Yesaia 5:9 - ŊMALƐ KRƆŊKRƆŊ LƐ

⁹ Yehowa, Taiatsɛ, wie yɛ mi diɛŋtsɛ mitoiŋ akɛ, “Bɔ fɛɛ bɔ ni fee lɛ, shĩai pii baatsɔmɔ amaŋfɔ̃, shĩai wuji fɛɛfɛji baakamɔ shi ni gbɔmɛi bɛ mli.

Ṅmãle̱ Kroṅkroṅ Le̱

⁹ Iehowa Zebaot kē̱ ye̱ mitoiiaṅ ake̱: Le̱le̱ṅ ake tšũi pī aatšṍmo̱ amaṅfõ, tšũi ni dăra ní ame̱yo̱ fe̱o po náṅ moko ahĩ ame̱mli!

Yesaia 5:9 ပူးပေါင်းရင်းမြစ်များ

2 Kronika 36:21

No hewɔ lɛ, Yehowa wiemɔ ni ekɛtsɔ̃ Gbalɔ Yeremia nɔ lɛ ba mli akɛ, “Shikpɔŋ lɛ baakã shi akɛ amaŋfɔ̃ afii nyɔŋmai kpawo koni ehe ni kulɛ esa akɛ ejɔɔ ni enaaa ejɔɔ lɛ ena ejɔɔ.” Ejaakɛ gbii abɔ fɛɛ ni shikpɔŋ lɛ kã shi amaŋfɔ̃ ni ahuuu nɔ lɛ, eeeye hejɔɔmɔ gbii lɛ kɛyaashi afii nyɔŋmai kpawo lɛ aaashɛ.

Hiob 15:28

Maji amaŋfɔ̃i amli ehi, yɛ shĩai ni esaaa akɛ gbɔmɔ aaahi mli, hei ni baatsɔmɔ koikoi lɛ.

Hiob 20:21

Kɛji eye nii lɛ eshwɛɛɛ eko, no hewɔ lɛ, eninamɔ sɛɛ etsɛŋ.

Abe̱i 15:27

Hiɛjoolɔ hãa haomɔ baa ewe nɔ; shi mɔ ni sumɔɔɔ nyɔɔŋnii hemɔ lɛ, eyi aaana wala.

Yesaia 22:14

Yehowa, Taiatsɛ lɛ, diɛŋtsɛ ni wie, ni minu kɛ mitoi, ni ekɛɛ akɛ, “Anɔkwa, aŋɔŋ nɛkɛ nɔsha nɛɛ afaŋ nyɛ kɛyaashi beyinɔ ni nyɛaagboi.”

Yesaia 27:10

Ejaakɛ maŋ ni atswa gbogbo awo he lɛ etsɔ̃ amaŋfɔ̃ kɛ shihilɛhe ni ashi afɔ shi ni akwa lɛ tamɔ shiaŋa. Tsinabii miiye nii yɛ jɛi; amɛbumɔɔ shi yɛ jɛi, ni amɛyeɔ nii.

Yesaia 5:6

Mibahã emli atsa; akpɔlɔŋ emli tsei lɛ ahe, ni ahuŋ he; kpitikpitii kɛ ŋmeii baatsa yɛ mli. Mibawo atatui lɛ kitã akɛ amɛkanɛ nu amɛshwie nɔ.”

Amos 3:7

Eji anɔkwale akɛ Nuŋtsɔ Nyɔŋmɔ efeee nɔ ko ni ejieee eyiŋtoo lɛ kpo etsɔ̃ɔɔ etsuji gbalɔi lɛ.

Amos 5:11

Akɛni nyɛnaanaa ohiafo nɔ, ni nyɛtsuɔ lɛ abele onia fe bɔ ni sa hewɔ lɛ, nyɛkɛ tɛ ni ako emamɔ shĩai; shi moŋ nyɛhiŋ amɛmli; ni nyɛfeefee wain tromi fɛɛfɛji moŋ, shi nyɛnuŋ amɛmli wain.

Amos 6:11

Ejaakɛ Yehowa efã ni shĩa wulu fɛɛ shĩa wulu baawule butuu, ni shĩa bibioo hu baajwa.

Mateo 22:7

Shi be ni maŋtsɛ lɛ nu lɛ, emli fu, ni etsu etabilɔi, ni amɛyagbe nɛkɛ gbɔmɔgbelɔi nɛɛ, ni ashã amɛmaŋ lɛ.

Mateo 23:38

Naa, ashi nyɛwe lɛ amaŋfɔ̃ ahã nyɛ!

Yakobo 5:4

Naa, nitsulɔi ni kpa nyɛŋmɔjiaŋnii lɛ anyɔmɔwoo ni nyɛkɛhãaa amɛ lɛ miibolɔ, ni nikpalɔi lɛ abolɔmɔi lɛ ebabote tai aNuŋtsɔ lɛ toiiaŋ.