Yesaia 53:3 - ŊMALƐ KRƆŊKRƆŊ LƐ

³ Agbe ehe guɔ, ni gbɔmɛi kwa lɛ, eye awerɛho, ni ele hejaramɔ etamɔ mɔ ni atsɔ̃ɔ hiɛ atoɔ afã kɛ ana lɛ lɛ. Agbe ehe guɔ, ni wɔbuuu lɛ wɔhãaa fɛifɛi.

Ṅmãle̱ Kroṅkroṅ Le̱

³ *Agbe ehe guo̱ ni gbomei kwale̱, hedšramo̱ gbomo ni, ni ele hela, ni etamo̱ moko ni ebewo̱ le̱ mei tšĩo̱ ame̱hĩe; agbe ehe guo̱ po, ni webuule̱ noko. *Lal. 22,7. 8. Mar. 9,12.

Yesaia 53:3 ပူးပေါင်းရင်းမြစ်များ

Lalai 69:29

Shi mi lɛ, apila mi, ni miipiŋ. Oo Naa Nyɔŋmɔ, wo minɔ koni ohere miyiwala.

Lalai 88:4

Abuɔ mi ashiɔ mɛi ni yaa gbohiiaje anɔ. Mihewalɛ fɛɛ etã.

Yesaia 49:7

Bɔ ni Yehowa, Israel Kpɔ̃lɔ, kɛ eMɔ Krɔŋkrɔŋ lɛ, kɛɔ mɔ ni agbe ehe guɔ, ni jeŋ majimaji lɛ hi ehiɛ, nɔyelɔi anyɔŋ lɛ, kɛɔ nɛ, “Maŋtsɛmɛi aaana lɛ ni amɛaate shi amɛhã lɛ; ni lumɛi hu aaana lɛ ni amɛaakamɔ shi yɛ ehiɛ ejaakɛ Yehowa ehala lɛ, Israel Mɔ Krɔŋkrɔŋ lɛ, eji anɔkwafo.”

Yesaia 50:6

Mitsɔ mikotosɛɛ miha yilɔi kɛ midabii hu miha mɛi ni famɔɔ tsɛŋ; ni mijooo hiɛgbele kɛ lajɔ̃ naa foi.

Yesaia 52:14

Mɛi babaoo ahe aaajɔ̃ amɛhe yɛ ehewɔ; ejaakɛ ehiɛ efite bɔ ni ehiɛɛɛ gbɔmɔ hiɛ dɔŋŋ; egbɔmɔtso su tamɔɔɔ gbɔmɛi adesai anɔ dɔŋŋ.

Yesaia 53:10

“Eji Yehowa yiŋtoo akɛ atswa lɛ nɔ, ni apila lɛ. Kɛji eŋɔ ehe eshã afɔle yɛ esha hewɔ lɛ, ebaana shwiei ni ewala sɛɛ aaatsɛ, ni kɛtsɔ̃ lɛ enɔ lɛ, nɔ ni sa Yehowa hiɛ lɛ aaashwere.

Yesaia 53:4

“Anɔkwa, wɔhelai lɛ, lɛ etere, ni wɔhejaramɔi lɛ, lɛ ehole eshwie enɔ. Shi wɔ lɛ, wɔbu lɛ akɛ mɔ ko kɛkɛ ni Nyɔŋmɔ gbala etoi, ni ena nɔ.

Mika 5:1

Yerusalɛmbii, nyɛbuaa nyɛtabilɔi anaa! Asa wɔyi! Atua Israelbii ahiɛnyiɛlɔ lɛ!

Zakaria 11:8

Mikpãtã tookwɛlɔi etɛ̃ ahiɛ yɛ nyɔŋ kome mli, ejaakɛ minaaa amɛhe tsui, ni amɛ hu amɛnyaŋe mi.

Mateo 26:67

Kɛkɛ ni amɛfɛ̃ lajɔ̃ amɛshwie ehiɛ, ni amɛgbala lɛ mai; ni mɛi komɛi hu tswia lɛ nii

Mateo 27:63

amɛkɛɛ, “Nuŋtsɔ, wɔkai akɛ, be ni shishiulɔ nɛɛ hiɛ kã lɛ ekɛɛ, ‘Gbii etɛ̃ sɛɛ lɛ mate shi ekoŋŋ.’

