Yesaia 5:5 - ŊMALƐ KRƆŊKRƆŊ LƐ

⁵ “Agbɛnɛ mibatsɔ̃ɔ nyɛ nɔ ni mibafee miwaintrom lɛ. Mibajie ehe afabaŋ lɛ koni kooloi akpãtã ehiɛ. Mibakumɔ ehe gbogbo lɛ hu koni anaanaa enɔ kɛho.

Ṅmãle̱ Kroṅkroṅ Le̱

⁵ Odšogbãṅ! agbe̱ne̱ mibatšõnye noni mibafe miweintrom le̱: Mibadšie ehe afãbaṅ le̱, ní koloi aye; mibakũmo̱ ehe gbogbo le̱ hũ, ní anānā no̱.

Yesaia 5:5 ပူးပေါင်းရင်းမြစ်များ

1 Mose 11:4

Amɛkɛɛ akɛ, “Agbɛnɛ nyɛhãa wɔtoa maŋ wɔhãa wɔhe, ni emli mɔɔ yiteŋ ayashi ŋwɛi, ni wɔkɛhe gbɛi koni wɔkagbɛ wɔshwã shikpɔŋ muu lɛ fɛɛ nɔ.”

1 Mose 11:7

Nyɛhãa wɔkpelekea shi ni wɔyatsakea amɛwiemɔ lɛ ni wɔfee lɛ wiemɔi srɔtoisrɔtoi, koni mɔ ko akanu enaanyo wiemɔ dɔŋŋ!”

Nehemia 2:3

ni mikɛɛ, “Maŋtsɛ yi ana wala kɛya naanɔ! Nii, mɛɛba ni esaaa akɛ mihiɛ afee mɔbɔmɔbɔ be ni maŋ ni ji he ni mitsɛmɛi asaŋi yɔɔ lɛ etsɔ̃ amaŋfɔ̃, ni ashã ehe agboi lɛ?”

Lalai 89:40

Okumɔ emaŋ lɛ he gbogbo lɛ oshwie shi, ni ofee emɔji lɛ koikoi.

Lalai 89:41

Mɛi fɛɛ ni hoɔ lɛ haa enii; ni ehe gbɔmɛi tete bɔɔ lɛ ahora.

Abe̱i 24:31

shi, naa, ŋmɔ lɛ mli fɛɛ etsi kɛ ŋmeii; ni sɔnsrɔ̃ sɔŋŋ eha shikpɔŋ lɛ hiɛ; ni ŋmɔ lɛ he lɛ gbogbo lɛ ekumɔ eshwie shi.

Jajelɔ 3:3

Be yɛ ni agbeɔ, ni be yɛ hu ni atsaa; be yɛ ni akumɔɔ nɔ ni ama, ni be yɛ hu ni atswaa amaa shi.

Yesaia 10:6

Mifã lɛ miwo maŋ ni sheee Nyɔŋmɔ gbeyei lɛ he. Mifã lɛ koni eyatua mɛi ni mimli efu amɛ lɛ, koni eyaha amɛ, koni eshɔ̃ amɛdɛŋ nii, koni enaanaa amɛnɔ tamɔ anaa blohuŋ ŋmiamɔ.

Yesaia 25:10

Yehowa kɛ ehewalɛ lɛ baafã gɔŋ nɛɛ he. Shi Moabbii lɛ abaanaanaa amɛnɔ tamɔ anaa jwɛi nɔ yɛ bu ni yɔɔ tumo nɔ.

Yesaia 28:18

Kɛkɛ lɛ aaafo nyɛ kɛ gbele teŋ kpãŋmɔ lɛ mli, ni bɔ ni nyɛ kɛ gbohiiaje eye efua lɛ sɛɛ baafo, ni kɛji ekpelebii ni naa wa lɛ miiho lɛ, ebaagwao nyɛ.

Yesaia 28:3

Nibii ni Efraim dãatɔlɔi lɛ kɛwulaa amɛhe lɛ akɛ nane aaanaanaa nɔ;

Yesaia 32:10

Nyɛ yei ni nyɛyitsei kãmɔ nyɛyisɛɛ, biɛ afi kɛ nɔ ko fioo mli lɛ, nyɛhe aaakpokpo, ejaakɛ wainyibii aaakpala, ni eko baŋ dɔŋŋ ni aaana atse.

Yeremia 18:11

No hewɔ lɛ, agbɛnɛ kɛɛmɔ Yudabii lɛ kɛ Yerusalɛm maŋbii lɛ akɛ nɔ ni mi, Yehowa, mikɛɔ amɛ nɛ, ‘Naa, misusu nyɛhe efɔŋ, ni mikɔ nyɛyi tɛ. No hewɔ lɛ, nyɛteŋ mɔ fɛɛ mɔ akpa ejeŋba gbonyo lɛ, ni etsake esu kɛ enifeemɔnii fɔŋ lɛ.’

