Yesaia 3:9 - ŊMALƐ KRƆŊKRƆŊ LƐ

⁹ Amɛmɛiahiɛiaŋkwɛmɔ baaye odase eshi amɛ. Eshai ni amɛfeɔ lɛ amɛkɛteee, shi moŋ amɛkɛshwãa tamɔ Sodom fee lɛ. Kpoo hã amɛ! Ejaakɛ amɛfee amɛ diɛŋtsɛ nɔŋŋ amɛhe efɔŋ.

Ṅmãle̱ Kroṅkroṅ Le̱

⁹ Ame̱hĩe su yeo̱ odase šio̱ame̱, ni ame̱gbaä amehe ešai hũ tamo Sodom, ame̱ke̱-tēē. Kpóo hã ame̱susuma! edšake̱ *amefe ame̱dientše̱ amehe efõṅ. *Hos. 13,9.

Yesaia 3:9 ပူးပေါင်းရင်းမြစ်များ

1 Mose 13:13

Shi Sodombii lɛ yiwalɔi ji amɛ, ni amɛfeɔ esha amɛshiɔ Yehowa.

1 Mose 19:34

Enɔ jetsɛremɔ leebi lɛ biyoo nukpa lɛ kɛɛ enyɛmi gbekɛ lɛ akɛ, “Naa, nyɛ nyɔɔŋ lɛ mikɛ mitsɛ yawɔ; hã ni wɔhã lɛ wain enu gbɛkɛ nɛɛ hu koni bo hu oya okɛ lɛ ayawɔ koni wɔkɛ wɔtsɛ afɔ bii.”

1 Mose 4:5

shi ehiɛ esɔɔɔ Kain kɛ efɔle lɛ. No hewɔ lɛ, Kain mli wo la naakpa, ni etũ ehiɛ.

2 Maŋtsɛmɛi 9:30

Yehu ba Yezreel. Be ni Yezebel nu he lɛ, ediki ehiŋmɛii asɛɛ, ni ehɔ eyi fɛɛfɛo, ni eyabu samflɛ naa, ni eekwɛ gbɛjegbɛ lɛ nɔ.

Lalai 10:4

Mɔ fɔŋ hewoo mli lɛ etaooo Yehowa sɛɛgbɛ; eyiŋ fɛɛ lɛ, “Nyɔŋmɔ ko bɛ.”

Abe̱i 15:32

Mɔ ni booo tsɔsemɔ toi lɛ, egbeɔ lɛ diɛŋtsɛ ehe guɔ; shi mɔ ni boɔ kãmɔ toi lɛ, enaa niiashishinumɔ.

Abe̱i 30:13

Mɛi komɛi yɛ ni woɔ amɛhe nɔ; lɛɛlɛŋ amɛsusuɔ akɛ gbɔmɛi wuji ji amɛ.

Abe̱i 8:36

Shi mɔ ni nine shɛɛɛ minɔ lɛ, eeye lɛ diɛŋtsɛ esusuma awui. Mɛi fɛɛ ni nyɛɔ mi lɛ, amɛmiisumɔ gbele.”

Yesaia 1:10

Nyɛ Sodom maŋnɔyelɔi, nyɛboa Yehowa wiemɔ toi; ni nyɛ Gomorabii, nyɛboa nɔ ni wɔNyɔŋmɔ lɛ yɔɔ nyɛ tsɔ̃ɔmɔ toi.

Yesaia 3:16

Yehowa kɛɛ akɛ, “Yerusalɛm yei lɛ woɔ amɛhe, amɛtsĩaa kɛ amɛkuɛkuumɔ kɛ ahoshwibɔɔ hiŋmɛii kɛ amɛnanetalɔŋ gai ni miigbɛɛ.

Yesaia 57:20

Shi mɛi fɔ̃ji lɛ amɛtamɔ ŋshɔ ni efee hamahama, ejaakɛ enyɛɛɛ eŋmɛ dɛmm, ni ŋshɔkei lɛ loɔ muji kɛ ŋmɔtɔ ebubuaa shi.

Yesaia 59:12

“Nuŋtsɔ, wɔtɔ̃mɔi lɛ fa tsɔ yɛ ohiɛ, ni wɔhe eshai lɛ yeɔ odase shiɔ wɔ, ejaakɛ wɔtɔ̃mɔi lɛ jwere wɔhiɛ, ni wɔnishaianii lɛ hu wɔle fɛɛ.

Yeremia 2:19

Bo diɛŋtsɛ onifɔɔjianii lɛ baagbala otoi, ni kwamɔ ni okwa mi lɛ baabu bo fɔ. Na ole, ni oyoo akɛ kwamɔ ni okwa mi, Yehowa, oNyɔŋmɔ lɛ, nɔ fɔŋ ni, ni ebaajoo ehã bo. Mihe gbeyeishemɔ bɛ omli. Mi, Nuŋtsɔ Nyɔŋmɔ, Taiatsɛ, mikɛɛ.”

