Yesaia 57:1 - ŊMALƐ KRƆŊKRƆŊ LƐ

¹ Jalɔ hiɛ kpãtãa, ni mɔ ko mɔ ko kɛ esane lɛ wooo etsuiŋ. Aŋɔɔ gbɔmɛi kpakpai kɛjeɔ jeŋ kɛyaa ni mɔ ko mɔ ko nuuu shishi. Ejaakɛ aŋɔɔ gbɔmɔ kpakpa lɛ kɛyaa kɛjeɔ haomɔ mli, ni eboteɔ hejɔlɛ mli.

Ṅmãle̱ Kroṅkroṅ Le̱

¹ Dšale̱ le̱ hĩe kpãtãa, ni mokomoko ke̱-woo etšuiṅ; ni aṅõo̱ gbomei kpakpai ke̱-yaä, ni mokomoko dſẽṅṅ he, ake̱ efōṅ ní baba le̱ hĩe *aṅõo̱ dšalo̱ le̱ ke̱-dše̱o̱ ke̱-yaä. *2 Maṅ. 22,20.

Yesaia 57:1 ပူးပေါင်းရင်းမြစ်များ

1 Maŋtsɛmɛi 14:13

Israel fɛɛ aaafo lɛ, ni amɛaafu lɛ; ejaakɛ lɛ pɛ ejɛ Yeroboam we lɛ mli ni aaafu lɛ; ejaakɛ lɛ pɛ emli ana nɔ kpakpa ko yɛ yɛ Yeroboam we lɛ ni sa Yehowa, Israel Nyɔŋmɔ lɛ hiɛ.

2 Maŋtsɛmɛi 22:20

No hewɔ lɛ, naa, mahã ogbo yɛ hejɔlɛ mli, ni aaafu bo afata otsɛmɛi lɛ ahe, ni nɔ fɔŋ fɛɛ nɔ fɔŋ ni mahã aba biɛ nɛɛ nɔ lɛ, ohiŋmɛii enaŋ ekoeko.’ ” Ni hii lɛ ku amɛsɛɛ amɛbabɔ Maŋtsɛ Yosia amaniɛ lɛ.

2 Kronika 32:33

Hezekia gbo ni afu lɛ yɛ David shwiei maŋtsɛmɛi afũuhe lɛ mli kɛyaa eyiteŋgbɛ. Yuda kɛ Yerusalɛmbii fɛɛ wo Hezekia hiɛ nyam yɛ egbele mli. Hezekia bi Manase baye maŋtsɛ yɛ esɛɛ.

2 Kronika 34:28

Naa, obaagbo yɛ hejɔlɛ mli; ni nɔ fɔŋ ni mahã aba Yerusalɛm kɛ Yerusalɛmbii anɔ lɛ ohiŋmɛi enaŋ ekome nɛkɛ.’ ” Tsuji lɛ ba ni amɛbabɔ Maŋtsɛ Yosia amaniɛ nɛɛ.

2 Kronika 35:24

No hewɔ lɛ, etsuji lɛ wo Yosia yɛ eta shwiili lɛ mli, ni amɛkɛ lɛ wo ta shwiili kroko ni ehiɛ lɛ mli, ni amɛkɛ lɛ ba Yerusalɛm, ni ebanyɔ yɛ jɛi, ni afu lɛ yɛ maŋtsɛmɛi afũuhe lɛ. Yuda kɛ Yerusalɛm fɛɛ fo Yosia.

Lalai 12:1

Yehowa, ye obua wɔ! Ejaakɛ Nyɔŋmɔ gbeyeishelɔ ko bɛ dɔŋŋ; ni anɔkwafoi etã yɛ gbɔmɛi ateŋ.

Lalai 37:37

Kadimɔ mɔ ni hi kɛwula shi; ni okwɛ mɔ ni ja; toiŋjɔlɛ gbɔmɔ lɛ eshwiei shwereɔ babaoo.

