Yesaia 3:8 - ŊMALƐ KRƆŊKRƆŊ LƐ

⁸ Ejaakɛ Yerusalɛm ejwa, ni Yuda hu egbee shi, ejaakɛ amɛdaaŋ wiemɔ kɛ amɛnifeemɔnii fɛɛ tsɔ̃ɔ akɛ amɛte shi amɛwo Yehowa, ni amɛhiɛ eshwieee ehiɛiaŋ tete.

Ṅmãle̱ Kroṅkroṅ Le̱

⁸ Ši Ierusalem edſa, ni Iuda hũ ebutu, edšake̱ ame̱ke̱ ame̱lile̱i ke̱ ame̱nifemo̱nii ete ši ewo Iehowa, koni ame̱tše enumnyam hĩṅme̱ii le̱ ahĩe atũa.

Yesaia 3:8 ပူးပေါင်းရင်းမြစ်များ

2 Kronika 28:18

Nakai be lɛ mli nɔŋŋ lɛ Filistibii lɛ ebatua Yuda maji ni yɔɔ Yuda anaigbɛ gɔji lɛ ahiɛshi lɛ kɛ agbɛnɛ ewuoyigbɛ maji lɛ hu. Amɛshɔ̃shɔ̃ɔ̃ maji nɛɛ, Bet-Shemesh kɛ Ayalon kɛ Gederot kɛ Soko kɛ ehe akrowai lɛ, kɛ Timna kɛ ehe akrowai lɛ, kɛ Gimzo hu kɛ ehe akrowai lɛ, ni amɛbahi maji nɛɛ amli kwraa.

2 Kronika 33:11

No hewɔ lɛ, Yehowa hã Asiria maŋtsɛ tatsɛmɛi lɛ fã ta kɛba, ni amɛbatua Yuda. Amɛmɔ Manase, ni amɛkɛ kpoŋ lala lɛ, ni amɛwo lɛ akɔɔble gboklɛ, ni amɛkpala lɛ kɛtee Babilon.

Abe̱i 26:27

Mɔ ni kɛ yiŋtoo fɔŋ tsaa bu lɛ, lɛ nɔŋŋ eeegbee mli; ni mɔ ni kɛ yiŋsha kokloɔ tɛ lɛ, lɛ nɔŋŋ enɔ tɛ lɛ aaaku sɛɛ agbee.

Yesaia 1:7

Nyɛjaku shikpɔŋ lɛ kã shi amaŋfɔ̃, ni amãmɔ nyɛmaji wuji lɛ anaa la ashãshãai. Gbɔi miiye nyɛshikpɔŋ lɛ nɔ nii yɛ nyɛhiɛ; amɛbutu nyɛshikpɔŋ lɛ, ni amɛhã etsɔ̃ amaŋfɔ̃.

Yesaia 49:19

“Eyɛ mli akɛ afite oshikpɔŋ lɛ, ni afee lɛ amaŋfɔ̃ moŋ nɛ, shi agbɛnɛ, mɛi baaba omli aahu bɔ ni onaŋ gbɛ ohã amɛ; ni mɛi ni ha afee bo amaŋfɔ̃ lɛ kɛ bo teŋ aaajekɛ shɔŋŋ.

Yesaia 57:4

Namɛi ahe fɛo nyɛyeɔ lɛ. Namɛi nyɛgbɛɔ nyɛdaaŋ hatoo nyɛwoɔ, ni nyɛliɔ lɛ? Ani jeee toigbolɔi kɛ amalelɔi ashwiei ji nyɛ lo?

Yesaia 59:3

Ejaakɛ nyɛkɛ lá ebule nyɛniji, ni nyɛkɛ nishaianii ebule nyɛwaobii; nyɛnaabu wieɔ amale wiemɔi, kutumpɔo wiemɔi ji nɔ ni kã nyɛlilɛi nɔ.

Yesaia 6:11

Kɛkɛ ni mikɛɛ akɛ, “Ao, Nuŋtsɔ, kɛyaashi mɛɛ beyinɔ?” Eto he akɛ, “Kɛyaashi beyinɔ ni maji lɛ aaatsɔ̃mɔ amaŋfɔ̃i ni adesa ko bɛ amɛmli, ni shĩai lɛ aaajwere shi efoji ni gbɔmɛi bɛ mli, ni shikpɔŋ lɛ aaatsɔ̃ amaŋfɔ̃ kwraa.

Yesaia 9:17

No hewɔ lɛ, Nuŋtsɔ lɛ naŋ amɛblahii lɛ ahe miishɛɛ, ni emusuŋ etsɔŋ lɛ yɛ amɛwusãi kɛ amɛkulafoi lɛ ahe. Ejaakɛ amɛteŋ mɔ fɛɛ mɔ lɛ, ebɛ Nyɔŋmɔ gbeyeishemɔ, ni asaŋ efɔŋfeelɔ ni, ni mɔ fɛɛ mɔ wieɔ kwashiai awiemɔ. Kɛ̃lɛ fɛɛ sɛɛ lɛ Yehowa mlifu lɛ ejɔŋ; etoigbalamɔ nine lɛ ekpã mli lolo.

Yeremia 23:36

Wiemɔ ni ji ‘Yehowa jatsu’ lɛ, ekaje mɔ ko naa kwraa dɔŋŋ, ejaakɛ no etsɔ̃ mɛi fɛɛ adaaŋ kotsa, ejaakɛ nyɛtsɔ̃ Nyɔŋmɔ hiɛkãalɔ, ni ji Yehowa, Taiatsɛ, wɔNyɔŋmɔ, lɛ wiemɔi lɛ ahiɛ nyɛbu shi.

