Yesaia 5:2 - ŊMALƐ KRƆŊKRƆŊ LƐ

² Etsa mli, ni efamɔ emli tɛi ni etɛo waintsei kpakpai yɛ mli; ema mɔɔ yɛ teŋ, ni etsa wain bu hu yɛ mli. Ehiɛ kã nɔ akɛ trom lɛ baawo wainyibii kpakpai, shi ewo kooŋ wainyibii moŋ.

Ṅmãle̱ Kroṅkroṅ Le̱

² Ni eũ mli, ní efàmo̱ emli te̱i, ni ete̱o weintšei kpakpai ye̱ mli, ni emà mõ ye̱ teṅ, ni esā etša weinbu hũ ye̱ mli; ni ehĩe kã no̱ ake eewo weinyibii, ši ewo kōṅ weinyibii.

Yesaia 5:2 ပူးပေါင်းရင်းမြစ်များ

2 Samuel 7:10

Asaŋ mato he ko mahã mimaŋ Israel koni amɛyahi jɛi akɛ amɛ diɛŋtsɛ amɛnɔ mli, he ni agbaŋ amɛnaa yɛ dɔŋŋ, ni yiwalɔi haoŋ amɛ dɔŋŋ tamɔ sa,

Nehemia 13:15

Nakai be lɛ mli mina akɛ mɛi ŋaa wainyibii yɛ hejɔɔmɔ gbi lɛ nɔ yɛ Yuda. Mina akɛ akɛ abele kɛ wain kɛ wainyibii kɛ agbãmi jatsui kɛ jatsui srɔtoi fɛɛ tereɔ tejii kɛbaa Yerusalɛm yɛ hejɔɔmɔ gbi lɛ nɔ. Migbɛ miwo amɛ yɛ gbi nɔ ni amɛhɔ̃ɔ nii lɛ hewɔ.

Lalai 80:8

Wɔba tamɔ waintso kɛjɛ Ijipt; oshwie maji lɛ, ni obatɛo wɔ yɛ jɛi.

Lalai 80:9

Osaa shikpɔŋ ohã lɛ; etsɛ̃rɛ fãi kɛtee shikpɔŋ tɔ̃ɔ, ni ekpele shikpɔŋ lɛ nɔ fɛɛ.

2 Mose 33:16

ejaakɛ mɛni aaatsɔ̃ɔ akɛ oyɛ mi kɛ omaŋ nɛɛ he miishɛɛ akɛ ja tee ni okɛ wɔ aaatee lɛ, bɔ ni afee ni ana akɛ soro wɔ, ni ji mi kɛ omaŋ lɛ, yɛ maji fɛɛ ni yɔɔ shikpɔŋ lɛ nɔ lɛ ateŋ.”

Yesaia 1:8

Yerusalɛm pɛ eshwɛ, ni lɛ hu asa eyi. Etsɔ̃ tamɔ asese ko yɛ waintrom mli, loo agba ni ma kukumba ŋmɔ mli.

Yesaia 5:7

Israel ji Yehowa, Taiatsɛ lɛ, waintrom lɛ, ni Yudabii lɛ ji waintsei kpakpai ni etɛo lɛ; ni ekwɛ jalɛ saneyeli gbɛ ni naa lashishwiemɔ moŋ ena, ni yɛ ekpakpafeemɔ najiaŋ lɛ, yaafo moŋ afo!

Yeremia 11:17

“Naa, Yehowa, Taiatsɛ, mɔ ni batɛo bo yɛ biɛ lɛ ewie efɔŋ eshi bo, ejaakɛ Israelbii kɛ Yudabii efee nɔ fɔŋ, no ji akɛ amɛshã tsofakɛŋma amɛhã Baal amɛkɛwo mimli la.”

Yeremia 2:21

Mitɛo bo akɛ wain tso kpakpa ni jɛ wu kpakpa mli. Shi te fee tɛŋŋ ni ofite otsɔ̃ kooŋ wain tso kwraa nɛɛ?

