Yesaia 6:4 - ŊMALƐ KRƆŊKRƆŊ LƐ

⁴ Serafim lɛ abolɔmɔ lɛ ha Sɔlemɔ we lɛ shinai lɛ ashishi hoso, ni Sɔlemɔ we lɛ yi tɔ kɛ lasu.

Ṅmãle̱ Kroṅkroṅ Le̱

⁴ Ni šĩnāi le̱ ašišii hoso ye̱ moni boo̱ le̱ gbē le̱ hewo̱, ni tšũ le̱ *yi to̱ ke̱ lasũ. *Ezek. 10,4. Kpods. 15,8.

Yesaia 6:4 ပူးပေါင်းရင်းမြစ်များ

2 Kronika 5:13

Tɛtɛrɛmantɛrɛkpãlɔi nɛɛ kɛ lalatsɛmɛi lɛ anitsumɔ ji akɛ amɛla kɛjie Yehowa yi, asaŋ kɛda lɛ shi hu. Be ni osɔfoi lɛ je kpo nɔŋŋ yɛ He Krɔŋkrɔŋ Fe Fɛɛ lɛ, kɛkɛ ni Levibii lɛ wo lala nɔ kɛ tɛtɛrɛmantɛrɛi kɛ ŋmɛji kɛ saŋkui srɔtoi, ni amɛ jie Yehowa yi amɛkɛɛ, “Yehowa hi, ejaakɛ emɔbɔnalɛ sɛɛ efooo, emɔbɔnalɛ lɛ yɛ kɛmiiya naanɔ.” Kɛkɛ ni atatu bayi Yehowa Sɔlemɔtsu lɛŋ obɔ̃;

Lalai 18:8

Lasu fã kɛjɛ egugɔ mli kɛtee ŋwɛi; ni la ni kpãtãa nii ahiɛ jɛ edaaŋ; ŋai ni miitso jɛ edaaŋ.

2 Mose 40:34

Kɛkɛ ni atatu baha Kpee Buu lɛ nɔ, ni Yehowa anunyam lɛ yi He Krɔŋkrɔŋ lɛ obɔ̃.

Ezekiel 1:24

Kɛji amɛmiifliki lɛ minuɔ ni amɛfijiaŋ miigbɛɛ tamɔ ŋshɔ gbɛɛmɔ; asaŋ etamɔ ta mli hoofeemɔ jijemɔ lɛ: etamɔ Ofe lɛ diɛŋtsɛ gbee. Kɛ amɛwa amɛdamɔ shi lɛ, amɛkɛ amɛfiji lɛ baa shi.

Ezekiel 10:5

Anu adebɔɔ nibii lɛ afijiaŋ gbɛɛmɔ lɛ yɛ kpo nɔ gbɛ kpo lɛ nɔ tɔ̃ɔ. Ni gbɛɛmɔ lɛ tamɔ Nyɔŋmɔ Ofe lɛ gbee kɛji eewie lɛ.

Ezekiel 41:16

akɛ ŋmoŋmolo eka fɛɛ mli kɛbɔle kɛjɛ shikpɔŋ aahu kɛyashi samfɛji lɛ ahe. Samfɛji nɛɛ hu ahahaa amɛhe.

Ezekiel 44:4

Kɛkɛ ni nuu lɛ kɛ mi tsɔ̃ kooyigbɛ agbo lɛ naa gbɛ kɛba Sɔlemɔ we lɛ hiɛ. Mikwɛ, ni naa, Yehowa anunyam lɛ eyi Yehowa Sɔlemɔ we lɛ obɔ̃. Kɛkɛ ni miho migbee shi, ni mikɛ mihiɛ bu shi.

Amos 9:1

Mina Yehowa damɔ afɔleshãa latɛ lɛ he. Ekɛɛ mi akɛ, “Okɛ nii atswia Sɔlemɔtsu lɛ akulashiŋi lɛ ayiteiaŋ kpɔbii lɛ waa koni kpokui lɛ ahoso, ni ewule eshwie mɛi lɛ fɛɛ anɔ. Mɛi ni ahe baaje mli lɛ mibagbe amɛ yɛ ta mli. Mɔ ko mɔ ko ejoŋ minaa foi lɛ, mɔ ko mɔ ko hu he ejeŋ mli.

Kpojiemɔ 11:19

Ni agbele Nyɔŋmɔ Sɔlemɔtsu lɛ naa yɛ ŋwɛi, ni ana ekpãŋmɔ adeka lɛ yɛ eSɔlemɔtsu lɛ mli, ni srawai gbala kɛ gbɛɛmɔ ni nyɔŋmɔ shimɔ ni shikpɔŋ hoso ni nyɔŋmɔŋtɛi babaoo nɛ.

Kpojiemɔ 15:8

Ni Sɔlemɔtsu lɛ yi obɔ̃ kɛ lasu ni jɛ Nyɔŋmɔ anunyam lɛ kɛ ehewalɛ lɛ mli lɛ, ni mɔ ko nyɛ̃ɛɛ Sɔlemɔtsu lɛ mli abote kɛyashi beyinɔ ni aaagbe bɔfoi kpawo lɛ ahaomɔi kpawo lɛ anaa.