Yesaia 52:9 - ŊMALƐ KRƆŊKRƆŊ LƐ

⁹ Yerusalɛm tsui koikoi, nyɛ fɛɛ tswɛm nyɛwoa nyamɔ lala nɔ! Ejaakɛ Yehowa eshɛje emaŋ lɛ mii, ehere Yerusalɛm yiwala.

Ṅmãle̱ Kroṅkroṅ Le̱

⁹ Nyefẽ-tfẽm nyewoa nyã́mo̱ lala, nye Ierusalem tšũkói, edšake̱ Iehowa eše̱dše emaṅ le̱ mī, ekpõ Ierusalem!

Yesaia 52:9 ပူးပေါင်းရင်းမြစ်များ

Yesaia 51:3

Ejaakɛ Yehowa baashɛje Yerusalɛm mii; ebaashɛje hei fɛɛ ni efee koikoi lɛ amii; ebaahã eŋa lɛ nɔ atsɔ̃ tamɔ Eden; ni eshiaŋa lɛ baatsɔ tamɔ Yehowa diɛŋtsɛ abɔɔ. Jɛi baasɔ kɛ mliflimɔ kɛ nyamɔ kɛ shidaa lalai.

Lalai 98:4

Je lɛ fɛɛ, nyɛbɔa oshe kɛ miishɛɛ nyɛhãa Yehowa; nyɛlaa miishɛɛ lalai, nyɛlaa yijiemɔ lalai!

Yesaia 61:4

Amɛaatswa blema tsui koi lɛ; ni amɛaasaa tsutsubii lɛ amaŋfɔ̃i lɛ, ni amɛaato maji ni efite lɛ ehee ekoŋŋ ni ji yinɔi pii anɔ amaŋfɔ̃i lɛ.

Yesaia 55:12

“Ejaakɛ nyɛbaashi Babilon kɛ nyamɔ, ni aaakpala nyɛ kɛshi yɛ toiŋjɔlɛ mli. Gɔji lɛ kɛ gɔŋkpɔi lɛ aaawo nyamɔ lala nɔ yɛ nyɛhiɛ, ni ŋa nɔ tsei lɛ fɛɛ aaatswa amɛdɛ̃ kɛ miishɛɛ.

Yesaia 48:20

Nyɛshia Babilon nyɛjoa foi kɛjea Kaldea nyɛyaa. Nyɛbɔa oshe kɛ miishɛɛ; nyɛhaa anua yɛ je lɛ naagbeehe akɛ, “Yehowa ekpɔ̃ etsulɔ Israel.”

Yesaia 44:26

Emaa etsulɔ wiemɔ nɔ mi, ni ehãa ebɔfoi agbalɛ baa mli taakɛ ekɛɛ yɛ Yerusalɛm he akɛ, ‘Mɛi baahi mli ekoŋŋ’, ni ekɛɛ yɛ Yuda maji wuji lɛ ahe akɛ, ‘Abaasaa amãmɔ amɛ, ni maha tsui ni akumɔ ate shi ekoŋŋ’ lɛ.

Yesaia 44:23

Ao ŋwɛi, la ejaakɛ Yehowa etsu enii! Ao shikpɔŋ lɛ shishi, bɔɔ oshe! Ao gɔji, nyɛwoa lala nɔ! Ao koo kɛ tso fɛɛ tso ni yɔɔ mli, nyɛlaa! Ejaakɛ Yehowa ekpɔ̃ Israel ni aawo ehiɛ nyam yɛ Israel.”

Yesaia 14:7

Shikpɔŋ muu lɛ fɛɛ ena hejɔlɛ, ni enɔ ejɔ; ni amɛmiila nyamɔ lalai.

Galatabii 4:27

Ejaakɛ aŋma akɛ, “La nyamɔ lala, bo kene ni ofɔɔɔ; wo nyamɔ nɔ ni obolɔ kɛ miishɛɛ, bo ni okɔ̃mɔɔɔ; ejaakɛ mɔ ni bɛ mɔ ko lɛ moŋ bii fa fe mɔ ni yɔɔ wu lɛ po!”

Yesaia 49:13

“Ŋwɛi, lá kɛ miishɛɛ! Shikpɔŋ, bɔɔ oshe kɛ nyamɔ! Gɔji, nyɛlaa nyamɔ lala! Ejaakɛ Yehowa eshɛje emaŋ lɛ mii; ni emɛi ni nii yɔɔ mɔbɔ lɛ, emusuŋ aaatsɔ̃ lɛ yɛ amɛhe.

Yesaia 12:6

Ao, nyɛ Zion maŋbii, nyɛbolɔa, ni nyɛnyaa, ejaakɛ Israel Mɔ Krɔŋkrɔŋ Koome ni da lɛ yɛ nyɛteŋ.”

Yesaia 40:1

“Nyɛshɛjea, nyɛshɛjea mimaŋ lɛ mii!” WɔNyɔŋmɔ lɛ kɛɛ.

Yesaia 43:1

Shi agbɛnɛ Yakob, bɔ ni Yehowa mɔ ni bɔ bo lɛ kɛɛ nɛ. Ao Israel, bɔ ni mɔ ni shɔ̃ bo lɛ kɛɛ nɛ, “Kaashe gbeyei ejaakɛ makpɔ̃ bo. Mikɛ ogbɛi etsɛ bo; mi, minɔ ji bo!

Yesaia 63:9

yɛ amɛhaomɔi fɛɛ amli lɛ. Jeee tsulɔ loo ŋwɛi bɔfo ni here amɛyiwala, shi Yehowa diɛŋtsɛ jɛ esuɔmɔ kɛ emɔbɔnalɛ mli ehere amɛyiwala, ni ehole amɛ, ni ehiɛ amɛ yɛ blema beiaŋ fɛɛ.

Mika 4:10

Yerusalɛmbii, nyɛkɛ̃mɔa, ni nyɛkɔ̃mɔa tamɔ yoo ni fɔmɔ eta ehe; ejaakɛ nyɛbaashi maŋ lɛ mli ni nyɛaayahi ŋa lɛ nɔ; nyɛbaaya Babilon tɔ̃ɔ. Shi jɛi lɛ Yehowa aaahere nyɛ yɛ nyɛhenyɛlɔi lɛ adɛŋ.

Lalai 102:22

be mli ni majimaji kɛ maŋtsɛyelii aaabuabua amɛhe naa amɛja Yehowa lɛ.

Yesaia 44:22

Mihã ohe eshai lɛ ekpalaŋ kɛtee tamɔ atatu, ohe eshai lɛ emii tamɔ afua. Kpalemɔ kɛba miŋɔɔ, ejaakɛ mi, mikpɔ̃ bo.”

Yesaia 51:12

Yehowa miikɛɛ akɛ, “Mi mishɛjeɔ nyɛmii! Mɛɛba osheɔ adesa ni baagbo, adesa ni etamɔ jwɛi gbeyei,