Hosea 10:1

Israel tamɔ wain tso ni efũ baa ni eewo. Babaoo ni Israelbii lɛ shwereɔ lɛ babaoo ni amɛmamɔɔ afɔleshãa latɛi ji no. Bɔ ni amɛshikpɔŋ lɛ baa nii lɛ, nakai nɔŋŋ amɛsaa shiui ni amɛkɛjaa lɛ hu ahe.

Mika 4:8

Ni bo, Yerusalɛm, tooku lɛ mɔɔ ni kwɔ, Zion biyoo lɛ gɔŋkpɔ, oootsɔ̃ maŋtsɛmaŋ ekoŋŋ tamɔ bɔ ni oyɔɔ tsutsu lɛ.

4 Mose 23:9

Tɛsai ayiteŋ mijɛ mina amɛ; ni gɔŋkpɔi anɔ mijɛ mikwɛ amɛ akɛ maŋ ni amɛkome too amɛyɔɔ. Amɛle akɛ ajɔɔ amɛ fe maji fɛɛ.

Mateo 21:19

Ni ena agbãmitso ko yɛ gbɛ lɛ he, ni etsi eshɛ he, shi enaaa nɔ ko yɛ nɔ akɛ ja bai kɛkɛ; ni ekɛɛ tso lɛ akɛ, “Owoŋ yibii ko dɔŋŋ gbi ko gbi ko!” Ni agbãmitso lɛ ŋlã amrɔ lɛ nɔŋŋ.

Mateo 21:33

“Nyɛboa abɛ kroko hu toi,” Yesu kɛɛ, “Shĩatsɛ ko yɛ, ni efee waintrom, ni efo afabaŋ ewo he, ni etsa wainbu yɛ mli, ni emã mɔɔ yɛ mli; ni ekɛhã hulɔi apaayeli; ni edom.

Mateo 21:34

Ni be ni wainyibii kpamɔ be lɛ shɛ lɛ, etsu etsuji kɛtee hulɔi lɛ aŋɔɔ, akɛ amɛyaŋɔ eyibii lɛ eko amɛbahã lɛ.

Marko 11:13

Ni ena agbãmitso ko yɛ shɔŋŋ ni bai yɔɔ yi, ni etee eyakwɛ akɛ aleenɔ eeena nɔ ko yɛ nɔ lo. Shi be ni eshɛ he lɛ, enaaa nɔ ko akɛ ja bai kɛkɛ, ejaakɛ agbãmiwoobe shɛko.

Marko 12:1

Ni Yesu kɛ amɛ bɔ̃i wiemɔ yɛ abɛbuai amli akɛ, “Nuu ko fee waintrom, ni efo afabaŋ ewo he; etsa wainbu, ni etswa mɔɔ yɛ mli, ni ekɛhã bulɔi apaayeli, ni edom.

Marko 12:2

Be ni shɛ wain kpamɔbe lɛ, etsu tsulɔ ko kɛtee hulɔi lɛ aŋɔɔ koni eyaŋɔ waintrom lɛ mli yibii lɛ eko yɛ amɛdɛŋ kɛba.

Romabii 9:4

Amɛ ji Israelbii lɛ; ni amɛnɔ ji bitsɔ̃mɔ lɛ kɛ anunyam lɛ kɛ kpãŋmɔi lɛ kɛ mlahãmɔ lɛ kɛ jamɔ lɛ kɛ shiwoi lɛ,

1 Korintobii 9:7

Namɔ yaa ta ni lɛ diɛŋtsɛ ewoɔ ehe nyɔmɔ? Namɔ feɔ waintrom ni eyeee emli yibii lɛ eko? Aloo namɔ lɛɔ kooloi ni enuuu amɛfufɔ lɛ eko?

5 Mose 32:6

Aso Yehowa shidaa moŋ nɛ, kwashiai ni bɛ yitseiaŋ? Aso jeee lɛ ji nyɛtsɛ, mɔ ni bɔ nyɛ, mɔ ni fee nyɛ mɛi komɛi, ni ehã nyɛnane mɔ shi lɛ?

Kojolɔi 16:4

Enɛ sɛɛ lɛ Samson tsui mɔ yoo ko yɛ Sorek jɔɔ lɛ mli. Egbɛi ji Delila.