Yesaia 51:9 - ŊMALƐ KRƆŊKRƆŊ LƐ

⁹ Tee shi, tee shi koo! Yehowa, wo ohewalɛ nine lɛ nɔ. Tee shi tamɔ ofee blema ko lɛ, tamɔ yɛ jeeŋmɔ yinɔi komɛi anɔ lɛ. Aso jeee bo ofolɔ ŋshɔŋ kooloo Rahab lɛ mli dukuduku lɛ? Aso jeee bo ofolɔ kooloo drako gbeyeigbeyei lɛ mli lɛ?

Ṅmãle̱ Kroṅkroṅ Le̱

⁹ Ohĩe atšẽ, ohĩe atšẽ! Oke̱ hewale̱ aha ohe, Iehowa nine! Ohĩe atšẽ, tamo̱ bo̱ni ohĩe tšẽ *ye̱ blema gbĩĩ le̱ amli, ye̱ blemabii le̱ ayino̱ le̱! Ani dšee bo dši moni flo̱ Rahab mli, ni egbulo̱ drako le̱? *2 Mose 14,14; 16,7.

Yesaia 51:9 ပူးပေါင်းရင်းမြစ်များ

Hiob 26:12

Ejɔɔ ŋshɔ he yɛ ehewalɛ naa, ni ekɛ enilee kpãtãa sasabonsam lɛ hiɛ.

Hiob 9:13

Nyɔŋmɔ eŋmɛŋ emlifu lɛ he, ni mɛi ni ye bua Rahab lɛ aaabakua lɛ.

Lalai 21:13

Oo, Yehowa, wɔmiiwo onɔ gojoo yɛ ohewalɛ kpele lɛ hewɔ! Wɔbaala kɛjie ohewalɛ lɛ yi.

Lalai 44:1

Oo Nyɔŋmɔ, wɔnu kɛ wɔtoi; wɔblematsɛmɛi lɛ egba wɔ nibii ni otsu yɛ amɛyinɔ, yɛ blema bei lɛ amli.

Lalai 44:2

Bɔ ni bo diɛŋtsɛ oshwie maji lɛ, ni otɛo owebii yɛ jɛi; bɔ ni ohao maji krokomɛi lɛ, shi owebii lɛ ohã amɛshwere.

Lalai 44:23

Oo Nuŋtsɔ, tee shi, mɛɛba owɔɔ? Ohiɛ atsɛ̃, kaashɛrɛ wɔ oshwie kɛmiiya naanɔ.

Lalai 44:24

Mɛɛ hewɔ okɛ ohiɛ etee? Mɛɛba ohiɛ ekpa wɔmanehulu kɛ yi ni awaa wɔ lɛ nɔ?

Lalai 59:4

Oo Yehowa, jeee esha ni mifee loo tɔ̃mɔ ko ni mitɔ̃ hewɔ ni amɛjoɔ foi kɛyaa amɛyafeɔ kralo amɛtoɔ mi. Wo ohe nɔ, baakwɛ ni oye obua mi.

Lalai 7:6

Oo, Yehowa, tee shi kɛ mlila, wo ohe nɔ yɛ mihenyɛlɔi lɛ agirimɔ lɛ hewɔ; Oo miNyɔŋmɔ, ohiɛ atsɛ̃; bo ni oto kojomɔ ofɔ shi.

Lalai 77:5

Mijwɛŋɔ blema gbii lɛ ahe, ni mikaiɔ teteete afii lɛ hu.

Lalai 78:65

Kɛkɛ ni Nuŋtsɔ lɛ te shi, tamɔ mɔ ko ni jɛ wɔ mli, oookɛɛ kãkãlɔ ni dãa eba ehiɛ.

Lalai 87:4

Matsi Ijipt kɛ Babilon tã mafata maji ni le mi lɛ ahe. Makane Filistibii kɛ Tirobii kɛ Kush mafata mɛi ni yɔɔ Yerusalɛm lɛ ahe. Ejaakɛ amɛaakɛɛ akɛ: “Mɔnɛ lɛ, lɛ lɛ, jɛi afɔ lɛ yɛ.”

Lalai 89:10

Otserɛ Rehab ni ji ŋshɔŋ kooloo awuiyelɔ lɛ mli, ni ogbe lɛ, ni okɛ ohewalɛ kpeteŋkple lɛ gbɛ ohenyɛlɔi lɛ oshwã.

