Yesaia 47:3 - ŊMALƐ KRƆŊKRƆŊ LƐ

³ Aaajie oyayaiaŋ kpo, ni ohiɛgbele aaabakã shi. Matɔ owele, ni mɔ ko mɔ ko etsiŋ minaa.”

Ṅmãle̱ Kroṅkroṅ Le̱

³ Aadšie *oyayaiaṅ kpo, aana ohĩegbĕle le̱! Mato̱ owele, ni gbomo ko etšīṅ minā! *Nah. 5,5.

Yesaia 47:3 ပူးပေါင်းရင်းမြစ်များ

1 Mose 3:7

Kɛkɛ ni amɛyi enyɔ lɛ fɛɛ amɛhiŋmɛi gbele ni amɛna akɛ amɛnyiɛ yayai. Amɛkpɛ agbãmi baa amɛkɛfee mama amɛkɛha amɛhe.

Yesaia 20:4

nakai pɛpɛɛpɛ Asiria maŋtsɛ aaakpala Ijipt kɛ Kush akɛ nomii kɛaatee. Abaakpala gbekɛbii kɛ onukpai fɛɛ kɛ amɛhe yayai kɛ amɛdukui ahe ni kã kɛ amɛnane folo hu; ni Ijipt hiɛ aaashwie shi.

Yesaia 3:17

Enɛ hewɔ lɛ, mi Yehowa, mibahã gbɛ̃i ashwie Yerusalɛm biyei ayiteiaŋ, ni ebaahã amɛyitsei ahe akpekpei, ni mi Yehowa, mahã amɛnyiɛ yayai.”

Yesaia 35:4

Nyɛkɛa mɛi ni tsui fãa lɛ akɛ, “Nyɛfea ekãa, nyɛkashea gbeyei! Naa nyɛNyɔŋmɔ lɛ baaba koni ebatɔ nyɛhe owele. Ebaaba koni ebahere nyɛyiwala.”

Yeremia 13:22

Ni kɛji obi ohe akɛ, ‘Mɛɛba ni nɛkɛ sane eba minɔ?’ lɛ, na ole akɛ onishaianii ni naa wa lɛ hewɔ ni akpa ohe mama, ni ashwie ohiɛ shi nɛɛ.

Yeremia 13:26

No hewɔ lɛ, mi diɛŋtsɛ mibawo ohiɛ mama nɔ koni ohiɛ ashwie shi.

Yeremia 51:11

“Yehowa etsiɛ Mediabii amaŋtsɛmɛi lɛ amumɔ hiɛ, ejaakɛ yiŋ ni eto yɛ Babilon maŋ lɛ he ji akɛ ebaakpãtã ehiɛ, ejaakɛ ekɛ no baatɔ eSɔlemɔ we lɛ he owele. Tabilɔi ni eba maŋ lɛ tuamɔ lɛ asafoiatsɛmɛi lɛ fã akɛ, ‘Nyɛjɔa gãimlibii lɛ anaa, ni nyɛkɔlɔa tsɛŋi!’

Yeremia 51:4

Mɛi baanyɔnyɔi yɛ Babilon shikpɔŋ lɛ nɔ, ni pilafoi baajwere blohui lɛ amli.

Yeremia 51:56

Ejaakɛ hiɛkpãtãmɔ eba Babilon nɔ, ni amɔmɔ etabilɔi lɛ, ni akumɔ amɛgãii amli dukuduku, ejaakɛ Yehowa Nyɔŋmɔ lɛ, toigbalalɔ ji lɛ, ni ewoɔ nifeemɔ fɔŋ he nyɔmɔ pɛpɛɛpɛ.

Ezekiel 16:37

Enɛ hewɔ lɛ, naa, mabua osuɔlɔi ni okɛ amɛ ye ŋɔɔmɔ lɛ anaa, mɛi ni osumɔɔ kɛ mɛi ni osumɔɔɔ hu fɛɛ naa kɛkpe. Mabua amɛnaa kɛjɛ hei fɛɛ ni amɛyɔɔ mawo bo, ni majie oyayaiaŋ matsɔɔ amɛ, koni amɛna oyayaiaŋ fɛɛ.

Nahum 3:5

Yehowa, Tatsɛ lɛ, kɛɛmɔ ji, “Naa, Nineve, mi kɛ bo ena! Mibawo ohiɛ mama nɔ, ni mahã maji ana oyayaiaŋ; amɛbaana ohiɛshishwiemɔ.

Romabii 12:19

Suɔlɔi, nyɛkatɔa nyɛ diɛŋtsɛ nyɛhe owele, shi moŋ nyɛŋmɛa Nyɔŋmɔ mlifu lɛ gbɛ; ejaakɛ aŋma akɛ, “Minɔ ji oweletɔɔ, mi mato najiaŋ, Nuŋtsɔ lɛ kɛɛ.”

5 Mose 32:35

Oweletɔɔ kɛ toigbalamɔ lɛ, mi minɔ ni; amɛhiɛkpãtãmɔ be lɛ ebɛŋkɛ, nɔ ni baaba amɛnɔ lɛ miiba shwiaa.

Kpojiemɔ 16:19

Ni maŋ kpeteŋkple lɛ mli gbala etɛ̃, ni jeŋmaji lɛ amaji lɛ fɛɛ wule, ni akai Babilon kpeteŋkple lɛ yɛ Nyɔŋmɔ hiɛ, koni akɛ emlifu ni naa wa lɛ dãa kpulu lɛ ahã lɛ.

Kpojiemɔ 18:20

Bo ŋwɛi, kɛ nyɛ krɔŋkrɔŋbii kɛ bɔfoi kɛ gbalɔi, nyɛnyaa yɛ ehewɔ, ejaakɛ Nyɔŋmɔ ekojo lɛ ehã nyɛ!