Yesaia 4:3 - ŊMALƐ KRƆŊKRƆŊ LƐ

³ Ni mɔ fɛɛ mɔ ni baashwɛ yɛ Zion, ni eeehi shi yɛ Yerusalɛm lɛ aaatsɛ lɛ mɔ krɔŋkrɔŋ, mɔ fɛɛ mɔ ni aaaŋma egbɛi afata hiɛkãalɔi lɛ ahe yɛ Yerusalɛm lɛ,

Ṅmãle̱ Kroṅkroṅ Le̱

³ Ni aaba mli ake̱ moni ašĩ ye̱ Zion ke̱ moni eſe̱ ye̱ Ierusalem le̱, aatšé̱le̱ mokroṅkroṅ, mofẽmo ni *aṅmã egbe̱i afutu hĩekãloi ateṅ ye̱ Ierusalem le̱: *Luk. 10,20.

Yesaia 4:3 ပူးပေါင်းရင်းမြစ်များ

Lalai 69:28

Hã agbe amɛgbɛii yɛ wala wolo lɛ mli; akaŋmala amɛgbɛii ashi jalɔi anɔ nɔ.

Lalai 87:6

Yehowa aaaŋmala maŋ lɛŋ bii agbɛii ewo woloŋ akɛ Yerusalɛmbii.

Yesaia 1:27

Jalɛ saneyeli ji nɔ ni aaahere Yerusalɛm maŋ lɛ kɛ emli mɛi fɛɛ ni aaashwa amɛhe lɛ ayiwala.

Yesaia 28:5

Nakai gbi lɛ nɔ lɛ Yehowa, Taiatsɛ, aaatsɔ̃ anunyam fɔfɔi kɛ akekre fɛɛfɛo ehã ewebii ni aaashwɛ lɛ.

Yesaia 35:8

Gbɛjegbɛ aaakã jɛi, ni aaatsɛ gbɛ lɛ, “Gbɛ Krɔŋkrɔŋ.” Mɔ ko ni he tseee enyiɛŋ nɔ, ni kwashiai tete eduŋ gbɛ yɛ nɔ.

Yesaia 46:3

“Ao, Yakob shwiei, nyɛ mɛi fɛɛ ni eshwɛ, nyɛboa mi toi. Nyɛ mɛi ni mihiɛ nyɛ kɛjɛ nyɛfɔmɔ mli, ni mikura nyɛ kɛjɛ nyɛhɔŋɔɔ mli beebe,

Yesaia 52:1

Ao Yerusalɛm, ohiɛ atsɛ̃! Ohiɛ atsɛ̃! Teemɔ ohewalɛ lɛ shi! Ao Yerusalɛm, maŋ krɔŋkrɔŋ, wulamɔ kɛ otadei fɛɛfɛji lɛ, ejaakɛ foolɔi kɛ mɛi ni he tseee boteŋ ogboi lɛ mli dɔŋŋ!

Yesaia 6:13

Ni kɛji eshwɛ maŋbii lɛ amlijaa nyɔŋma mli ekome tete yɛ shikpɔŋ lɛ nɔ lɛ, aaaku sɛɛ akpãtã amɛhiɛ. Shi amɛaatsɔ tamɔ tso kpele ni atoo agbee shi ni eshwɛ ekuku yɛ su mli. Tso kuku nɛɛ lɛ dumɔ wu krɔŋkrɔŋ ni.”

Yesaia 60:21

Omaŋ muu lɛ fɛɛ aaafee nɔ ni ja, ni shikpɔŋ lɛ aaatsɔ̃ amɛnɔ kɛya naanɔ, amɛ ji tso ni mitɛo akɛ mi mininenaa nitsumɔ nii koni akɛwo mihiɛ nyam.

Yesaia 62:12

Ni ebaatsɛ amɛ akɛ “Maŋ Krɔŋkrɔŋ, Mɛi ni Yehowa ekpɔ̃ amɛ,” ni bo hu aaatsɛ bo, “Mɔ ni ataoɔ esɛɛgbɛ Maŋ ni akwaŋ lɛ dɔŋŋ.”

