Yesaia 6:9 - ŊMALƐ KRƆŊKRƆŊ LƐ

⁹ Ni Nuŋtsɔ lɛ kɛɛ mi akɛ, “Yaa koni oyakɛɛ maŋbii nɛɛ akɛ, ‘Nyɛkɛ nyɛtoi aaanu nɛ, shi nyɛnuŋ shishi, ni nyɛkɛ nyɛhiŋmɛii aaana nɛ, shi nyɛnaŋ shishi.’ ”

Ṅmãle̱ Kroṅkroṅ Le̱

⁹ Ni ekē̱: Ya ni oyakē̱ maṅ ne̱ ake̱: Nyenua, ši nyekanaã šiši, ni nyenaä, ši nyekayoa se̱! Mat. 18,11-15. Ioh. 12,40. Bo̱f 22,36. 37.

Yesaia 6:9 ပူးပေါင်းရင်းမြစ်များ

Abe̱i 28:5

Mɛi fɔ̃ji nuuu jalɛ shishi; shi mɛi ni jaa Yehowa lɛ, amɛnuɔ shishi jogbaŋŋ.

Yesaia 28:13

No hewɔ lɛ, Yehowa wiemɔ lɛ aaatsɔ̃ “Mla ni nyiɛ mla sɛɛ, kɛ akpɔ ni nyiɛ akpɔ sɛɛ, kɛ liamɔ ni nyiɛ liamɔ sɛɛ, kɛ biɛ fioo kɛ jɛi hu fioo” ahã amɛ, bɔ ni afee ni amɛya sɛɛsɛɛ koni amɛyagbeegbee shi ni akumɔ amɛ ni tsɔne adu amɛ ni amɔmɔ amɛ.

Yesaia 29:10

Ejaakɛ Yehowa ehã wɔ ni mli tsii mumɔ enyɔ nyɛnɔ. Nyɛ gbalɔi, Yehowa eŋamɔ nyɛhiŋmɛii; ni nyɛ ninalɔi, Yehowa kɛ nɔ̃ eha nyɛhiɛ.

Yesaia 29:13

Kɛkɛ ni Nuŋtsɔ lɛ kɛɛ akɛ, “Akɛni maŋbii nɛɛ bɛŋkɛɔ mi kɛ amɛnaabu kɛkɛ, ni amɛkɛ amɛnaabu kɛkɛ woɔ mi, shi amɛtsui kɛ miteŋ jɛkɛ kwraa, ni jamɔ ni amɛjaa mi lɛ ejeee fɛifɛi fe wiemɔi ni amɛkase amɛwo amɛyitseiaŋ kɛkɛ amɛwieɔ

Yesaia 29:14

hewɔ lɛ, naa, mibafee naakpɛɛ nibii yɛ nɛkɛ maŋbii nɛɛ ahiɛ ekoŋŋ, ni amɛhe baajɔ̃ amɛhe. Amɛhii nilelɔi lɛ anilee lɛ baafee yaka, ni amɛhii hiɛtɛ̃lɔi lɛ ahiɛtɛ̃ɛ lɛ aaaŋmɛɛɛ amɛ.”

Yesaia 42:20

Israel, ona nibii babaoo, shi otɛ̃jeee ohiɛ okwɛɛɛ amɛ. Otoii anaa kã nɛ, shi onuuu nii.”

Yesaia 43:8

Nyɔŋmɔ kɛɛ, “Tsɛ mimaŋbii lɛ kɛba kojomɔ. Amɛyɛ hiŋmɛii shi amɛnaaa nii; amɛyɛ toii, shi amɛnuuu nii.

Yeremia 5:21

nyɛboa enɛ toi koo! Kwashiai ni bɛ jwɛŋmɔ, ni nyɛyɔɔ hiŋmɛii shi nyɛnaaa nii, asaŋ nyɛyɔɔ toii hu shi nyɛnuuu nii.

Ezekiel 12:2

“Gbɔmɔ Adesa, mɛi ni toi egbo ateŋ oyɔɔ lɛ; shi amɛyɛ hiŋmɛii, shi amɛnaaa nii; amɛyɛ toii hu shi amɛnuuu nii, ejaakɛ maŋ ni toi egbo ji amɛ.”

Hosea 1:9

Kɛkɛ ni Yehowa kɛɛ Hosea akɛ, “Wo abifao lɛ gbɛi akɛ, Lo-Ammi ‘Nyɛjeee mimaŋ,’ ejaakɛ Israelbii jeee mimaŋ dɔŋŋ, ni mi hu jeee amɛNyɔŋmɔ ji mi.”

Marko 4:12

‘Na lɛ amɛna nɛ, shi amɛkayoo, ni nu lɛ amɛnu nɛ, shi amɛkana shishi; ni eba lɛ akɛ amɛkpale ni akɛ amɛhe eshai lɛ afa amɛ.’ ”

Luka 8:10

Ni ekɛɛ, “Nyɛ lɛ akɛ Nyɔŋmɔ Maŋtsɛyeli lɛ mli teemɔ saji lɛ ehã nyɛ akɛ nyɛle; shi mɛi krokomɛi lɛ akɛhãa amɛ yɛ abɛbuai amli; ‘koni na lɛ amɛna nɛ, shi amɛkayoo sɛɛ, ni nu hu amɛnu, shi amɛkanu shishi.’

Yohane 12:40

“Eshwila amɛhiŋmɛii, ni ekpliŋ amɛtsui; koni amɛkana kɛ amɛhiŋmɛii, ni amɛna naa kɛ amɛtsui, ni amɛku amɛsɛɛ ni mitsa amɛ.”

Romabii 11:8

tamɔ bɔ ni aŋma akɛ, “Nyɔŋmɔ ehã amɛ shɔ̃ɔfeemɔ ko, hiŋmɛii ni amɛkɛnaaa nii, kɛ toii ni amɛkɛnuuu nii kɛbashi ŋmɛnɛ gbi nɛɛ nɔ.”

5 Mose 29:4

shi kɛbashi ŋmɛnɛ lɛ, Yehowa hãko nyɛ jwɛŋmɔ ni nyɛkɛaanu nɔ ni ba lɛ shishi, loo hiŋmɛii ni nyɛkɛaana nii loo toii ni nyɛkɛaanu nii.