Yesaia 52:2 - ŊMALƐ KRƆŊKRƆŊ LƐ

² Ao Yerusalɛm ni aŋɔ bo nom, tee shi? Kpokpomɔ ohe mlu lɛ, Tee shi ota shi! Zion biyoo ni aŋɔ bo nom, fɛnemɔ kpãa ni yɔɔ okuɛ lɛ.

Ṅmãle̱ Kroṅkroṅ Le̱

² Hosomo̱ ohe mlu le̱ oſie, te ši otá ši, Ierusalem! Fẽnemo̱ okue̱ kpãi le̱, bo Zion biyō ni aṅõo nom!

Yesaia 52:2 ပူးပေါင်းရင်းမြစ်များ

Yesaia 10:27

Nakai gbi lɛ nɔ lɛ mibawo Asiria jatsu lɛ kɛje nyɛkɔŋ, ni abaakumɔ apã ni kã nyɛkuɛ lɛ.”

Yesaia 14:25

No ji akɛ mibakpãtã Asiriabii ni yɔɔ mishikpɔŋ, Israel, nɔ lɛ ahiɛ. Mibanaanaa amɛnɔ yɛ migɔji lɛ anɔ, ni mikɛbaawó Asiriabii apã ni kã Israelbii anɔ lɛ kɛje amɛkuɛ.”

Yesaia 29:4

Kɛkɛ lɛ ooojɛ shikpɔŋ lɛ shishi tɔ̃ɔ owie; owiemɔi lɛ aaajɛ su mli agbɛɛ blɛoo; ogbee aaajɛ shikpɔŋ egbɛɛ tamɔ sisa gbee, ni obaawie ablɛbi kɛajɛ su mli.

Yesaia 3:26

Maŋ lɛ agboi lɛ baaye ŋkɔmɔ kɛ awerɛho, ni maŋ lɛ diɛŋtsɛ baatsɔ̃ tamɔ yoo ni afee lɛ shwɛm ni eshwata shikpɔŋ.

Yesaia 49:21

Kɛkɛ lɛ ooobi ohe akɛ ‘Namɔ fɔ bii nɛɛ ha mi? Akpakpaa mibii yɛ mihe ni mitsɔ̃ kene ni bɛ bi. Aŋɔ amɛ nom kɛtee. No hewɔ lɛ, namɔ lɛ amɛ? Naa, ashi mi koome pɛ kɛkɛ; belɛ nɛgbɛ Mɛnɛɛmɛi jɛ mɔ?’ ”

Yesaia 51:14

Etsɛŋ kwraa ni aaaŋmɛɛɛ gboklɛfoi lɛ ahe; amɛgboiŋ, ni amɛwala sɛɛ baatsɛ, ni nɔ ni amɛaaye ebɔŋ amɛ.

Yesaia 51:23

Maŋɔ maha nyɛhaolɔi lɛ, mɛi ni kɛɔ nyɛ akɛ, ‘Nyɛkamɔa shi koni wɔnyiɛa nyɛnɔ kɛhoa.’ Ni nyɛtsɔ tamɔ gbɛjegbɛ koni wɔnyiɛ nyɛnɔ lɛ.”

Yesaia 60:1

Tee shi ni otso ejaakɛ ola lɛ eshɛ shi etã, ni Yehowa anunyam lɛ miikpɛ yɛ onɔ.

Yesaia 61:1

Nuŋtsɔ Yehowa mumɔ lɛ yɛ minɔ. Efɔ mi mu, ni etsu mi koni mibashiɛ Sanekpakpa lɛ mitsɔ̃ɔ ohiafoi. Etsu mi koni mibashɛje mɛi ni efee bliboo kɛ awerɛho lɛ amii, koni mishiɛ heyeli mitsɔ̃ɔ nomii lɛ, kɛ mɛi ni awo amɛ tsuŋ lɛ.

Yesaia 9:4

Ejaakɛ amɛkɔŋtso ni tsɔ̃ jatsu lɛ, kɛ amɛkpalamɔ tso lɛ kɛ amɛnɔyelɔ lɛ dɛŋ kpãa lɛ okumɔ fɛɛ mli, tamɔ ofee Midian ta lɛ.

Yeremia 51:45

Miwebii Israelbii, nyɛshia Babilon. Mɔ fɛɛ mɔ ajo Yehowa mlifu ni naa wa lɛ naa foi ni ehere eyiwala.

Yeremia 51:50

Yehowa kɛɛ akɛ, “Nyɛ mɛi ni nyɛje klante naa gbele mli, nyɛyaa, nyɛkadamɔa shi. Nyɛkaia Yehowa yɛ shɔŋŋ he ni nyɛyɔɔ lɛ tete, ni nyɛkaia Yerusalɛm hu.

Yeremia 51:6

Nyɛjoa foi kɛjea Babilon teŋ; mɔ fɛɛ mɔ ahere lɛ diɛŋtsɛ eyiwala. Nyɛkahãa aplenea nyɛ yɛ Babilon toigbalamɔ lɛ mli, ejaakɛ Yehowa oweletɔɔ be lɛ eshɛ, no ji Babilon toi ni egbalaa nɛɛ.

Ezekiel 34:27

Kɛkɛ lɛ ŋa nɔ tsei baawo amɛyibii ni shikpɔŋ lɛ baaba nii babaoo, ni amɛaahi shi shweshweeshwe yɛ amɛshikpɔŋ lɛ nɔ. Kɛji mikumɔ amɛkɔŋtsei ni akɛbɔ amɛ apã lɛ, ni mijie amɛ kɛjɛ mɛi ni yeɔ amɛ nyɔŋ lɛ adɛŋ lɛ, no amɛkɛaale akɛ mi, mi ji Yehowa.

Zakaria 2:6

Yehowa kɛɛ, “Huui! Nyɛkua nyɛsɛɛ kɛjɛa kooyigbɛ shikpɔŋ lɛ nɔ kɛbaa Yerusalɛm; ejaakɛ mi, migbɛ nyɛ mishwã tamɔ ŋwɛi kɔɔyɔi ejwɛ lɛ.” Yehowa kɛɛ,

Zakaria 2:7

“Huui! Kuu osɛɛ oba Zion, bo mɔ ni okɛ Babilon biyoo lɛ yɔɔ lɛ.”

Luka 21:24

Ni amɛaanyɔnyɔɔ yɛ klante naa, ni aaaŋɔ amɛ nom kɛaatee jeŋmaji fɛɛ mli, ni jeŋmaji lɛ aaanaanaa Yerusalɛm nɔ kɛyashi beyinɔ ni jeŋmaji abe lɛ aaashɛ.”

Luka 4:18

“Nuŋtsɔ lɛ Mumɔ lɛ yɛ minɔ, ejaakɛ efɔ mi mu, koni mijaje Sanekpakpa lɛ mitsɔ̃ɔ ohiafoi.

Kpojiemɔ 18:4

Ni minu gbee kroko kɛjɛ ŋwɛi miikɛɛ, “Nyɛjea emli, mimaŋ, koni nyɛkɛ lɛ akafea eshai ni efeɔ lɛ, ni nyɛkana ehaomɔi lɛ eko.