Ezekiel 13:9

Mate shi mawo gbalɔi ni naa ninai ni bɛ mli, ni amɛmaleɔ lɛ; amɛhiŋ mimaŋ lɛ gwabɔɔ lɛ mli, ni asaŋ aŋmaŋ amɛgbɛii yɛ Israel we lɛ wolo lɛ mli, ni amɛyiŋ Israel shikpɔŋ lɛ nɔ hu; ni nyɛkɛale akɛ mi, mi ji Nuŋtsɔ Yehowa lɛ.

Ezekiel 43:12

Sɔlemɔ we lɛ he mla nɛ. No ji akɛ, “Gɔŋ lɛ nɔ he ni ema lɛ, kɛ ehewɔ shikpɔŋ fɛɛ ni kã he kɛbɔle lɛ lɛ fɛɛ baafee he ni yɔɔ krɔŋkrɔŋ fe fɛɛ. Naa, Sɔlemɔ we lɛ he mla lɛ nɛ.

Yoel 3:17

“Kɛkɛ lɛ nyɛaana nyɛle akɛ, mi ji Yehowa, nyɛNyɔŋmɔ lɛ. Mihiɔ Zion, migɔŋ krɔŋkrɔŋ lɛ nɔ. Yerusalɛm aaatsɔ̃ maŋ wulu krɔŋkrɔŋ; gbɔi nyɛŋ enɔ amɛye kɔkɔɔkɔ dɔŋŋ.

Obadia 1:17

“Shi mɛi ni aaaje mli lɛ, aaayato maŋ yɛ Zion Gɔŋ lɛ nɔ. Eeetsɔ̃ maŋ krɔŋkrɔŋ, ni Yakob shwiei lɛ anine aaashɛ amɛgbɛfaŋ shikpɔŋ lɛ nɔ ekoŋŋ.

Zakaria 14:2

Ejaakɛ mi, Yehowa, mabua maji lɛ anaa koni amɛte shi amɛwo Yerusalɛm ni amɛkɛ lɛ awu. Amɛbaaŋɔ maŋ lɛ, ni abaashã shĩai lɛ amli nii, ni amɛbaato amɛmli yei lɛ kabonaa. Abaaŋɔ maŋ lɛ mlijaa fã nom, shi mlijaa fã ni baashwɛ lɛ abaashi amɛ yɛ maŋ lɛ mli, afeŋ amɛ nɔ ko.

Maleaki 3:16

Kɛkɛ ni maŋbii lɛ ateŋ mɛi ni sheɔ Yehowa gbeyei lɛ kɛ amɛhe wie. Yehowa bo amɛ toi, ni enu nɔ ni amɛtao. Mɛi fɛɛ ni sheɔ Yehowa gbeyei, ni asaŋ amɛjwɛŋɔ egbɛi lɛ hiɛnyamwoo he lɛ aŋmala amɛgbɛii awo wolo mli koni akɛkai amɛ.

Luka 10:20

Kɛ̃lɛ nyɛkanaa enɛ he miishɛɛ, akɛ mumɔi lɛ baa amɛhe shi amɛhãa nyɛ lɛ; shi moŋ nyɛnaa miishɛɛ akɛ aŋma nyɛgbɛi yɛ ŋwɛi.”

Bɔfoi 13:48

Shi be ni jeŋmajiaŋbii lɛ nu enɛ lɛ amɛna miishɛɛ, ni amɛwo Nyɔŋmɔ wiemɔ lɛ hiɛ nyam, ni mɛi abɔ ni ajie ato naanɔ wala lɛ he ye.

Romabii 11:4

Shi mɛɛ hetoo Nyɔŋmɔ hã lɛ? “Mishwɛ hii akpei kpawo ni kɛ amɛnakutsei kulako shi hãko Baal mihã mihe.”