Yeremia 3:3

No hewɔ ni atsi nunɛmɔ naa; ni gbo nu enɛɛɛ nɛɛ; shi ohiɛ yoo ajwamãŋ hiŋmɛi lolo, ni ohiɛ gbooo he.

Yeremia 6:15

Kɛji amɛfee nihiinii lɛ, ani amɛhiɛ gboɔ he? Dabida, amɛhiɛ gbooo he ekome folo nɛkɛ; amɛhiɛgbele tɔ ejwa. No hewɔ lɛ, be mli ni mibagbala miwebii lɛ atoi lɛ, amɛbaafata mɛi ni baanyɔnyɔi lɛ ahe. No baafee amɛnaagbee. Mi, Yehowa, mikɛɛ.”

Yeremia 8:12

Ani kɛji amɛfee musubɔɔnii lɛ, efeɔ amɛ hiɛgbele? Dabida! Efeee amɛ hiɛgbele kome folo nɛkɛ, ejaakɛ amɛhiɛgbele tɔ ejwa. Be mli ni mibagbala amɛtoi lɛ, abaabutu amɛ, ni amɛbaafata mɛi ni baanyɔnyɔi lɛ ahe. Mi, Yehowa, mikɛɛ.”

Yāfó 5:16

Wɔnunyam akekre eje wɔyitso egbee shi. Kpoo hã wɔ! Ejaakɛ wɔfee esha.

Ezekiel 16:30

Bɔ ni Nuŋtsɔ Yehowa kɛɛ nɛ, “Kwɛ bɔ ni akɔnɔ eyi otsuiŋ obɔ̃, ni okɛbɔɔ ajwamãŋ, ni ohiɛ gbooo he;

Ezekiel 16:49

Naa, efɔŋ ni onyɛmi yoo ni ji Sodom fee lɛ ji akɛ ekɛ ebiyei lɛ woɔ amɛhe, ejaakɛ amɛyɛ ŋmãa babaoo ni amɛyɛ toiŋjɔlɛ hu, shi amɛyeee amɛbuaaa ohiafoi kɛ mɛi ni efi amɛ.

Ezekiel 23:16

Be ni ena amɛfonirii lɛ nɔŋŋ lɛ ehiɛ kɔ̃ amɛnɔ, ni etsu bɔfoi kɛtee lumɛi nɛɛ aŋɔɔ yɛ Babilon.

Daniel 7:20

Mitao hu akɛ male aklontoi nyɔŋma ni mamɔ kooloo lɛ yitso he lɛ ahe sane. Mitao hu akɛ male aklonto kome lɛ nɔ ni fã kpo, ni be ni eje kpo lɛ efãmɔ aklontoi lɛ ateŋ etɛ̃ kɛ amɛshishifãi fɛɛ eshwie lɛ hu he sane. Lɛ eyɔɔ hiŋmɛii, ni eyɛ naabu, ni ekɛwieɔ wiemɔi agboiagboi tamɔ nɔ ni efe aklontoi krokomɛi lɛ fɛɛ lɛ.

Hosea 13:9

“Kwɛ, Israel! Mibakpãtã ohiɛ; ni namɔ aaanyɛ oyiwala ahere?

Hosea 5:5

Israel shwãa nii lɛ miiye odase moŋ eeshi lɛ nɔŋŋ. Israel kɛ Efraim hiɛ baakpãtã, ni Yuda hu kɛ amɛ fɛɛ hiɛ baakpãtã.

Romabii 6:23

Ejaakɛ esha dɛŋ nyɔmɔwoo lɛ gbele ni; shi Nyɔŋmɔ dromɔ keenɔ lɛ naanɔ walaŋ yɛ Yesu Kristo, wɔNuŋtsɔ lɛ, mli.

Kpojiemɔ 11:8

ni amɛgbohii lɛ aaajwere maŋ kpeteŋkple lɛ blohu lɛ mli, maŋ ni atsɛɔ lɛ yɛ mumɔ mli akɛ Sodom kɛ Ijipt lɛ, he ni asɛŋ amɛNuŋtsɔ lɛ yɛ lɛ.

1 Samuel 15:32

Kɛkɛ ni Samuel kɛɛ akɛ, “Nyɛkɛ Agag, Amalekbii amaŋtsɛ lɛ abaa miŋɔɔ.” Agag bashɛ Samuel hiɛ kɛ ehiɛ miishɛɛmiishɛɛ, ni ekɛɛ yɛ eyitsoŋ akɛ, “Ekã shi faŋŋ akɛ benɛ ejie gbele sane yɛ eyiŋ.”