Yesaia 54:3 - ŊMALƐ KRƆŊKRƆŊ LƐ

³ Ejaakɛ ooolɛɛ shi kɛya ninejurɔgbɛ kɛ abɛkugbɛ fɛɛ; ni oshwiei aaaye majimaji anɔ, ni amɛaahe shi yɛ maji ni kamɔ shi amaŋfɔ̃i lɛ amli.

Ṅmãle̱ Kroṅkroṅ Le̱

³ Edšake̱ oolē̱ omli ke̱-ate ninedšŭrõ ke̱ abe̱ku, ni oseši le̱ aaye dšeṅmãdši le̱ ano̱, ni ame̱ahe ši ye̱ amaṅfõi le̱ amli.

Yesaia 54:3 ပူးပေါင်းရင်းမြစ်များ

1 Mose 26:22

Isak fã eshi jɛi, ni eyaje nubu kroko ni no lɛ amɛbeee yɛ he; ni Isak tsɛ nubu lɛ akɛ “Rehobot”; eshishi ji, “Yehowa ehã wɔ gbɛ koni wɔshwere yɛ shikpɔŋ lɛ nɔ.”

1 Mose 28:14

Oshwiei aaafa tamɔ shikpɔŋ mlu, ni ooogbɛ oshwã anai kɛ bokã kɛ kooyi kɛ wuoyi. Bo kɛ oshwiei amli aaajɛ ajɔɔ shikpɔŋ lɛ nɔ akutsei fɛɛ.

1 Mose 49:10

Maŋtsɛyeli ejeŋ Yuda dɛŋ, ni nɔyeli hu ejeŋ eshwiei adɛŋ; gbii abɔ ni jeŋmaji kɛ amɛ onia baa, ni amɛbaa amɛhe shi amɛhãa lɛ lɛ.

Yesaia 14:1

Yehowa musuŋ aaatsɔ̃ lɛ yɛ Yakob he, ni eeena Israel he tsuijurɔ ekoŋŋ, ni ekɛ Israelbii lɛ aaaba amɛ diɛŋtsɛ amɛshikpɔŋ nɔ. Maŋsɛɛbii aaabafata amɛhe, ni amɛaadɔmɔ Yakob we lɛ.

Yesaia 14:2

Maŋsɛɛbii aaawa Israelbii lɛ kɛaayashɛ Israelbii ashikpɔŋ lɛ nɔ, ni amɛaatsɔ̃mɔ hii nyɔji kɛ yei nyɔji aha Israelbii lɛ. Israelbii lɛ aaaŋɔ mɛi ni ŋɔ amɛ nom lɛ nom, ni amɛaaye mɛi ni fee amɛ niseniianii lɛ anɔ akɛ nuŋtsɔmɛi.

Yesaia 26:15

Ao Yehowa, ohá maŋ lɛ eshwere, olɛɛ maŋ lɛ husui amli ni enɛ ewo ohiɛ nyam.

Yesaia 45:14

Bɔ ni Yehowa kɛɔ Israel nɛ, “Nii ni Ijipt yɔɔ lɛ kɛ Kush hu jarayeli mli sɛɛnamɔnii lɛ fɛɛ aaatsɔ̃ onii; ni Sebahii, hii gojogojoo lɛ, aaatsɔmɔ onyɔji. Amɛaakamɔ gboklɛi amli kɛaanyiɛ osɛɛ; amɛaaba ni amɛaakoto bo. Amɛaakpa bo fai amɛkɛɛ, ‘Bo pɛ Nyɔŋmɔ kɛ yɔɔ, ni Lɛ esɛɛ lɛ, mɔ ko bɛ dɔŋŋ.

Yesaia 48:19

Omusuŋbii aaafa tamɔ shia, ni oshwiei aaafa tamɔ mlu. Agbeŋ amɛgbɛi, ni akpãtãŋ amɛhiɛ yɛ mihiɛ.”

Yesaia 49:12

Naa, miwebii aaajɛ shɔŋŋ aba; ni naa, aaajɛ kooyigbɛ kɛ anaigbɛ hu aba, ni mɛi aaajɛ Aswan shikpɔŋ lɛ nɔ yɛ wuoyigbɛ aba.”

Yesaia 49:8

Yehowa kɛɛ akɛ, “Mibo bo toi yɛ be ni sa mli, ni yiwalaheremɔ gbi nɔ hu miye mibua bo yɛ, ni mibaa oyi koni kɛtsɔ̃ onɔ lɛ, mi kɛ maji fɛɛ akpãŋ, koni otee shikpɔŋ lɛ shi oma shi, ni oja amɛgboshinii ni etsɔ̃ amaŋfɔ̃ lɛ oha amɛ.

Yesaia 52:9

Yerusalɛm tsui koikoi, nyɛ fɛɛ tswɛm nyɛwoa nyamɔ lala nɔ! Ejaakɛ Yehowa eshɛje emaŋ lɛ mii, ehere Yerusalɛm yiwala.

Yesaia 53:10

“Eji Yehowa yiŋtoo akɛ atswa lɛ nɔ, ni apila lɛ. Kɛji eŋɔ ehe eshã afɔle yɛ esha hewɔ lɛ, ebaana shwiei ni ewala sɛɛ aaatsɛ, ni kɛtsɔ̃ lɛ enɔ lɛ, nɔ ni sa Yehowa hiɛ lɛ aaashwere.

Yesaia 55:5

Naa, ooofɔ̃ nine otsɛ maji ni oleee; ni maji ni leee bo hu aaahiɛ foi kɛaaba oŋɔɔ, yɛ Yehowa, oNyɔŋmɔ lɛ hewɔ, ejaakɛ ewo ohiɛ nyam!

Daniel 7:27

Kɛkɛ lɛ abaatu shikpɔŋ tso muu lɛ fɛɛ nɔ maŋtsɛyeli hewalɛ lɛ kɛ egbojee lɛ fɛɛ awo Nyɔŋmɔ Ofe lɛ mɛi krɔŋkrɔŋi lɛ adɛŋ. Amɛmaŋtsɛyeli hewalɛ nɛɛ sɛɛ efoŋ, ni shikpɔŋ lɛ nɔ lumɛi fɛɛ baasɔ̃mɔ amɛ, ni amɛbaabo amɛ toi.”

Romabii 10:18

Shi miibi akɛ, “Aso nu amɛnuuu?” Anɔkwale mli lɛ amɛnu, tamɔ bɔ ni ŋmalɛ lɛ kɛɔ akɛ, “Amɛgbee ejije kɛtee shikpɔŋ muu lɛ fɛɛ nɔ. Ni amɛwiemɔi lɛ eshɛ jeŋ naagbeehei lɛ.”

Romabii 11:12

Shi kɛ amɛshigbeemɔ lɛ tsɔ̃ je lɛ ninamɔ, ni amɛnɔgbɔmɔ lɛ hu tsɔ̃ jeŋmaji aninamɔ lɛ, belɛ amɛyifalɛ lɛ te eeehã ninamɔ lɛ afee tɛŋŋ?

Kolosebii 1:23

Shi esa ni nyɛhiɛ hemɔkɛyeli lɛ mli ni nyɛdamɔ shi shiŋŋ yɛ shishitoo lɛ nɔ, ni nyɛkatsi nyɛhe kɛjɛ Sanekpakpa lɛ hiɛnɔkãmɔ lɛ he, Sanekpakpa lɛ ni nyɛnu ni ashiɛɔ atsɔ̃ɔ bɔɔnii fɛɛ ni yɔɔ ŋwɛi shishi, ni mi Paulo misɔ̃mɔɔ yɛ he lɛ.