Romabii 11:5

Nakai nɔŋŋ kɛ̃ amrɔ nɛɛ hu eshwɛ mɛi komɛi yɛ dromɔ halamɔ naa.

Efesobii 1:4

Nyɔŋmɔ nɛɛ, lɛ ehala wɔ yɛ lɛ nɔŋŋ emli dani ato jeŋ shishi, koni wɔfee krɔŋkrɔŋ ni wɔhe akahi kpa ko yɛ ehiɛ.

Filipibii 4:3

Hɛɛ, bo hu miibao, minaanyo sɔ̃ɔlɔ yɛ anɔkwaleŋ, ni oye obua yei nɛɛ; ejaakɛ amɛfata mihe kɛpele Sanekpakpa lɛ he, kɛ Klɛmente hu kɛ minanemɛi nitsulɔi krokomɛi ni amɛgbɛi yɔɔ wala wolo lɛ mli lɛ.

Kolosebii 3:12

No hewɔ lɛ, akɛni Nyɔŋmɔ halamɔbii, mɛi krɔŋkrɔŋi kɛ suɔmɔ mɛi ji nyɛ nɛɛ lɛ, nyɛwoa musuŋtsɔlɛ, mlihilɛ, heshibaa jwɛŋmɔ, kpoofeemɔ, tsuishitoo.

Hebribii 12:14

Nyɛtiua nyɛ kɛ mɛi fɛɛ ateŋ hejɔlɛ sɛɛ kɛ hetsemɔ ni kɛ mɔ ko shi ni enaŋ Nuŋtsɔ lɛ.

1 Petro 2:9

shi nyɛ lɛ, weku ni ahala ji nyɛ, osɔfoi, maŋtsɛmɛi, jeŋmaŋ krɔŋkrɔŋ, maŋ ni ekɛfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ;

Kpojiemɔ 13:8

Ni mɛi fɛɛ ni yɔɔ shikpɔŋ lɛ nɔ lɛ aaaja lɛ. Ja mɔ fɛɛ mɔ ni aŋma egbɛi kɛjɛ jeŋ shishijee yɛ Toobi ni agbe lɛ wala wolo lɛ mli lɛ kɛkɛ.

Kpojiemɔ 17:8

Kooloo lɛ ni ona lɛ be ko mli lɛ eyɛ, shi amrɔ nɛɛ ebɛ, ni ebaajɛ bu kwɔŋkwɔŋ lɛ mli eje kpo kɛya hiɛkpãtãmɔ mli. Ni mɛi ni yɔɔ shikpɔŋ lɛ nɔ ni aŋmako amɛgbɛii yɛ wala wolo lɛ mli kɛjɛ jeŋ shishijee lɛ anaa aaakpɛ amɛhe kɛ amɛna kooloo lɛ akɛ be ko mli lɛ, eyɛ shi amrɔ nɛɛ ebɛ, ni ebaaba lɛ.

Kpojiemɔ 20:15

Ni kɛji mɔ ko yɛ ni anãaa akɛ aŋma egbɛi yɛ wala wolo lɛ mli lɛ, ashɛɔ lɛ afɔ̃ɔ la kpaakpo lɛ mli.

Kpojiemɔ 21:27

Ni nɔ ko nɔ ko ni he tseee kɛ mɔ ni feɔ nihiinii kɛ mɔ ni maleɔ boteŋ mli kwraa akɛ ja mɛi ni aŋma amɛgbɛi yɛ Toobi lɛ wala wolo lɛ mli lɛ kɛkɛ.

Kpojiemɔ 3:5

Kunimyelɔ lɛ aaawo lɛ atadei yɛji, ni migbeŋ egbɛi yɛ wala wolo lɛ mli gbi ko gbi ko, ni magba mli matsi egbɛi tã yɛ miTsɛ hiɛ kɛ ebɔfoi lɛ ahiɛ.