Yesaia 38:3 - ŊMALƐ KRƆŊKRƆŊ LƐ

³ ni ekɛɛ akɛ, “Ao Yehowa, miikpa bo fai, kaimɔ bɔ ni misɔmɔ bo kɛ anɔkwa kɛ mitsuiŋ fɛɛ, ni mifee nɔ ni hi yɛ ohiɛ!” Kɛkɛ ni Hezekia fo blobloblo.

Ṅmãle̱ Kroṅkroṅ Le̱

³ ni ekē̱: Ō Iehowa, mīkpao fai, kaimo̱ bo̱ni minyie ye̱ ohĩe ye̱ ano̱kwale ke̱ *tšui ní eye emū mli, ní mife noni hĩ ye̱ ohĩe le̱! Ni Hezekia fó babaō dientše̱. *2 Maṅ. 18,3-6.

Yesaia 38:3 ပူးပေါင်းရင်းမြစ်များ

1 Mose 17:1

Be ni Abram eye afii nyɔŋmai nɛɛhu kɛ nɛɛhu lɛ, Yehowa jie ehe kpo etsɔ̃ɔ lɛ, ni ekɛɛ lɛ akɛ, “Mi ji Nyɔŋmɔ Ofe lɛ, ba ojeŋ yɛ mihiɛ koni shwamɔ ko akahi ohe.

1 Mose 6:9

Mɛnɛɛmɛi ji Noa shwiei lɛ. Noa ji jalɔ ni eye emuu yɛ eyinɔbii lɛ ateŋ; ni efeɔ Nyɔŋmɔ suɔmɔnaanii.

1 Maŋtsɛmɛi 15:14

Yɛ mli akɛ Asa fiteee jamɔhei grɔŋŋi lɛ moŋ nɛ, shi kɛ̃lɛ eye Yehowa anɔkwa ewala bei abɔ fɛɛ.

1 Maŋtsɛmɛi 2:4

Kɛkɛ lɛ shi ni Yehowa wo mi lɛ baaba mli. No ji, ‘Kɛji oshwiei lɛ kɛ amɛtsui fɛɛ kɛ amɛsusuma fɛɛ aaaba amɛjeŋ yɛ mihiɛ, ni amɛaaye mi anɔkwa lɛ, no lɛ nuu ni aaaye maŋtsɛ yɛ Israel ebɔŋ bo.’

2 Maŋtsɛmɛi 18:3

Ni efee nɔ ni ja yɛ Yehowa hiɛ tamɔ bɔ ni eblematsɛ David fee lɛ pɛpɛɛpɛ.

1 Kronika 28:9

“Ni bo, mibi Solomon, ole otsɛ ni ji Nyɔŋmɔ lɛ; osɔ̃mɔ lɛ kɛ otsuiŋ fɛɛ, asaŋ ojie oyitsoŋ fɛɛ hu ni okɛsɔ̃mɔ lɛ! Ejaakɛ Yehowa taoɔ adesã tsuiŋ fɛɛ, ni ele eyitsoŋ fɛɛ. Kɛji otao esɛɛgbɛ lɛ eeehã ona lɛ; shi kɛji okwa lɛ lɛ, eeeshɛ bo efɔ̃ kɛya naanɔ.

1 Kronika 29:19

Dromɔ mibi Solomon koni ekɛ etsui fɛɛ aye okitãi kɛ okpɔi kɛ owiemɔi fɛɛ anɔ koni emã Sɔlemɔtsu lɛ ni misaa ehe nibii mito lɛ.”

1 Kronika 29:9

Agbɛnɛ maŋ muu lɛ fɛɛ nya yɛ nii ni amɛkɛke yɛ tsuijurɔ naa lɛ hewɔ. Ejaakɛ amɛjɛ amɛtsuiiaŋ amɛkɛ nii ke Yehowa, ni Maŋtsɛ David hu nya naakpa.

2 Kronika 16:9

Yehowa, ehiŋmɛi kã je lɛ fɛɛ he, ni ehãa mɛi fɛɛ ni yeɔ lɛ anɔkwa kɛ amɛtsui fɛɛ lɛ naa hewalɛ. Oye kwashiai asane pam, ni no hewɔ lɛ, kɛjɛ kɛyaa nɛɛ lɛ, taitai sɔŋŋ ahe obaakã.”

2 Kronika 25:2

Eba ejeŋ bɔ ni Yehowa taoɔ, shi jeee kɛ etsuiŋ fɛɛ.

Ezra 10:1

Shi be mli ni Ezra sɔleɔ ekpaa fai ni ekɛ ehe tswiaa shi yɛ Nyɔŋmɔ We lɛ hiɛ, ni ejajeɔ eshai ni Israel efee lɛ, Israelbii lɛ ateŋ mɛi babaoo diɛŋtsɛ, hii kɛ yei kɛ gbekɛbii, babua amɛhe naa kɛbɔle lɛ. Amɛmiifo blobloblo.

Nehemia 1:4

Be ni minu wiemɔ nɛɛ miho mita shi, ni mifo. “Miye ŋkɔmɔ gbii abɔ, ni mihi ŋmãa. Misɔle mikpa Nyɔŋmɔ fai,

Nehemia 13:14

MiNyɔŋmɔ, kaimɔ mi yɛ enɛ hewɔ, ni ohiɛ akakpa nitsumɔi kpakpai ni mitsu yɛ owe lɛ kɛ emli sɔ̃ɔmɔ ahe lɛ anɔ.

