Yesaia 51:1 - ŊMALƐ KRƆŊKRƆŊ LƐ

¹ Yehowa kɛɛ, “Nyɛ mɛi ni nyɛtaoɔ ni akpɔ̃ nyɛ lɛ, nyɛboa mi toi! Nyɛ mɛi ni nyɛtaoɔ Nuŋtsɔ lɛ sɛɛgbɛ, nyɛjwɛŋa tɛsaa ni agba nyɛ kɛjɛ mli lɛ, kɛ tɛ bu ni atsa nyɛ kɛjɛ mli lɛ he.

Ṅmãle̱ Kroṅkroṅ Le̱

¹ Nyeboami toi, nye mei ní nyenyiee̱ dšale̱ se̱, ni nyetaoe̱ Iehowa se̱gbe̱ le̱: Nyekwe̱a te̱sā ni agbánye ke̱-dše̱ mli le̱, ke̱ *bu ní atšanye ke-dše mli le! *48,1.

Yesaia 51:1 ပူးပေါင်းရင်းမြစ်များ

Yesaia 51:7

“Nyɛ mɛi fɛɛ ni le nɔ ni ji jalɛ, nyɛboa toi, nyɛ maŋbii ni mimla lɛ yɔɔ nyɛtsuiiaŋ, nyɛkashea adesa dɛŋ ahorabɔɔ gbeyei! Asaŋ nyɛtsuii akafãa yɛ limɔ ni aaali nyɛ hewɔ.

Lalai 94:15

ejaakɛ aaaku sɛɛ aye jalɛ sane yɛ kojomɔhei lɛ, ni jalɔi fɛɛ aaafĩ sɛɛ kɛ amɛtsuiŋ fɛɛ.

Hebribii 12:14

Nyɛtiua nyɛ kɛ mɛi fɛɛ ateŋ hejɔlɛ sɛɛ kɛ hetsemɔ ni kɛ mɔ ko shi ni enaŋ Nuŋtsɔ lɛ.

Romabii 14:19

No hewɔ lɛ, agbɛnɛ nyɛhãa wɔtiua hejɔlɛ nibii kɛ nibii ni wɔkɛhã wɔnanemɛi anane amɔ shi moŋ sɛɛ.

Yesaia 48:12

“Ao, Yakob, bo mi toi; Israel, bo mɔ ni mitsɛ, bo mi toi. Mi ni, mi ji klɛŋklɛŋ mɔ, ni mi nɔŋŋ ji naagbee mɔ lɛ!

2 Timoteo 2:22

Shi oblahiiaŋ sɛɛdii lɛ hu, joo naa foi, ni okɛ mɛi ni tsɛɔ Nuŋtsɔ lɛ kɛjeɔ tsui ni mli tse mli lɛ atiu jalɛ, hemɔkɛyeli, suɔmɔ kɛ hejɔlɛ sɛɛ.

Amos 5:6

Nyɛtaoa Yehowa sɛɛgbɛ, ni nyɛyi baana wala. Kɛjeee nakai lɛ Yehowa aaaba tamɔ la ni eje yɛ Israelbii ateŋ, ni eeeshã nii. La nɛɛ baakpãtã Betel hiɛ, ni mɔ ko mɔ ko bɛ ni aaanyɛ agbe ahã Betel.

Abe̱i 21:21

Mɔ ni nyiɛɔ jalɛ kɛ mɔbɔnalɛ sɛɛ lɛ, enaa wala kɛ hiɛnyam.

Abe̱i 15:9

Mɔ fɔŋ jeŋba lɛ, Yehowa miihi; shi mɔ ni tiuɔ jalɛ sɛɛ lɛ, esumɔɔ lɛ.

1 Timoteo 6:11

Shi bo lɛ, Ao Nyɔŋmɔ gbɔmɔ, joo nibii nɛɛ anaa foi, ni onyiɛ jalɛ, Nyɔŋmɔjamɔ, hemɔkɛyeli, suɔmɔ, hiɛmiamɔ, kɛ kpoofeemɔ sɛɛ.

