Yesaia 4:4 - ŊMALƐ KRƆŊKRƆŊ LƐ

⁴ Nuŋtsɔ lɛ hewalɛ naa lɛ ebaakojo ni ebaatsuu Israelbii ahe, ebaafɔ Yerusalɛm he muji lɛ kɛ lá shi ni ashwie yɛ jɛi lɛ.

Ṅmãle̱ Kroṅkroṅ Le̱

⁴ beni Nuṅtšo̱ le̱ ke̱ kodsomo̱ *mumo̱ ke̱ Šã mumo̱ †aafo̱ Zion biyei le̱ ahe mũdši le̱ ni eetšumo̱ Ierusalem lá le̱ ke̱-adše̱ emli le̱. *Mat. 3,11. †Zak. 13,1.

Yesaia 4:4 ပူးပေါင်းရင်းမြစ်များ

Lalai 51:2

Fɔ mihe nishaianii lɛ fɛɛ oshwie, koni ohã mihe atse,

Salomo Lalai 3:11

Nyɛ Zion biyei, nyɛjea kpo nyɛbakwɛa Maŋtsɛ Solomon, kɛ akekre ni enyɛ kɛfi lɛ yɛ eyookpeemɔ gbi kɛ emliflimɔ gbi lɛ nɔ lɛ.

Yesaia 1:15

Kɛji nyɛhole nyɛniji anɔ nyɛmiisɔle lɛ, mibatsɔ̃ mihiɛ mato afã; nyɛbaasɔle kakadaŋŋ nɛ, shi miboŋ nyɛ toi. Lá ewu nyɛniji ahe tsɔ̃.

Yesaia 1:25

Mikɛ bo baaye, ni mibasere ojwiɛtɛifei lɛ fɛɛ, ni majie omli muji nii fɛɛ mashwie.

Yesaia 1:31

Hewalɔ hewalɛ baatsɔ̃ tamɔ anaanu kpãa; enifeemɔnii baatsɔ̃ lasrɛmi, ni lasrɛmi nɛɛ nɔŋŋ baasɔo anaanu kpãa lɛ naa la, ni mɔ ko bɛ ni aaanyɛ agbe.

Yesaia 27:9

No hewɔ lɛ, kɛji Yakob gbɛlɛ afɔleshãa latɛi lɛ amli tɛi lɛ munyɔmunyɔ tamɔ kaaloo tɛi ni afuflu, ni Ashera wɔŋkoi kɛ tsofakɛŋmashãa latɛi bɛ he ko he ko dɔŋŋ lɛ, no nɔ baatsɔ̃ ni akɛ Yakob tɔ̃mɔ lɛ baafa lɛ, ni no aaatsɔ̃ yibii ni etɔ̃mɔkɛfaa lɛ aaawo ahã lɛ.

Yesaia 28:6

Eeehã kojolɔ lɛ mumɔ ni hãa ayeɔ jalɛ sane; ni eeewo mɛi ni fãa maŋ agbo lɛ he hewalɛ.

Yesaia 9:19

Yehowa, Taiatsɛ lɛ, mlifu lɛ naa lɛ, shikpɔŋ lɛ shã. Maŋbii lɛ tsɔ̃ tamɔ latso ni tsoɔ; mɔ ko mɔ ko yeee buaa enyɛmi.

Yesaia 9:5

Ejaakɛ aspaatre fɛɛ aspaatre ni tabilɔ kɛbaashimɔ shi yɛ ta lɛ mli kɛ atade fɛɛ atade ni lá ewu mli lɛ, akɛbaafee lai ni ashã.

Yeremia 9:6

Yiwalɛ kɛ shishiumɔnii ni amɛfeɔ nɔtoonɔtoo hewɔ lɛ, amɛkpɛlɛ̃ɛɛ akɛ amɛaale mi. Yehowa kɛɛ.

Yāfó 1:9

Ehe muji kpa etadei amli; shi ejwɛŋŋ bɔ ni enaagbee baatamɔ. Eshigbeemɔ lɛ yɛ gbeyei, mɔ ko mɔ ko bɛ ni shɛjeɔ emii! “Ao! Yehowa, kwɛ bɔ ni minaa amanehulu, ejaakɛ henyɛlɔi eye kunim.”

Ezekiel 22:15

Magbɛ omlibii lɛ mashwã jeŋmaji kɛ shikpɔji lɛ anɔ, ni mikɛaatsuu ohe muji lɛ mashwie.

Ezekiel 36:25

Mikɛ nu ni mli tse baashwã nyɛnɔ, ni nyɛhe baatse. Ni matsuu nyɛwɔji ahe muji ni yɔɔ nyɛhe lɛ hu.

Ezekiel 36:29

Majie nyɛ kɛjɛ nɔ fɛɛ nɔ ni woɔ nyɛhe muji lɛ mli; mafã, ni ŋmãa aaaba babaoo, ni mihaŋ nyɛye hɔmɔ ko dɔŋŋ.

Zefania 3:1

Kpoo ha Yerusalɛm, maŋ ni yi wa, maŋ ni lɛ diɛŋtsɛ ebule ehe!

Zakaria 13:1

“Nakai gbi lɛ nɔ lɛ abaagbele nu hiŋmɛi naa ahã David we lɛ kɛ mɛi ni yɔɔ Yerusalɛm lɛ, koni akɛfɔ amɛhe eshai kɛ amɛhe muji ashwie.”

Zakaria 13:9

Nɛkɛ mlijaa etɛ̃ mli ekome ni aaashwɛ nɛɛ lɛ, mikɛ amɛ baawo la mli ni matsuu amɛhe, tamɔ akɛ la tsuɔ jwiɛtɛi he; makpa amɛ shi makwɛ tamɔ akpaa shika shi akwɛɔ lɛ. Amɛaasɔle kɛtsɛ mi, ni mahere amɛ nɔ. Makɛɛ akɛ, ‘Mimɛi ji amɛ,’ ni amɛ hu amɛaakɛɛ akɛ, ‘Yehowa ji wɔNyɔŋmɔ.’ Mi Yehowa, Taiatsɛ, mikɛɛ.”

Maleaki 4:1

Yehowa kɛɛ akɛ, “Naa, gbi ko miiba; ni emli edɔ la tamɔ flɔnɔɔ. Eshishɛɛ lɛ gbɔmɛi fɔ̃ji fɛɛ baatsɔ̃mɔ tamɔ abele gbetselii; ebaashã amɛ bɔ ni eshwɛŋ eko eko shishifã loo tso nine.

Mateo 23:37

“Yerusalɛm, Yerusalɛm, bo ni ogbeɔ gbalɔi lɛ ni otswiaa mɛi ni atsuɔ amɛ oŋɔɔ lɛ atɛi; shii enyiɛ mitao akɛ kulɛ mabua obii anaa tamɔ bɔ ni wuɔ buaa ebii anaa ewoɔ efiji ashishi lɛ, ni nyɛkpɛlɛ̃ɛɛ!