Yesaia 41:8 - ŊMALƐ KRƆŊKRƆŊ LƐ

⁸ Shi bo Israel, mitsulɔ Yakob, mishieŋtsɛ Abraham shwie, ni miŋɔ bo;

Ṅmãle̱ Kroṅkroṅ Le̱

⁸ Ši bo, *mitšũlo̱ Israel, bo Iakob ní mihalao, †mišientše̱ Abraham seši; *43,10; 42,19; 44,1. 21; 45,4; Kwe̱ 42.1. †Iak. 2,23.

Yesaia 41:8 ပူးပေါင်းရင်းမြစ်များ

1 Kronika 16:13

Nyɛ etsulɔ Yakob shwiei, nyɛ Israel shwiei ni ji mɛi ni eŋɔ,

2 Kronika 20:7

WɔNyɔŋmɔ, oshwie shikpɔŋ nɛɛ nɔ bii lɛ yɛ omaŋ ni ji Israel hiɛ, ni okɛ shikpɔŋ lɛ hã oshieŋtsɛ Abraham shwiei lɛ akɛ amɛgboshinii kɛmiiya naanɔ.

Lalai 135:4

Ejaakɛ Yehowa eŋɔ Yakob ehã lɛ diɛŋtsɛ ehe, eŋɔ Israel efee lɛ diɛŋtsɛ enɔ.

Lalai 136:21

Ni eŋɔ amɛshikpɔŋ lɛ ehã ewebii akɛ gboshinii lɛ ejaakɛ naanɔ esuɔmɔ ni tsakeee lɛ hiɔ shi kɛyaa!

Lalai 136:22

Eŋɔ ehã etsulɔ Israel akɛ gboshinii; ejaakɛ naanɔ esuɔmɔ ni tsakeee lɛ hiɔ shi kɛyaa!

Lalai 33:12

Ajɔɔ maŋ ni eNyɔŋmɔ ji Yehowa kɛ maŋ ni ehala akɛ lɛ diɛŋtsɛ enɔ lɛ.

Yesaia 14:1

Yehowa musuŋ aaatsɔ̃ lɛ yɛ Yakob he, ni eeena Israel he tsuijurɔ ekoŋŋ, ni ekɛ Israelbii lɛ aaaba amɛ diɛŋtsɛ amɛshikpɔŋ nɔ. Maŋsɛɛbii aaabafata amɛhe, ni amɛaadɔmɔ Yakob we lɛ.

Yesaia 29:22

No hewɔ lɛ, bɔ ni Yehowa mɔ ni kpɔ̃ Abraham lɛ kɛɔ yɛ Yakob we lɛ he nɛ, “Agbɛnɛ Yakob we lɛ hiɛ gboŋ dɔŋŋ, ni ehiɛ eshwieŋ shi dɔŋŋ.

Yesaia 42:1

Yehowa kɛɛ akɛ, “Naa mitsulɔ, mɔ ni mihiɛ emli, mɔ ni miŋɔ lɛ, ni minaa ehe tsuijurɔ lɛ. Mihã eyi obɔ̃ kɛ mimumɔ lɛ, Ebaahã majimaji lɛ ale nɔ ni ji jalɛ saneyeli.

Yesaia 42:19

Namɔ eshwila tamɔ mitsulɔ lɛ, ni namɔ emu toi tamɔ Yehowa bɔfo lɛ? Namɔ eshwila tamɔ mɔ ni ajɔɔ enɔ ahã mi lɛ? Namɔ eshwila tamɔ Yehowa tsulɔ lɛ?

Yesaia 43:1

Shi agbɛnɛ Yakob, bɔ ni Yehowa mɔ ni bɔ bo lɛ kɛɛ nɛ. Ao Israel, bɔ ni mɔ ni shɔ̃ bo lɛ kɛɛ nɛ, “Kaashe gbeyei ejaakɛ makpɔ̃ bo. Mikɛ ogbɛi etsɛ bo; mi, minɔ ji bo!

Yesaia 43:10

Yehowa kɛɛ akɛ, “Israelbii, nyɛ ji midasefoi, mɛi ni miŋɔ akɛ mitsuji koni nyɛle mi ni nyɛhe mi nyɛye, ni nyɛnu shishi akɛ, mi, mi koome ji Nyɔŋmɔ. Mi, misɛɛ lɛ, Nyɔŋmɔ ko Nyɔŋmɔ ko bɛ; eko bako dã ni ekoeko baŋ hu.

Yesaia 43:5

Kaashe gbeyei, ejaakɛ mi mikɛ bo yɔɔ. Maŋɔ oshwiei kɛaajɛ bokã kɛba, ni mabua onaa kɛaajɛ anai.

