Yesaia 4:5 - ŊMALƐ KRƆŊKRƆŊ LƐ

⁵ Enɛ sɛɛ lɛ Yehowa baahã atatu aha Zion Gɔŋ lɛ kɛ asafoi ni yɔɔ jɛi anɔ shwane, ni gbɛkɛ lɛ ebaahã amɛ lasu ni kpɛɔ tamɔ la, ejaakɛ enunyam lɛ baaha amɛnɔ tamɔ agba.

Ṅmãle̱ Kroṅkroṅ Le̱

⁵ Ni Iehowa aabo *atatu ke̱ lasũ ſane, ke̱ lalile̱i ní kpe̱o̱ hũ nyōṅ, ni eke̱-aha Zion goṅ le̱ no̱ hefẽhe ke̱ mei ni ekpe ye̱ dše̱i le̱ ano̱; edšake̱ ake̱ no̱hānõ aaha anumnyam le̱ fè no̱. *2 Mose 13,21; 40,34. 38.

Yesaia 4:5 ပူးပေါင်းရင်းမြစ်များ

Nehemia 9:12

Okɛ atatu ni ma shi kutuu tsɔ̃ɔ amɛ gbɛ shwane, ni nyɔɔŋ hu lɛ, okɛ la kutuu tsɔ̃ɔ amɛ gbɛ koni amɛna nii yɛ gbɛ ni amɛnyiɛ nɔ lɛ nɔ.

Lalai 105:39

Yehowa lɛɛ atatu mli ekɛha amɛnɔ. Ehã amɛ la ni hã jeŋ tse nyɔɔŋ.

Lalai 111:1

Jiemɔ Yehowa yi! Mada Yehowa shi kɛ mitsui fɛɛ, yɛ jalɔi agwabɔɔ lɛ mli, yɛ asafo lɛ mli.

Lalai 78:14

Shwane lɛ ekɛ atatu tsɔ̃ɔ amɛ gbɛ, ni nyɔɔŋnyɔɔŋ fɛɛ lɛ ekɛ la gboŋaa tsɔ̃ɔ amɛ gbɛ.

Lalai 85:9

Lɛɛlɛŋ efee kralo kɛbaahere mɛi ni sheɔ lɛ gbeyei lɛ ayiwala koni anunyam ahi wɔshikpɔŋ lɛ nɔ.

Lalai 89:7

Nyɔŋmɔ ni asheɔ lɛ gbeyei yɛ mɛi krɔŋkrɔŋi agwabɔɔ lɛŋ, Nyɔŋmɔ kpeteŋkple ni he yɔɔ gbeyei fe mɛi fɛɛ ni bɔle lɛ kɛkpe lɛ.

2 Mose 14:24

Ni maŋkɛ mra mli lɛ Yehowa jɛ atatu kutuu kɛ la kutuu lɛ mli ekwɛ Ijiptbii ata lɛ, ni ehao amɛ.

2 Mose 24:16

Ni Yehowa anunyam la lɛ kpeleke shi kɛba Sinai gɔŋ lɛ nɔ. Atatu lɛ ye gbii ekpaa ni eha gɔŋ lɛ nɔ, ni gbi ni ji kpawo lɛ Yehowa jɛ atatu lɛ mli etsɛ Mose.

2 Mose 26:1

“Okɛ mamai nyɔŋma ni alo kɛ klala yɛŋ futaa kɛ kuŋtu bluu kɛ kuŋtu afaseo kɛ kuŋtu tsuru fɔɔ ni anyɛne afee Kpee Buu Krɔŋkrɔŋ lɛ. Alo kerubim awo mli.

2 Mose 26:7

“Okɛ abotia he tsɔi afee mamai nyɔŋma kɛ ekome okɛha Kpee Buu Krɔŋkrɔŋ lɛ nɔ.

Yesaia 32:18

Mimaŋbii ashihilɛhei baayi kɛ toiŋjɔlɛ, amɛaahi shi shweshweeshwe kɛ kpoo.

Yesaia 33:20

Kwɛmɔ Zion, maŋ he ni wɔyeɔ wɔgbii juji lɛ yɛ lɛ! Ohiŋmɛii aaana Yerusalɛm akɛ toiŋjɔlɛ maŋ ni yɔɔ shweshweeshwe. Eyɛ tamɔ buu ni ma shi shiŋŋ, buu ni afamɔŋ ehe shiŋmlitsei lɛ kɔkɔɔkɔ, ni ehe taŋkpei lɛ ekoeko tseŋ.

Yesaia 37:35

Ejaakɛ mibabu maŋ nɛɛ he koni mahere eyiwala yɛ mi diɛŋtsɛ mihewɔ kɛ mitsulɔ David hu hewɔ.”

Yesaia 46:13

Miha miyiwalaheremɔ ebɛŋkɛ; ebɛ shɔŋŋ. Midɛŋ yiwalaheremɔ lɛ etsɛŋ. Mibahere Yerusalɛm, ni mahã Israel hiɛ aba nyam.”

Yesaia 60:1

Tee shi ni otso ejaakɛ ola lɛ eshɛ shi etã, ni Yehowa anunyam lɛ miikpɛ yɛ onɔ.

Yesaia 60:2

Ejaakɛ naa, duŋ baaha shikpɔŋ lɛ nɔ, ni duŋ kpii aaaha majimaji lɛ anɔ. Shi bo lɛ, Yehowa la aaate lɛ shi aha bo, ni enunyam lɛ aaakpɛ yɛ onɔ.

Mateo 18:20

Ejaakɛ he ni mɛi enyɔ loo mɛi etɛ̃ ebua amɛhe naa yɛ, yɛ migbɛi mli lɛ, miyɛ amɛteŋ yɛ jɛi.”

Mateo 28:20

ni nyɛtsɔ̃ɔ amɛ ni amɛye nii fiaa ni mikɛɛ nyɛ lɛ nɔ. Ni naa, mi lɛ mikɛ nyɛ yɛ daa kɛyaashi jeŋ naagbee lɛ.”