Yesaia 40:2 - ŊMALƐ KRƆŊKRƆŊ LƐ

² “Nyɛkɛ Yerusalɛmbii awiea tsuijurɔ naa; ni nyɛkɛa Yerusalɛmbii akɛ amɛtawuu be lɛ sɛɛ efo, ni akɛ amɛnishaianii lɛ efa. Eshai ni amɛfee lɛ amɛna he nyɔmɔwoo toi enyɔ kɛjɛ Yehowa dɛŋ.”

Ṅmãle̱ Kroṅkroṅ Le̱

² Nyeke̱ *Ierusalem awiea tšuidšŭrõ nā, ni nyedšadšea nyetšōale̱, ake̱ agbe etawū be le̱ nā, ake̱ ake̱ enišaianii le̱ efale̱, ake̱ ená †toi enyo̱ ke̱-dše̱ Iehowa deṅ ye̱ ehe ešai le̱ fẽ hewo! *Hos. 2,16. †Zak. 9,12.

Yesaia 40:2 ပူးပေါင်းရင်းမြစ်များ

1 Mose 34:3

Shekem tsui mɔ Yakob biyoo Dina lɛ, ni esumɔ oblayoo lɛ, ni ekɛ lɛ wie tsuijurɔ naa.

2 Kronika 30:22

Ni Maŋtsɛ Hezekia jie Levibii lɛ ayi pam yɛ bɔ ni amɛhe esa kɛ sɔɔmɔ kɛji aaja Yehowa lɛ hewɔ. Maŋbii lɛ shãshãa shidaa afɔlei, ni amɛyeyee nii kɛyashi gbii kpawo, ni amɛda Yehowa, amɛtsɛmɛi aNyɔŋmɔ lɛ, shi.

Lalai 32:1

Ajɔɔ mɔ ni akɛ etɔmɔ efa lɛ, ni atsumɔ ehe eshai lɛ.

Lalai 85:3

Ofo omli ni fu amɛ lɛ sɛɛ, ni oŋmɛɛ omlila kpele lɛ he.

2 Mose 22:3

“Kɛji ana julɔ nyɔɔŋ ni eejwa mɔ ko shinaa ni ebote mli, ni atswa lɛ nɔ ni egbo lɛ, mɔ ni tswa lɛ nɔ lɛ yeee ela yi sɔ̃.

Jajelɔ 3:4

Yaafo be yɛ, ni ŋmɔlɔ be hu yɛ; awerɛhoyeli be yɛ, ni be yɛ ni ajoɔ.

Yesaia 12:1

Be ko miiba, ni nakai gbi lɛ obaala okɛɛ akɛ, “Yehowa, miida bo shi, ejaakɛ omlifu mi moŋ, shi omlifu lɛ enaa ejɔ, ni oshɛje mimii.

Yesaia 14:3

Kɛji Yehowa ha nyɛ hejɔlɛ kɛjɛ piŋmɔ kɛ tɔlɛ kɛ nyɔŋ keketee ni aye nyɛ lɛ mli lɛ,

Yesaia 27:9

No hewɔ lɛ, kɛji Yakob gbɛlɛ afɔleshãa latɛi lɛ amli tɛi lɛ munyɔmunyɔ tamɔ kaaloo tɛi ni afuflu, ni Ashera wɔŋkoi kɛ tsofakɛŋmashãa latɛi bɛ he ko he ko dɔŋŋ lɛ, no nɔ baatsɔ̃ ni akɛ Yakob tɔ̃mɔ lɛ baafa lɛ, ni no aaatsɔ̃ yibii ni etɔ̃mɔkɛfaa lɛ aaawo ahã lɛ.

Yesaia 33:24

Maŋbii lɛ ateŋ mɔ ko ekɛŋ akɛ, “Mihe miiye.” Akɛ mɛi ni yɔɔ shikpɔŋ lɛ nɔ lɛ ahe eshai aaafa amɛ.

Yesaia 35:4

Nyɛkɛa mɛi ni tsui fãa lɛ akɛ, “Nyɛfea ekãa, nyɛkashea gbeyei! Naa nyɛNyɔŋmɔ lɛ baaba koni ebatɔ nyɛhe owele. Ebaaba koni ebahere nyɛyiwala.”

Yesaia 43:25

“Kɛ̃lɛ mi, mi nɔŋŋ ji mɔ ni ŋɔɔ ohe eshai lɛ efaa, yɛ mi diɛŋtsɛ mihewɔ, ni mikaiŋ ohe eshai lɛ dɔŋŋ.

Yesaia 44:22

Mihã ohe eshai lɛ ekpalaŋ kɛtee tamɔ atatu, ohe eshai lɛ emii tamɔ afua. Kpalemɔ kɛba miŋɔɔ, ejaakɛ mi, mikpɔ̃ bo.”

Yesaia 49:25

Shi bɔ ni Yehowa kɛɔ nɛ, “Aashɔ̃ kãkãlɔ dɛŋ nomii lɛ, ni hewalɔ haanii lɛ, aaahe yɛ edɛŋ, ejaakɛ mɔ ni kɛ bo aaana lɛ, mi kɛ lɛ ena, ni mahere bii lɛ ayiwala.

