:15

Mɔdekai je maŋtsɛ lɛ hiɛ etee, ni ewo maŋtsɛ atade ni akɛ mama bluu kɛ mama yɛŋ ekpɛ, kɛ enɔ atade wuyaa ni akɛ klala yɛŋ kɛ kuŋtu tsuru faa kpɛ. Shika akekre agbo fi eyitso. Susa maŋ lɛ nya ni amɛna miishɛɛ.

Ester 9:22

ejaakɛ nɛkɛ gbii nɛɛ anɔ Yudafoi lɛ ahe jɔ amɛ kɛjɛ amɛhenyɛlɔi lɛ adɛŋ. Nyɔŋ nɛɛ nɔ amɛwerɛho lɛ tsɔ̃ miishɛɛ, ni amɛkɔmɔyeli lɛ tsɔ̃ nyamɔ. No hewɔ lɛ, amɛfee nɛkɛ gbii nɛɛ okplɔŋmɛɛ kɛ nyamɔ kɛ henikee kɛ ohiafoi anikee gbii.

Lalai 104:15

kɛ wain ni hãa adesa tsui nyɔɔ emli, kɛ mu ni hãa gbɔmɔ hiɛ kpɛɔ; kɛ aboloo ni hãa gbɔmɔ adesa hewalɛ lɛ.

Lalai 149:4

Ejaakɛ Yehowa naa emaŋbii lɛ ahe tsuijurɔ; ehãa humii yeɔ ta mli kunim.

Lalai 23:5

Oŋmɛɔ mi okplɔ̃ yɛ mihenyɛlɔi ahiɛ. Okɛ mu fɔɔ miyitso mikpulu lɛ eyi kɛteke nɔ.

Lalai 30:11

Ohã mikɔmɔyeli lɛ etsɔ̃ miishɛɛ joo ehã mi. Ojie mihe kpekpe lɛ, ni okɛ miishɛɛ ebu mi tamɔ mama.

Lalai 30:12

No hewɔ lɛ, misusuma aaajie oyi, ni emuaŋ enaa. Oo Yehowa, miNyɔŋmɔ, mada bo shi daa kɛya naanɔ.

Lalai 45:7

Osumɔɔ jalɛ saneyeli, ni onyɛɔ efɔŋfeemɔ. No hewɔ ni Nyɔŋmɔ, oNyɔŋmɔ lɛ, ehã oyi obɔ̃ kɛ miishɛɛ fe onanemɛi maŋtsɛmɛi fɛɛ lɛ.

Jajelɔ 9:8

Hã otadei ahiɛ ayɛ be fɛɛ be; wo oyiteŋ mu be fɛɛ be hu.

Yesaia 12:1

Be ko miiba, ni nakai gbi lɛ obaala okɛɛ akɛ, “Yehowa, miida bo shi, ejaakɛ omlifu mi moŋ, shi omlifu lɛ enaa ejɔ, ni oshɛje mimii.

Yesaia 26:2

Nyɛgbelea maŋ lɛ agboi lɛ koni maŋ ni emli bii feɔ jalɛnii asaŋ yeɔ anɔkwa lɛ abote mli.

Yesaia 44:23

Ao ŋwɛi, la ejaakɛ Yehowa etsu enii! Ao shikpɔŋ lɛ shishi, bɔɔ oshe! Ao gɔji, nyɛwoa lala nɔ! Ao koo kɛ tso fɛɛ tso ni yɔɔ mli, nyɛlaa! Ejaakɛ Yehowa ekpɔ̃ Israel ni aawo ehiɛ nyam yɛ Israel.”

Yesaia 46:13

Miha miyiwalaheremɔ ebɛŋkɛ; ebɛ shɔŋŋ. Midɛŋ yiwalaheremɔ lɛ etsɛŋ. Mibahere Yerusalɛm, ni mahã Israel hiɛ aba nyam.”

Yesaia 52:1

Ao Yerusalɛm, ohiɛ atsɛ̃! Ohiɛ atsɛ̃! Teemɔ ohewalɛ lɛ shi! Ao Yerusalɛm, maŋ krɔŋkrɔŋ, wulamɔ kɛ otadei fɛɛfɛji lɛ, ejaakɛ foolɔi kɛ mɛi ni he tseee boteŋ ogboi lɛ mli dɔŋŋ!

Yesaia 61:10

Manya waa yɛ Yehowa hewɔ; ni misusuma mli aaafli lɛ yɛ miNyɔŋmɔ lɛ hewɔ, ejaakɛ ewo mi yiwalaheremɔ atade, ni ekɛ jalɛ mama eha mi, tamɔ bɔ ni ayɛmforo wu wulaa ehe loo bɔ ni ayɛmforo wulaa kɛ jwine lɛ.