Marko 10:33

“Naa, wɔmiiya Yerusalɛm, ni aaaŋɔ Gbɔmɔ Bi lɛ awo osɔfonukpai lɛ kɛ mlatsɔɔlɔi lɛ adɛŋ, ni amɛaabu lɛ gbele fɔ, ni amɛaaŋɔ lɛ amɛhã jeŋmajiaŋbii lɛ.

Marko 10:34

Ni amɛaaye ehe fɛo, ni amɛaafɛ̃ lajɔ̃ amɛaashwie ehe, ni amɛkɛ kpelebii aaayi lɛ, ni amɛaagbe lɛ; ni gbii etɛ̃ sɛɛ lɛ, eeete shi ekoŋŋ.”

Marko 14:34

ni ekɛɛ amɛ akɛ, “Misusuma werɛ eho ehe kɛyaashi gbele mli po; nyɛhia biɛ ni nyɛshia kpe!”

Marko 15:19

Ni amɛkɛ tso tswia eyiteŋ, ni amɛfɛ̃ lajɔ̃ amɛshwie ehe, ni amɛkula shi amɛja lɛ.

Marko 9:12

Eto he ekɛɛ amɛ akɛ, “Elia baaba dã lɛɛlɛŋ ni ebato nibii fɛɛ gbɛjianɔ ekoŋŋ. Shi mɛɛba mɔ ni aŋma yɛ Gbɔmɔ Bi lɛ he akɛ eeena amanehulu pii, ni aaaŋɔ lɛ akɛ mɔ ko ni abuuu lɛ lɛ?

Luka 16:14

Farisifoi lɛ hu ni ji shika suɔlɔi lɛ nu nii nɛɛ fɛɛ, ni amɛye lɛ ahi.

Luka 19:41

Ni be ni eshɛ etã ni ena maŋ lɛ, efo eshwie enɔ,

Luka 8:53

Ni amɛŋmɔ lɛ, ejaakɛ amɛle akɛ egbo.

Luka 9:22

Ni Yesu kɛɛ, “Ja Gbɔmɔ Bi lɛ na amanehulu babaoo, ni maŋ onukpai lɛ kɛ osɔfonukpai lɛ kɛ mlatsɔɔlɔi lɛ kwa lɛ, ni agbe lɛ, ni gbi ni ji etɛ̃ lɛ ete shi ekoŋŋ.”

Yohane 11:35

Yesu fo.

Yohane 8:48

Yudafoi lɛ here nɔ ni amɛkɛɛ lɛ akɛ, “Ani jeee gbɛnaa wɔkɛɔ akɛ Samarianyo ji bo, ni mumɔ fɔŋ hu yɛ omli lɛ?”

5 Mose 32:15

“Yehowa webii lɛ shwere, shi amɛtse atua; amɛshwishwii, ni amɛhe wa, ni amɛhe shamɔ hu. Kɛkɛ ni amɛkwa Nyɔŋmɔ mɔ ni bɔ amɛ lɛ moŋ, ni amɛbuuu Nyɔŋmɔ ni ji yiwalaheremɔ Tɛsaa lɛ.

Hebribii 4:15

Ejaakɛ wɔsɔfonukpa ni wɔyɔɔ lɛ ejeee mɔ ni nyɛ̃ɛɛ anu wɔgbedemɔi lɛ ahe ahã wɔ, shi eji mɔ ko ni aka lɛ yɛ nibii fɛɛ agbɛfaŋ tamɔ wɔ, ni kɛ̃lɛ esha ko esha ko bɛ ehe.

Hebribii 5:7

Kristo lɛ, be ni eyɔɔ shikpɔŋ nɛɛ nɔ lɛ ekɛ blɔmɔ ni naa wa kɛ yaafonui ŋɔ sɔlemɔi kɛ faikpamɔi ehã mɔ ni baanyɛ eyiwala ahere kɛjɛ gbele mli lɛ, tamɔ afɔle, ni eNyɔŋmɔ gbeyeishemɔ hewɔ lɛ abo lɛ toi.