Yesaia 5:4 - ŊMALƐ KRƆŊKRƆŊ LƐ

⁴ Mɛni esa akɛ afee mitrom lɛ lolo ni mifeko? Be ni mihiɛ kã nɔ akɛ ewo wainyibii kpakpai lɛ, mɛni hewɔ ni ewo kooŋ wainyibii moŋ nɛɛ?

Ṅmãle̱ Kroṅkroṅ Le̱

⁴ Meni aasā afe miweintrom le̱ lolo ni mifeko? Mèhewo̱ mo̱ ni beni mible kā no̱ ake̱ ebawo weinyibii le̱, ni ewoo kōṅ weinyibii ne̱?

Yesaia 5:4 ပူးပေါင်းရင်းမြစ်များ

2 Mose 37:22

Tɔi lɛ kɛ fɔfɔi samai lɛ kɛ kpɔbii lɛ kɛ niji lɛ kɛ kanetso lɛ shimaatso lɛ fɛɛ tsa akɛ shika ŋmiiŋmi ni atswia afee nɔ muu kome.

Yesaia 1:5

Mɛni hewɔ nyɛyaa nɔ nyɛtseɔ atua koni aya nɔ agbala nyɛtoi lolo nɛɛ? Nyɛyitso muu lɛ fɛɛ he miiye, ni nyɛtsui fɛɛ hu etɔ biti.

Yeremia 2:21

Mitɛo bo akɛ wain tso kpakpa ni jɛ wu kpakpa mli. Shi te fee tɛŋŋ ni ofite otsɔ̃ kooŋ wain tso kwraa nɛɛ?

Yeremia 2:5

Yehowa kɛɛ akɛ, “Mɛɛ tɔ̃mɔ nyɛtsɛmɛi lɛ na yɛ mihe; hewɔ ni amɛtse amɛhe yɛ mihe kɛtee flɛŋŋ, ni amɛyadi yakayakanii asɛɛ ni ehã amɛtsɔ̃mɔ yakayakanii nɛɛ?

Yeremia 24:2

Kɛntɛŋi lɛ ateŋ ekome lɛ agbãmii kpakpai ni tamɔ agbãmi ni tsu klɛŋklɛŋ sɔŋŋ yɔɔ mli. Shi kɛntɛŋ kroko lɛ agbãmii gbohii yɔɔ mli, ni hilɛ ni amɛhiii sɔŋŋ hewɔ lɛ amɛhiii yeli tete.

Yeremia 7:25

Kɛjɛ gbi nɔ ni nyɛtsɛmɛi lɛ shi Ijipt shikpɔŋ lɛ nɔ aahu kɛbashi ŋmɛnɛ gbi nɛɛ nɔ lɛ, mikã he miitsu mitsuji ni ji gbalɔi lɛ amɛŋɔɔ be fɛɛ be,

Yeremia 7:26

shi fɛɛ sɛɛ lɛ amɛbooo mi toi, ni amɛyeee migbee nɔ; shi moŋ amɛfee amɛhe kuɛŋtilɔi, ni amɛfee nifɔɔjianii fe amɛtsɛmɛi lɛ tete.

Ezekiel 24:13

Ohiɛkɔ̃ɔ kɛ mujinii lɛ no ji ŋkanale lɛ. Akɛni kulɛ mitsuu ohe ni ohe atse shi ohe tseee hewɔ lɛ, hii shi yɛ ohe muji lɛ mli kɛyaashi beyinɔ ni matɔ mihe owele, ni mimii aaashɛ mihe.

Hosea 10:1

Israel tamɔ wain tso ni efũ baa ni eewo. Babaoo ni Israelbii lɛ shwereɔ lɛ babaoo ni amɛmamɔɔ afɔleshãa latɛi ji no. Bɔ ni amɛshikpɔŋ lɛ baa nii lɛ, nakai nɔŋŋ amɛsaa shiui ni amɛkɛjaa lɛ hu ahe.

Mateo 23:37

“Yerusalɛm, Yerusalɛm, bo ni ogbeɔ gbalɔi lɛ ni otswiaa mɛi ni atsuɔ amɛ oŋɔɔ lɛ atɛi; shii enyiɛ mitao akɛ kulɛ mabua obii anaa tamɔ bɔ ni wuɔ buaa ebii anaa ewoɔ efiji ashishi lɛ, ni nyɛkpɛlɛ̃ɛɛ!