Yesaia 44:21

Yehowa kɛɛ akɛ, “Ao Israel, kaimɔ enɛ, kaimɔ akɛ mitsulɔ ji bo. Mi mibɔ bo; mitsulɔ ji bo. Ao Israel, mihiɛ kpaŋ onɔ!

Yesaia 45:4

Mitsulɔ Yakob ni ji Israel, mɔ ni miŋɔ lɛ lɛ hewɔ ni Kuros, mikɛ ogbɛi tsɛ bo, ni miwo bo gbɛi, tsɛbelɛ oleee mi lɛ.”

Yesaia 48:12

“Ao, Yakob, bo mi toi; Israel, bo mɔ ni mitsɛ, bo mi toi. Mi ni, mi ji klɛŋklɛŋ mɔ, ni mi nɔŋŋ ji naagbee mɔ lɛ!

Yesaia 49:3

Ni ekɛɛ mi akɛ, “Israel, mitsulɔ ji bo; bo onɔ baatsɔ̃ ni abaawo mihiɛ nyam.

Yesaia 51:2

Nyɛkwɛa nyɛtsɛ Abraham kɛ Sara, mɛi amli ni nyɛjɛ lɛ. Be ni mitsɛ Abraham lɛ, ekome ni; shi mijɔɔ lɛ, ni mihã ewo shwiei babaoo.

Yesaia 63:16

Ejaakɛ bo nɔŋŋ ji wɔtsɛ, tsɛbelɛ Abraham leee wɔ, ni Israel hu eŋɔɔɔ wɔ akɛ bii; shi bo Yehowa lɛ bo nɔŋŋ ji wɔtsɛ kɛ wɔkpɔ̃lɔ kɛjɛ blema beebe ejaakɛ nakai ji ogbɛi.

Yeremia 33:24

“Oyɔseko nɔ ni mɛi nɛɛ wieɔ akɛ mi Yehowa, mikwa Israel kɛ Yuda, ni ji wekui enyɔ ni mihala lɛ lo? Ni no hewɔ lɛ, amɛkɛ mimaŋbii lɛ efee shikpɔŋ, ni amɛjeee shikwɛ̃ɛ maŋ ko yɛ amɛhiɛ?

3 Mose 25:42

Ejaakɛ Israelbii lɛ mitsuji ni mijie amɛ kɛje Ijipt shikpɔŋ lɛ nɔ ji amɛ; no hewɔ lɛ, ebɛ akɛ ahɔ̃ɔ amɛteŋ mɔ ko akɛ nyɔŋ.

Maleaki 1:2

Yehowa kɛɛ ewebii lɛ akɛ, “Misumɔ nyɛ.” Shi amɛto he akɛ, “Mɛni tsɔ̃ɔ akɛ osumɔ wɔ?” Yehowa here amɛ nɔ akɛ, “Te Esau nyɛmi nuu ji Yakob; shi bɛ misumɔ Yakob kɛ eshwiei,

Mateo 3:9

Ni nyɛkasusua ni nyɛkɛɛ yɛ nyɛmli akɛ, ‘Wɔ lɛ wɔtsɛ ji Abraham;’ shi miikɛɛ nyɛ akɛ, Nyɔŋmɔ aaanyɛ etee bii ashi kɛjɛ tɛi nɛɛ amli ehã Abraham.

Galatabii 3:19

Agbɛnɛ mɛɛ ji Mla lɛ mɔ? Akɛhã ni akɛna nɔtɔmɔi kɛyashi beyinɔ ni shwie ni awo lɛ shi lɛ aaaba; ni ŋwɛi bɔfoi anɔ atsɔ̃ awo Mla lɛ, ni akɛwo mlidaamɔlɔ dɛŋ.

5 Mose 10:15

Kɛ̃lɛ Yehowa na suɔmɔ krɛdɛɛ hã nyɛtsɛmɛi lɛ ni eŋɔ nyɛ, ni ji amɛshwiei lɛ, yɛ maji fɛɛ ateŋ; ni nakai ekɛ nyɛ yɔɔ kɛbashi ŋmɛnɛ.

5 Mose 14:2

Ejaakɛ Yehowa je gbɛ eŋɔ nyɛ yɛ shikpɔŋ lɛ nɔ maji fɛɛ ateŋ ehã ehe akɛ lɛ diɛŋtsɛ emaŋ.

Yakobo 2:23

Ni ŋmalɛ lɛ ni kɛɔ akɛ, “Shi Abraham he Nyɔŋmɔ eye, ni abu enɛ jalɛ ahã lɛ” lɛ ba mli, ni atsɛ lɛ Nyɔŋmɔ shieŋtsɛ.