Yeremia 31:13

Kɛkɛ lɛ oblayei lɛ baajo kɛ nyamɔ, ni oblahii kɛ hiimeji amii aaashɛ amɛhe. Mibahã amɛkɔmɔyeli atsɔ̃ mliflimɔ; mibashɛje amɛmii, ni yɛ awerɛho najiaŋ lɛ mahã amɛnya.

Ezekiel 34:29

Maha niyenii babaoo aba amɛŋmɔji ashi bɔ ni afee ni hɔmɔ akaplene amɛ dɔŋŋ yɛ shikpɔŋ lɛ nɔ; ni maji krokomɛi lɛ hu egbeŋ amɛhe guɔ dɔŋŋ.

Ezekiel 47:7

Ni be ni miku misɛɛ miba lɛ, mina tsei babaoo diɛŋtsɛ yɛ faa lɛ toi biɛ kɛ biɛ.

Zakaria 3:5

Ni mikɛɛ akɛ, “Akɛ fai ni he tse abu lɛ.” No hewɔ lɛ, amɛkɛ fai ni he tse bu lɛ, ni amɛwula lɛ kɛ atadei. Ni Yehowa bɔfo lɛ damɔ shi yɛ jɛi.

Mateo 15:13

Shi ehere nɔ ekɛɛ, “Tso fɛɛ tso ni jeee miŋwɛi-Tsɛ lɛ tɛoɔ lɛ, fã aaafã.

Mateo 5:16

Nakai nyɛhãa nyɛla atsoa yɛ gbɔmɛi ahiɛ, koni amɛna nyɛnifeemɔnii kpakpai lɛ, ni amɛwo nyɛTsɛ ni yɔɔ ŋwɛi lɛ hiɛ nyam.”

Luka 15:22

Shi tsɛ lɛ kɛɛ etsuji lɛ akɛ, ‘Nyɛyajiea atade ni yɔɔ fɛo fe fɛɛ lɛ kɛbaa mramra, ni nyɛkɛbawoa lɛ, ni nyɛwo enine kpotia kɛ enaji hu tokotai;

Yohane 15:8

Nɔ ni akɛwoɔ miTsɛ hiɛ nyam ji akɛ nyɛwo yibii pii, ni nyɛfee mikaselɔi.

Yohane 16:20

Anɔkwale mikɛɔ nyɛ akɛ, nyɛ lɛ nyɛbaafo ni nyɛbaawo yara, shi je lɛ baanya; nyɛ lɛ nyɛbaaye ŋkɔmɔ, shi nyɛkɔmɔyeli lɛ aaatsɔ̃ miishɛɛ.

1 Korintobii 3:9

Ejaakɛ Nyɔŋmɔ hefatalɔi nitsulɔi ji wɔ; Nyɔŋmɔ ŋmɔ kɛ Nyɔŋmɔ tsu ji nyɛ.

1 Korintobii 6:20

Ejaakɛ ahe nyɛ kɛ jara ni wa. No hewɔ lɛ, nyɛkɛ nyɛgbɔmɔtsei lɛ awoa Nyɔŋmɔ hiɛ nyam.

Filipibii 1:11

ni nyɛyimɔ obɔ̃bɔ̃ kɛ jalɛ yibii ni awoɔ kɛtsɔ̃ɔ Yesu Kristo nɔ lɛ, hã Nyɔŋmɔ anunyam kɛ yijiemɔ.

2 Tesalonikabii 1:10

be ni eeeba koni awo ehiɛ nyam yɛ emɛi krɔŋkrɔŋi lɛ amli ni ana enaakpɛɛnii yɛ eheyelɔi lɛ fɛɛ amli yɛ nakai Gbi lɛ nɔ lɛ, ejaakɛ ahe wɔdase ni wɔye wɔtsɔ̃ɔ nyɛ lɛ aye.

Hebribii 1:9

Osumɔɔ jalɛ, ni onyɛɔ efɔŋfeemɔ; hewɔ lɛ Nyɔŋmɔ ni ji oNyɔŋmɔ lɛ kɛ mliflimɔ mu lɛ efɔ bo fe onanemɛi lɛ.”

1 Petro 2:9

shi nyɛ lɛ, weku ni ahala ji nyɛ, osɔfoi, maŋtsɛmɛi, jeŋmaŋ krɔŋkrɔŋ, maŋ ni ekɛfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ;

1 Petro 4:14

Kɛ Kristo gbɛi hewɔ ajɛɔ nyɛ lɛ, ajɔɔ nyɛ, ejaakɛ anunyam Mumɔ kɛ Nyɔŋmɔ mumɔ lɛ yɛ nyɛnɔ.