Yesaia 51:17

Ao Yerusalɛm, wo ohe nɔ! Wo ohe nɔ! Tee shi odamɔ shi! Onu toigbalamɔ kpulu lɛ mli dãa ni jɛ Yehowa diɛŋtsɛ dɛŋ lɛ. Ni onu owo omli, ni olɛmɔ kpulu lɛ mli, ni eha oodidãa.

Yesaia 53:5

Shi apila lɛ yɛ wɔ moŋ wɔtɔ̃mɔi ahewɔ; atswia lɛ nii yɛ wɔnishaianii lɛ ahewɔ. Agbala etoi koni wɔna hejɔlɛ, ni ehe faji lɛ akɛtsaa wɔ.

Yesaia 53:6

Wɔ fɛɛ tswɛm wɔtamɔ toi ni edu gbɛ. Wɔteŋ mɔ fɛɛ mɔ ekɔ lɛ diɛŋtsɛ egbɛ, ni Yehowa kɛ wɔ fɛɛ wɔnɔsha lɛ fɔ̃ enɔ.

Yesaia 54:15

Kɛji mɔ ko aaabatua bo lɛ, jeee mi ejɛ; mɔ fɛɛ mɔ ni aaate shi awo bo lɛ, lɛ moŋ ebaagbee shi.

Yesaia 54:17

Shi tawuunii ko kwraa bɛ ni asɔ̃ ni aaanyɛ bo awui aye. Ooona hetoo oha wiemɔ fɛɛ wiemɔ ni aaawie ashi bo. Enɛ ji nɔ ni asaa ato. Yehowa tsuji agboshinii kɛ amɛjalɛ ni jɛ midɛŋ lɛ.” Yehowa kɛɛ.

Yesaia 55:7

Ha mɔ fɔŋ lɛ akwa ejeŋba fɔŋ lɛ; ni nɔshafeelɔ atsake ejwɛŋmɔ. Ha eku esɛɛ kɛba Yehowa ŋɔɔ ni emusuŋ aaatsɔ lɛ yɛ ehewɔ. Ekpale kɛba wɔNyɔŋmɔ lɛ ŋɔɔ, ni ekɛaafa lɛ aahu.

Yesaia 6:7

Ekɛ ŋai ni tsoɔ lɛ sa minaabu he, ni ekɛɛ akɛ, “Naa, akɛni enɛ esa onaabu he nɛɛ lɛ, ajie onɔsha lɛ, ni akɛ ohe esha efa bo.”

Yesaia 61:7

Nyɛhiɛgbele kɛ hiɛshishwiemɔ lɛ sɛɛ aaafo, nyɛmii aaashɛ nyɛhe, yɛ nyɛ diɛŋtsɛ nyɛshikpɔŋ lɛ nɔ; ni nyɛninamɔ lɛ aaaku abɔ he, ni nyɛaana miishɛɛ kɛaatee naanɔ.

Yesaia 66:13

Bɔ ni binyɛ shɛjeɔ ebi mii lɛ, nakai nɔŋŋ mi hu mashɛje nyɛmii, ni nyɛmii aaashɛ nyɛhe yɛ Yerusalɛm.

Yeremia 16:18

Mibawo tɔ̃mɔi ni amɛtɔ̃ kɛ eshai ni amɛfee lɛ ahe nyɔmɔ toi enyɔ, ejaakɛ amɛkɛ amɛyakayaka amãgãi foji lɛ ebule mishikpɔŋ lɛ; amɛhã enɔ eyi tɔ kɛ amɛmusubɔɔ nii lɛ.”

Yeremia 17:18

Hã mɛi ni waa mi yi lɛ ahiɛ agboi; shi mi lɛ kaahã mihiɛ miigbo. Hã amɛtsui afã, shi mi lɛ kaahã mitsui miifã. Hã gbi fɔŋ lɛ abanina amɛ; kpãtãmɔ amɛhiɛ, ni oku sɛɛ okpãtã amɛhiɛ butuu.

Yeremia 29:11

“Mi pɛ mile jwɛŋmɔi ni mijwɛŋɔ yɛ nyɛhe, nyɛhe jwɛŋmɔi kpakpa, shi jeee efɔŋ, nɔ ni baahã nyɛ wɔsɛɛ hiɛnɔkãmɔ lɛ aba mli ahã nyɛ.

Yeremia 51:10

Yehowa kɛɛ akɛ, “Nyɛkɛa akɛ Yehowa ehã wɔjalɛ lɛ eje kpo; nyɛbaa koni wɔyagba yɛ Yerusalɛm nɔ ni Yehowa, wɔNyɔŋmɔ lɛ, etsu lɛ.

Yāfó 4:22

Ao! Zion, agbe otoigbalamɔ yɛ onishaianii lɛ ahewɔ lɛ naa. Nuŋtsɔ lɛ haŋ ohi nomŋɔɔ mli dɔŋŋ; shi moŋ bo Edom, ebaagbala otoi yɛ onishaianii lɛ ahewɔ; ebaahã ohe eshai lɛ abakã kpo nɔ.

