Yesaia 48:9 - ŊMALƐ KRƆŊKRƆŊ LƐ

⁹ Migbɛi lɛ hewɔ lɛ, miitsi mimlifu lɛ mato. Mi, miyijiemɔ hewɔ lɛ, miito mitsui shi maha bo koni mikakpãtã ohiɛ.

Ṅmãle̱ Kroṅkroṅ Le̱

⁹ Migbe̱i le̱ hewo̱ le̱ matši mlifũ le̱ mato, ni miyidšiemo̱ le̱ hewo̱ le̱ mato mitsui ši mahão, koni mikakpãtã ohĩe.

Yesaia 48:9 ပူးပေါင်းရင်းမြစ်များ

Lalai 106:8

Shi kɛ̃lɛ ehere amɛyiwala yɛ egbɛi lɛ hewɔ; koni ehã ale ehewalɛ kpeteŋkple lɛ.

Lalai 143:11

Oo Yehowa, ogbɛi lɛ hewɔ lɛ, hã miyi ana wala! Ojalɛ lɛ hewɔ lɛ, jiemɔ mi kɛje haomɔ mli.

Lalai 25:11

Oo Yehowa, ogbɛi lɛ hewɔ lɛ, ŋɔɔ mihe esha lɛ ofa mi, ejaakɛ eda.

Lalai 78:38

Shi lɛ lɛ, akɛni mlitsɔ̃lɔ ji lɛ hewɔ lɛ, ekɛ amɛnɔsha lɛ fa amɛ, ni ekpãtãaa amɛhiɛ. Bei pii lɛ, emiɔ ŋɔɔ, ni ehãaa emli awo la kɛteke nɔ.

Lalai 79:9

Oo wɔyiwalaheremɔ Nyɔŋmɔ, ogbɛi lɛ hiɛ nyam hewɔ lɛ, heremɔ wɔyiwala! Ni okɛ wɔhe eshai lɛ afa wɔ yɛ ogbɛi lɛ hewɔ.

Abe̱i 19:11

Gbɔmɔ ni yɔɔ jwɛŋmɔ mlifũuu mra; ni ehiɛ ni ekuɔ efɔ̃ɔ tɔ̃mɔ nɔ lɛ woɔ ehiɛ nyam.

Yesaia 30:18

No hewɔ lɛ, Yehowa miimɛ koni eduro nyɛ, ni no hewɔ lɛ, efee kralo koni ena nyɛ mɔbɔ, ejaakɛ Yehowa lɛ Nyɔŋmɔ ni yeɔ jalɛ sane ni. Ajɔɔ mɛi fɛɛ ni hiɛ kã enɔ lɛ.”

Yesaia 37:35

Ejaakɛ mibabu maŋ nɛɛ he koni mahere eyiwala yɛ mi diɛŋtsɛ mihewɔ kɛ mitsulɔ David hu hewɔ.”

Yesaia 43:25

“Kɛ̃lɛ mi, mi nɔŋŋ ji mɔ ni ŋɔɔ ohe eshai lɛ efaa, yɛ mi diɛŋtsɛ mihewɔ, ni mikaiŋ ohe eshai lɛ dɔŋŋ.

Yesaia 48:11

Mi diɛŋtsɛ mihewɔ, mi diɛŋtsɛ mihewɔ ni mifeɔ enɛ, ejaakɛ mɛni hewɔ aaagbe migbɛi lɛ he guɔ? Mikɛ minunyam lɛ haŋ mɔ kroko.”

Yesaia 65:8

Bɔ ni Yehowa saa ekɛɛ nɛ, “Bɔ ni anaa yɛ wainyibii amli, ni no hewɔ lɛ, akɛɔ akɛ, ‘Akafite lɛ, ejaakɛ abaana ehe sɛɛ’ lɛ, nakai mafee yɛ mitsuji lɛ ahewɔ; mikpãtãŋ amɛ fɛɛ amɛhiɛ.

Yeremia 14:7

‘Wɔnishaianii lɛ miibu wɔ fɔ moŋ; shi Yehowa, ogbɛi lɛ hewɔ lɛ, feemɔ he eko ohã wɔ; tsɛbelɛ wɔsɛɛsɛɛyaa lɛ fa tsɔ̃, ni wɔfee esha wɔshi bo.

Ezekiel 20:14

Shi kɛ̃lɛ, mitsake miyiŋtoo lɛ, bɔ ni afee ni akagbe migbɛi lɛ he guɔ yɛ jeŋmaji ni amɛyɔɔ amɛteŋ lɛ ahiɛ; mɛi ahiɛ ni mi mijie Israel kɛjɛ Ijipt shikpɔŋ lɛ nɔ lɛ.

Ezekiel 20:22

Shi kɛ̃lɛ, mitsake miyiŋtoo lɛ, bɔ ni afee ni akagbe migbɛi lɛ he guɔ yɛ jeŋmaji ni amɛyɔɔ amɛteŋ lɛ ahiɛ; mɛi ahiɛ ni mi, mijie Israelbii lɛ yɛ, kɛje Ijipt shikpɔŋ lɛ nɔ lɛ.

Ezekiel 20:44

Nuŋtsɔ Yehowa kɛɛ akɛ, nyɛ Israel we, kɛji mikɛnyɛ ye yɛ migbɛi lɛ hewɔ, shi jeee yɛ nyɛjeŋba gbohii lɛ ahewɔ, loo nyɛnifeemɔnii gbohii lɛ ahewɔ lɛ, no nyɛkɛaale akɛ mi, mi ji Yehowa.”

Ezekiel 20:9

Shi kɛ̃lɛ, mifeee; mitsake miyiŋtoo lɛ yɛ migbɛi hewɔ, bɔ ni afee ni mikagbe migbɛi lɛ he guɔ yɛ jeŋmaji ni amɛyɔɔ amɛteŋ lɛ ahiɛ, mɛi ahiɛ ni mihã amɛle mi yɛ, be ni mijie amɛ kɛjɛ Ijipt shikpɔŋ lɛ nɔ lɛ.

Ezekiel 36:21

Shi migbɛi krɔŋkrɔŋ lɛ ni Israel we lɛ hã agbe he guɔ yɛ majimaji lɛ ateŋ he ni amɛtee lɛ dɔ mi.

Yoshua 7:9

Ejaakɛ Kanaanbii lɛ kɛ shikpɔŋ lɛ nɔ bii fɛɛ baanu he, ni amɛaaba amɛbabɔle wɔ kpula, ni amɛbaakpãtã wɔhiɛ butuu. No hewɔ lɛ, te ofeɔ tɛŋŋ yɛ ogbɛi kpeteŋkple lɛ hewɔ hu?”

1 Samuel 12:22

Ejaakɛ Yehowa kwaŋ nyɛ yɛ egbɛi kpeteŋkple lɛ hewɔ; asaŋ esa ehiɛ hu akɛ ekɛ nyɛ afee lɛ diɛŋtsɛ emaŋ.