Yeremia 21:4

“Nyɛyakɛa Maŋtsɛ Zedekia akɛ bɔ ni Yehowa, Israel Nyɔŋmɔ lɛ, kɛɛ nɛ, ‘Naa, mibakpãtã tawuunii ni nyɛhiɛ yɛ nyɛdɛŋ lɛ ahiɛ, tawuunii ni nyɛhiɛ ni nyɛkɛ Babilon maŋtsɛ lɛ kɛ etabilɔi Kaldeabii ni esa nyɛyi yɛ Yerusalɛm gbogboi lɛ asɛɛ lɛ wuɔ lɛ; mibabua fɛɛ naa kɛba maŋ lɛ teŋ.

Yeremia 28:8

Gbalɔi ni tsɔ̃ mi kɛ bo fɛɛ wɔhiɛ kɛjɛ teteete lɛ, amɛgba tai kɛ hɔmɔ kɛ gbele hela ni baaba shikpɔji babaoo kɛ maŋtsɛmɛi wuji amaŋtsɛyelihei anɔ ahe gbalɛi.

Yeremia 45:4

Bɔ ni okɛɛ Baruk nɛ. Nɔ ni, Yehowa kɛɛ nɛ, “Naa, nii ni mima mima shi lɛ, mi nɔŋŋ miikumɔ mashwie shi, ni nii ni mi nɔŋŋ mitɛo lɛ, miifamɔ mashwie. Nakai ji bɔ ni mikɛ shikpɔŋ muu lɛ fɛɛ yeɔ nɛɛ.

Yāfó 1:15

“Nuŋtsɔ tsɔ̃ɔ mi hii kãkãlɔi ni yɔɔ mimli lɛ akɛ amɛhewalɛ jeee fɛifɛi; ni etsɛ asafo ewo mihe koni amɛbakpãtã miblahii lɛ ahiɛ. Nuŋtsɔ enaanaa Yuda biyoo oblayoo lɛ nɔ tamɔ waintsɔne ŋaa wain.

Yāfó 2:6

Ekumɔ ejamɔhe lɛ eshwie shi tamɔ trom mli asese. Ekpãtã he ni ayeɔ lɛ diɛŋtsɛ egbiijuji ni eto yɛ lɛ hiɛ. Yehowa efo gbii juji kɛ hejɔɔmɔ gbii asɛɛ yɛ Zion, ni ekwa maŋtsɛ kɛ osɔfo fɛɛ yɛ mlifu ni naa wa lɛ naa.

Yāfó 4:12

Je lɛ mli maŋtsɛmɛi heee yeee, ni gbɔmɛi ni yɔɔ jeŋ hu heee yeee, akɛ henyɛlɔ ko aaanyɛ Yerusalɛm agboi amli ebote.

Daniel 8:13

Kɛkɛ ni minu mɔ krɔŋkrɔŋ ko gbee miiwie, ni minu ni mɔ krɔŋkrɔŋ kroko hu bi mɔ krɔŋkrɔŋ ni wie lɛ akɛ, “Mɛɛ beyinɔ nɔŋŋ ninaa nɛɛ baakã he kɛyashi? Mɛɛ be mlatɔ̃mɔ nɛɛ baatsĩ daa gbi afɔleshãa krɔŋŋ lɛ naa kɛyashi? Ni mɛɛ be nɔŋŋ abaanaanaa ŋwɛi asafo lɛ nɔ, ni abaabule He Krɔŋkrɔŋ lɛ kɛyashi.”

Hosea 2:12

Ni maŋala ewaintsei lɛ kɛ agbãmi tsei lɛ ni ekɛɔ akɛ nomɛi ji nɔ ni enaa yɛ eshieŋtsɛmɛi lɛ adɛŋ akɛ enyɔmɔwo lɛ. Mahã fɛɛ atsɔ̃ koo koni ŋaŋ kooloi aye amɛnɔ nii.

Hosea 2:14

“No hewɔ lɛ, mibagbe eyitso ni mi kɛ lɛ aaatee ŋa lɛ nɔ ekoŋŋ; mi kɛ lɛ aaayawie naajɔlɛ wiemɔ yɛ jɛi koni eyiŋ atsɔ̃ kɛba shĩa.

Luka 21:24

Ni amɛaanyɔnyɔɔ yɛ klante naa, ni aaaŋɔ amɛ nom kɛaatee jeŋmaji fɛɛ mli, ni jeŋmaji lɛ aaanaanaa Yerusalɛm nɔ kɛyashi beyinɔ ni jeŋmaji abe lɛ aaashɛ.”

Kpojiemɔ 11:2

Ni kpo ni yɔɔ Sɔlemɔtsu lɛ agbo lɛ naa lɛ, shi no sɛɛ ni okasusu no, ejaakɛ akɛhã jeŋmaji lɛ, ni amɛaanaanaa maŋ krɔŋkrɔŋ lɛ nɔ nyɔji nyɔŋmai ejwɛ kɛ enyɔ.