Ezekiel 16:42

Ni maha mimli ni ewo bo la lɛ naa ajɔ, ni miyeŋ ohe awuŋã, mafee diŋŋ, ni mimli fuŋ bo dɔŋŋ.”

Daniel 11:35

Abaagbe maŋbii lɛ ateŋ nilelɔi lɛ ekomɛi; shi akɛ amɛgbele lɛ baatsuu Nyɔŋmɔ webii lɛ ahe koni amɛyɛ futafuta. Nii nɛɛ baaya nɔ kɛyashi naagbee be lɛ baashɛ, ni ji be ni Nyɔŋmɔ eto lɛ.

Daniel 12:4

Shi ekɛɛ mi akɛ, “Bo, Daniel, tsiimɔ wiemɔi nɛɛ anɔ, ni osɔo wolo nɛɛ naa kɛyashi naagbee be lɛ. Ni mɛi pii aaagba amɛhe naa kɛya kɛba kɛtao nɔ ni eba lɛ shishi; ni nilee aaafa.”

Daniel 12:9

Eto he ekɛɛ akɛ, “Daniel, kwɛmɔ ohiɛgbɛ ni oya! Wiemɔi lɛ atsimɔ nɔ, ni asɔo amɛnaa kɛyaashi naagbee be lɛ aaaba.

Daniel 9:12

Ekɛ amanehulu kpeteŋkple ni eba wɔnɔ nɛɛ lɛ ema wiemɔ ni ewie eshi wɔ lɛ nɔ mi. Ogbalako maŋ ko toi nɛkɛ pɛŋ dã, yɛ je nɛɛ mli fɛɛ, tamɔ ogbala Yerusalɛm toi nɛɛ.

Daniel 9:2

Eklɛŋklɛŋ afi lɛ mli, be ni, mi Daniel, mihiɛ woji amli kwɛmɔ lɛ, mina akɛ afii abɔ ni Yehowa kɛɛ Gbalɔ Yeremia akɛ Yerusalɛm baakã shi amaŋfɔ̃ kɛyashi lɛ ji afii nyɔŋmai kpawo.

Hosea 2:14

“No hewɔ lɛ, mibagbe eyitso ni mi kɛ lɛ aaatee ŋa lɛ nɔ ekoŋŋ; mi kɛ lɛ aaayawie naajɔlɛ wiemɔ yɛ jɛi koni eyiŋ atsɔ̃ kɛba shĩa.

Hosea 2:16

Nakai be lɛ ebaatsɛ mi ‘Miwu’ ekoŋŋ, shi jeee ‘MiBaal’ dɔŋŋ.

Habakuk 2:3

Ninaa nɛɛ be lɛ shɛko moŋ, shi eeye ehe oyai kɛba. Kɛji eshashao shi tete po jiŋŋ, bo lɛ mɛɛ, ejaakɛ ebaaba kɛ̃ ni etsɛŋ.

Zefania 3:15

Yehowa efo otoigbalamɔ lɛ sɛɛ; eshwie ohenyɛlɔi lɛ fɛɛ kɛtee. Yehowa, Israel Maŋtsɛ lɛ, yɛ nyɛteŋ; nyɛsheŋ efɔŋ ko gbeyei dɔŋŋ!

Zakaria 1:13

Yehowa kɛ bɔfo ni kɛ mi wieɔ lɛ wie miishɛjemɔ wiemɔ.

Zakaria 1:15

Shi mimli efu maji ni he ejɔ amɛ lɛ naakpa, ejaakɛ be ni mimli fu mimaŋ lɛ fioo lɛ, jeŋmaji lɛ kã amɛnɔnaa lɛ mli.

Zakaria 9:12

Nyɛ gboklɛfoi ni nyɛyɔɔ hiɛnɔkãmɔ, nyɛkua nyɛsɛɛ nyɛbaa mɔɔ ni wa lɛ mli. Ŋmɛnɛ gbi nɛɛ, miikɛɛ nyɛ akɛ mibato nyɛ najiaŋ toi enyɔ.

Bɔfoi 1:7

Shi Yesu kɛɛ amɛ akɛ, “Jeee nyɛnɔ ji akɛ nyɛaale bei loo gbii lɛ ni Tsɛ lɛ eto yɛ lɛ diɛŋtsɛ ehewalɛ mli lɛ.

Galatabii 4:4

Shi be ni be lɛ shɛ lɛ, Nyɔŋmɔ tsu lɛ diɛŋtsɛ eBi lɛ kɛba, yoo fɔ lɛ, eba Mla shishi;

Kpojiemɔ 18:6

Nyɛwoa lɛ nyɔmɔ tamɔ bɔ ni lɛ hu ewo lɛ, ni nyɛkua nyɛbɔa he toi enyɔ nyɛhãa lɛ yɛ enitsumɔi lɛ anaa. Kpulu lɛ ni efutu dãa yɛ mli lɛ, nyɛfutua lɛ toi enyɔ nyɛwoa mli nyɛhãa lɛ.