Lalai 89:11

Ŋwɛi lɛ onɔ ni, ni shikpɔŋ lɛ hu onɔ ni; je lɛ kɛ emli nibii fɛɛ lɛ, bo nɔŋŋ obɔ.

Lalai 93:1

Yehowa miiye maŋtsɛ; ewula kɛ agbojee; Yehowa ewula; emia kɛ hewalɛ. No hewɔ lɛ, je lɛ ma shi shiŋŋ, ni anyɛŋ ahoso.

2 Mose 6:6

No hewɔ lɛ, kɛɛmɔ Israelbii lɛ akɛ mikɛɛ, ‘Mi ji Yehowa, ni majie nyɛ, ni mawo Ijiptbii lɛ ajatsu lɛ yɛ nyɛkuɛ nɔ, ni mahere nyɛ kɛje nyɔŋ ni amɛyeɔ nyɛ lɛ mli. Mikɛ mihewalɛ aaakpɔ̃ nyɛ, ni no nɔŋŋ mikɛaagbala Ijiptbii lɛ atoi.

Yesaia 27:1

Nakai gbi lɛ nɔ lɛ, Yehowa kɛ klante agbo ni naa ba ni wa hu baabamɔ Leviatan, onufu lɔgɔligi lɛ, ni eeegbe ogboole ni yɔɔ ŋshɔ lɛ mli lɛ.

Yesaia 30:7

Akɛni Ijipt dɛŋ yelikɛbuamɔ lɛ bɛ fɛifɛi, ni enyɛɛɛ nɔ ko nɔ ko etsu hewɔ lɛ, mitsɛɔ lɛ ‘Naafuutsɛ ni etĩii ehe.’ ”

Yesaia 51:17

Ao Yerusalɛm, wo ohe nɔ! Wo ohe nɔ! Tee shi odamɔ shi! Onu toigbalamɔ kpulu lɛ mli dãa ni jɛ Yehowa diɛŋtsɛ dɛŋ lɛ. Ni onu owo omli, ni olɛmɔ kpulu lɛ mli, ni eha oodidãa.

Yesaia 51:5

Midɛŋ yiwalaheremɔ be lɛ ebɛŋkɛ etã; miyiwalaheremɔ lɛ baaje kpo, ni mi diɛŋtsɛ maye majimaji lɛ anɔ. Ŋshɔnaa shikpɔji lɛ miikwɛ mi gbɛ, ni amɛhiɛ kã mihewalɛ lɛ nɔ.

Yesaia 52:1

Ao Yerusalɛm, ohiɛ atsɛ̃! Ohiɛ atsɛ̃! Teemɔ ohewalɛ lɛ shi! Ao Yerusalɛm, maŋ krɔŋkrɔŋ, wulamɔ kɛ otadei fɛɛfɛji lɛ, ejaakɛ foolɔi kɛ mɛi ni he tseee boteŋ ogboi lɛ mli dɔŋŋ!

Yesaia 52:10

Yehowa ejie ehewalɛ krɔŋkrɔŋ lɛ kpo etsɔ̃ɔ majimaji lɛ fɛɛ, ni jeŋ muu lɛ fɛɛ aaana wɔNyɔŋmɔ lɛ dɛŋ yiwalaheremɔ lɛ.

Yesaia 53:1

Maŋbii lɛ to he akɛ, “Namɔ aaahe sane ni wɔnu lɛ eye? Ni namɔ Yehowa ejie ehewalɛ nine lɛ kpo etsɔɔ?

Yesaia 62:8

Yehowa ewo ehewalɛ nine lɛ nɔ ekɛkã ehe kitã akɛ, “Anɔkwa, mikɛ obele lɛ haŋ ohenyɛlɔi amɛye dɔŋŋ, ni maŋsɛɛbii enuŋ owain ni ogbo he deŋme lɛ dɔŋŋ;

Ezekiel 29:3

bɔ ni Nuŋtsɔ Nyɔŋmɔ kɛɔ nɛ, naa, mi kɛ bo ena, bo Farao ni ji, Ijipt Maŋtsɛ, bo baa wulu kpele ni yɔɔ efai lɛ amli ni oshwãa okɛɔ akɛ, ‘Nilo Faa lɛ, minɔ ni, ni mi mibɔ mihã mihe.’

Mika 7:15

Mafee naakpɛɛnii matsɔ̃ɔ amɛ tamɔ be ni mijie amɛ kɛjɛ Ijipt shikpɔŋ lɛ nɔ lɛ.

