Yesaia 48:3 - ŊMALƐ KRƆŊKRƆŊ LƐ

³ Bɔ ni Yehowa kɛɛ nɛ, “Mijɛ jeeŋmɔ ko mitsɔ̃ɔ nii ni baaba. Eje minaa, ni miha ana ale, ni trukaa lɛ mifee, ni amɛba mli.

Ṅmãle̱ Kroṅkroṅ Le̱

³ Tšutšunii le̱ midšadše mitšõ dšeeṅmõ; edše minā, ni mihã anu, trukā mife, ni ameba mli hũ.

Yesaia 48:3 ပူးပေါင်းရင်းမြစ်များ

Yesaia 29:5

“Ohenyɛlɔi gbɔi lɛ ayifalɛ aaatamɔ mlu, ni yiwalɔi lɛ aaafee tamɔ tutuu ni kɔɔyɔɔ tswaa. Ni trukaa, hiŋmɛitswaa mli lɛ,

Yesaia 30:13

hewɔ lɛ nɔsha ni nyɛfee nɛɛ aaahã nyɛtsɔ̃ tamɔ gbogbo gojoo ni mli egba, ni ekpa, ni eehe egbee shi, ni trukaa hiŋmɛitswaa mli lɛ eeekumɔ eshwie shi.

Yesaia 37:29

Akɛni ogri owo mi, ni minu shwãa ni oshwã lɛ hewɔ lɛ, mikɛ kpoŋ baatsɛ̃rɛ ogugɔ mli, ni mikɛ mimanyoflɛ baawo odaaŋ, ni mibakpale bo kɛku osɛɛ kɛya; mikɛ bo baatsɔ̃ gbɛ ni otsɔ̃ nɔ kɛba lɛ nɔŋŋ nɔ.”

Yesaia 37:7

Naa, mi diɛŋtsɛ mikɛ mumɔ ko baawo emli ni aaahã enu sane ko, ni no aaahã eku esɛɛ kɛya lɛ diɛŋtsɛ eshikpɔŋ lɛ nɔ; ni mibahã enyɔ yɛ klante naa yɛ lɛ diɛŋtsɛ nɔŋŋ eshikpɔŋ lɛ nɔ.’ ”

Yesaia 41:22

koni amɛgba nɔ ni baaba amɛtsɔ̃ɔ wɔ. Nyɛtsɔ̃a wɔ blema nibii lɛ, nɔ ni amɛ ji, koni wɔsusu he, koni wɔle nɔ ni baajɛ mli aba, aloo nyɛ diɛŋtsɛ nyɛgbaa wɔ nibii ni baaba lɛ.

Yesaia 41:27

Mi tsuutsu mikɛɛ Zion akɛ, “Mitsu bɔfo kɛ sane kɛ ŋɔɔmɔ kɛtee Yerusalɛm akɛ ebii miiba.

Yesaia 42:9

Naa, tsuutsunii ni migba lɛ eba mli; agbɛnɛ nii hee mikɛɔ nyɛ nɛɛ; miikɛɛ nyɛ dani eba mli.”

Yesaia 43:9

Ha majimaji fɛɛ naa abakpe ni gbɔmɛi fɛɛ abua amɛhe naa. Te amɛnyɔŋmɔi lɛ ateŋ nɔ ni aaanyɛ agba nɔ ni baa hu? Te amɛteŋ nɔ ni tsɔ̃ hiɛ egba nɔ ni yaa nɔ amrɔ nɛɛ lɛ? Amɛhã amɛdasefoi lɛ aba amɛbatsɔ̃ɔ koni abu amɛ bem; asaŋ amɛbaye odase akɛ amɛwiemɔ lɛ eba mli anɔkwaleŋ.”

Yesaia 45:21

Nyɛbaa koni nyɛbajajea nyɛsane lɛ; nyɛhãa amɛyaa ajina! Namɔ ji mɔ ni jeeŋmɔ ko lɛ egba nɔ ni eba nɛɛ? Namɔ kɛɛ enɛ kɛjɛ blema? Aso jeee mi, Yehowa, ni? Ni misɛɛ lɛ Nyɔŋmɔ ko bɛ dɔŋŋ ni ji Nyɔŋmɔ jalɔ kɛ Yiwalaherelɔ? Misɛɛ lɛ mɔ ko mɔ ko bɛ dɔŋŋ.”

Yoshua 21:45

Nibii juji fɛɛ ni Yehowa wo Israel we lɛ shi yɛ he lɛ, amɛmli ekome folo nɛkɛ eyafeee yaka; fɛɛ kwa ba mli.