Filipibii 3:13

Anyɛmimɛi, mibuuu mihe akɛ minine eshɛ nɔ, shi nɔ kome kɛkɛ mifeɔ: Nii ni yɔɔ sɛɛgbɛ lɛ mijieɔ mihiɛ yɛ nɔ, shi nii ni yɔɔ hiɛgbɛ lɛ moŋ mikpãa mimli ni mashɛ he,

Mateo 6:33

Shi nyɛtaoa Nyɔŋmɔ Maŋtsɛyeli lɛ kɛ ejalɛ lɛ tsutsu ni akɛ nii nɛɛ fɛɛ aaafata he ahã nyɛ.

Mateo 5:6

“Ajɔɔ mɛi ni jalɛ he hɔ̃mɔ kɛ kumai yeɔ amɛ lɛ; shi amɛaatɔrɔ.”

Yesaia 45:19

Jeee teemɔ mli miwie yɛ, yɛ shikpɔŋ ni enɔ ewo duŋ ko nɔ. Mikɛɛ Israelbii lɛ akɛ, “Nyɛtaoɔ mi yaka; nyɛtaoɔ mi yɛ he ni nɔ ko nɔ ko bɛ. Mi Yehowa, miwieɔ anɔkwale. Nɔ ni ja lɛ, no mikɛɔ.”

Lalai 24:6

Mɛnɛɛmɛi ji gbɔmɛi ni taoɔ esɛɛgbɛ lɛ, mɛi ni baa Yakob Nyɔŋmɔ lɛ hiɛ.

Zefania 2:3

Nyɛ shikpɔŋ lɛ nɔ heshibalɔi fɛɛ ni feɔ Yehowa suɔmɔnaa nii, nyɛtaoa Yehowa sɛɛgbɛ; nyɛtaoa jalɛ sɛɛgbɛ; ni nyɛtaoa heshibaa sɛɛgbɛ, ni eko lɛ aaaŋɔ nyɛ atee yɛ Yehowa mlifu gbi lɛ nɔ.

Yesaia 55:6

Nyɛtaoa Yehowa be mli ni eeehã ana lɛ. Nyɛtsɛa lɛ be mli ni ebɛŋkɛ.

Yesaia 51:4

“Mimaŋbii, nyɛboa mi toi! Mimaŋ, nyɛfea toi nyɛhãa mi! Ejaakɛ mibawo mla, ni mijalɛ saneyeli aaatso la aha majimaji lɛ.

Romabii 10:3

Ejaakɛ amɛleee Nyɔŋmɔ jalɛ lɛ, shi amɛ diɛŋtsɛ amɛjalɛ moŋ amɛtaoɔ amɛkɛma shi, hewɔ lɛ amɛbaaa amɛhe shi amɛhãaa Nyɔŋmɔ jalɛ lɛ.

Yesaia 65:10

Amɛaaja mi, ni amɛaakpala amɛtoi kɛ tsinai kɛya Sharon ŋa ni yɔɔ anaigbɛ lɛ nɔ, ni amɛkɛ amɛkooloi aaaya Akor Jɔɔ ni yɔɔ bokãgbɛ lɛ hu mli koni amɛyaye nii.

2 Kronika 15:2

ni eyiŋ etee koni ekɛ Maŋtsɛ Asa ayakpe. Be ni amɛkpe lɛ Azaria kɛɛ maŋtsɛ lɛ akɛ, “Maŋtsɛ Asa kɛ Yuda kɛ Benyamin fɛɛ, nyɛboa mi toi. Gbii abɔ ni nyɛmiibo Yehowa toi lɛ, lɛ hu ekɛ nyɛ yɛ. Kɛji nyɛtao lɛ lɛ, nyɛbaana lɛ, shi kɛji nyɛkwa lɛ lɛ, lɛ hu ebaakwa nyɛ.

2 Kronika 15:4

Shi be ni fimɔ ba ni amɛkpale kɛyatao Yehowa, Israel Nyɔŋmɔ lɛ, sɛɛgbɛ lɛ amɛna lɛ.

Yesaia 48:1

Nyɛ Israelbii, nyɛ mɛi ni akɛ Israel gbɛi ewo nyɛ, ni nyɛjɛ Yuda mli, nyɛboa enɛ toi! Nyɛkɛ Yehowa gbɛi lɛ kãa kitã, ni nyɛkɛɔ akɛ Israel Nyɔŋmɔ lɛ, lɛ ji Nyɔŋmɔ, shi anɔkwale kome nɛkɛ bɛ mli.