Yesaia 42:25

No hewɔ lɛ, efɔse emlifu ni naa wa lɛ eshwie wɔnɔ, ni ehã wɔna ta joomɔ. Eshɛre la ewo wɔhe kpula, shi wɔnuuu shishi, eshã wɔ, shi no gbaaa wɔnaa.

Yesaia 47:11

Shi sane fɔŋ baaye bo, ni oleŋ bɔ ni ooofee ni oje mli. Osharã aaasharã bo, ni onyɛŋ okpa oshwie. Hiɛkpãtãmɔ aaabanina bo trukaa bɔ ni okpaaa gbɛ.

Yesaia 47:7

Osusu akɛ obaaye maŋnyɛ kɛya naanɔ. No hewɔ lɛ, okɛ sane nɛɛ wooo otsuiŋ, ni oyajwɛŋŋ bɔ ni naagbee lɛ aaatamɔ ahã.

Yesaia 57:11

“Namɔ gbeyei oshe, ni otsui fã, hewɔ ni omale, ni okaiii mi, ni oyasusuuu mihe lɛ? Aso diŋŋ ni mifee ni miŋamɔ mihiŋmɛii nɛɛ lɛ hewɔ ni osheee mi gbeyei lɛ?

Yeremia 18:11

No hewɔ lɛ, agbɛnɛ kɛɛmɔ Yudabii lɛ kɛ Yerusalɛm maŋbii lɛ akɛ nɔ ni mi, Yehowa, mikɛɔ amɛ nɛ, ‘Naa, misusu nyɛhe efɔŋ, ni mikɔ nyɛyi tɛ. No hewɔ lɛ, nyɛteŋ mɔ fɛɛ mɔ akpa ejeŋba gbonyo lɛ, ni etsake esu kɛ enifeemɔnii fɔŋ lɛ.’

Yeremia 22:10

Nyɛ Yudabii, nyɛkafoa Maŋtsɛ Yosia mɔ ni egbo lɛ, ni nyɛkayea ehe ŋkɔmɔ hu. Shi moŋ nyɛfoa waa nyɛhãa Yoahaz mɔ ni yaa nomŋɔɔ mli lɛ, ejaakɛ ekuŋ esɛɛ ebaŋ dɔŋŋ. Ni enaŋ ejaku shikpɔŋ lɛ dɔŋŋ.

Ezekiel 21:3

ni okɛɛ Israel shikpɔŋ lɛ akɛ, bɔ ni Yehowa kɛɔ nɛ, naa, mikɛ bo ena, ni magbala miklante lɛ kɛaaje ehebo lɛ mli, ni mikɛaagbe jalɔ kɛ mɔfɔŋ fɛɛ yɛ nyɛteŋ.

Mika 7:2

Gbɔmɔ Nyɔŋmɔ gbeyeishelɔ ko bɛ shikpɔŋ lɛ nɔ dɔŋŋ; mɔ ko bɛ ni yeɔ Nyɔŋmɔ anɔkwa. Mɔ fɛɛ mɔ miitao akɛ ena hegbɛ ni eshwie lá shi. Mɔ fɛɛ mɔ miigbɔbi enaanyo.

Maleaki 2:2

Kɛji nyɛbooo wiemɔ nɛɛ toi ni nyɛkɛaato nyɛtsui mli, bɔ ni afee ni nyɛkɛ nyɛjeŋba awo migbɛi hiɛ nyam lɛ, no lɛ mibalomɔ nyɛ; mibalomɔ nibii ni ahãa nyɛ ni nyɛkɛkwɛɔ nyɛhe lɛ fɛɛ. Anɔkwale mli lɛ, milomɔ nibii nɛɛ momo ejaakɛ nyɛbuuu mikitã lɛ.

4 Mose 23:10

Israel shwiei ayikulɛ tamɔ shikpɔŋ mlu, Amɛyi fa fe bɔ ni aaanyɛ akane. Hã magbo jalɔi agbele koni minaagbee atamɔ Nyɔŋmɔ webii anɔ.”