Yesaia 57:2 - ŊMALƐ KRƆŊKRƆŊ LƐ

² Mɛi ni ba amɛjeŋ yɛ jalɛ naa lɛ, amɛyɛ toiŋjɔlɛ mli yɛ gbohiiaje.

Ṅmãle̱ Kroṅkroṅ Le̱

² Eboteo̱ hedšo̱le̱ mli; *ame̱dšō̱o̱ ame̱he ye̱ ame̱sāi ano̱: mofẽmo ni nyieo̱ ye̱ dšale̱ mli le̱. *26,20. Dan. 12.13.

Yesaia 57:2 ပူးပေါင်းရင်းမြစ်များ

1 Mose 17:1

Be ni Abram eye afii nyɔŋmai nɛɛhu kɛ nɛɛhu lɛ, Yehowa jie ehe kpo etsɔ̃ɔ lɛ, ni ekɛɛ lɛ akɛ, “Mi ji Nyɔŋmɔ Ofe lɛ, ba ojeŋ yɛ mihiɛ koni shwamɔ ko akahi ohe.

2 Kronika 16:14

ni afu lɛ yɛ gbonyobu ni lɛ diɛŋtsɛ ekpɛ eto lɛ mli yɛ David Maŋ lɛ mli. Tsofakɛŋmai kpakpai srɔtoisrɔtoi diɛŋtsɛ akɛsaa egbonyo lɛ, ni ashɛre la gregre kpeteŋkple akɛfee eyara.

Hiob 3:17

Jɛi lɛ yitsoŋwalɔi kpaa mɔ haomɔ; ni mɛi ni etɔ amɛ woɔ amɛtsui.

Lalai 37:37

Kadimɔ mɔ ni hi kɛwula shi; ni okwɛ mɔ ni ja; toiŋjɔlɛ gbɔmɔ lɛ eshwiei shwereɔ babaoo.

Jajelɔ 12:7

Wɔsũ gbɔmɔtsei lɛ baaku sɛɛ kɛya shikpɔŋ sũ mli ekoŋŋ, he ni amɛjɛ lɛ, ni mumɔ lɛ hu baaku esɛɛ eya Nyɔŋmɔ mɔ ŋɔɔ ni ejɛ eba lɛ ŋɔɔ ekoŋŋ.

Yesaia 14:18

Jeŋ maji lɛ amaŋtsɛmɛi lɛ fɛɛ kamɔ shi kɛ anunyam, mɔ fɛɛ mɔ yɛ egbonyobu mli.

Yesaia 26:7

Mɔ ni feɔ jalɛnii lɛ, egbɛ jaa hãa lɛ. Ao, Jalɔ Koome, ohãa jalɔ lɛ gbɛ lɛ nɔ feɔ trɛtrɛ hãa lɛ.

Yeremia 6:16

Kɛkɛ ni Yehowa kɛɛ akɛ, “Nyɛyadamɔa gbɛjegbɛi lɛ ahe, ni nyɛkwɛ. Nyɛbia he ni blema gbɛi ni ja lɛ ateŋ nɔ ni ji gbɛ kpakpa lɛ yɔɔ koni nyɛnyiɛ no nɔ, ni nyɛsusumai atsuii aaanyɔ amɛmli.” Shi hetoo ni amɛhã ji, “Wɔnyiɛŋ nɔ!”

Ezekiel 32:25

Elam kã mɛi ni nyɔnyɔi yɛ klante naa lɛ ateŋ. Esafo yuu lɛ asaŋi lɛ ebɔle lɛ kɛkpe. Amɛ fɛɛ lɛ foolɔi ni, ni amɛnyɔnyɔɔ yɛ klante naa. Amɛhã ŋmiŋmi mɔmɔ mɛi yɛ hiɛkãalɔi ashikpɔŋ lɛ nɔ; agbɛnɛ amɛ kɛ mɛi ni kpelekeɔ shi kɛyaa gbohiiaje lɛ fɛɛ ahiɛ eshwie shi. Amɛkamɔ mɛi ni enyɔnyɔɔ lɛ ateŋ.

Daniel 12:13

“Ni bo Daniel, ye anɔkwa kɛyashi naagbee; ni no sɛɛ lɛ obaagbo; shi ooote shi, ni ooona aekoo ni sa bo yɛ naagbee gbi lɛ nɔ.”

Mateo 25:21

Enuŋtsɔ lɛ kɛɛ lɛ akɛ, ‘Aekoo, tsulɔ kpakpa kɛ anɔkwafo, oye anɔkwa yɛ nii fioo he, mato bo nii pii anɔkwɛlɔ; botemɔ onuŋtsɔ miishɛɛ lɛ mli.’

Luka 1:6

Amɛyi enyɔ lɛ fɛɛ lɛ, jalɔi ji amɛ yɛ Nyɔŋmɔ hiɛ ni amɛyeɔ Nuŋtsɔ lɛ kitãi kɛ ekpɔi lɛ fɛɛ anɔ ni shwamɔ ko bɛ amɛhe.

Luka 16:22

Ni ohiafo lɛ bagbo, ni ŋwɛi bɔfoi bawo lɛ kɛtee Abraham mlishi; ni niiatsɛ lɛ hu bagbo ni afu lɛ.

Luka 2:29

“Agbɛnɛ ooohã otsulɔ aya, Nuŋtsɔ, yɛ owiemɔ lɛ naa, yɛ hejɔlɛ mli;

Luka 7:50

Shi ekɛɛ yoo lɛ akɛ, “Ohemɔkɛyeli lɛ ehere oyiwala, yaa yɛ hejɔlɛ mli!”

2 Korintobii 5:1

Ejaakɛ wɔle akɛ, kɛ akumɔ wɔbuu ni wɔyɔɔ mli ni ji wɔshikpɔŋ nɛɛ nɔ gbɔmɔtso lɛ shĩa jiŋŋ, wɔyɛ tsu ko ni jɛ Nyɔŋmɔ ŋɔɔ, shĩa ko ni jeee niji akɛfee, ni hiɔ shi kɛyaa naanɔ yɛ ŋwɛi.

2 Korintobii 5:8

shi wɔyɛ tsui, ni esa wɔhiɛ moŋ akɛ wɔɔdom kɛjɛ gbɔmɔtso nɛɛ mli, ni wɔyahi shĩa yɛ Nuŋtsɔ lɛ ŋɔɔ.

Filipibii 1:23

shi miihao yɛ nibii enyɔ nɛɛ ateŋ; miishwe ni maje mli ni mikɛ Kristo ayahi shi, ejaakɛ no hi aahu;

Kpojiemɔ 14:13

Ni minu gbee jɛ ŋwɛi miikɛɛ mi akɛ, “Ŋmaa: Ajɔɔ gbohii lɛ ni gboiɔ yɛ Nuŋtsɔ lɛ mli lɛ kɛjɛ ŋmɛnɛ nɔ kɛyaa nɛɛ. Hɛɛ, Mumɔ lɛ kɛɛ, koni amɛjɔɔ amɛhe kɛjɛ amɛdeŋmegbomɔi lɛ amli ejaakɛ amɛnitsumɔi lɛ nyiɛɔ amɛsɛɛ.”