Nehemia 13:22

Kɛkɛ ni mifã Levibii lɛ akɛ amɛtsuu amɛhe koni amɛba amɛbabu agboi lɛ anaa, bɔ ni afee ni afee hejɔɔmɔ gbi lɛ krɔŋkrɔŋ. MiNyɔŋmɔ, kaimɔ mi yɛ enɛ hu hewɔ koni okɛ mihe eshai afa mi yɛ osuɔmɔ ni fa lɛ hewɔ.

Nehemia 13:31

Ni mito gbɛjianɔ mihã be ni akɛ afɔleshãa lai kɛ klɛŋklɛŋ yelitso yibii aba. MiNyɔŋmɔ, kaimɔ mi ni ahi ahã mi.

Nehemia 5:19

MiNyɔŋmɔ, nibii fɛɛ ni mifee mihã nɛkɛ maŋ nɛɛ hewɔ lɛ, kaimɔ mi ni ahi ahã mi.

Lalai 101:2

Mikɛ nilee baaba mijeŋ koni shwamɔ ko akahi mihe. Te be ni manyɛ enɛ he mashɛ hu? Mikɛ tsui krɔŋŋ aaaba mijeŋ yɛ miwe lɛŋ.

Lalai 102:9

Ejaakɛ lamlu etsɔ̃ miniyenii tamɔ aboloo; ni midãa lɛ mikɛ yaafonu futuɔ mli,

Lalai 119:80

Kaahã kpa ko miihi mitsui mli yɛ omlai lɛ agbɛfaŋ, koni mihiɛ akashwie shi.

Lalai 16:8

Mikɛ Yehowa ema mihiɛ daa; akɛni eyɔɔ mininejurɔ nɔ nɛɛ, mididaŋ.

Lalai 26:3

ejaakɛ osuɔmɔ ni tsakeee lɛ yɛ mihiɛ be fɛɛ be, ni minyiɛɔ yɛ onɔkwale lɛ mli.

Lalai 32:2

Ajɔɔ mɔ ni Yehowa enaaa nɔ sha ko yɛ ehe; ni ebɛ mɔlakamɔ mumɔ lɛ.

Lalai 6:6

Etɔ mi kɛ kɛ̃ɛmɔ; mifɔɔ misaa tsɔtsɔɔtsɔ daa nyɔɔŋ kɛ yaafonu.

Lalai 6:8

Nyɛjea minɔ nyɛyaa, nyɛ mɛi fɛɛ ni nyɛtsuɔ nifɔɔjianii lɛ; ejaakɛ Yehowa enu miyaafo gbee lɛ.

Yesaia 38:2

Kɛkɛ ni Hezekia tsɔ̃ ehiɛ eha gbogbo lɛ, ni esɔle ekpa Yehowa fai,

Yesaia 38:4

Kɛkɛ ni Yehowa kɛɛ Yesaia akɛ,

Hosea 12:4

Yakob kɛ bɔfo lɛ nɔ, ni eye kunim; efo etsɔ̃ɔ bɔfo lɛ ni ebi edɛŋ jɔɔmɔ. Yakob kɛ Nyɔŋmɔ kpe yɛ Betel, ni jɛi Nyɔŋmɔ kɛ lɛ wie yɛ.

Yohane 1:47

Yesu na Natanael miiba eŋɔɔ, ni ekɛɛ yɛ ehe akɛ, “Naa anɔkwa Israelnyo, mɔ mli ni apasa bɛ lɛ.”

2 Korintobii 1:12

Shi wɔshwãa lɛ nɛ: wɔhenilee odase ni eyeɔ wɔ akɛ hetsemɔ kɛ tsui krɔŋŋ yɛ Nyɔŋmɔ hiɛ wɔkɛba wɔjeŋ yɛ je nɛɛ mli, titri lɛ yɛ wɔkɛ nyɛteŋ shihilɛ mli, ni jeee heloo gbɛfãŋ nilee naa, shi moŋ Nyɔŋmɔ dromɔ naa.

5 Mose 6:18

ni nyɛfea nɔ ni ja ni hi hu, bɔ ni afee ni ahi ahã nyɛ koni nyɛya nyɛyaŋɔ shikpɔŋ kpakpa ni Yehowa wo nyɛtsɛmɛi lɛ he shi lɛ,

Hebribii 5:7

Kristo lɛ, be ni eyɔɔ shikpɔŋ nɛɛ nɔ lɛ ekɛ blɔmɔ ni naa wa kɛ yaafonui ŋɔ sɔlemɔi kɛ faikpamɔi ehã mɔ ni baanyɛ eyiwala ahere kɛjɛ gbele mli lɛ, tamɔ afɔle, ni eNyɔŋmɔ gbeyeishemɔ hewɔ lɛ abo lɛ toi.

Hebribii 6:10

Ejaakɛ Nyɔŋmɔ jeee mɔ ni yeɔ sane ni ejaaa ni ehiɛ aaakpa nyɛnitsumɔ lɛ nɔ kɛ suɔmɔ ni nyɛjie kpo yɛ egbɛi lɛ hewɔ, ni nyɛkɛsɔ̃mɔ mɛi krɔŋkrɔŋi lɛ, ni nyɛsaa nyɛsɔ̃mɔɔ amɛ lolo lɛ.