Habakuk 2:19

Kpoo hã bo mɔ ni okɛɔ tso akɛ, “Ohiɛ atsɛ̃!” Ni okɛɔ tɛ mumui hu akɛ, “Tee shi!” Ani amãgã baanyɛ ejie ninaa atsɔ̃ɔ bo? Naa, akɛ shika kɛ jwiɛtɛi baaha ehe nɛ, shi moŋ wala kome nɛkɛ bɛ emli.

Habakuk 3:13

Otee oyahere omɛi lɛ ayiwala, koni oyahere mɔ ni ofɔ lɛ mu lɛ yiwala. Ojwara mɔ fɔŋ lɛ weku lɛ yitso, ni oŋmɛ lɛ yayai kɛjɛ eshuɔ kɛyata ekuɛ.

Zakaria 10:11

Amɛbaafo amanehulu ŋshɔ lɛ, mahã ŋshɔkei lɛ aŋmɛ dɛŋŋ. Nilo Faa lɛ fɛɛ kwa baagbi. Abaaba Asiria hetsɛmɔ lɛ shi, ni Ijipt hewalɛ lɛ sɛɛ baafo.

Zakaria 2:13

Gbɔmɛi fɛɛ afee dioo yɛ Yehowa hiɛ, ejaakɛ ete shi kɛjɛ eshihilɛhe krɔŋkrɔŋ lɛ.

Luka 1:51

Ekɛ enine etsu hewalɛ nitsumɔi; mɛi ni woɔ amɛhe yɛ amɛtsuiŋ jwɛŋmɔ mli lɛ egbɛ amɛ eshwã.

Yohane 12:38

koni gbalɔ Yesaia wiemɔ ni ewie lɛ ana aba mli akɛ, “Nuŋtsɔ, namɔ ehe wɔsane lɛ eye, Ni namɔ ajie Nuŋtsɔ lɛ hewalɛ lɛ kpo atsɔ̃ɔ?”

Bɔfoi 7:7

Shi Nyɔŋmɔ kɛɛ, ‘Makojo nakai maŋ ni amɛaayasɔ̃mɔ lɛ, ni no sɛɛ lɛ amɛaaje jɛi ni amɛaabaja mi yɛ biɛ nɛɛ.’

5 Mose 4:34

Aloo nyɛnu nyɔŋmɔ ko eka dã akɛ eeeya maŋ ko nɔ, ni eyakpɔ̃ mɛi komɛi kɛje nakai maŋ lɛ mli ni ebafee mɛi lɛ lɛ diɛŋtsɛ emɛi tamɔ bɔ ni Yehowa, nyɛNyɔŋmɔ lɛ, tsɔ̃ kai kɛ okadii kɛ naakpɛɛ nii, kɛ ta kɛ nineshiwalɛ kɛ hewalɛ kpeteŋkple nɔ efee ehã nyɛ yɛ Ijipt, yɛ nyɛ diɛŋtsɛ nyɛhiŋmɛiiaŋ lɛ?

Kpojiemɔ 11:17

amɛkɛɛ, “Wɔmiida bo shi, bo Nuŋtsɔ Nyɔŋmɔ Ofe lɛ, bo mɔ ni oyɔɔ ni oyɛ ni obaaba lɛ, akɛ oŋɔ ohewalɛ kpeteŋkple lɛ ni oye maŋtsɛ!

Kpojiemɔ 12:9

Ni ashɛ drako kpeteŋkple lɛ ni ji blema onufu lɛ ni atsɛɔ lɛ Abonsam loo Satan lɛ ni shishiuɔ jeŋ muu lɛ fɛɛ lɛ afɔ̃ shikpɔŋ lɛ nɔ, ni ashɛrɛ ebɔfoi lɛ hu ashwie afata ehe.

Kojolɔi 6:13

Gideon kɛɛ bɔfo lɛ akɛ, “Ofainɛ, minuŋtsɔ, kɛ Yehowa kɛ wɔ yɛ lɛ, mɛɛba mɔ ni enɛɛmɛi fɛɛ eba wɔnɔ nɛɛ? Nɛgbɛ enaakpɛɛnii lɛ fɛɛ ni wɔtsɛmɛi lɛ gbaa wɔ ni amɛkɛɔ akɛ, ‘Ani jeee Ijipt Yehowa jie wɔ kɛjɛ’ lɛ yɔɔ? Ejaakɛ agbɛnɛ Yehowa eshɛ wɔ efɔ̃, ni eŋmɛɛ wɔhe ehã Midianbii lɛ.”