Yeremia 26:18

“Be ko lɛ Mika ni jɛ Moreshet lɛ gba yɛ Yuda Maŋtsɛ Hezekia yinɔ, ni ekɛɛ Yudabii fɛɛ akɛ, ‘Nɔ ni Yehowa, Taiatsɛ lɛ, kɛɛ ji,’ ‘Abaahu Zion tamɔ ahuɔ ŋmɔ, Yerusalɛm baatsɔ̃ koikoi, ni Sɔlemɔ we lɛ gɔŋ lɛ baatsɔ̃ koo ni etsa sulaŋŋ.’

Yeremia 26:6

hewɔ lɛ mafee Sɔlemɔ we nɛɛ tamɔ mifee Shilo lɛ, ni mahã maŋ nɛɛ atsɔ̃ loomɔ nɔ̃ ahã shikpɔŋ lɛ nɔ maji fɛɛ.’ ”

Yeremia 4:13

Naa, henyɛlɔ lɛ efã kɛmiiba tamɔ atatu; etayaa shwiilii lɛ tamɔ lasuogbele; ni ekpɔŋɔi lɛ ahe yɛ oya fe okropɔŋ. Kpoo hã wɔ. Wɔhiɛ ekpãtã!

Yeremia 44:3

yɛ nifɔɔjianii ni amɛfee amɛkɛwo mimli la lɛ hewɔ. Ejaakɛ amɛtee, ni amɛyashãshãa tsofakɛŋma, ni amɛsɔ̃mɔ nyɔŋmɔi ni amɛ kɛ nyɛ kɛ nyɛtsɛmɛi lɛ fɛɛ leee.

Yāfó 1:9

Ehe muji kpa etadei amli; shi ejwɛŋŋ bɔ ni enaagbee baatamɔ. Eshigbeemɔ lɛ yɛ gbeyei, mɔ ko mɔ ko bɛ ni shɛjeɔ emii! “Ao! Yehowa, kwɛ bɔ ni minaa amanehulu, ejaakɛ henyɛlɔi eye kunim.”

Ezekiel 8:12

Agbɛnɛ ekɛɛ mi akɛ, “Gbɔmɔ Adesa, oona nɔ ni Israel we lɛ onukpai lɛ feɔ yɛ dujiaŋ akɛ mɔ fɛɛ mɔ miija amãgãi yɛ esɛɛtsu mli lo? Nɔ ni amɛkɛɔ ji akɛ, ‘Yehowa enaaa wɔ. Yehowa ekwa shikpɔŋ lɛ.’ ”

Ezekiel 9:9

Kɛkɛ ni Nyɔŋmɔ kɛɛ mi akɛ, “Israel kɛ Yuda efee esha kpele, ni shikpɔŋ lɛ nɔ eyi obɔ̃ tɔ kɛ lashishwiemɔ, ni toikɔdɔmɔ saneyeli hu eyi maŋ lɛ mli obɔ̃; ejaakɛ amɛkɛɔ akɛ, ‘Yehowa ekwa shikpɔŋ lɛ, ni Yehowa enaaa wɔ.’

Hosea 5:5

Israel shwãa nii lɛ miiye odase moŋ eeshi lɛ nɔŋŋ. Israel kɛ Efraim hiɛ baakpãtã, ni Yuda hu kɛ amɛ fɛɛ hiɛ baakpãtã.

Hosea 7:16

Amɛkã he amɛmiija Baal lolo, ni amɛtsɔ̃ tamɔ gãitso ni waaa. Naafuu wiemɔi ni amɛlumɛi lɛ wieɔ lɛ ahewɔ lɛ, amɛaanyɔnyɔi yɛ klante naa. Ni enɛ aaatsɔ̃ nɔ ni akɛaaye amɛhe fɛo yɛ Ijipt shikpɔŋ lɛ nɔ.”

Mika 3:12

No hewɔ lɛ, yɛ nyɛhewɔ lɛ, aaatsa Zion ashwie shi tamɔ atsaa ŋa akɛfeɔ ŋmɔ. Yerusalɛm aaatsɔ̃ tsu koi ni bua shi tamɔ gɔŋ, ni Sɔlemɔ we lɛ gɔŋ lɛ nɔ aaatsa atsɔ̃ koo hayii.

Mika 6:12

Niiatsɛmɛi ni yɔɔ nyɛteŋ lɛ shishiuɔ ohiafoi lɛ; ni nyɛ fɛɛ lɛ amalelɔi ji nyɛ.

Habakuk 1:13

Shi te aaafe tɛŋŋ ni okwɛ ni efɔŋ aya nɔ hu? Ohiŋmɛi yɛ krɔŋŋ tsɔ̃ fe bɔ ni okɛaakwɛ koni nifɔɔjianii aya nɔ. No hewɔ lɛ, mɛɛba ni ofee dioo be mli ni efɔŋfeelɔi kpãtãa mɛi ni hi fe amɛ hiɛ?

1 Korintobii 10:22

Aloo wɔmiifee ni Nuŋtsɔ lɛ aye awuŋã? Ani wɔhe wa fe lɛ?

Yuda 1:15

ni ebakojo mɛi fɛɛ, ni ekã mɛi ni sheee Nyɔŋmɔ gbeyei lɛ fɛɛ yɛ amɛnitsumɔ ni Nyɔŋmɔ gbeyeishemɔ bɛ mli fɛɛ kɛ wiemɔi ni wawai fɛɛ ni eshafeelɔi Nyɔŋmɔkwalɔi ewie yɛ ehe lɛ he.”